| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. காலதா³னஸுத்தவண்ணனா
6. Kāladānasuttavaṇṇanā
36. ச²ட்டே² காலதா³னானீதி யுத்ததா³னானி, பத்ததா³னானி அனுச்ச²விகதா³னானீதி அத்தோ². நவஸஸ்ஸானீதி அக்³க³ஸஸ்ஸானி. நவப²லானீதி ஆராமதோ பட²முப்பன்னானி அக்³க³ப²லானி. பட²மங் ஸீலவந்தேஸு பதிட்டா²பேதீதி பட²மங் ஸீலவந்தானங் த³த்வா பச்சா² அத்தனா பரிபு⁴ஞ்ஜதி. வத³ஞ்ஞூதி பா⁴ஸிதஞ்ஞூ. காலேன தி³ன்னந்தி யுத்தப்பத்தகாலேன தி³ன்னங். அனுமோத³ந்தீதி ஏகமந்தே டி²தா அனுமோத³ந்தி. வெய்யாவச்சந்தி காயேன வெய்யாவடிககம்மங் கரொந்தி. அப்படிவானசித்தோதி அனுக்கண்டி²தசித்தோ. யத்த² தி³ன்னங் மஹப்ப²லந்தி யஸ்மிங் டா²னே தி³ன்னங் மஹப்ப²லங் ஹோதி, தத்த² த³தெ³ய்ய.
36. Chaṭṭhe kāladānānīti yuttadānāni, pattadānāni anucchavikadānānīti attho. Navasassānīti aggasassāni. Navaphalānīti ārāmato paṭhamuppannāni aggaphalāni. Paṭhamaṃ sīlavantesu patiṭṭhāpetīti paṭhamaṃ sīlavantānaṃ datvā pacchā attanā paribhuñjati. Vadaññūti bhāsitaññū. Kālena dinnanti yuttappattakālena dinnaṃ. Anumodantīti ekamante ṭhitā anumodanti. Veyyāvaccanti kāyena veyyāvaṭikakammaṃ karonti. Appaṭivānacittoti anukkaṇṭhitacitto. Yattha dinnaṃ mahapphalanti yasmiṃ ṭhāne dinnaṃ mahapphalaṃ hoti, tattha dadeyya.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. காலதா³னஸுத்தங் • 6. Kāladānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-7. காலதா³னஸுத்தாதி³வண்ணனா • 6-7. Kāladānasuttādivaṇṇanā
