| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
24. гагусанд̇хаб̣уд̣̇д̇хавам̣саван̣н̣анаа
24. Kakusandhabuddhavaṃsavaṇṇanā
взссабхумхи саяамбхумхи бариниб̣б̣уд̇з д̇асмим̣ бана габбз ад̇игганд̇з згуунад̇д̇им̣сагаббзсу ж̇инад̣̇ивасагараа нуббаж̇ж̇им̣су. имасмим̣ бана бхад̣̇д̣̇агаббз жад̇д̇ааро б̣уд̣̇д̇хаа ниб̣б̣ад̇д̇им̣су. гад̇амз жад̇д̇ааро? гагусанд̇хо гон̣ааг̇амано гассабо амхаагам̣ б̣уд̣̇д̇ход̇и. мзд̇д̇зяяо бана бхаг̇аваа уббаж̇ж̇иссад̇и. звамаяам̣ габбо бан̃жахи б̣уд̣̇д̇хуббаад̣̇зхи бадиман̣д̣ид̇ад̇д̇аа бхад̣̇д̣̇агаббод̇и бхаг̇авад̇аа ван̣н̣ид̇о. д̇ад̇т̇а гагусанд̇хо наама бхаг̇аваа баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа кзмавад̇ийнаг̇арз кзман̇гарасса наама ран̃н̃о ад̇т̇ад̇хаммаанусаасагасса аг̇г̇ид̣̇ад̇д̇асса наама бурохид̇асса аг̇г̇амахзсияаа висаакааяа наама б̣раахман̣ияаа гужчисмим̣ бадисанд̇хим̣ аг̇г̇ахзси. яад̣̇аа бана кад̇д̇ияаа б̣раахман̣з саггаронд̇и г̇аругаронд̇и маанзнд̇и бууж̇знд̇и, д̇ад̣̇аа б̣од̇хисад̇д̇аа б̣раахман̣агулз ниб̣б̣ад̇д̇анд̇и.
Vessabhumhi sayambhumhi parinibbute tasmiṃ pana kappe atikkante ekūnattiṃsakappesu jinadivasakarā nuppajjiṃsu. Imasmiṃ pana bhaddakappe cattāro buddhā nibbattiṃsu. Katame cattāro? Kakusandho koṇāgamano kassapo amhākaṃ buddhoti. Metteyyo pana bhagavā uppajjissati. Evamayaṃ kappo pañcahi buddhuppādehi paṭimaṇḍitattā bhaddakappoti bhagavatā vaṇṇito. Tattha kakusandho nāma bhagavā pāramiyo pūretvā tusitapure nibbattitvā tato cavitvā khemavatīnagare khemaṅkarassa nāma rañño atthadhammānusāsakassa aggidattassa nāma purohitassa aggamahesiyā visākhāya nāma brāhmaṇiyā kucchismiṃ paṭisandhiṃ aggahesi. Yadā pana khattiyā brāhmaṇe sakkaronti garukaronti mānenti pūjenti, tadā bodhisattā brāhmaṇakule nibbattanti.
яад̣̇аа бана б̣раахман̣аа кад̇д̇ияз саггаронд̇и г̇аругаронд̇и маанзнд̇и бууж̇знд̇и, д̇ад̣̇аа кад̇д̇ияагулз уббаж̇ж̇анд̇и. д̇ад̣̇аа гира б̣раахман̣аа кад̇д̇иязхи саггарийяанд̇и г̇аругарийяанд̇и, д̇асмаа сажжасанд̇хо гагусанд̇хо б̣од̇хисад̇д̇о вибхавасирисамуд̣̇аязнаагулз анаагулз б̣раахман̣агулз д̣̇асасахассилогад̇хаад̇ум̣ уннаад̣̇знд̇о гамбаяанд̇о уд̣̇абаад̣̇и. хздтаа вуд̇д̇аббагаараани баадихаарияаани ниб̣б̣ад̇д̇им̣су. д̇ад̇о д̣̇асаннам̣ маасаанам̣ ажжаязна кзмавад̇уяяаанз маад̇угужчид̇о суван̣н̣алад̇аад̇о аг̇г̇иж̇аало вияа нигками. со жад̇д̇аари вассасахассаани аг̇аарам̣ аж̇жхааваси. д̇асса гира гаамагаамаван̣н̣агаамасуд̣̇д̇хинаамагаа д̇аяо баасаад̣̇аа ахзсум̣. рожинийб̣раахман̣ийбамукаани д̇им̣са ид̇т̇исахассаани бажжубадтид̇аани ахзсум̣.
Yadā pana brāhmaṇā khattiye sakkaronti garukaronti mānenti pūjenti, tadā khattiyakule uppajjanti. Tadā kira brāhmaṇā khattiyehi sakkarīyanti garukarīyanti, tasmā saccasandho kakusandho bodhisatto vibhavasirisamudayenākule anākule brāhmaṇakule dasasahassilokadhātuṃ unnādento kampayanto udapādi. Heṭṭhā vuttappakārāni pāṭihāriyāni nibbattiṃsu. Tato dasannaṃ māsānaṃ accayena khemavatuyyāne mātukucchito suvaṇṇalatāto aggijālo viya nikkhami. So cattāri vassasahassāni agāraṃ ajjhāvasi. Tassa kira kāmakāmavaṇṇakāmasuddhināmakā tayo pāsādā ahesuṃ. Rocinībrāhmaṇīpamukhāni tiṃsa itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа рожинияаа б̣раахман̣ияаа ануд̇д̇арз уд̇д̇арз наама гумаарз уббаннз баяуд̇д̇зна ааж̇ан̃н̃арат̇зна махаабхинигкаманам̣ нигкамид̇ваа баб̣б̣аж̇и. д̇ам̣ жад̇д̇аалийсасахассаани анубаб̣б̣аж̇им̣су. со д̇зхи баривуд̇о адта маасз бад̇хаанажарияам̣ жарид̇ваа висаакабун̣н̣амааяа сужиринд̇ханиг̇амз важ̇иринд̇хаб̣раахман̣асса д̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа кад̣̇ираванз д̣̇иваавихаарам̣ гад̇ваа сааяанхасамаяз субхад̣̇д̣̇зна наама яавабаалагзна убанийд̇аа адта д̇ин̣амудтияо г̇ахзд̇ваа сирийсаб̣од̇хим̣ баадалияаа вуд̇д̇аббамаан̣ам̣ д̣̇иб̣б̣аг̇анд̇хам̣ убавааяамаанам̣ убаг̇анд̇ваа жад̇уд̇д̇им̣сахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа самб̣од̇хим̣ бад̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ вийд̇инаамзд̇ваа ад̇д̇анаа саха баб̣б̣аж̇ид̇аанам̣ жад̇д̇аалийсааяа бхигкусахассаанам̣ сажжаббадивзд̇хасамад̇т̇ад̇ам̣ д̣̇исваа згаахзнзва магиланаг̇арасамийбз самбхууд̇ам̣ исибад̇анам̣ наама миг̇ад̣̇ааяам̣ бависид̇ваа д̇зсам̣ маж̇жхаг̇ад̇о бхаг̇аваа д̇хаммажаггам̣ бавад̇д̇зси. д̇ад̣̇аа жад̇д̇аалийсааяа годисахассаанам̣ батамо д̇хаммаабхисамаяо ахоси.
So cattāri nimittāni disvā rociniyā brāhmaṇiyā anuttare uttare nāma kumāre uppanne payuttena ājaññarathena mahābhinikkhamanaṃ nikkhamitvā pabbaji. Taṃ cattālīsasahassāni anupabbajiṃsu. So tehi parivuto aṭṭha māse padhānacariyaṃ caritvā visākhapuṇṇamāya sucirindhanigame vajirindhabrāhmaṇassa dhītāya dinnaṃ madhupāyāsaṃ paribhuñjitvā khadiravane divāvihāraṃ katvā sāyanhasamaye subhaddena nāma yavapālakena upanītā aṭṭha tiṇamuṭṭhiyo gahetvā sirīsabodhiṃ pāṭaliyā vuttappamāṇaṃ dibbagandhaṃ upavāyamānaṃ upagantvā catuttiṃsahatthavitthataṃ tiṇasantharaṃ santharitvā pallaṅkaṃ ābhujitvā sambodhiṃ patvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ vītināmetvā attanā saha pabbajitānaṃ cattālīsāya bhikkhusahassānaṃ saccappaṭivedhasamatthataṃ disvā ekāheneva makilanagarasamīpe sambhūtaṃ isipatanaṃ nāma migadāyaṃ pavisitvā tesaṃ majjhagato bhagavā dhammacakkaṃ pavattesi. Tadā cattālīsāya koṭisahassānaṃ paṭhamo dhammābhisamayo ahosi.
буна ган̣н̣агуж̇ж̇анаг̇арад̣̇ваарз махаасааларугкамуулз яамагабаадихаарияам̣ гад̇ваа д̇им̣сагодисахассаанам̣ д̇хаммажагкум̣ уббаад̣̇зси, со д̣̇уд̇ияо абхисамаяо ахоси. яад̣̇аа бана кзмавад̇ийнаг̇арассаавид̣̇уурз ан̃н̃ад̇арасмим̣ д̣̇звааяад̇анз абхимад̇анарад̣̇зво нарад̣̇зво наама яагко д̣̇иссамаанамануссасарийро худ̇ваа ганд̇аарамаж̇жхз згасса гамалагувалаяуббаласамалан̇гад̇асалиласийд̇аласса барамамад̇хурасисираваарино саб̣б̣аж̇анасурабхирамасса сарасса самийбз тад̇ваа гамалагувалаяагаллахаараад̣̇ийхи сад̇д̇з убалаабзд̇ваа мануссз каад̣̇ад̇и . д̇асмим̣ маг̇г̇з бажчиннз ж̇анасамбаад̇арахид̇з махааадавим̣ бависид̇ваа д̇ад̇т̇а самбад̇д̇з сад̇д̇з каад̣̇ад̇и. со логависсуд̇о махааганд̇аарамаг̇г̇о ахоси. убхад̇оганд̇аарад̣̇ваарз гира махааж̇анагааяо саннибад̇ид̇ваа ганд̇ааранид̇т̇аран̣ад̇т̇ааяа адтааси. ат̇а виг̇ад̇абхаваб̣анд̇хо гагусанд̇хо сад̇т̇аа згад̣̇ивасам̣ бажжуусасамаяз махаагарун̣аасамаабад̇д̇ид̇о вудтааяа логам̣ вологзнд̇о н̃аан̣аж̇ааласса анд̇ог̇ад̇ам̣ д̇ам̣ махзсагкам̣ нарад̣̇зваяагкам̣ д̇ан̃жа ж̇анасамуухамад̣̇д̣̇аса. д̣̇исваа жа бана г̇аг̇анад̇алзна г̇анд̇ваа д̇асса ж̇анагааяасса бассанд̇ассзва бхаг̇аваа анзгавихид̇ам̣ баадихаарияам̣ гаронд̇о д̇асса нарад̣̇зваяагкасса бхаванз од̇арид̇ваа д̇асса ман̇г̇алабаллан̇гз нисийд̣̇и.
Puna kaṇṇakujjanagaradvāre mahāsālarukkhamūle yamakapāṭihāriyaṃ katvā tiṃsakoṭisahassānaṃ dhammacakkhuṃ uppādesi, so dutiyo abhisamayo ahosi. Yadā pana khemavatīnagarassāvidūre aññatarasmiṃ devāyatane abhimatanaradevo naradevo nāma yakkho dissamānamanussasarīro hutvā kantāramajjhe ekassa kamalakuvalayuppalasamalaṅkatasalilasītalassa paramamadhurasisiravārino sabbajanasurabhiramassa sarassa samīpe ṭhatvā kamalakuvalayakallahārādīhi satte upalāpetvā manusse khādati . Tasmiṃ magge pacchinne janasampātarahite mahāaṭaviṃ pavisitvā tattha sampatte satte khādati. So lokavissuto mahākantāramaggo ahosi. Ubhatokantāradvāre kira mahājanakāyo sannipatitvā kantāranittharaṇatthāya aṭṭhāsi. Atha vigatabhavabandho kakusandho satthā ekadivasaṃ paccūsasamaye mahākaruṇāsamāpattito vuṭṭhāya lokaṃ volokento ñāṇajālassa antogataṃ taṃ mahesakkhaṃ naradevayakkhaṃ tañca janasamūhamaddasa. Disvā ca pana gaganatalena gantvā tassa janakāyassa passantasseva bhagavā anekavihitaṃ pāṭihāriyaṃ karonto tassa naradevayakkhassa bhavane otaritvā tassa maṅgalapallaṅke nisīdi.
ат̇а ко со мануссабхагко яагко чаб̣б̣ан̣н̣арасмияо виссаж̇ж̇знд̇ам̣ инд̣̇ад̇ханубаривуд̇амива д̣̇ивасагарам̣ мунид̣̇ивасагарам̣ баванабат̇знааг̇ажчанд̇ам̣ д̣̇исваа – ‘‘д̣̇асаб̣ало мамаанугамбааяа ид̇хааг̇ажчад̇ий’’д̇и басаннахад̣̇аяо ад̇д̇ано бариваараяагкзхи сад̣̇д̇хим̣ анзгамиг̇аг̇ан̣аванд̇ам̣ химаванд̇ам̣ г̇анд̇ваа наанааван̣н̣аг̇анд̇хаани ж̇алаж̇ат̇алаж̇аани гусумаани барамаманорамаани суг̇анд̇хаг̇анд̇хз самаахарид̇ваа ад̇д̇ано баллан̇гз нисиннам̣ виг̇ад̇аранд̇хам̣ гагусанд̇хам̣ логанааяагам̣ маалааг̇анд̇хавилзбанаад̣̇ийхи бууж̇аяид̇ваа т̇уд̇исан̇г̇ийд̇аани бавад̇д̇знд̇о сираси ан̃ж̇алим̣ гад̇ваа намассамаано адтааси. д̇ад̇о мануссаа д̇ам̣ баадихаарияам̣ д̣̇исваа басаннахад̣̇аяаа самааг̇амма бхаг̇аванд̇ам̣ бариваарзд̇ваа намассамаанаа адтам̣су. ат̇а аббадисанд̇хо гагусанд̇хо бхаг̇аваа абхибууж̇ид̇анарад̣̇зваяагкам̣ нарад̣̇зваяагкам̣ гаммапаласамб̣анд̇хад̣̇ассанзна самуд̇д̇зж̇зд̇ваа нираяагат̇ааяа санд̇аасзд̇ваа жад̇усажжагат̇ам̣ гат̇зси, д̇ад̣̇аа абаримид̇аанам̣ сад̇д̇аанам̣ д̇хаммаабхисамаяо ахоси, аяам̣ д̇ад̇ияо абхисамаяо ахоси. д̇зна вуд̇д̇ам̣ –
Atha kho so manussabhakkho yakkho chabbaṇṇarasmiyo vissajjentaṃ indadhanuparivutamiva divasakaraṃ munidivasakaraṃ pavanapathenāgacchantaṃ disvā – ‘‘dasabalo mamānukampāya idhāgacchatī’’ti pasannahadayo attano parivārayakkhehi saddhiṃ anekamigagaṇavantaṃ himavantaṃ gantvā nānāvaṇṇagandhāni jalajathalajāni kusumāni paramamanoramāni sugandhagandhe samāharitvā attano pallaṅke nisinnaṃ vigatarandhaṃ kakusandhaṃ lokanāyakaṃ mālāgandhavilepanādīhi pūjayitvā thutisaṅgītāni pavattento sirasi añjaliṃ katvā namassamāno aṭṭhāsi. Tato manussā taṃ pāṭihāriyaṃ disvā pasannahadayā samāgamma bhagavantaṃ parivāretvā namassamānā aṭṭhaṃsu. Atha appaṭisandho kakusandho bhagavā abhipūjitanaradevayakkhaṃ naradevayakkhaṃ kammaphalasambandhadassanena samuttejetvā nirayakathāya santāsetvā catusaccakathaṃ kathesi, tadā aparimitānaṃ sattānaṃ dhammābhisamayo ahosi, ayaṃ tatiyo abhisamayo ahosi. Tena vuttaṃ –
1.
1.
‘‘взссабхусса абарзна, самб̣уд̣̇д̇хо д̣̇вибад̣̇уд̇д̇амо;
‘‘Vessabhussa aparena, sambuddho dvipaduttamo;
гагусанд̇хо наама наамзна, аббамзяяо д̣̇ураасад̣̇о.
Kakusandho nāma nāmena, appameyyo durāsado.
2.
2.
‘‘уг̇гхаадзд̇ваа саб̣б̣абхавам̣, жарияааяа баарамим̣ г̇ад̇о;
‘‘Ugghāṭetvā sabbabhavaṃ, cariyāya pāramiṃ gato;
сийхова бан̃ж̇арам̣ бхзд̇ваа, бад̇д̇о самб̣од̇химуд̇д̇амам̣.
Sīhova pañjaraṃ bhetvā, patto sambodhimuttamaṃ.
3.
3.
‘‘д̇хаммажаггам̣ бавад̇д̇знд̇з, гагусанд̇хз логанааяагз;
‘‘Dhammacakkaṃ pavattente, kakusandhe lokanāyake;
жад̇д̇аалийсагодисахассаанам̣, д̇хаммаабхисамаяо аху.
Cattālīsakoṭisahassānaṃ, dhammābhisamayo ahu.
4.
4.
‘‘анд̇алигкамхи аагаасз, яамагам̣ гад̇ваа вигуб̣б̣анам̣;
‘‘Antalikkhamhi ākāse, yamakaṃ katvā vikubbanaṃ;
д̇им̣сагодисахассаанам̣, б̣од̇хзси д̣̇звамаанусз.
Tiṃsakoṭisahassānaṃ, bodhesi devamānuse.
5.
5.
‘‘нарад̣̇звасса яагкасса, жад̇усажжаббагаасанз;
‘‘Naradevassa yakkhassa, catusaccappakāsane;
д̇хаммаабхисамаяо д̇асса, г̇ан̣анаад̇о асан̇кияо’’д̇и.
Dhammābhisamayo tassa, gaṇanāto asaṅkhiyo’’ti.
д̇ад̇т̇а уг̇гхаадзд̇ваад̇и самууханид̇ваа. саб̣б̣абхаванд̇и саб̣б̣ам̣ нававид̇хам̣ бхавам̣, бхавуббад̇д̇инимид̇д̇ам̣ гамманд̇и ад̇т̇о. жарияааяа баарамим̣ г̇ад̇од̇и саб̣б̣абаарамийнам̣ бууран̣авасзна баарам̣ г̇ад̇о. сийхова бан̃ж̇арам̣ бхзд̇ваад̇и сийхо вияа бан̃ж̇арам̣ мунигун̃ж̇аро бхавабан̃ж̇арам̣ винаасзд̇ваад̇и ад̇т̇о. гагусанд̇хасса вид̣̇д̇хасд̇абхаваб̣анд̇ханасса згова саавагасаннибаад̇о ахоси. ган̣н̣агуж̇ж̇анаг̇арз исибад̇анз миг̇ад̣̇ааяз ад̇д̇анаа саха баб̣б̣аж̇ид̇зхи жад̇д̇аалийсааяа араханд̇асахассзхи баривуд̇о маагхабун̣н̣амааяам̣ бхаг̇аваа баад̇имогкам̣ уд̣̇д̣̇иси. д̇зна вуд̇д̇ам̣ –
Tattha ugghāṭetvāti samūhanitvā. Sabbabhavanti sabbaṃ navavidhaṃ bhavaṃ, bhavuppattinimittaṃ kammanti attho. Cariyāya pāramiṃ gatoti sabbapāramīnaṃ pūraṇavasena pāraṃ gato. Sīhova pañjaraṃ bhetvāti sīho viya pañjaraṃ munikuñjaro bhavapañjaraṃ vināsetvāti attho. Kakusandhassa viddhastabhavabandhanassa ekova sāvakasannipāto ahosi. Kaṇṇakujjanagare isipatane migadāye attanā saha pabbajitehi cattālīsāya arahantasahassehi parivuto māghapuṇṇamāyaṃ bhagavā pātimokkhaṃ uddisi. Tena vuttaṃ –
6.
6.
‘‘гагусанд̇хасса бхаг̇авад̇о, зго ааси самааг̇амо;
‘‘Kakusandhassa bhagavato, eko āsi samāgamo;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
‘‘жад̇д̇аалийсасахассаанам̣, д̇ад̣̇аа ааси самааг̇амо;
‘‘Cattālīsasahassānaṃ, tadā āsi samāgamo;
д̣̇анд̇абхуумимануббад̇д̇аанам̣, аасаваариг̇ан̣агкаяаа’’д̇и.
Dantabhūmimanuppattānaṃ, āsavārigaṇakkhayā’’ti.
д̇ад̣̇аа амхаагам̣ б̣од̇хисад̇д̇о кзмо наама рааж̇аа худ̇ваа б̣уд̣̇д̇хаббамукасса сан̇гхасса бад̇д̇ажийварам̣ махаад̣̇аанам̣ д̣̇ад̇ваа ан̃ж̇анаад̣̇ийни саб̣б̣абхзсаж̇ж̇аани жа ад̣̇ааси. ан̃н̃ан̃жа саман̣абаригкаарам̣ д̣̇ад̇ваа д̇асса д̇хаммад̣̇зсанам̣ суд̇ваа басаннахад̣̇аяо худ̇ваа бхаг̇авад̇о санд̇игз баб̣б̣аж̇и. со бана сад̇т̇аа – ‘‘анааг̇ад̇з имасмим̣язва габбз б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto khemo nāma rājā hutvā buddhappamukhassa saṅghassa pattacīvaraṃ mahādānaṃ datvā añjanādīni sabbabhesajjāni ca adāsi. Aññañca samaṇaparikkhāraṃ datvā tassa dhammadesanaṃ sutvā pasannahadayo hutvā bhagavato santike pabbaji. So pana satthā – ‘‘anāgate imasmiṃyeva kappe buddho bhavissatī’’ti byākāsi. Tena vuttaṃ –
8.
8.
‘‘ахам̣ д̇зна самаязна, кзмо наамааси кад̇д̇ияо;
‘‘Ahaṃ tena samayena, khemo nāmāsi khattiyo;
д̇ат̇ааг̇ад̇з ж̇инабуд̇д̇з, д̣̇аанам̣ д̣̇ад̇ваа анаббагам̣.
Tathāgate jinaputte, dānaṃ datvā anappakaṃ.
9.
9.
‘‘бад̇д̇ан̃жа жийварам̣ д̣̇ад̇ваа, ан̃ж̇анам̣ мад̇хуладтигам̣;
‘‘Pattañca cīvaraṃ datvā, añjanaṃ madhulaṭṭhikaṃ;
имзд̇ам̣ бад̇т̇ид̇ам̣ саб̣б̣ам̣, бадияаад̣̇зми варам̣ варам̣.
Imetaṃ patthitaṃ sabbaṃ, paṭiyādemi varaṃ varaṃ.
10.
10.
‘‘соби мам̣ б̣уд̣̇д̇хо б̣яаагааси, гагусанд̇хо винааяаго;
‘‘Sopi maṃ buddho byākāsi, kakusandho vināyako;
имамхи бхад̣̇д̣̇агз габбз, аяам̣ б̣уд̣̇д̇хо бхависсад̇и.
Imamhi bhaddake kappe, ayaṃ buddho bhavissati.
11.
11.
‘‘аху габилавхаяаа раммаа…бз… хзссаама саммукаа имам̣.
‘‘Ahu kapilavhayā rammā…pe… hessāma sammukhā imaṃ.
13.
13.
‘‘наг̇арам̣ кзмавад̇ий наама, кзмо наамаасахам̣ д̇ад̣̇аа;
‘‘Nagaraṃ khemavatī nāma, khemo nāmāsahaṃ tadā;
саб̣б̣ан̃н̃уд̇ам̣ г̇авзсанд̇о, баб̣б̣аж̇им̣ д̇асса санд̇игз’’д̇и.
Sabbaññutaṃ gavesanto, pabbajiṃ tassa santike’’ti.
д̇ад̇т̇а ан̃ж̇анам̣ баагадамзва. мад̇хуладтиганд̇и яадтимад̇хугам̣. имзд̇анд̇и имам̣ зд̇ам̣. бад̇т̇ид̇анд̇и ижчид̇ам̣. бадияаад̣̇змийд̇и д̣̇аж̇ж̇аами, ад̣̇аасинд̇и ад̇т̇о. варам̣ варанд̇и сздтам̣ сздтанд̇и ад̇т̇о. ‘‘яад̣̇зд̇ам̣ бад̇т̇ид̇а’’нд̇иби баато, д̇асса яам̣ ижчад̇и, зд̇ам̣ саб̣б̣ам̣ ад̣̇аасинд̇и ад̇т̇о. аяам̣ сунд̣̇арад̇аро.
Tattha añjanaṃ pākaṭameva. Madhulaṭṭhikanti yaṭṭhimadhukaṃ. Imetanti imaṃ etaṃ. Patthitanti icchitaṃ. Paṭiyādemīti dajjāmi, adāsinti attho. Varaṃ varanti seṭṭhaṃ seṭṭhanti attho. ‘‘Yadetaṃ patthita’’ntipi pāṭho, tassa yaṃ icchati, etaṃ sabbaṃ adāsinti attho. Ayaṃ sundarataro.
д̇асса бана ад̣̇анд̇хасса гагусанд̇хасса бхаг̇авад̇о кзмам̣ наама наг̇арам̣ ахоси. аг̇г̇ид̣̇ад̇д̇о наама б̣раахман̣о бид̇аа, висаакаа наама б̣раахман̣ий маад̇аа, вид̇хуро жа сан̃ж̇ийво жа д̣̇вз аг̇г̇асаавагаа, б̣уд̣̇д̇хиж̇о наамубадтааго, саамаа жа жамбаа жа д̣̇вз аг̇г̇асаавигаа, махаасирийсаругко б̣од̇хи, сарийрам̣ жад̇д̇аалийсахад̇т̇уб̣б̣зд̇хам̣ ахоси, саманд̇аа д̣̇асаяож̇анаани сарийраббабхаа нижчарад̇и , жад̇д̇аалийсавассасахассаани ааяу, бхарияаа банасса рожиний наама б̣раахман̣ий, уд̇д̇аро наама буд̇д̇о, ааж̇ан̃н̃арат̇зна нигками. д̇зна вуд̇д̇ам̣ –
Tassa pana adandhassa kakusandhassa bhagavato khemaṃ nāma nagaraṃ ahosi. Aggidatto nāma brāhmaṇo pitā, visākhā nāma brāhmaṇī mātā, vidhuro ca sañjīvo ca dve aggasāvakā, buddhijo nāmupaṭṭhāko, sāmā ca campā ca dve aggasāvikā, mahāsirīsarukkho bodhi, sarīraṃ cattālīsahatthubbedhaṃ ahosi, samantā dasayojanāni sarīrappabhā niccharati , cattālīsavassasahassāni āyu, bhariyā panassa rocinī nāma brāhmaṇī, uttaro nāma putto, ājaññarathena nikkhami. Tena vuttaṃ –
14.
14.
‘‘б̣раахман̣о аг̇г̇ид̣̇ад̇д̇о жа, ааси б̣уд̣̇д̇хасса со бид̇аа;
‘‘Brāhmaṇo aggidatto ca, āsi buddhassa so pitā;
висаакаа наама ж̇анигаа, гагусанд̇хасса сад̇т̇уно.
Visākhā nāma janikā, kakusandhassa satthuno.
15.
15.
‘‘васад̇з д̇ад̇т̇а кзмз бурз, самб̣уд̣̇д̇хасса махаагулам̣;
‘‘Vasate tattha kheme pure, sambuddhassa mahākulaṃ;
нараанам̣ баварам̣ сздтам̣, ж̇аад̇иманд̇ам̣ махааяасам̣.
Narānaṃ pavaraṃ seṭṭhaṃ, jātimantaṃ mahāyasaṃ.
20.
20.
‘‘вид̇хуро жа сан̃ж̇ийво жа, ахзсум̣ аг̇г̇асаавагаа;
‘‘Vidhuro ca sañjīvo ca, ahesuṃ aggasāvakā;
б̣уд̣̇д̇хиж̇о наамубадтааго, гагусанд̇хасса сад̇т̇уно.
Buddhijo nāmupaṭṭhāko, kakusandhassa satthuno.
21.
21.
‘‘саамаа жа жамбаанаамаа жа, ахзсум̣ аг̇г̇асаавигаа;
‘‘Sāmā ca campānāmā ca, ahesuṃ aggasāvikā;
б̣од̇хи д̇асса бхаг̇авад̇о, сирийсод̇и бавужжад̇и.
Bodhi tassa bhagavato, sirīsoti pavuccati.
23.
23.
‘‘жад̇д̇аалийсарад̇анаани, ажжуг̇г̇ад̇о махаамуни;
‘‘Cattālīsaratanāni, accuggato mahāmuni;
ганагаббабхаа нижчарад̇и, саманд̇аа д̣̇асаяож̇анам̣.
Kanakappabhā niccharati, samantā dasayojanaṃ.
24.
24.
‘‘жад̇д̇аалийсавассасахассаани, ааяу д̇асса махзсино;
‘‘Cattālīsavassasahassāni, āyu tassa mahesino;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
25.
25.
‘‘д̇хаммаабан̣ам̣ басаарзд̇ваа, наранаарийнам̣ сад̣̇звагз;
‘‘Dhammāpaṇaṃ pasāretvā, naranārīnaṃ sadevake;
над̣̇ид̇ваа сийханаад̣̇ам̣ва, ниб̣б̣уд̇о со сасааваго.
Naditvā sīhanādaṃva, nibbuto so sasāvako.
26.
26.
‘‘адтан̇г̇аважанасамбанно, ажчид̣̇д̣̇аани ниранд̇арам̣;
‘‘Aṭṭhaṅgavacanasampanno, acchiddāni nirantaraṃ;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а васад̇з д̇ад̇т̇а кзмз бурзд̇и аяам̣ г̇аат̇аа гагусанд̇хасса ж̇аад̇анаг̇арасанд̣̇ассанад̇т̇ам̣ вуд̇д̇аад̇и взд̣̇ид̇аб̣б̣аа. махаагуланд̇и уд̣̇ид̇од̣̇ид̇ам̣ бхаг̇авад̇о бид̇угулам̣. нараанам̣ баварам̣ сздтанд̇и ж̇аад̇ивасзна саб̣б̣амануссаанам̣ баварам̣ сздтанд̇и ад̇т̇о. ж̇аад̇иманд̇анд̇и абхиж̇аад̇иванд̇ам̣, уд̇д̇амаабхиж̇аад̇ам̣. махааяасанд̇и махаабариваарам̣, гим̣ д̇ам̣ б̣уд̣̇д̇хасса махаагулам̣? д̇ад̇т̇а махаагулам̣ кзмз бурз васад̇зд̇ибад̣̇зна самб̣анд̇хо д̣̇адтаб̣б̣о.
Tattha vasate tattha kheme pureti ayaṃ gāthā kakusandhassa jātanagarasandassanatthaṃ vuttāti veditabbā. Mahākulanti uditoditaṃ bhagavato pitukulaṃ. Narānaṃ pavaraṃ seṭṭhanti jātivasena sabbamanussānaṃ pavaraṃ seṭṭhanti attho. Jātimantanti abhijātivantaṃ, uttamābhijātaṃ. Mahāyasanti mahāparivāraṃ, kiṃ taṃ buddhassa mahākulaṃ? Tattha mahākulaṃ kheme pure vasatetipadena sambandho daṭṭhabbo.
саманд̇аа д̣̇асаяож̇ананд̇и саманд̇ад̇о д̣̇аса яож̇анаани парид̇ваа нижжагаалам̣ сарийрад̇о нигкамид̇ваа суван̣н̣аван̣н̣аа бабхаа нижчарад̇ийд̇и ад̇т̇о. д̇хаммаабан̣анд̇и д̇хаммасан̇каад̇ам̣ аабан̣ам̣. басаарзд̇ваад̇и бхан̣д̣авиггин̣анад̇т̇ам̣ наанаабхан̣д̣асамид̣̇д̇хамаабан̣ам̣ вияа д̇хаммаабан̣ам̣ басаарзд̇ваад̇и ад̇т̇о. наранаарийнанд̇и взнзяяанаранаарийнам̣ жхаанасамаабад̇д̇имаг̇г̇апаларад̇анависзсаад̇хиг̇амад̇т̇ааяа. сийханаад̣̇ам̣ ваад̇и сийханаад̣̇ам̣ вияа, абхаяанаад̣̇ам̣ над̣̇ид̇ваа. адтан̇г̇аважанасамбаннод̇и адтан̇г̇асаманнааг̇ад̇асаро сад̇т̇аа. ажчид̣̇д̣̇аанийд̇и чид̣̇д̣̇аад̣̇ибхааварахид̇аани сийлаани ажчид̣̇д̣̇аани асаб̣алаани агаммаасаани. ат̇а ваа ажчид̣̇д̣̇аани авивараани саавагаяуг̇ал̣аад̣̇ийни. ниранд̇аранд̇и сад̇ад̇ам̣ саб̣б̣агаалам̣. саб̣б̣ам̣ д̇аманд̇арахид̇анд̇и сад̇т̇аа жа саавагаяуг̇ал̣аад̣̇ийни жа д̇ам̣ саб̣б̣ам̣ мунибхаавамубаг̇анд̇ваа ад̣̇ассанабхаавамубаг̇ад̇анд̇и ад̇т̇о.
Samantā dasayojananti samantato dasa yojanāni pharitvā niccakālaṃ sarīrato nikkhamitvā suvaṇṇavaṇṇā pabhā niccharatīti attho. Dhammāpaṇanti dhammasaṅkhātaṃ āpaṇaṃ. Pasāretvāti bhaṇḍavikkiṇanatthaṃ nānābhaṇḍasamiddhamāpaṇaṃ viya dhammāpaṇaṃ pasāretvāti attho. Naranārīnanti veneyyanaranārīnaṃ jhānasamāpattimaggaphalaratanavisesādhigamatthāya. Sīhanādaṃ vāti sīhanādaṃ viya, abhayanādaṃ naditvā. Aṭṭhaṅgavacanasampannoti aṭṭhaṅgasamannāgatasaro satthā. Acchiddānīti chiddādibhāvarahitāni sīlāni acchiddāni asabalāni akammāsāni. Atha vā acchiddāni avivarāni sāvakayugaḷādīni. Nirantaranti satataṃ sabbakālaṃ. Sabbaṃ tamantarahitanti satthā ca sāvakayugaḷādīni ca taṃ sabbaṃ munibhāvamupagantvā adassanabhāvamupagatanti attho.
‘‘абзд̇аб̣анд̇хо гагусанд̇хаб̣уд̣̇д̇хо, ад̣̇анд̇хабан̃н̃о г̇ад̇асаб̣б̣аранд̇хо;
‘‘Apetabandho kakusandhabuddho, adandhapañño gatasabbarandho;
д̇илогасанд̇хо гира сажжасанд̇хо, кзмз банз ваасамагаббаяид̇т̇а’’.
Tilokasandho kira saccasandho, kheme pane vāsamakappayittha’’.
сзсаг̇аат̇аасу саб̣б̣ад̇т̇а баагадамзваад̇и.
Sesagāthāsu sabbattha pākaṭamevāti.
гагусанд̇хаб̣уд̣̇д̇хавам̣саван̣н̣анаа нидтид̇аа.
Kakusandhabuddhavaṃsavaṇṇanā niṭṭhitā.
нидтид̇о б̣аавийсад̇имо б̣уд̣̇д̇хавам̣со.
Niṭṭhito bāvīsatimo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 24. гагусанд̇хаб̣уд̣̇д̇хавам̣со • 24. Kakusandhabuddhavaṃso
