| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೬. ಕಾಲದಾನಸುತ್ತವಣ್ಣನಾ
6. Kāladānasuttavaṇṇanā
೩೬. ಛಟ್ಠೇ ಕಾಲದಾನಾನೀತಿ ಯುತ್ತದಾನಾನಿ, ಪತ್ತದಾನಾನಿ ಅನುಚ್ಛವಿಕದಾನಾನೀತಿ ಅತ್ಥೋ। ನವಸಸ್ಸಾನೀತಿ ಅಗ್ಗಸಸ್ಸಾನಿ। ನವಫಲಾನೀತಿ ಆರಾಮತೋ ಪಠಮುಪ್ಪನ್ನಾನಿ ಅಗ್ಗಫಲಾನಿ। ಪಠಮಂ ಸೀಲವನ್ತೇಸು ಪತಿಟ್ಠಾಪೇತೀತಿ ಪಠಮಂ ಸೀಲವನ್ತಾನಂ ದತ್ವಾ ಪಚ್ಛಾ ಅತ್ತನಾ ಪರಿಭುಞ್ಜತಿ। ವದಞ್ಞೂತಿ ಭಾಸಿತಞ್ಞೂ। ಕಾಲೇನ ದಿನ್ನನ್ತಿ ಯುತ್ತಪ್ಪತ್ತಕಾಲೇನ ದಿನ್ನಂ। ಅನುಮೋದನ್ತೀತಿ ಏಕಮನ್ತೇ ಠಿತಾ ಅನುಮೋದನ್ತಿ। ವೇಯ್ಯಾವಚ್ಚನ್ತಿ ಕಾಯೇನ ವೇಯ್ಯಾವಟಿಕಕಮ್ಮಂ ಕರೋನ್ತಿ। ಅಪ್ಪಟಿವಾನಚಿತ್ತೋತಿ ಅನುಕ್ಕಣ್ಠಿತಚಿತ್ತೋ। ಯತ್ಥ ದಿನ್ನಂ ಮಹಪ್ಫಲನ್ತಿ ಯಸ್ಮಿಂ ಠಾನೇ ದಿನ್ನಂ ಮಹಪ್ಫಲಂ ಹೋತಿ, ತತ್ಥ ದದೇಯ್ಯ।
36. Chaṭṭhe kāladānānīti yuttadānāni, pattadānāni anucchavikadānānīti attho. Navasassānīti aggasassāni. Navaphalānīti ārāmato paṭhamuppannāni aggaphalāni. Paṭhamaṃ sīlavantesu patiṭṭhāpetīti paṭhamaṃ sīlavantānaṃ datvā pacchā attanā paribhuñjati. Vadaññūti bhāsitaññū. Kālena dinnanti yuttappattakālena dinnaṃ. Anumodantīti ekamante ṭhitā anumodanti. Veyyāvaccanti kāyena veyyāvaṭikakammaṃ karonti. Appaṭivānacittoti anukkaṇṭhitacitto. Yattha dinnaṃ mahapphalanti yasmiṃ ṭhāne dinnaṃ mahapphalaṃ hoti, tattha dadeyya.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೬. ಕಾಲದಾನಸುತ್ತಂ • 6. Kāladānasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೬-೭. ಕಾಲದಾನಸುತ್ತಾದಿವಣ್ಣನಾ • 6-7. Kāladānasuttādivaṇṇanā
