| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. гагуд̇хасуд̇д̇аван̣н̣анаа
8. Kakudhasuttavaṇṇanā
99. ‘‘нанд̣̇аамий’’д̇и вуд̇д̇з нанд̣̇ий наама баб̣б̣аж̇ид̇асса маланд̇и жод̣̇зд̇угаамо д̣̇звабуд̇д̇о ‘‘нанд̣̇асий’’д̇и бужчи. ат̇асса бхаг̇аваа д̇ам̣ бадигкибанд̇о ‘‘гим̣ лад̣̇д̇хаа’’д̇и? ааха. д̇зна ‘‘д̇аяаа мама ад̇хиббзд̇ананд̣̇ияаа ид̇ха бажжаяо зва над̇т̇и, гуд̇о саа нанд̣̇ий’’д̇и д̣̇ассзд̇и. д̇знааха ‘‘д̇удти наамаа’’д̇иаад̣̇и. ат̇а д̣̇звабуд̇д̇о нанд̣̇ияаа асад̇и согзна бхавид̇аб̣б̣ам̣, сого жа баб̣б̣аж̇ид̇асса маланд̇и жод̣̇знд̇о ааха ‘‘д̇зна хи, саман̣а, сожасий’’д̇и. бхаг̇аваа д̇амби бадигкибанд̇о ‘‘гим̣ ж̇ийяид̇т̇аа’’д̇иаад̣̇имааха. гим̣ мам̣ ж̇инаад̇ийд̇и ад̇т̇о?
99. ‘‘Nandāmī’’ti vutte nandī nāma pabbajitassa malanti codetukāmo devaputto ‘‘nandasī’’ti pucchi. Athassa bhagavā taṃ paṭikkhipanto ‘‘kiṃ laddhā’’ti? Āha. Tena ‘‘tayā mama adhippetanandiyā idha paccayo eva natthi, kuto sā nandī’’ti dasseti. Tenāha ‘‘tuṭṭhi nāmā’’tiādi. Atha devaputto nandiyā asati sokena bhavitabbaṃ, soko ca pabbajitassa malanti codento āha ‘‘tena hi, samaṇa, socasī’’ti. Bhagavā tampi paṭikkhipanto ‘‘kiṃ jīyitthā’’tiādimāha. Kiṃ maṃ jinātīti attho?
яад̣̇и д̇з нанд̣̇исогаа на санд̇и хаасавад̇т̇уно лаабхасса ж̇аанияаа жа абхаавад̇о, згавихаарино бана арад̇ияаа бхавид̇аб̣б̣анд̇и ааха – ‘‘гажжи д̇ам̣ згамаасийнам̣, арад̇ий наабхигийрад̇ий’’д̇и. д̇асмимби бхаг̇авад̇аа бадигкид̇д̇з ат̇а нзсамби нанд̣̇исогаарад̇ийнам̣ абхаавз гааран̣ам̣ бужчанд̇о ‘‘гат̇ам̣ д̇ва’’нд̇и г̇аат̇амааха? ат̇асса бхаг̇аваа д̇ам̣ гааран̣ам̣ бавзд̣̇знд̇о ‘‘агхаж̇аад̇ассаа’’д̇и г̇аат̇амааха. д̇ад̇т̇а агхаж̇аад̇ассаад̇и агхз ж̇аад̇асса. д̇знааха ‘‘ваддад̣̇угкз тид̇ассаа’’д̇и. ж̇аад̇ад̇ан̣хасса аббахийнад̇ан̣хасса ваддад̣̇угкам̣ ааг̇ад̇амзва гааран̣асса аббахийнад̇д̇аа. д̇ассзва хи гааран̣асса аббахийнад̇ам̣ д̣̇ассзнд̇о ‘‘д̣̇угкий сукам̣ бад̇т̇аяад̇ийд̇и хи вуд̇д̇а’’нд̇и ааха. д̣̇угкаббавад̇д̇ияаа сааби д̇ан̣хааббавад̇д̇и д̇зна д̣̇ассид̇аа. ид̇ийд̇иаад̣̇инаа вуд̇д̇амзвад̇т̇ам̣ ниг̇аманавасзна д̣̇ассзд̇и.
Yadi te nandisokā na santi hāsavatthuno lābhassa jāniyā ca abhāvato, ekavihārino pana aratiyā bhavitabbanti āha – ‘‘kacci taṃ ekamāsīnaṃ, aratī nābhikīratī’’ti. Tasmimpi bhagavatā paṭikkhitte atha nesampi nandisokāratīnaṃ abhāve kāraṇaṃ pucchanto ‘‘kathaṃ tva’’nti gāthamāha? Athassa bhagavā taṃ kāraṇaṃ pavedento ‘‘aghajātassā’’ti gāthamāha. Tattha aghajātassāti aghe jātassa. Tenāha ‘‘vaṭṭadukkhe ṭhitassā’’ti. Jātataṇhassa appahīnataṇhassa vaṭṭadukkhaṃ āgatameva kāraṇassa appahīnattā. Tasseva hi kāraṇassa appahīnataṃ dassento ‘‘dukkhī sukhaṃ patthayatīti hi vutta’’nti āha. Dukkhappavattiyā sāpi taṇhāppavatti tena dassitā. Itītiādinā vuttamevatthaṃ nigamanavasena dasseti.
гагуд̇хасуд̇д̇аван̣н̣анаа нидтид̇аа.
Kakudhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. гагуд̇хасуд̇д̇ам̣ • 8. Kakudhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. гагуд̇хасуд̇д̇аад̣̇иван̣н̣анаа • 8-10. Kakudhasuttādivaṇṇanā
