| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. гагуд̇хат̇зрасуд̇д̇ам̣
10. Kakudhatherasuttaṃ
100. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. 1 д̇зна ко бана самаязна гагуд̇хо наама голияабуд̇д̇о 2 ааяасмад̇о махаамог̇г̇аллаанасса убадтааго ад̇хунаагаалан̇гад̇о ан̃н̃ад̇арам̣ маномаяам̣ гааяам̣ убабанно. д̇асса зваруубо ад̇д̇абхаавабадилаабхо ход̇и – сзяяат̇ааби наама д̣̇вз ваа д̇ийн̣и ваа мааг̇ад̇хагаани 3 г̇аамагкзд̇д̇аани. со д̇зна ад̇д̇абхаавабадилаабхзна нзва ад̇д̇аанам̣ 4 но барам̣ б̣яааб̣аад̇хзд̇и.
100. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. 5 Tena kho pana samayena kakudho nāma koliyaputto 6 āyasmato mahāmoggallānassa upaṭṭhāko adhunākālaṅkato aññataraṃ manomayaṃ kāyaṃ upapanno. Tassa evarūpo attabhāvapaṭilābho hoti – seyyathāpi nāma dve vā tīṇi vā māgadhakāni 7 gāmakkhettāni. So tena attabhāvapaṭilābhena neva attānaṃ 8 no paraṃ byābādheti.
ат̇а ко гагуд̇хо д̣̇звабуд̇д̇о язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасманд̇ам̣ махаамог̇г̇аллаанам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко гагуд̇хо д̣̇звабуд̇д̇о ааяасманд̇ам̣ махаамог̇г̇аллаанам̣ зд̇ад̣̇авожа – ‘‘д̣̇звад̣̇ад̇д̇асса, бханд̇з, зваруубам̣ ижчааг̇ад̇ам̣ уббаж̇ж̇и – ‘ахам̣ бхигкусан̇гхам̣ барихариссаамий’д̇и. сахажид̇д̇уббаад̣̇аа жа, бханд̇з, д̣̇звад̣̇ад̇д̇о д̇ассаа ид̣̇д̇хияаа барихийно’’д̇и. ид̣̇амавожа гагуд̇хо д̣̇звабуд̇д̇о. ид̣̇ам̣ вад̇ваа ааяасманд̇ам̣ махаамог̇г̇аллаанам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
Atha kho kakudho devaputto yenāyasmā mahāmoggallāno tenupasaṅkami; upasaṅkamitvā āyasmantaṃ mahāmoggallānaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto āyasmantaṃ mahāmoggallānaṃ etadavoca – ‘‘devadattassa, bhante, evarūpaṃ icchāgataṃ uppajji – ‘ahaṃ bhikkhusaṅghaṃ pariharissāmī’ti. Sahacittuppādā ca, bhante, devadatto tassā iddhiyā parihīno’’ti. Idamavoca kakudho devaputto. Idaṃ vatvā āyasmantaṃ mahāmoggallānaṃ abhivādetvā padakkhiṇaṃ katvā tatthevantaradhāyi.
ат̇а ко ааяасмаа махаамог̇г̇аллаано язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаамог̇г̇аллаано бхаг̇аванд̇ам̣ зд̇ад̣̇авожа –
Atha kho āyasmā mahāmoggallāno yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahāmoggallāno bhagavantaṃ etadavoca –
‘‘гагуд̇хо наама, бханд̇з, голияабуд̇д̇о мамам̣ убадтааго ад̇хунаагаалан̇гад̇о ан̃н̃ад̇арам̣ маномаяам̣ гааяам̣ убабанно ход̇и. д̇асса зваруубо ад̇д̇абхаавабадилаабхо – сзяяат̇ааби наама д̣̇вз ваа д̇ийн̣и ваа мааг̇ад̇хагаани г̇аамагкзд̇д̇аани. со д̇зна ад̇д̇абхаавабадилаабхзна нзва ад̇д̇аанам̣ но барам̣ б̣яааб̣аад̇хзд̇и. ат̇а ко, бханд̇з, гагуд̇хо д̣̇звабуд̇д̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко, бханд̇з, гагуд̇хо д̣̇звабуд̇д̇о мам̣ зд̇ад̣̇авожа – ‘д̣̇звад̣̇ад̇д̇асса, бханд̇з, зваруубам̣ ижчааг̇ад̇ам̣ уббаж̇ж̇и – ахам̣ бхигкусан̇гхам̣ барихариссаамийд̇и. сахажид̇д̇уббаад̣̇аа жа, бханд̇з, д̣̇звад̣̇ад̇д̇о д̇ассаа ид̣̇д̇хияаа барихийно’д̇и. ид̣̇амавожа, бханд̇з, гагуд̇хо д̣̇звабуд̇д̇о. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяий’’д̇и.
‘‘Kakudho nāma, bhante, koliyaputto mamaṃ upaṭṭhāko adhunākālaṅkato aññataraṃ manomayaṃ kāyaṃ upapanno hoti. Tassa evarūpo attabhāvapaṭilābho – seyyathāpi nāma dve vā tīṇi vā māgadhakāni gāmakkhettāni. So tena attabhāvapaṭilābhena neva attānaṃ no paraṃ byābādheti. Atha kho, bhante, kakudho devaputto yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho, bhante, kakudho devaputto maṃ etadavoca – ‘devadattassa, bhante, evarūpaṃ icchāgataṃ uppajji – ahaṃ bhikkhusaṅghaṃ pariharissāmīti. Sahacittuppādā ca, bhante, devadatto tassā iddhiyā parihīno’ti. Idamavoca, bhante, kakudho devaputto. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
‘‘гим̣ бана д̇з, мог̇г̇аллаана, гагуд̇хо д̣̇звабуд̇д̇о жзд̇асаа жзд̇о барижжа вид̣̇ид̇о – ‘яам̣ гин̃жи гагуд̇хо д̣̇звабуд̇д̇о бхаасад̇и саб̣б̣ам̣ д̇ам̣ д̇ат̇зва ход̇и, но ан̃н̃ат̇аа’’’д̇и? ‘‘жзд̇асаа жзд̇о барижжа вид̣̇ид̇о мз, бханд̇з, гагуд̇хо д̣̇звабуд̇д̇о – ‘яам̣ гин̃жи гагуд̇хо д̣̇звабуд̇д̇о бхаасад̇и саб̣б̣ам̣ д̇ам̣ д̇ат̇зва ход̇и, но ан̃н̃ат̇аа’’’д̇и. ‘‘рагкассзд̇ам̣, мог̇г̇аллаана, ваажам̣! (рагкассзд̇ам̣, мог̇г̇аллаана, ваажам̣) 9! ид̣̇аани со могхабурисо ад̇д̇анаава ад̇д̇аанам̣ баад̇угариссад̇и .
‘‘Kiṃ pana te, moggallāna, kakudho devaputto cetasā ceto paricca vidito – ‘yaṃ kiñci kakudho devaputto bhāsati sabbaṃ taṃ tatheva hoti, no aññathā’’’ti? ‘‘Cetasā ceto paricca vidito me, bhante, kakudho devaputto – ‘yaṃ kiñci kakudho devaputto bhāsati sabbaṃ taṃ tatheva hoti, no aññathā’’’ti. ‘‘Rakkhassetaṃ, moggallāna, vācaṃ! (Rakkhassetaṃ, moggallāna, vācaṃ) 10! Idāni so moghapuriso attanāva attānaṃ pātukarissati .
‘‘бан̃жимз, мог̇г̇аллаана, сад̇т̇ааро санд̇о сам̣виж̇ж̇амаанаа логасмим̣. гад̇амз бан̃жа? ид̇ха , мог̇г̇аллаана, згажжо сад̇т̇аа абарисуд̣̇д̇хасийло самаано ‘барисуд̣̇д̇хасийломхий’д̇и бадиж̇аанаад̇и ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хасийло самаано барисуд̣̇д̇хасийломхий’д̇и бадиж̇аанаад̇и ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ нам̣ 11 маяам̣ д̇зна самуд̣̇аажарзяяаама – ‘самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; яам̣ д̇умо гариссад̇и д̇умова д̇зна бан̃н̃ааяиссад̇ий’д̇и . зваруубам̣ ко, мог̇г̇аллаана, сад̇т̇аарам̣ саавагаа сийлад̇о рагканд̇и; зваруубо жа бана сад̇т̇аа саавагзхи сийлад̇о рагкам̣ бажжаасийсад̇и 12.
‘‘Pañcime, moggallāna, satthāro santo saṃvijjamānā lokasmiṃ. Katame pañca? Idha , moggallāna, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhasīlo samāno parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ 13 mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti . Evarūpaṃ kho, moggallāna, satthāraṃ sāvakā sīlato rakkhanti; evarūpo ca pana satthā sāvakehi sīlato rakkhaṃ paccāsīsati 14.
‘‘буна жабарам̣, мог̇г̇аллаана, ид̇хзгажжо сад̇т̇аа абарисуд̣̇д̇хааж̇ийво самаано ‘барисуд̣̇д̇хааж̇ийвомхий’д̇и бадиж̇аанаад̇и ‘барисуд̣̇д̇хо мз ааж̇ийво барияод̣̇аад̇о асам̣гилидто’д̇и. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хааж̇ийво самаано барисуд̣̇д̇хааж̇ийвомхий’д̇и бадиж̇аанаад̇и ‘барисуд̣̇д̇хо мз ааж̇ийво барияод̣̇аад̇о асам̣гилидто’д̇и. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ нам̣ маяам̣ д̇зна самуд̣̇аажарзяяаама – ‘самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; яам̣ д̇умо гариссад̇и д̇умова д̇зна бан̃н̃ааяиссад̇ий’д̇и. зваруубам̣ ко, мог̇г̇аллаана, сад̇т̇аарам̣ саавагаа ааж̇ийвад̇о рагканд̇и; зваруубо жа бана сад̇т̇аа саавагзхи ааж̇ийвад̇о рагкам̣ бажжаасийсад̇и.
‘‘Puna caparaṃ, moggallāna, idhekacco satthā aparisuddhājīvo samāno ‘parisuddhājīvomhī’ti paṭijānāti ‘parisuddho me ājīvo pariyodāto asaṃkiliṭṭho’ti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhājīvo samāno parisuddhājīvomhī’ti paṭijānāti ‘parisuddho me ājīvo pariyodāto asaṃkiliṭṭho’ti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā ājīvato rakkhanti; evarūpo ca pana satthā sāvakehi ājīvato rakkhaṃ paccāsīsati.
‘‘буна жабарам̣, мог̇г̇аллаана, ид̇хзгажжо сад̇т̇аа абарисуд̣̇д̇хад̇хаммад̣̇зсано самаано ‘барисуд̣̇д̇хад̇хаммад̣̇зсаномхий’д̇и бадиж̇аанаад̇и ‘барисуд̣̇д̇хаа мз д̇хаммад̣̇зсанаа барияод̣̇аад̇аа асам̣гилидтаа’д̇и. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хад̇хаммад̣̇зсано самаано барисуд̣̇д̇хад̇хаммад̣̇зсаномхий’д̇и бадиж̇аанаад̇и ‘барисуд̣̇д̇хаа мз д̇хаммад̣̇зсанаа барияод̣̇аад̇аа асам̣гилидтаа’д̇и. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ нам̣ маяам̣ д̇зна самуд̣̇аажарзяяаама – ‘самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; яам̣ д̇умо гариссад̇и д̇умова д̇зна бан̃н̃ааяиссад̇ий’д̇и. зваруубам̣ ко, мог̇г̇аллаана, сад̇т̇аарам̣ саавагаа д̇хаммад̣̇зсанад̇о рагканд̇и ; зваруубо жа бана сад̇т̇аа саавагзхи д̇хаммад̣̇зсанад̇о рагкам̣ бажжаасийсад̇и.
‘‘Puna caparaṃ, moggallāna, idhekacco satthā aparisuddhadhammadesano samāno ‘parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṃkiliṭṭhā’ti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhadhammadesano samāno parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṃkiliṭṭhā’ti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā dhammadesanato rakkhanti ; evarūpo ca pana satthā sāvakehi dhammadesanato rakkhaṃ paccāsīsati.
‘‘буна жабарам̣, мог̇г̇аллаана, ид̇хзгажжо сад̇т̇аа абарисуд̣̇д̇хавзяяаагаран̣о самаано ‘барисуд̣̇д̇хавзяяаагаран̣омхий’д̇и бадиж̇аанаад̇и ‘барисуд̣̇д̇хам̣ мз взяяаагаран̣ам̣ барияод̣̇аад̇ам̣ асам̣гилидта’нд̇и. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хавзяяаагаран̣о самаано барисуд̣̇д̇хавзяяаагаран̣омхий’д̇и бадиж̇аанаад̇и ‘барисуд̣̇д̇хам̣ мз взяяаагаран̣ам̣ барияод̣̇аад̇ам̣ асам̣гилидта’нд̇и. маяан̃жзва ко бана г̇ихийнам̣ аарожзяяаама, наассасса манаабам̣ . яам̣ ко банасса аманаабам̣, гат̇ам̣ нам̣ маяам̣ д̇зна самуд̣̇аажарзяяаама – ‘самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; яам̣ д̇умо гариссад̇и д̇умова д̇зна бан̃н̃ааяиссад̇ий’д̇и. зваруубам̣ ко, мог̇г̇аллаана, сад̇т̇аарам̣ саавагаа взяяаагаран̣ад̇о рагканд̇и; зваруубо жа бана сад̇т̇аа саавагзхи взяяаагаран̣ад̇о рагкам̣ бажжаасийсад̇и.
‘‘Puna caparaṃ, moggallāna, idhekacco satthā aparisuddhaveyyākaraṇo samāno ‘parisuddhaveyyākaraṇomhī’ti paṭijānāti ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhaveyyākaraṇo samāno parisuddhaveyyākaraṇomhī’ti paṭijānāti ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ . Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā veyyākaraṇato rakkhanti; evarūpo ca pana satthā sāvakehi veyyākaraṇato rakkhaṃ paccāsīsati.
‘‘буна жабарам̣, мог̇г̇аллаана, ид̇хзгажжо сад̇т̇аа абарисуд̣̇д̇хан̃аан̣ад̣̇ассано самаано ‘барисуд̣̇д̇хан̃аан̣ад̣̇ассаномхий’д̇и бадиж̇аанаад̇и ‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’нд̇и. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хан̃аан̣ад̣̇ассано самаано барисуд̣̇д̇хан̃аан̣ад̣̇ассаномхий’д̇и бадиж̇аанаад̇и ‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’нд̇и. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ нам̣ маяам̣ д̇зна самуд̣̇аажарзяяаама – ‘самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна; яам̣ д̇умо гариссад̇и д̇умова д̇зна бан̃н̃ааяиссад̇ий’д̇и. зваруубам̣ ко, мог̇г̇аллаана, сад̇т̇аарам̣ саавагаа н̃аан̣ад̣̇ассанад̇о рагканд̇и; зваруубо жа бана сад̇т̇аа саавагзхи н̃аан̣ад̣̇ассанад̇о рагкам̣ бажжаасийсад̇и. имз ко, мог̇г̇аллаана, бан̃жа сад̇т̇ааро санд̇о сам̣виж̇ж̇амаанаа логасмим̣.
‘‘Puna caparaṃ, moggallāna, idhekacco satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhañāṇadassano samāno parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā ñāṇadassanato rakkhanti; evarūpo ca pana satthā sāvakehi ñāṇadassanato rakkhaṃ paccāsīsati. Ime kho, moggallāna, pañca satthāro santo saṃvijjamānā lokasmiṃ.
‘‘ахам̣ ко бана, мог̇г̇аллаана, барисуд̣̇д̇хасийло самаано ‘барисуд̣̇д̇хасийломхий’д̇и бадиж̇аанаами ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и. на жа мам̣ саавагаа сийлад̇о рагканд̇и, на жаахам̣ саавагзхи сийлад̇о рагкам̣ бажжаасийсаами. барисуд̣̇д̇хааж̇ийво самаано ‘барисуд̣̇д̇хааж̇ийвомхий’д̇и бадиж̇аанаами ‘барисуд̣̇д̇хо мз ааж̇ийво барияод̣̇аад̇о асам̣гилидто’д̇и. на жа мам̣ саавагаа ааж̇ийвад̇о рагканд̇и, на жаахам̣ саавагзхи ааж̇ийвад̇о рагкам̣ бажжаасийсаами. барисуд̣̇д̇хад̇хаммад̣̇зсано самаано ‘барисуд̣̇д̇хад̇хаммад̣̇зсаномхий’д̇и бадиж̇аанаами ‘барисуд̣̇д̇хаа мз д̇хаммад̣̇зсанаа барияод̣̇аад̇аа асам̣гилидтаа’д̇и. на жа мам̣ саавагаа д̇хаммад̣̇зсанад̇о рагканд̇и, на жаахам̣ саавагзхи д̇хаммад̣̇зсанад̇о рагкам̣ бажжаасийсаами. барисуд̣̇д̇хавзяяаагаран̣о самаано ‘барисуд̣̇д̇хавзяяаагаран̣омхий’д̇и бадиж̇аанаами ‘барисуд̣̇д̇хам̣ мз взяяаагаран̣ам̣ барияод̣̇аад̇ам̣ асам̣гилидта’нд̇и. на жа мам̣ саавагаа взяяаагаран̣ад̇о рагканд̇и, на жаахам̣ саавагзхи взяяаагаран̣ад̇о рагкам̣ бажжаасийсаами. барисуд̣̇д̇хан̃аан̣ад̣̇ассано самаано ‘барисуд̣̇д̇хан̃аан̣ад̣̇ассаномхий’д̇и бадиж̇аанаами ‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’нд̇и. на жа мам̣ саавагаа н̃аан̣ад̣̇ассанад̇о рагканд̇и, на жаахам̣ саавагзхи н̃аан̣ад̣̇ассанад̇о рагкам̣ бажжаасийсаамий’’д̇и. д̣̇асамам̣.
‘‘Ahaṃ kho pana, moggallāna, parisuddhasīlo samāno ‘parisuddhasīlomhī’ti paṭijānāmi ‘parisuddhaṃ me sīlaṃ pariyodātaṃ asaṃkiliṭṭha’nti. Na ca maṃ sāvakā sīlato rakkhanti, na cāhaṃ sāvakehi sīlato rakkhaṃ paccāsīsāmi. Parisuddhājīvo samāno ‘parisuddhājīvomhī’ti paṭijānāmi ‘parisuddho me ājīvo pariyodāto asaṃkiliṭṭho’ti. Na ca maṃ sāvakā ājīvato rakkhanti, na cāhaṃ sāvakehi ājīvato rakkhaṃ paccāsīsāmi. Parisuddhadhammadesano samāno ‘parisuddhadhammadesanomhī’ti paṭijānāmi ‘parisuddhā me dhammadesanā pariyodātā asaṃkiliṭṭhā’ti. Na ca maṃ sāvakā dhammadesanato rakkhanti, na cāhaṃ sāvakehi dhammadesanato rakkhaṃ paccāsīsāmi. Parisuddhaveyyākaraṇo samāno ‘parisuddhaveyyākaraṇomhī’ti paṭijānāmi ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Na ca maṃ sāvakā veyyākaraṇato rakkhanti, na cāhaṃ sāvakehi veyyākaraṇato rakkhaṃ paccāsīsāmi. Parisuddhañāṇadassano samāno ‘parisuddhañāṇadassanomhī’ti paṭijānāmi ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Na ca maṃ sāvakā ñāṇadassanato rakkhanti, na cāhaṃ sāvakehi ñāṇadassanato rakkhaṃ paccāsīsāmī’’ti. Dasamaṃ.
гагуд̇хаваг̇г̇о бан̃жамо.
Kakudhavaggo pañcamo.
д̇ассуд̣̇д̣̇аанам̣ –
Tassuddānaṃ –
д̣̇вз самбад̣̇аа б̣яаагаран̣ам̣, паасу агуббабан̃жамам̣;
Dve sampadā byākaraṇaṃ, phāsu akuppapañcamaṃ;
суд̇ам̣ гат̇аа ааран̃н̃аго, сийхо жа гагуд̇хо д̣̇асаад̇и.
Sutaṃ kathā āraññako, sīho ca kakudho dasāti.
д̣̇уд̇ияабан̣н̣аасагам̣ самад̇д̇ам̣.
Dutiyapaṇṇāsakaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. гагуд̇хат̇зрасуд̇д̇аван̣н̣анаа • 10. Kakudhatherasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамасамбад̣̇аасуд̇д̇аад̣̇иван̣н̣анаа • 1-10. Paṭhamasampadāsuttādivaṇṇanā
