| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೬-೭. ಕಾಲದಾನಸುತ್ತಾದಿವಣ್ಣನಾ
6-7. Kāladānasuttādivaṇṇanā
೩೬-೩೭. ಛಟ್ಠೇ ಆರಾಮತೋತಿ ಫಲಾರಾಮತೋ। ಪಠಮುಪ್ಪನ್ನಾನೀತಿ ಸಬ್ಬಪಠಮಂ ಸುಜಾತಾನಿ। ಭಾಸಿತಞ್ಞೂತಿ ಭಿಕ್ಖೂ ಘರದ್ವಾರೇ ಠಿತಾ ಕಿಞ್ಚಾಪಿ ತುಣ್ಹೀ ಹೋನ್ತಿ, ಅತ್ಥತೋ ಪನ ‘‘ಭಿಕ್ಖಂ ದೇಥಾ’’ತಿ ವದನ್ತಿ ನಾಮ ಅರಿಯಾಯ ಯಾಚನಾಯ। ವುತ್ತಞ್ಹೇತಂ ‘‘ಉದ್ಧಿಸ್ಸ ಅರಿಯಾ ತಿಟ್ಠನ್ತಿ, ಏಸಾ ಅರಿಯಾನಂ ಯಾಚನಾ’’ತಿ। ತತ್ರ ಯೇ ‘‘ಮಯಂ ಪಚಾಮ, ಇಮೇ ನ ಪಚನ್ತಿ, ಪಚಮಾನೇ ಪತ್ವಾ ಅಲಭನ್ತಾ ಕುಹಿಂ ಲಭಿಸ್ಸನ್ತೀ’’ತಿ ದೇಯ್ಯಧಮ್ಮಂ ಸಂವಿಭಜನ್ತಿ, ತೇ ಭಾಸಿತಞ್ಞೂ ನಾಮ ಞತ್ವಾ ಕತ್ತಬ್ಬಸ್ಸ ಕರಣತೋ। ಯುತ್ತಪ್ಪತ್ತಕಾಲೇತಿ ದಾತುಂ ಯುತ್ತಪ್ಪತ್ತಕಾಲೇ। ಅಪ್ಪಟಿವಾನಚಿತ್ತೋತಿ ಅನಿವತ್ತನಚಿತ್ತೋ। ಸತ್ತಮಂ ಉತ್ತಾನಮೇವ।
36-37. Chaṭṭhe ārāmatoti phalārāmato. Paṭhamuppannānīti sabbapaṭhamaṃ sujātāni. Bhāsitaññūti bhikkhū gharadvāre ṭhitā kiñcāpi tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddhissa ariyā tiṭṭhanti, esā ariyānaṃ yācanā’’ti. Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissantī’’ti deyyadhammaṃ saṃvibhajanti, te bhāsitaññū nāma ñatvā kattabbassa karaṇato. Yuttappattakāleti dātuṃ yuttappattakāle. Appaṭivānacittoti anivattanacitto. Sattamaṃ uttānameva.
ಕಾಲದಾನಸುತ್ತಾದಿವಣ್ಣನಾ ನಿಟ್ಠಿತಾ।
Kāladānasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೬. ಕಾಲದಾನಸುತ್ತಂ • 6. Kāladānasuttaṃ
೯. ಭೋಜನಸುತ್ತಂ • 9. Bhojanasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೬. ಕಾಲದಾನಸುತ್ತವಣ್ಣನಾ • 6. Kāladānasuttavaṇṇanā
೭. ಭೋಜನಸುತ್ತವಣ್ಣನಾ • 7. Bhojanasuttavaṇṇanā
