| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮-੧੦. ਕਕੁਧਸੁਤ੍ਤਾਦਿવਣ੍ਣਨਾ
8-10. Kakudhasuttādivaṇṇanā
੯੯. ਅਟ੍ਠਮੇ ਕਕੁਧੋ ਦੇવਪੁਤ੍ਤੋਤਿ ਅਯਂ ਕਿਰ ਕੋਲਨਗਰੇ ਮਹਾਮੋਗ੍ਗਲ੍ਲਾਨਤ੍ਥੇਰਸ੍ਸ ਉਪਟ੍ਠਾਕਪੁਤ੍ਤੋ ਦਹਰਕਾਲੇਯੇવ ਥੇਰਸ੍ਸ ਸਨ੍ਤਿਕੇ વਸਨ੍ਤੋ ਝਾਨਂ ਨਿਬ੍ਬਤ੍ਤੇਤ੍વਾ ਕਾਲਙ੍ਕਤੋ, ਬ੍ਰਹ੍ਮਲੋਕੇ ਉਪ੍ਪਜ੍ਜਿ। ਤਤ੍ਰਾਪਿ ਨਂ ਕਕੁਧੋ ਬ੍ਰਹ੍ਮਾਤ੍વੇવ ਸਞ੍ਜਾਨਨ੍ਤਿ। ਨਨ੍ਦਸੀਤਿ ਤੁਸ੍ਸਸਿ। ਕਿਂ ਲਦ੍ਧਾਤਿ ਤੁਟ੍ਠਿ ਨਾਮ ਕਿਞ੍ਚਿ ਮਨਾਪਂ ਲਭਿਤ੍વਾ ਹੋਤਿ, ਤਸ੍ਮਾ ਏવਮਾਹ। ਕਿਂ ਜੀਯਿਤ੍ਥਾਤਿ ਯਸ੍ਸ ਹਿ ਕਿਞ੍ਚਿ ਮਨਾਪਂ ਚੀવਰਾਦਿવਤ੍ਥੁ ਜਿਣ੍ਣਂ ਹੋਤਿ, ਸੋ ਸੋਚਤਿ, ਤਸ੍ਮਾ ਏવਮਾਹ। ਅਰਤੀ ਨਾਭਿਕੀਰਤੀਤਿ ਉਕ੍ਕਣ੍ਠਿਤਾ ਨਾਭਿਭવਤਿ। ਅਘਜਾਤਸ੍ਸਾਤਿ ਦੁਕ੍ਖਜਾਤਸ੍ਸ, વਟ੍ਟਦੁਕ੍ਖੇ ਠਿਤਸ੍ਸਾਤਿ ਅਤ੍ਥੋ। ਨਨ੍ਦੀਜਾਤਸ੍ਸਾਤਿ ਜਾਤਤਣ੍ਹਸ੍ਸ। ਅਘਨ੍ਤਿ ਏવਰੂਪਸ੍ਸ ਹਿ વਟ੍ਟਦੁਕ੍ਖਂ ਆਗਤਮੇવ ਹੋਤਿ । ‘‘ਦੁਕ੍ਖੀ ਸੁਖਂ ਪਤ੍ਥਯਤੀ’’ਤਿ ਹਿ વੁਤ੍ਤਂ। ਇਤਿ ਅਘਜਾਤਸ੍ਸ ਨਨ੍ਦੀ ਹੋਤਿ, ਸੁਖવਿਪਰਿਣਾਮੇਨ ਦੁਕ੍ਖਂ ਆਗਤਮੇવਾਤਿ ਨਨ੍ਦੀਜਾਤਸ੍ਸ ਅਘਂ ਹੋਤਿ। ਅਟ੍ਠਮਂ।
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
੧੦੦. ਨવਮਂ વੁਤ੍ਤਤ੍ਥਮੇવ। ਨવਮਂ।
100. Navamaṃ vuttatthameva. Navamaṃ.
੧੦੧. ਦਸਮੇ ਆਨਨ੍ਦਤ੍ਥੇਰਸ੍ਸ ਅਨੁਮਾਨਬੁਦ੍ਧਿਯਾ ਆਨੁਭਾવਪ੍ਪਕਾਸਨਤ੍ਥਂ ਅਞ੍ਞਤਰੋਤਿ ਆਹ। ਦਸਮਂ।
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
ਦੁਤਿਯੋ વਗ੍ਗੋ।
Dutiyo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੮. ਕਕੁਧਸੁਤ੍ਤਂ • 8. Kakudhasuttaṃ
੯. ਉਤ੍ਤਰਸੁਤ੍ਤਂ • 9. Uttarasuttaṃ
੧੦. ਅਨਾਥਪਿਣ੍ਡਿਕਸੁਤ੍ਤਂ • 10. Anāthapiṇḍikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā)
੮. ਕਕੁਧਸੁਤ੍ਤવਣ੍ਣਨਾ • 8. Kakudhasuttavaṇṇanā
੯. ਉਤ੍ਤਰਸੁਤ੍ਤવਣ੍ਣਨਾ • 9. Uttarasuttavaṇṇanā
੧੦. ਅਨਾਥਪਿਣ੍ਡਿਕਸੁਤ੍ਤવਣ੍ਣਨਾ • 10. Anāthapiṇḍikasuttavaṇṇanā
