| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៨. កកុធសុត្តំ
8. Kakudhasuttaṃ
៩៩. ឯវំ មេ សុតំ – ឯកំ សមយំ ភគវា សាកេតេ វិហរតិ អញ្ជនវនេ មិគទាយេ។ អថ ខោ កកុធោ ទេវបុត្តោ អភិក្កន្តាយ រត្តិយា អភិក្កន្តវណ្ណោ កេវលកប្បំ អញ្ជនវនំ ឱភាសេត្វា យេន ភគវា តេនុបសង្កមិ; ឧបសង្កមិត្វា ភគវន្តំ អភិវាទេត្វា ឯកមន្តំ អដ្ឋាសិ។ ឯកមន្តំ ឋិតោ ខោ កកុធោ ទេវបុត្តោ ភគវន្តំ ឯតទវោច – ‘‘នន្ទសិ, សមណា’’តិ? ‘‘កិំ លទ្ធា, អាវុសោ’’តិ? ‘‘តេន ហិ, សមណ, សោចសី’’តិ? ‘‘កិំ ជីយិត្ថ, អាវុសោ’’តិ? ‘‘តេន ហិ, សមណ, នេវ នន្ទសិ ន ច 1 សោចសី’’តិ? ‘‘ឯវមាវុសោ’’តិ។
99. Evaṃ me sutaṃ – ekaṃ samayaṃ bhagavā sākete viharati añjanavane migadāye. Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto bhagavantaṃ etadavoca – ‘‘nandasi, samaṇā’’ti? ‘‘Kiṃ laddhā, āvuso’’ti? ‘‘Tena hi, samaṇa, socasī’’ti? ‘‘Kiṃ jīyittha, āvuso’’ti? ‘‘Tena hi, samaṇa, neva nandasi na ca 2 socasī’’ti? ‘‘Evamāvuso’’ti.
កច្ចិ តំ ឯកមាសីនំ, អរតី នាភិកីរតី’’តិ។
Kacci taṃ ekamāsīnaṃ, aratī nābhikīratī’’ti.
‘‘អនឃោ វេ អហំ យក្ខ, អថោ នន្ទី ន វិជ្ជតិ;
‘‘Anagho ve ahaṃ yakkha, atho nandī na vijjati;
អថោ មំ ឯកមាសីនំ, អរតី នាភិកីរតី’’តិ។
Atho maṃ ekamāsīnaṃ, aratī nābhikīratī’’ti.
‘‘កថំ ត្វំ អនឃោ ភិក្ខុ, កថំ នន្ទី ន វិជ្ជតិ;
‘‘Kathaṃ tvaṃ anagho bhikkhu, kathaṃ nandī na vijjati;
កថំ តំ ឯកមាសីនំ, អរតី នាភិកីរតី’’តិ។
Kathaṃ taṃ ekamāsīnaṃ, aratī nābhikīratī’’ti.
‘‘អឃជាតស្ស វេ នន្ទី, នន្ទីជាតស្ស វេ អឃំ;
‘‘Aghajātassa ve nandī, nandījātassa ve aghaṃ;
អនន្ទី អនឃោ ភិក្ខុ, ឯវំ ជានាហិ អាវុសោ’’តិ។
Anandī anagho bhikkhu, evaṃ jānāhi āvuso’’ti.
‘‘ចិរស្សំ វត បស្សាមិ, ព្រាហ្មណំ បរិនិព្ពុតំ;
‘‘Cirassaṃ vata passāmi, brāhmaṇaṃ parinibbutaṃ;
អនន្ទិំ អនឃំ ភិក្ខុំ, តិណ្ណំ លោកេ វិសត្តិក’’ន្ត្ន្ត្តិ។
Anandiṃ anaghaṃ bhikkhuṃ, tiṇṇaṃ loke visattika’’ntntti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨-១០. កកុធសុត្តាទិវណ្ណនា • 8-10. Kakudhasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨. កកុធសុត្តវណ្ណនា • 8. Kakudhasuttavaṇṇanā
