| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਕਕੁਧਥੇਰਸੁਤ੍ਤવਣ੍ਣਨਾ
10. Kakudhatherasuttavaṇṇanā
੧੦੦. ਦਸਮੇ ਅਤ੍ਤਭਾવਪਟਿਲਾਭੋਤਿ ਸਰੀਰਪਟਿਲਾਭੋ। ਦ੍વੇ વਾ ਤੀਣਿ વਾ ਮਾਗਧਕਾਨਿ ਗਾਮਕ੍ਖੇਤ੍ਤਾਨੀਤਿ ਏਤ੍ਥ ਮਾਗਧਿਕਂ ਗਾਮਕ੍ਖੇਤ੍ਤਂ ਅਤ੍ਥਿ ਖੁਦ੍ਦਕਂ, ਅਤ੍ਥਿ ਮਜ੍ਝਿਮਂ, ਅਤ੍ਥਿ ਮਹਨ੍ਤਂ। ਖੁਦ੍ਦਕਂ ਗਾਮਕ੍ਖੇਤ੍ਤਂ ਇਤੋ ਚਤ੍ਤਾਲੀਸਂ ਉਸਭਾਨਿ, ਇਤੋ ਚਤ੍ਤਾਲੀਸਨ੍ਤਿ ਗਾવੁਤਂ ਹੋਤਿ, ਮਜ੍ਝਿਮਂ ਇਤੋ ਗਾવੁਤਂ, ਇਤੋ ਗਾવੁਤਨ੍ਤਿ ਅਡ੍ਢਯੋਜਨਂ ਹੋਤਿ, ਮਹਨ੍ਤਂ ਇਤੋ ਦਿਯਡ੍ਢਗਾવੁਤਂ, ਇਤੋ ਦਿਯਡ੍ਢਗਾવੁਤਨ੍ਤਿ ਤਿਗਾવੁਤਂ ਹੋਤਿ। ਤੇਸੁ ਖੁਦ੍ਦਕੇਨ ਗਾਮਕ੍ਖੇਤ੍ਤੇਨ ਤੀਣਿ, ਖੁਦ੍ਦਕੇਨ ਚ ਮਜ੍ਝਿਮੇਨ ਚ ਦ੍વੇ ਗਾਮਕ੍ਖੇਤ੍ਤਾਨਿ ਤਸ੍ਸ ਅਤ੍ਤਭਾવੋ। ਤਿਗਾવੁਤਞ੍ਹਿਸ੍ਸ ਸਰੀਰਂ। ਪਰਿਹਰਿਸ੍ਸਾਮੀਤਿ ਪਟਿਜਗ੍ਗਿਸ੍ਸਾਮਿ ਗੋਪਯਿਸ੍ਸਾਮਿ। ਰਕ੍ਖਸ੍ਸੇਤਨ੍ਤਿ ਰਕ੍ਖਸ੍ਸੁ ਏਤਂ। ਮੋਘਪੁਰਿਸੋਤਿ ਤੁਚ੍ਛਪੁਰਿਸੋ। ਨਾਸ੍ਸਸ੍ਸਾਤਿ ਨ ਏਤਸ੍ਸ ਭવੇਯ੍ਯ। ਸਮੁਦਾਚਰੇਯ੍ਯਾਮਾਤਿ ਕਥੇਯ੍ਯਾਮ। ਸਮ੍ਮਨ੍ਨਤੀਤਿ ਸਮ੍ਮਾਨਂ ਕਰੋਤਿ। ਯਂ ਤੁਮੋ ਕਰਿਸ੍ਸਤਿ ਤੁਮੋવ ਤੇਨ ਪਞ੍ਞਾਯਿਸ੍ਸਤੀਤਿ ਯਂ ਏਸ ਕਰਿਸ੍ਸਤਿ, ਏਸੋવ ਤੇਨ ਕਮ੍ਮੇਨ ਪਾਕਟੋ ਭવਿਸ੍ਸਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
100. Dasame attabhāvapaṭilābhoti sarīrapaṭilābho. Dve vā tīṇi vā māgadhakāni gāmakkhettānīti ettha māgadhikaṃ gāmakkhettaṃ atthi khuddakaṃ, atthi majjhimaṃ, atthi mahantaṃ. Khuddakaṃ gāmakkhettaṃ ito cattālīsaṃ usabhāni, ito cattālīsanti gāvutaṃ hoti, majjhimaṃ ito gāvutaṃ, ito gāvutanti aḍḍhayojanaṃ hoti, mahantaṃ ito diyaḍḍhagāvutaṃ, ito diyaḍḍhagāvutanti tigāvutaṃ hoti. Tesu khuddakena gāmakkhettena tīṇi, khuddakena ca majjhimena ca dve gāmakkhettāni tassa attabhāvo. Tigāvutañhissa sarīraṃ. Pariharissāmīti paṭijaggissāmi gopayissāmi. Rakkhassetanti rakkhassu etaṃ. Moghapurisoti tucchapuriso. Nāssassāti na etassa bhaveyya. Samudācareyyāmāti katheyyāma. Sammannatīti sammānaṃ karoti. Yaṃ tumo karissati tumova tena paññāyissatīti yaṃ esa karissati, esova tena kammena pākaṭo bhavissati. Sesaṃ sabbattha uttānatthamevāti.
ਕਕੁਧવਗ੍ਗੋ ਪਞ੍ਚਮੋ।
Kakudhavaggo pañcamo.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਕਕੁਧਥੇਰਸੁਤ੍ਤਂ • 10. Kakudhatherasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਸਮ੍ਪਦਾਸੁਤ੍ਤਾਦਿવਣ੍ਣਨਾ • 1-10. Paṭhamasampadāsuttādivaṇṇanā
