| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. ককুধসুত্তং
8. Kakudhasuttaṃ
৯৯. এৰং মে সুতং – একং সমযং ভগৰা সাকেতে ৰিহরতি অঞ্জনৰনে মিগদাযে। অথ খো ককুধো দেৰপুত্তো অভিক্কন্তায রত্তিযা অভিক্কন্তৰণ্ণো কেৰলকপ্পং অঞ্জনৰনং ওভাসেত্ৰা যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং অট্ঠাসি। একমন্তং ঠিতো খো ককুধো দেৰপুত্তো ভগৰন্তং এতদৰোচ – ‘‘নন্দসি, সমণা’’তি? ‘‘কিং লদ্ধা, আৰুসো’’তি? ‘‘তেন হি, সমণ, সোচসী’’তি? ‘‘কিং জীযিত্থ, আৰুসো’’তি? ‘‘তেন হি, সমণ, নেৰ নন্দসি ন চ 1 সোচসী’’তি? ‘‘এৰমাৰুসো’’তি।
99. Evaṃ me sutaṃ – ekaṃ samayaṃ bhagavā sākete viharati añjanavane migadāye. Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto bhagavantaṃ etadavoca – ‘‘nandasi, samaṇā’’ti? ‘‘Kiṃ laddhā, āvuso’’ti? ‘‘Tena hi, samaṇa, socasī’’ti? ‘‘Kiṃ jīyittha, āvuso’’ti? ‘‘Tena hi, samaṇa, neva nandasi na ca 2 socasī’’ti? ‘‘Evamāvuso’’ti.
কচ্চি তং একমাসীনং, অরতী নাভিকীরতী’’তি॥
Kacci taṃ ekamāsīnaṃ, aratī nābhikīratī’’ti.
‘‘অনঘো ৰে অহং যক্খ, অথো নন্দী ন ৰিজ্জতি।
‘‘Anagho ve ahaṃ yakkha, atho nandī na vijjati;
অথো মং একমাসীনং, অরতী নাভিকীরতী’’তি॥
Atho maṃ ekamāsīnaṃ, aratī nābhikīratī’’ti.
‘‘কথং ত্ৰং অনঘো ভিক্খু, কথং নন্দী ন ৰিজ্জতি।
‘‘Kathaṃ tvaṃ anagho bhikkhu, kathaṃ nandī na vijjati;
কথং তং একমাসীনং, অরতী নাভিকীরতী’’তি॥
Kathaṃ taṃ ekamāsīnaṃ, aratī nābhikīratī’’ti.
‘‘অঘজাতস্স ৰে নন্দী, নন্দীজাতস্স ৰে অঘং।
‘‘Aghajātassa ve nandī, nandījātassa ve aghaṃ;
অনন্দী অনঘো ভিক্খু, এৰং জানাহি আৰুসো’’তি॥
Anandī anagho bhikkhu, evaṃ jānāhi āvuso’’ti.
‘‘চিরস্সং ৰত পস্সামি, ব্রাহ্মণং পরিনিব্বুতং।
‘‘Cirassaṃ vata passāmi, brāhmaṇaṃ parinibbutaṃ;
অনন্দিং অনঘং ভিক্খুং, তিণ্ণং লোকে ৰিসত্তিক’’ন্ত্ন্ত্তি॥
Anandiṃ anaghaṃ bhikkhuṃ, tiṇṇaṃ loke visattika’’ntntti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮-১০. ককুধসুত্তাদিৰণ্ণনা • 8-10. Kakudhasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. ককুধসুত্তৰণ্ণনা • 8. Kakudhasuttavaṇṇanā
