| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
24. гагусанд̇хаб̣уд̣̇д̇хавам̣со
24. Kakusandhabuddhavaṃso
1.
1.
взссабхусса абарзна, самб̣уд̣̇д̇хо д̣̇вибад̣̇уд̇д̇амо;
Vessabhussa aparena, sambuddho dvipaduttamo;
гагусанд̇хо наама наамзна, аббамзяяо д̣̇ураасад̣̇о.
Kakusandho nāma nāmena, appameyyo durāsado.
2.
2.
уг̇гхаадзд̇ваа саб̣б̣абхавам̣, жарияааяа баарамим̣ г̇ад̇о;
Ugghāṭetvā sabbabhavaṃ, cariyāya pāramiṃ gato;
сийхова бан̃ж̇арам̣ бхзд̇ваа, бад̇д̇о самб̣од̇химуд̇д̇амам̣.
Sīhova pañjaraṃ bhetvā, patto sambodhimuttamaṃ.
3.
3.
д̇хаммажаггам̣ бавад̇д̇знд̇з, гагусанд̇хз логанааяагз;
Dhammacakkaṃ pavattente, kakusandhe lokanāyake;
жад̇д̇аарийсагодисахассаанам̣, д̇хаммаабхисамаяо аху.
Cattārīsakoṭisahassānaṃ, dhammābhisamayo ahu.
4.
4.
анд̇алигкамхи аагаасз, яамагам̣ гад̇ваа вигуб̣б̣анам̣;
Antalikkhamhi ākāse, yamakaṃ katvā vikubbanaṃ;
д̇им̣сагодисахассаанам̣, б̣од̇хзси д̣̇звамаанусз.
Tiṃsakoṭisahassānaṃ, bodhesi devamānuse.
5.
5.
нарад̣̇звасса яагкасса, жад̇усажжаббагаасанз;
Naradevassa yakkhassa, catusaccappakāsane;
д̇хаммаабхисамаяо д̇асса, г̇ан̣анаад̇о асан̇кияо.
Dhammābhisamayo tassa, gaṇanāto asaṅkhiyo.
6.
6.
гагусанд̇хасса бхаг̇авад̇о, зго ааси самааг̇амо;
Kakusandhassa bhagavato, eko āsi samāgamo;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
жад̇д̇аалийсасахассаанам̣, д̇ад̣̇аа ааси самааг̇амо;
Cattālīsasahassānaṃ, tadā āsi samāgamo;
д̣̇анд̇абхуумимануббад̇д̇аанам̣, аасаваариг̇ан̣агкаяаа.
Dantabhūmimanuppattānaṃ, āsavārigaṇakkhayā.
8.
8.
ахам̣ д̇зна самаязна, кзмо наамааси кад̇д̇ияо;
Ahaṃ tena samayena, khemo nāmāsi khattiyo;
д̇ат̇ааг̇ад̇з ж̇инабуд̇д̇з, д̣̇аанам̣ д̣̇ад̇ваа анаббагам̣.
Tathāgate jinaputte, dānaṃ datvā anappakaṃ.
9.
9.
бад̇д̇ан̃жа жийварам̣ д̣̇ад̇ваа, ан̃ж̇анам̣ мад̇хуладтигам̣;
Pattañca cīvaraṃ datvā, añjanaṃ madhulaṭṭhikaṃ;
имзд̇ам̣ бад̇т̇ид̇ам̣ саб̣б̣ам̣, бадияаад̣̇зми варам̣ варам̣.
Imetaṃ patthitaṃ sabbaṃ, paṭiyādemi varaṃ varaṃ.
10.
10.
соби мам̣ б̣уд̣̇д̇хо б̣яаагааси, гагусанд̇хо винааяаго;
Sopi maṃ buddho byākāsi, kakusandho vināyako;
‘‘имамхи бхад̣̇д̣̇агз габбз, аяам̣ б̣уд̣̇д̇хо бхависсад̇и.
‘‘Imamhi bhaddake kappe, ayaṃ buddho bhavissati.
11.
11.
‘‘аху габилавхаяаа раммаа…бз… хзссаама саммукаа имам̣’’.
‘‘Ahu kapilavhayā rammā…pe… hessāma sammukhā imaṃ’’.
12.
12.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
13.
13.
наг̇арам̣ кзмаавад̇ий наама, кзмо наамаасахам̣ д̇ад̣̇аа;
Nagaraṃ khemāvatī nāma, khemo nāmāsahaṃ tadā;
саб̣б̣ан̃н̃уд̇ам̣ г̇авзсанд̇о, баб̣б̣аж̇им̣ д̇асса санд̇игз.
Sabbaññutaṃ gavesanto, pabbajiṃ tassa santike.
14.
14.
б̣раахман̣о аг̇г̇ид̣̇ад̇д̇о жа, ааси б̣уд̣̇д̇хасса со бид̇аа;
Brāhmaṇo aggidatto ca, āsi buddhassa so pitā;
висаакаа наама ж̇анигаа, гагусанд̇хасса сад̇т̇уно.
Visākhā nāma janikā, kakusandhassa satthuno.
15.
15.
васад̇з д̇ад̇т̇а кзмз бурз, самб̣уд̣̇д̇хасса махаагулам̣;
Vasate tattha kheme pure, sambuddhassa mahākulaṃ;
нараанам̣ баварам̣ сздтам̣, ж̇аад̇иманд̇ам̣ махааяасам̣.
Narānaṃ pavaraṃ seṭṭhaṃ, jātimantaṃ mahāyasaṃ.
16.
16.
жад̇увассасахассаани, аг̇аарам̣ аж̇жха со васи;
Catuvassasahassāni, agāraṃ ajjha so vasi;
гаама -гаамаван̣н̣а-гаамасуд̣̇д̇хинаамаа 1, д̇аяо баасаад̣̇амуд̇д̇амаа.
Kāma -kāmavaṇṇa-kāmasuddhināmā 2, tayo pāsādamuttamā.
17.
17.
самад̇им̣сасахассаани , наарияо самалан̇гад̇аа;
Samatiṃsasahassāni , nāriyo samalaṅkatā;
рожиний наама саа наарий, уд̇д̇аро наама ад̇раж̇о.
Rocinī nāma sā nārī, uttaro nāma atrajo.
18.
18.
нимид̇д̇з жад̇уро д̣̇исваа, рат̇аяаанзна нигками;
Nimitte caturo disvā, rathayānena nikkhami;
ануунаадтамаасаани, бад̇хаанам̣ бад̣̇ахий ж̇ино.
Anūnaaṭṭhamāsāni, padhānaṃ padahī jino.
19.
19.
б̣рахмунаа яаажид̇о санд̇о, гагусанд̇хо винааяаго;
Brahmunā yācito santo, kakusandho vināyako;
вад̇д̇и жаггам̣ махаавийро, миг̇ад̣̇ааяз наруд̇д̇амо.
Vatti cakkaṃ mahāvīro, migadāye naruttamo.
20.
20.
вид̇хуро жа сан̃ж̇ийво жа, ахзсум̣ аг̇г̇асаавагаа;
Vidhuro ca sañjīvo ca, ahesuṃ aggasāvakā;
б̣уд̣̇д̇хиж̇о наамубадтааго, гагусанд̇хасса сад̇т̇уно.
Buddhijo nāmupaṭṭhāko, kakusandhassa satthuno.
21.
21.
саамаа жа жамбаанаамаа жа, ахзсум̣ аг̇г̇асаавигаа;
Sāmā ca campānāmā ca, ahesuṃ aggasāvikā;
б̣од̇хи д̇асса бхаг̇авад̇о, сирийсод̇и бавужжад̇и.
Bodhi tassa bhagavato, sirīsoti pavuccati.
22.
22.
ажжуд̇о жа сумано жа, ахзсум̣ аг̇г̇убадтагаа;
Accuto ca sumano ca, ahesuṃ aggupaṭṭhakā;
нанд̣̇аа жзва сунанд̣̇аа жа, ахзсум̣ аг̇г̇убадтигаа.
Nandā ceva sunandā ca, ahesuṃ aggupaṭṭhikā.
23.
23.
жад̇д̇аалийсарад̇анаани , ажжуг̇г̇ад̇о махаамуни;
Cattālīsaratanāni , accuggato mahāmuni;
ганагаббабхаа нижчарад̇и, саманд̇аа д̣̇асаяож̇анам̣.
Kanakappabhā niccharati, samantā dasayojanaṃ.
24.
24.
жад̇д̇аалийсавассасахассаани, ааяу д̇асса махзсино;
Cattālīsavassasahassāni, āyu tassa mahesino;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
25.
25.
д̇хаммаабан̣ам̣ басаарзд̇ваа, наранаарийнам̣ сад̣̇звагз;
Dhammāpaṇaṃ pasāretvā, naranārīnaṃ sadevake;
над̣̇ид̇ваа сийханаад̣̇ам̣ва, ниб̣б̣уд̇о со сасааваго.
Naditvā sīhanādaṃva, nibbuto so sasāvako.
26.
26.
адтан̇г̇аважанасамбанно, ажчид̣̇д̣̇аани ниранд̇арам̣;
Aṭṭhaṅgavacanasampanno, acchiddāni nirantaraṃ;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
27.
27.
гагусанд̇хо ж̇инаваро, кзмаараамамхи ниб̣б̣уд̇о;
Kakusandho jinavaro, khemārāmamhi nibbuto;
д̇ад̇т̇звасса т̇уубаваро, г̇аавуд̇ам̣ набхамуг̇г̇ад̇од̇и.
Tatthevassa thūpavaro, gāvutaṃ nabhamuggatoti.
гагусанд̇хасса бхаг̇авад̇о вам̣со д̣̇ваавийсад̇имо.
Kakusandhassa bhagavato vaṃso dvāvīsatimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 24. гагусанд̇хаб̣уд̣̇д̇хавам̣саван̣н̣анаа • 24. Kakusandhabuddhavaṃsavaṇṇanā
