| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൬. കാലദാനസുത്തവണ്ണനാ
6. Kāladānasuttavaṇṇanā
൩൬. ഛട്ഠേ കാലദാനാനീതി യുത്തദാനാനി, പത്തദാനാനി അനുച്ഛവികദാനാനീതി അത്ഥോ. നവസസ്സാനീതി അഗ്ഗസസ്സാനി. നവഫലാനീതി ആരാമതോ പഠമുപ്പന്നാനി അഗ്ഗഫലാനി. പഠമം സീലവന്തേസു പതിട്ഠാപേതീതി പഠമം സീലവന്താനം ദത്വാ പച്ഛാ അത്തനാ പരിഭുഞ്ജതി. വദഞ്ഞൂതി ഭാസിതഞ്ഞൂ. കാലേന ദിന്നന്തി യുത്തപ്പത്തകാലേന ദിന്നം. അനുമോദന്തീതി ഏകമന്തേ ഠിതാ അനുമോദന്തി. വേയ്യാവച്ചന്തി കായേന വേയ്യാവടികകമ്മം കരോന്തി. അപ്പടിവാനചിത്തോതി അനുക്കണ്ഠിതചിത്തോ. യത്ഥ ദിന്നം മഹപ്ഫലന്തി യസ്മിം ഠാനേ ദിന്നം മഹപ്ഫലം ഹോതി, തത്ഥ ദദേയ്യ.
36. Chaṭṭhe kāladānānīti yuttadānāni, pattadānāni anucchavikadānānīti attho. Navasassānīti aggasassāni. Navaphalānīti ārāmato paṭhamuppannāni aggaphalāni. Paṭhamaṃ sīlavantesu patiṭṭhāpetīti paṭhamaṃ sīlavantānaṃ datvā pacchā attanā paribhuñjati. Vadaññūti bhāsitaññū. Kālena dinnanti yuttappattakālena dinnaṃ. Anumodantīti ekamante ṭhitā anumodanti. Veyyāvaccanti kāyena veyyāvaṭikakammaṃ karonti. Appaṭivānacittoti anukkaṇṭhitacitto. Yattha dinnaṃ mahapphalanti yasmiṃ ṭhāne dinnaṃ mahapphalaṃ hoti, tattha dadeyya.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൬. കാലദാനസുത്തം • 6. Kāladānasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൬-൭. കാലദാനസുത്താദിവണ്ണനാ • 6-7. Kāladānasuttādivaṇṇanā
