| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१०. ककुधथेरसुत्तवण्णना
10. Kakudhatherasuttavaṇṇanā
१००. दसमे अत्तभावपटिलाभोति सरीरपटिलाभो। द्वे वा तीणि वा मागधकानि गामक्खेत्तानीति एत्थ मागधिकं गामक्खेत्तं अत्थि खुद्दकं, अत्थि मज्झिमं, अत्थि महन्तं। खुद्दकं गामक्खेत्तं इतो चत्तालीसं उसभानि, इतो चत्तालीसन्ति गावुतं होति, मज्झिमं इतो गावुतं, इतो गावुतन्ति अड्ढयोजनं होति, महन्तं इतो दियड्ढगावुतं, इतो दियड्ढगावुतन्ति तिगावुतं होति। तेसु खुद्दकेन गामक्खेत्तेन तीणि, खुद्दकेन च मज्झिमेन च द्वे गामक्खेत्तानि तस्स अत्तभावो। तिगावुतञ्हिस्स सरीरं। परिहरिस्सामीति पटिजग्गिस्सामि गोपयिस्सामि। रक्खस्सेतन्ति रक्खस्सु एतं। मोघपुरिसोति तुच्छपुरिसो। नास्सस्साति न एतस्स भवेय्य। समुदाचरेय्यामाति कथेय्याम। सम्मन्नतीति सम्मानं करोति। यं तुमो करिस्सति तुमोव तेन पञ्ञायिस्सतीति यं एस करिस्सति, एसोव तेन कम्मेन पाकटो भविस्सति। सेसं सब्बत्थ उत्तानत्थमेवाति।
100. Dasame attabhāvapaṭilābhoti sarīrapaṭilābho. Dve vā tīṇi vā māgadhakāni gāmakkhettānīti ettha māgadhikaṃ gāmakkhettaṃ atthi khuddakaṃ, atthi majjhimaṃ, atthi mahantaṃ. Khuddakaṃ gāmakkhettaṃ ito cattālīsaṃ usabhāni, ito cattālīsanti gāvutaṃ hoti, majjhimaṃ ito gāvutaṃ, ito gāvutanti aḍḍhayojanaṃ hoti, mahantaṃ ito diyaḍḍhagāvutaṃ, ito diyaḍḍhagāvutanti tigāvutaṃ hoti. Tesu khuddakena gāmakkhettena tīṇi, khuddakena ca majjhimena ca dve gāmakkhettāni tassa attabhāvo. Tigāvutañhissa sarīraṃ. Pariharissāmīti paṭijaggissāmi gopayissāmi. Rakkhassetanti rakkhassu etaṃ. Moghapurisoti tucchapuriso. Nāssassāti na etassa bhaveyya. Samudācareyyāmāti katheyyāma. Sammannatīti sammānaṃ karoti. Yaṃ tumo karissati tumova tena paññāyissatīti yaṃ esa karissati, esova tena kammena pākaṭo bhavissati. Sesaṃ sabbattha uttānatthamevāti.
ककुधवग्गो पञ्चमो।
Kakudhavaggo pañcamo.
दुतियपण्णासकं निट्ठितं।
Dutiyapaṇṇāsakaṃ niṭṭhitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. ककुधथेरसुत्तं • 10. Kakudhatherasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. पठमसम्पदासुत्तादिवण्णना • 1-10. Paṭhamasampadāsuttādivaṇṇanā
