| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. гагуд̇хат̇зрасуд̇д̇аван̣н̣анаа
10. Kakudhatherasuttavaṇṇanā
100. д̣̇асамз ад̇д̇абхаавабадилаабход̇и сарийрабадилаабхо. д̣̇вз ваа д̇ийн̣и ваа мааг̇ад̇хагаани г̇аамагкзд̇д̇аанийд̇и зд̇т̇а мааг̇ад̇хигам̣ г̇аамагкзд̇д̇ам̣ ад̇т̇и куд̣̇д̣̇агам̣, ад̇т̇и маж̇жхимам̣, ад̇т̇и маханд̇ам̣. куд̣̇д̣̇агам̣ г̇аамагкзд̇д̇ам̣ ид̇о жад̇д̇аалийсам̣ усабхаани, ид̇о жад̇д̇аалийсанд̇и г̇аавуд̇ам̣ ход̇и, маж̇жхимам̣ ид̇о г̇аавуд̇ам̣, ид̇о г̇аавуд̇анд̇и ад̣дхаяож̇анам̣ ход̇и, маханд̇ам̣ ид̇о д̣̇ияад̣дхаг̇аавуд̇ам̣, ид̇о д̣̇ияад̣дхаг̇аавуд̇анд̇и д̇иг̇аавуд̇ам̣ ход̇и. д̇зсу куд̣̇д̣̇агзна г̇аамагкзд̇д̇зна д̇ийн̣и, куд̣̇д̣̇агзна жа маж̇жхимзна жа д̣̇вз г̇аамагкзд̇д̇аани д̇асса ад̇д̇абхааво. д̇иг̇аавуд̇ан̃хисса сарийрам̣. барихариссаамийд̇и бадиж̇аг̇г̇иссаами г̇обаяиссаами. рагкассзд̇анд̇и рагкассу зд̇ам̣. могхабурисод̇и д̇ужчабурисо. наассассаад̇и на зд̇асса бхавзяяа. самуд̣̇аажарзяяаамаад̇и гат̇зяяаама. самманнад̇ийд̇и саммаанам̣ гарод̇и. яам̣ д̇умо гариссад̇и д̇умова д̇зна бан̃н̃ааяиссад̇ийд̇и яам̣ зса гариссад̇и, зсова д̇зна гаммзна баагадо бхависсад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
100. Dasame attabhāvapaṭilābhoti sarīrapaṭilābho. Dve vā tīṇi vā māgadhakāni gāmakkhettānīti ettha māgadhikaṃ gāmakkhettaṃ atthi khuddakaṃ, atthi majjhimaṃ, atthi mahantaṃ. Khuddakaṃ gāmakkhettaṃ ito cattālīsaṃ usabhāni, ito cattālīsanti gāvutaṃ hoti, majjhimaṃ ito gāvutaṃ, ito gāvutanti aḍḍhayojanaṃ hoti, mahantaṃ ito diyaḍḍhagāvutaṃ, ito diyaḍḍhagāvutanti tigāvutaṃ hoti. Tesu khuddakena gāmakkhettena tīṇi, khuddakena ca majjhimena ca dve gāmakkhettāni tassa attabhāvo. Tigāvutañhissa sarīraṃ. Pariharissāmīti paṭijaggissāmi gopayissāmi. Rakkhassetanti rakkhassu etaṃ. Moghapurisoti tucchapuriso. Nāssassāti na etassa bhaveyya. Samudācareyyāmāti katheyyāma. Sammannatīti sammānaṃ karoti. Yaṃ tumo karissati tumova tena paññāyissatīti yaṃ esa karissati, esova tena kammena pākaṭo bhavissati. Sesaṃ sabbattha uttānatthamevāti.
гагуд̇хаваг̇г̇о бан̃жамо.
Kakudhavaggo pañcamo.
д̣̇уд̇ияабан̣н̣аасагам̣ нидтид̇ам̣.
Dutiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. гагуд̇хат̇зрасуд̇д̇ам̣ • 10. Kakudhatherasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамасамбад̣̇аасуд̇д̇аад̣̇иван̣н̣анаа • 1-10. Paṭhamasampadāsuttādivaṇṇanā
