| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
11. галахавиваад̣̇асуд̇д̇анид̣̇д̣̇зсаван̣н̣анаа
11. Kalahavivādasuttaniddesavaṇṇanā
97. згаад̣̇асамз галахавиваад̣̇асуд̇д̇анид̣̇д̣̇зсз гуд̇обахууд̇аа галахаа виваад̣̇аад̇и галахо жа д̇асса буб̣б̣абхааг̇о виваад̣̇о жаад̇и имз гуд̇о ж̇аад̇аа. барид̣̇звасогаа сахамажчараа жаад̇и барид̣̇звасогаа жа сахамажчараа жа гуд̇о бахууд̇аа. маанаад̇имаанаа сахабзсун̣аа жаад̇и маанаа жа ад̇имаанаа жа бзсун̣аа жа гуд̇о бахууд̇аа. д̇зд̇и д̇з саб̣б̣зби адта гилзсад̇хаммаа. д̇ад̣̇ин̇гха б̣яуухийд̇и д̇ам̣ маяаа бужчид̇амад̇т̇ам̣ б̣руухи, яаажаами д̇ам̣ аханд̇и. яаажанад̇т̇о хи ин̇гхаад̇и нибаад̇о.
97. Ekādasame kalahavivādasuttaniddese kutopahūtā kalahā vivādāti kalaho ca tassa pubbabhāgo vivādo cāti ime kuto jātā. Paridevasokā sahamaccharā cāti paridevasokā ca sahamaccharā ca kuto pahūtā. Mānātimānā sahapesuṇā cāti mānā ca atimānā ca pesuṇā ca kuto pahūtā. Teti te sabbepi aṭṭha kilesadhammā. Tadiṅgha byūhīti taṃ mayā pucchitamatthaṃ brūhi, yācāmi taṃ ahanti. Yācanattho hi iṅghāti nipāto.
згзна аагаарзнаад̇и згзна гааран̣зна. абарзна аагаарзнаад̇и абарзна гааран̣зна. ааг̇ааригаа д̣̇ан̣д̣абасуд̇аад̇и г̇ахабад̇ино вихзсамаанаа. баб̣б̣аж̇ид̇аа аабад̇д̇им̣ аабаж̇ж̇анд̇аад̇и анаг̇ааригаа сад̇д̇асу аабад̇д̇игканд̇хзсу ан̃н̃ад̇арам̣ аабаж̇ж̇амаанаа.
Ekena ākārenāti ekena kāraṇena. Aparena ākārenāti aparena kāraṇena. Āgārikā daṇḍapasutāti gahapatino vihesamānā. Pabbajitā āpattiṃ āpajjantāti anagārikā sattasu āpattikkhandhesu aññataraṃ āpajjamānā.
гуд̇обахууд̇аад̇и гуд̇обхууд̇аа. гуд̇ож̇аад̇аад̇и гуд̇о бадилад̣̇д̇хабхааваа. гуд̇осан̃ж̇аад̇аад̇и убасаг̇г̇зна бад̣̇ам̣ вад̣дхид̇ам̣. гуд̇ониб̣б̣ад̇д̇аад̇и гуд̇о ниб̣б̣ад̇д̇алагкан̣ам̣ бад̇д̇аа. убасаг̇г̇зна бад̣̇ам̣ вад̣дхзд̇ваа ‘‘гуд̇оабхиниб̣б̣ад̇д̇аа’’д̇и вуд̇д̇ам̣. гуд̇обаад̇убхууд̇аад̇и гуд̇обаагадийбхууд̇аа. гим̣ нид̣̇аанаад̇иаад̣̇ийсу ад̇д̇ано палам̣ нид̣̇зд̇ийд̇и нид̣̇аанам̣. зд̇асмаа палам̣ самуд̣̇зд̇ийд̇и самуд̣̇аяо. зд̇асмаа палам̣ ж̇ааяад̇ийд̇и ж̇аад̇и. зд̇асмаа палам̣ бабхавад̇ийд̇и бабхаво. муулам̣ бужчад̇ийд̇и галахасса гааран̣ам̣ бужчад̇и. гааран̣ан̃хи бад̇идтадтзна муулам̣. ад̇д̇ано паланибпаад̣̇анад̇т̇ам̣ хинод̇и бавад̇д̇ад̇ийд̇и хзд̇у. ‘‘ханд̣̇а нам̣ г̇ан̣хат̇аа’’д̇и д̣̇ассзнд̇ам̣ вияа ад̇д̇ано палам̣ нид̣̇зд̇ийд̇и нид̣̇аанам̣. зд̇асмаа палам̣ самбхавад̇ийд̇и самбхаво. бабхавад̇и палам̣ зд̇асмаад̇и бабхаво. самудтаад̇и зд̇т̇а палам̣, зд̇зна ваа самудтаад̇ийд̇и самудтаанам̣. ад̇д̇ано палам̣ аахарад̇ийд̇и аахааро. абадигкибид̇аб̣б̣адтзна ад̇д̇ано палам̣ аарамзд̇ийд̇и аарамман̣ам̣. зд̇ам̣ бадижжа абадигкибид̇ваа палам̣ зд̇и бавад̇д̇ад̇ийд̇и бажжаяо. зд̇асмаа палам̣ самуд̣̇зд̇ийд̇и самуд̣̇аяод̇и звамзд̇зсам̣ бад̣̇аанам̣ важанад̇т̇о взд̣̇ид̇аб̣б̣о. д̇ам̣ санд̇хааяа ‘‘галахасса жа виваад̣̇асса жа муулам̣ бужчад̇ий’’д̇иаад̣̇инаа наязна д̣̇зсанаа вуд̇д̇аа.
Kutopahūtāti kutobhūtā. Kutojātāti kuto paṭiladdhabhāvā. Kutosañjātāti upasaggena padaṃ vaḍḍhitaṃ. Kutonibbattāti kuto nibbattalakkhaṇaṃ pattā. Upasaggena padaṃ vaḍḍhetvā ‘‘kutoabhinibbattā’’ti vuttaṃ. Kutopātubhūtāti kutopākaṭībhūtā. Kiṃ nidānātiādīsu attano phalaṃ nidetīti nidānaṃ. Etasmā phalaṃ samudetīti samudayo. Etasmā phalaṃ jāyatīti jāti. Etasmā phalaṃ pabhavatīti pabhavo. Mūlaṃ pucchatīti kalahassa kāraṇaṃ pucchati. Kāraṇañhi patiṭṭhaṭṭhena mūlaṃ. Attano phalanipphādanatthaṃ hinoti pavattatīti hetu. ‘‘Handa naṃ gaṇhathā’’ti dassentaṃ viya attano phalaṃ nidetīti nidānaṃ. Etasmā phalaṃ sambhavatīti sambhavo. Pabhavati phalaṃ etasmāti pabhavo. Samuṭṭhāti ettha phalaṃ, etena vā samuṭṭhātīti samuṭṭhānaṃ. Attano phalaṃ āharatīti āhāro. Apaṭikkhipitabbaṭṭhena attano phalaṃ ārametīti ārammaṇaṃ. Etaṃ paṭicca apaṭikkhipitvā phalaṃ eti pavattatīti paccayo. Etasmā phalaṃ samudetīti samudayoti evametesaṃ padānaṃ vacanattho veditabbo. Taṃ sandhāya ‘‘kalahassa ca vivādassa ca mūlaṃ pucchatī’’tiādinā nayena desanā vuttā.
98. бияаббахууд̇аад̇и бияавад̇т̇уд̇о ж̇аад̇аа. мажчзраяуд̇д̇аа галахаа виваад̣̇аад̇и иминаа галахавиваад̣̇аад̣̇ийнам̣ на гзвалам̣ бияавад̇т̇умзва, мажчарияамби бажжаяам̣ д̣̇ассзд̇и. галахавиваад̣̇асийсзна жзд̇т̇а саб̣б̣зби д̇з д̇хаммаа вуд̇д̇аад̇и взд̣̇ид̇аб̣б̣аа. яат̇аа жа зд̇зсам̣ мажчарияам̣, д̇ат̇аа бзсун̣аанан̃жа виваад̣̇ам̣. д̇знааха ‘‘виваад̣̇аж̇аад̇зсу жа бзсун̣ааний’’д̇и. имиссаа г̇аат̇ааяа нид̣̇д̣̇зсо уд̇д̇аанад̇т̇оязва.
98.Piyappahūtāti piyavatthuto jātā. Maccherayuttā kalahā vivādāti iminā kalahavivādādīnaṃ na kevalaṃ piyavatthumeva, macchariyampi paccayaṃ dasseti. Kalahavivādasīsena cettha sabbepi te dhammā vuttāti veditabbā. Yathā ca etesaṃ macchariyaṃ, tathā pesuṇānañca vivādaṃ. Tenāha ‘‘vivādajātesu ca pesuṇānī’’ti. Imissā gāthāya niddeso uttānatthoyeva.
99. бияаа су логасмим̣ гуд̇онид̣̇аанаа, яз жааби лобхаа вижаранд̇и логзд̇и ‘‘бияаббахууд̇аа галахаа’’д̇и яз зд̇т̇а вуд̇д̇аа, д̇з бияаа логасмим̣ гуд̇онид̣̇аанаа, на гзвалан̃жа бияаа, яз жааби кад̇д̇ияаад̣̇аяо логз вижаранд̇и лобхахзд̇у лобхзнаабхибхууд̇аа вижаранд̇и, д̇зсам̣ со лобхо жа гуд̇онид̣̇аанод̇и д̣̇вз ад̇т̇з згааяа бужчааяа бужчад̇и. гуд̇онид̣̇аанаад̇и жзд̇т̇а гим̣нид̣̇аанаа гим̣хзд̇угаад̇и бажжад̇д̇аважанасса д̇оаад̣̇зсо взд̣̇ид̇аб̣б̣о, самаасз жасса лобаабхааво. ат̇а ваа нид̣̇аанаад̇и ж̇аад̇аа, уббаннаад̇и ад̇т̇о. д̇асмаа гуд̇о ж̇аад̇аа гуд̇о уббаннаад̇и вуд̇д̇ам̣ ход̇и. аасаа жа нидтаа жаад̇и аасаа жа д̇ассаа аасааяа самид̣̇д̇хи жа. яз самбарааяааяа нарасса хонд̇ийд̇и яз нарасса самбарааяааяа хонд̇и, барааяанаа хонд̇ийд̇и вуд̇д̇ам̣ ход̇и. згаа звааяамби бужчаа.
99.Piyā su lokasmiṃ kutonidānā, ye cāpi lobhā vicaranti loketi ‘‘piyappahūtā kalahā’’ti ye ettha vuttā, te piyā lokasmiṃ kutonidānā, na kevalañca piyā, ye cāpi khattiyādayo loke vicaranti lobhahetu lobhenābhibhūtā vicaranti, tesaṃ so lobho ca kutonidānoti dve atthe ekāya pucchāya pucchati. Kutonidānāti cettha kiṃnidānā kiṃhetukāti paccattavacanassa toādeso veditabbo, samāse cassa lopābhāvo. Atha vā nidānāti jātā, uppannāti attho. Tasmā kuto jātā kuto uppannāti vuttaṃ hoti. Āsā ca niṭṭhā cāti āsā ca tassā āsāya samiddhi ca. Ye samparāyāya narassa hontīti ye narassa samparāyāya honti, parāyanā hontīti vuttaṃ hoti. Ekā evāyampi pucchā.
д̣̇ийбаа хонд̇ийд̇и бад̇идтаа бхаванд̇и. саран̣аа хонд̇ийд̇и д̣̇угканаасанаа хонд̇и. нидтаабарааяанаа хонд̇ийд̇и самид̣̇д̇хибарааяанаа хонд̇и.
Dīpā hontīti patiṭṭhā bhavanti. Saraṇā hontīti dukkhanāsanā honti. Niṭṭhāparāyanā hontīti samiddhiparāyanā honti.
100. чанд̣̇аанид̣̇аанаанийд̇и гаамажчанд̣̇аад̣̇ичанд̣̇анид̣̇аанаани. яз жааби лобхаа вижаранд̇ийд̇и яз жааби кад̇д̇ияаад̣̇аяо лобхаа вижаранд̇и, д̇зсам̣ лобхоби чанд̣̇анид̣̇аанод̇и д̣̇взби ад̇т̇з згад̇о виссаж̇ж̇зд̇и. ид̇онид̣̇аанаад̇и чанд̣̇анид̣̇аанаа зваад̇и вуд̇д̇ам̣ ход̇и. ‘‘ид̇онид̣̇аанаа’’д̇и хи чанд̣̇ам̣ санд̇хааяааха. чанд̣̇анид̣̇аанаа хи лобхаад̣̇аяо. ‘‘ид̇онид̣̇аанаа’’д̇и сад̣̇д̣̇асид̣̇д̇хи жзд̇т̇а ‘‘гуд̇онид̣̇аанаа’’д̇и зд̇т̇а вуд̇д̇анаязна взд̣̇ид̇аб̣б̣аа. аасааяа самид̣̇д̇хи вужжад̇и нидтаад̇и аж̇жхаасаяаниб̣б̣ад̇д̇ибадилаабхо гат̇ийяад̇и.
100.Chandānidānānīti kāmacchandādichandanidānāni. Ye cāpi lobhā vicarantīti ye cāpi khattiyādayo lobhā vicaranti, tesaṃ lobhopi chandanidānoti dvepi atthe ekato vissajjeti. Itonidānāti chandanidānā evāti vuttaṃ hoti. ‘‘Itonidānā’’ti hi chandaṃ sandhāyāha. Chandanidānā hi lobhādayo. ‘‘Itonidānā’’ti saddasiddhi cettha ‘‘kutonidānā’’ti ettha vuttanayena veditabbā. Āsāya samiddhi vuccati niṭṭhāti ajjhāsayanibbattipaṭilābho kathīyati.
101. винижчаяаад̇и д̇ан̣хаад̣̇идтивинижчаяаа. яз жааби д̇хаммаа саман̣зна вуд̇д̇аад̇и яз жа ан̃н̃зби год̇хаад̣̇ийхи самбаяуд̇д̇аа, д̇ат̇ааруубаа ваа агусалаа д̇хаммаа б̣уд̣̇д̇хасаман̣зна вуд̇д̇аа, д̇з гуд̇обахууд̇аад̇и.
101.Vinicchayāti taṇhādiṭṭhivinicchayā. Ye cāpi dhammā samaṇena vuttāti ye ca aññepi kodhādīhi sampayuttā, tathārūpā vā akusalā dhammā buddhasamaṇena vuttā, te kutopahūtāti.
ан̃н̃аж̇аад̇игаад̇и ан̃н̃асабхааваа. ан̃н̃авихид̇агаад̇и ан̃н̃знаагаарзна тид̇аа. самид̇абаабзнаад̇и ниб̣б̣аабид̇абаабзна. б̣аахид̇абаабад̇хаммзнаад̇и бахийналаамагад̇хаммзна. бхиннагилзсамуулзнаад̇и гилзсамуулаани бхинд̣̇ид̇ваа тид̇зна. саб̣б̣аагусаламуулаб̣анд̇ханаа бамуд̇д̇знаад̇и д̣̇ваад̣̇асаагусалаб̣анд̇ханам̣ можзд̇ваа тид̇зна. вуд̇д̇аад̇и гат̇ид̇аа. бавуд̇д̇аад̇и багаарзна гат̇ид̇аа.
Aññajātikāti aññasabhāvā. Aññavihitakāti aññenākārena ṭhitā. Samitapāpenāti nibbāpitapāpena. Bāhitapāpadhammenāti pahīnalāmakadhammena. Bhinnakilesamūlenāti kilesamūlāni bhinditvā ṭhitena. Sabbākusalamūlabandhanā pamuttenāti dvādasaakusalabandhanaṃ mocetvā ṭhitena. Vuttāti kathitā. Pavuttāti pakārena kathitā.
102. д̇амуубаниссааяа баход̇и чанд̣̇од̇и д̇ам̣ сукад̣̇угкавзд̣̇анам̣ д̇ад̣̇убхаяавад̇т̇усан̇каад̇ам̣ саад̇аасаад̇ам̣ убаниссааяа сам̣яог̇авияог̇абад̇т̇анаавасзна чанд̣̇о баход̇и. зд̇д̇аавад̇аа ‘‘чанд̣̇о ну логасмим̣ гуд̇онид̣̇аано’’д̇и аяам̣ бан̃хо виссаж̇ж̇ид̇о ход̇и. руубзсу д̣̇исваа вибхавам̣ бхаван̃жаад̇и руубзсу ваяан̃жа уббаад̣̇ан̃жа д̣̇исваа. винижчаяам̣ губ̣б̣ад̇и ж̇анд̇у логзд̇и абааяаад̣̇игз логз аяам̣ ж̇анд̇у бхог̇аад̇хиг̇амад̇т̇ам̣ д̇ан̣хаавинижчаяам̣ ‘‘ад̇д̇аа мз уббанно’’д̇иаад̣̇инаа наязна д̣̇идтивинижчаяан̃жа гуруд̇з. зд̇д̇аавад̇аа ‘‘винижчаяаа жааби гуд̇обабхууд̇аа’’д̇и аяам̣ бан̃хо виссаж̇ж̇ид̇о ход̇и.
102.Tamūpanissāya pahoti chandoti taṃ sukhadukkhavedanaṃ tadubhayavatthusaṅkhātaṃ sātāsātaṃ upanissāya saṃyogaviyogapatthanāvasena chando pahoti. Ettāvatā ‘‘chando nu lokasmiṃ kutonidāno’’ti ayaṃ pañho vissajjito hoti. Rūpesu disvā vibhavaṃ bhavañcāti rūpesu vayañca uppādañca disvā. Vinicchayaṃ kubbati jantu loketi apāyādike loke ayaṃ jantu bhogādhigamatthaṃ taṇhāvinicchayaṃ ‘‘attā me uppanno’’tiādinā nayena diṭṭhivinicchayañca kurute. Ettāvatā ‘‘vinicchayā cāpi kutopabhūtā’’ti ayaṃ pañho vissajjito hoti.
саад̇аасаад̇ам̣ ниссааяаад̇и мад̇хуран̃жа амад̇хуран̃жа убаниссаяам̣ гад̇ваа. идтаанидтанд̇и идтаарамман̣ан̃жа анидтаарамман̣ан̃жа.
Sātāsātaṃ nissāyāti madhurañca amadhurañca upanissayaṃ katvā. Iṭṭhāniṭṭhanti iṭṭhārammaṇañca aniṭṭhārammaṇañca.
сураамзраяамаж̇ж̇аббамаад̣̇адтаанаануяог̇анд̇и зд̇т̇а сураад̇и бидтасураа буувасураа од̣̇анасураа гин̣н̣абагкид̇д̇аа самбхаарасам̣яуд̇д̇аад̇и бан̃жа сураа. мзраяанд̇и бубпаасаво палаасаво мад̇хваасаво г̇ул̣аасаво самбхаарасам̣яуд̇д̇од̇и бан̃жа аасаваа. д̇ам̣ саб̣б̣амби мад̣̇агаран̣авасзна маж̇ж̇ам̣. бамаад̣̇адтаананд̇и бамаад̣̇агааран̣ам̣, яааяа жзд̇анааяа д̇ам̣ маж̇ж̇ам̣ бивад̇и, д̇ассзд̇ам̣ ад̇хиважанам̣. ануяог̇анд̇и д̇ам̣ сураамзраяамаж̇ж̇аббамаад̣̇адтаанаануяог̇ам̣ ануааяог̇ам̣ бунаббунам̣ гаран̣ам̣. яасмаа жа бана д̇ам̣ ануяуд̇д̇асса мз уббаннаа жзва бхог̇аа барихааяанд̇и, ануббаннаа жа нуббаж̇ж̇анд̇и, д̇асмаа ‘‘мз бхог̇аа баригкаяам̣ кийн̣абхаавам̣ г̇ажчанд̇ий’’д̇и ж̇аанаад̇и. звам̣ саб̣б̣ад̇т̇а. вигаалависикаажарияаануяог̇анд̇и авзлааяа висикаасу жарияаануяуд̇д̇ам̣. самаж̇ж̇аабхижаран̣анд̇и нажжаад̣̇ид̣̇ассанавасзна самаж̇ж̇аабхиг̇аманам̣. ааласяаануяог̇анд̇и гааяааласияад̇ааяа яуд̇д̇аббаяуд̇д̇ад̇ам̣. абааяамукаани на сзвад̇ийд̇и бхог̇аанам̣ винаасад̣̇ваараани на сзвад̇и.
Surāmerayamajjappamādaṭṭhānānuyoganti ettha surāti piṭṭhasurā pūvasurā odanasurā kiṇṇapakkhittā sambhārasaṃyuttāti pañca surā. Merayanti pupphāsavo phalāsavo madhvāsavo guḷāsavo sambhārasaṃyuttoti pañca āsavā. Taṃ sabbampi madakaraṇavasena majjaṃ. Pamādaṭṭhānanti pamādakāraṇaṃ, yāya cetanāya taṃ majjaṃ pivati, tassetaṃ adhivacanaṃ. Anuyoganti taṃ surāmerayamajjappamādaṭṭhānānuyogaṃ anuāyogaṃ punappunaṃ karaṇaṃ. Yasmā ca pana taṃ anuyuttassa me uppannā ceva bhogā parihāyanti, anuppannā ca nuppajjanti, tasmā ‘‘me bhogā parikkhayaṃ khīṇabhāvaṃ gacchantī’’ti jānāti. Evaṃ sabbattha. Vikālavisikhācariyānuyoganti avelāya visikhāsu cariyānuyuttaṃ. Samajjābhicaraṇanti naccādidassanavasena samajjābhigamanaṃ. Ālasyānuyoganti kāyālasiyatāya yuttappayuttataṃ. Apāyamukhāni na sevatīti bhogānaṃ vināsadvārāni na sevati.
гасияаа ваад̇и гасигаммзна ваа. ван̣иж̇ж̇ааяа ваад̇и д̇хаммигаван̣иж̇ж̇агаммзна ваа. г̇орагкзна ваад̇и г̇обаалагаммзна ваа. иссад̇т̇зна ваад̇и д̇ханусиббзна ваа. рааж̇аборисзна ваад̇и рааж̇асзвагагаммзна ваа. сиббан̃н̃ад̇арзна ваад̇и гумбхагаараад̣̇исиббаанам̣ ан̃н̃ад̇арзна ваа. бадибаж̇ж̇ад̇ийд̇и баяог̇ам̣ гарод̇и. жагкусмим̣ уббаннз ж̇аанаад̇ийд̇и сасамбхааражагкусмим̣ уббаннз ж̇аанаад̇и. ‘‘ад̇д̇аа мз уббанно’’д̇и д̣̇идтим̣ г̇ан̣хаад̇и. жагкусмим̣ анд̇арахид̇зд̇и д̇асмим̣ винадтз. ад̇д̇аа мз анд̇арахид̇од̇и ‘‘мама ад̇д̇аа винадто’’д̇и д̣̇идтим̣ г̇ан̣хаад̇и. виг̇ад̇о мз ад̇д̇аад̇и вийд̇игганд̇о мама ад̇д̇аа. сод̇асминд̇иаад̣̇ийсуби зсзва наяо.
Kasiyā vāti kasikammena vā. Vaṇijjāya vāti dhammikavaṇijjakammena vā. Gorakkhena vāti gopālakammena vā. Issatthena vāti dhanusippena vā. Rājaporisena vāti rājasevakakammena vā. Sippaññatarena vāti kumbhakārādisippānaṃ aññatarena vā. Paṭipajjatīti payogaṃ karoti. Cakkhusmiṃ uppanne jānātīti sasambhāracakkhusmiṃ uppanne jānāti. ‘‘Attā me uppanno’’ti diṭṭhiṃ gaṇhāti. Cakkhusmiṃ antarahiteti tasmiṃ vinaṭṭhe. Attāme antarahitoti ‘‘mama attā vinaṭṭho’’ti diṭṭhiṃ gaṇhāti. Vigato me attāti vītikkanto mama attā. Sotasmintiādīsupi eseva nayo.
103. зд̇зби д̇хаммаа д̣̇ваяамзва санд̇зд̇и зд̇з год̇хаад̣̇аяо д̇хаммаа саад̇аасаад̇ад̣̇ваяз санд̇з зва хонд̇и уббаж̇ж̇анд̇и. зд̇д̇аавад̇аа д̇ад̇ияабан̃хоби виссаж̇ж̇ид̇о ход̇и. ид̣̇аани яо звам̣ виссаж̇ж̇ид̇зсу зд̇зсу бан̃хзсу гат̇ам̣гат̇ий бхавзяяа, д̇асса гат̇ам̣гат̇аабахаануубааяам̣ д̣̇ассзнд̇о ааха ‘‘гат̇ам̣гат̇ий н̃аан̣абат̇ааяа сигкз’’д̇и, н̃аан̣ад̣̇ассанан̃аан̣аад̇хиг̇аманад̇т̇ам̣ д̇иссо сигкаа сигкзяяаад̇и вуд̇д̇ам̣ ход̇и. гим̣гааран̣аа? н̃ад̇ваа бавуд̇д̇аа саман̣зна д̇хаммаа. б̣уд̣̇д̇хасаман̣зна хи н̃ад̇ваа д̇хаммаа вуд̇д̇аа, над̇т̇и д̇асса д̇хаммзсу ан̃н̃аан̣ам̣, ад̇д̇ано бана н̃аан̣аанубхаавзна д̇з аж̇аананд̇о на ж̇аанзяяа, на д̣̇зсанаад̣̇осзна. д̇асмаа гат̇ам̣гат̇ий н̃аан̣абат̇ааяа сигкз, н̃ад̇ваа бавуд̇д̇аа саман̣зна д̇хаммаад̇и.
103.Etepi dhammā dvayameva santeti ete kodhādayo dhammā sātāsātadvaye sante eva honti uppajjanti. Ettāvatā tatiyapañhopi vissajjito hoti. Idāni yo evaṃ vissajjitesu etesu pañhesu kathaṃkathī bhaveyya, tassa kathaṃkathāpahānūpāyaṃ dassento āha ‘‘kathaṃkathī ñāṇapathāya sikkhe’’ti, ñāṇadassanañāṇādhigamanatthaṃ tisso sikkhā sikkheyyāti vuttaṃ hoti. Kiṃkāraṇā? Ñatvā pavuttā samaṇena dhammā. Buddhasamaṇena hi ñatvā dhammā vuttā, natthi tassa dhammesu aññāṇaṃ, attano pana ñāṇānubhāvena te ajānanto na jāneyya, na desanādosena. Tasmā kathaṃkathī ñāṇapathāya sikkhe, ñatvā pavuttā samaṇena dhammāti.
багкзбаб̣анд̇ханзна ваа б̣ад̣̇д̇ход̇и нааг̇аригаб̣анд̇хзна б̣ад̣̇д̇хо. баригкзбаб̣анд̇ханзна ваад̇и вад̇ибаригкзбаб̣анд̇ханзна ваа. г̇аамаб̣анд̇ханзнаад̇иаад̣̇ийсу д̇асмаа д̇асмаа таанад̇о нигкамид̇ум̣ алабханд̇о г̇аамаб̣анд̇ханаад̣̇ийхи б̣ад̣̇д̇хо наама ход̇и. д̇асса б̣анд̇ханасса могкад̇т̇ааяаад̇и зд̇асса вуд̇д̇аббагаарасса б̣анд̇ханасса можанад̇т̇ам̣.
Pakkhepabandhanena vā baddhoti nāgarikabandhena baddho. Parikkhepabandhanena vāti vatiparikkhepabandhanena vā. Gāmabandhanenātiādīsu tasmā tasmā ṭhānato nikkhamituṃ alabhanto gāmabandhanādīhi baddho nāma hoti. Tassa bandhanassa mokkhatthāyāti etassa vuttappakārassa bandhanassa mocanatthaṃ.
н̃аан̣амби н̃аан̣абат̇од̇и бурз уббаннам̣ н̃аан̣ам̣ абараабаруббаннасса н̃аан̣амби н̃аан̣асса сан̃жаран̣амаг̇г̇од̇и н̃аан̣амби н̃аан̣абат̇о. н̃аан̣асса аарамман̣амби н̃аан̣абат̇од̇и н̃аан̣асса бажжаяоби д̇ам̣ ааламб̣ид̇ваа уббаж̇ж̇анад̇о н̃аан̣абат̇о. н̃аан̣асахабхуноби д̇хаммаа н̃аан̣абат̇од̇и н̃аан̣зна сахуббаннаа авасзсаа жид̇д̇ажзд̇асигаа д̇хаммааби н̃аан̣абат̇о. ид̣̇аани убамааяа саад̇хзнд̇о ‘‘яат̇аа арияамаг̇г̇о арияабат̇о’’д̇иаад̣̇имааха.
Ñāṇampi ñāṇapathoti pure uppannaṃ ñāṇaṃ aparāparuppannassa ñāṇampi ñāṇassa sañcaraṇamaggoti ñāṇampi ñāṇapatho. Ñāṇassa ārammaṇampi ñāṇapathoti ñāṇassa paccayopi taṃ ālambitvā uppajjanato ñāṇapatho. Ñāṇasahabhunopi dhammā ñāṇapathoti ñāṇena sahuppannā avasesā cittacetasikā dhammāpi ñāṇapatho. Idāni upamāya sādhento ‘‘yathā ariyamaggo ariyapatho’’tiādimāha.
гат̇ам̣гат̇ий буг̇г̇алод̇и вижигижчааванд̇о буг̇г̇ало. саган̇код̇и сад̣̇взл̣хаго. савилзкод̇и жид̇д̇арааж̇иванд̇о. сад̣̇взл̣хагод̇и ган̇кааванд̇о. савижигижчод̇и санд̣̇зхаванд̇о. н̃аан̣аад̇хиг̇амааяаад̇и н̃аан̣абадилаабхад̇т̇ааяа. н̃аан̣апусанааяаад̇и н̃аан̣абадивиж̇жханад̇т̇ааяа. ат̇а ваа н̃аан̣авинд̣̇анад̇т̇ааяа. н̃аан̣асажчигирияааяаад̇и н̃аан̣асса бажжагкагаран̣ад̇т̇ааяа. санид̣̇аанааханд̇и ахам̣ санид̣̇аанам̣ сабажжаяам̣ гад̇ваа д̇хаммад̣̇зсанам̣ гароми. саббаадихаарияанд̇и нияяаанигам̣ гад̇ваа. но аббаадихаарияанд̇и анияяаанигам̣ агад̇ваа д̇хаммад̣̇зсанам̣ гароми.
Kathaṃkathīpuggaloti vicikicchāvanto puggalo. Sakaṅkhoti sadveḷhako. Savilekhoti cittarājivanto. Sadveḷhakoti kaṅkhāvanto. Savicikicchoti sandehavanto. Ñāṇādhigamāyāti ñāṇapaṭilābhatthāya. Ñāṇaphusanāyāti ñāṇapaṭivijjhanatthāya. Atha vā ñāṇavindanatthāya. Ñāṇasacchikiriyāyāti ñāṇassa paccakkhakaraṇatthāya. Sanidānāhanti ahaṃ sanidānaṃ sapaccayaṃ katvā dhammadesanaṃ karomi. Sappāṭihāriyanti niyyānikaṃ katvā. No appāṭihāriyanti aniyyānikaṃ akatvā dhammadesanaṃ karomi.
104. саад̇ам̣ асаад̇ан̃жа гуд̇онид̣̇аанаад̇и зд̇т̇а саад̇аасаад̇анд̇и сукад̣̇угкавзд̣̇анаа зва ад̇хиббзд̇аа . на бхаванд̇и хзд̇зд̇и на бхаванд̇и зд̇з. вибхавам̣ бхаван̃жааби яамзд̇амад̇т̇ам̣, зд̇ам̣ мз баб̣руухи яад̇онид̣̇аананд̇и саад̇аасаад̇аанам̣ вибхавам̣ бхаван̃жа зд̇амби яам̣ ад̇т̇ам̣. лин̇г̇аб̣яад̇д̇аяо зд̇т̇а гад̇о. ид̣̇ам̣ бана вуд̇д̇ам̣ ход̇и – саад̇аасаад̇аанам̣ вибхаво бхаво жаад̇и яо зса ад̇т̇о, зд̇ам̣ мз баб̣руухи яад̇онид̣̇аананд̇и. зд̇т̇а жа саад̇аасаад̇аанам̣ вибхавабхававад̇т̇угаа вибхавабхавад̣̇идтияо зва вибхавабхаваад̇и ад̇т̇ад̇о взд̣̇ид̇аб̣б̣аа. д̇ат̇аа хи имасса бан̃хасса виссаж̇ж̇анабагкз ‘‘бхавад̣̇идтиби пассанид̣̇аанаа, вибхавад̣̇идтиби пассанид̣̇аанаа’’д̇и убари нид̣̇д̣̇зсз (махаани. 105) вагкад̇и. имааяа г̇аат̇ааяа нид̣̇д̣̇зсз вад̇д̇аб̣б̣ам̣ над̇т̇и.
104.Sātaṃ asātañca kutonidānāti ettha sātāsātanti sukhadukkhavedanā eva adhippetā . Na bhavanti heteti na bhavanti ete. Vibhavaṃ bhavañcāpi yametamatthaṃ, etaṃ me pabrūhi yatonidānanti sātāsātānaṃ vibhavaṃ bhavañca etampi yaṃ atthaṃ. Liṅgabyattayo ettha kato. Idaṃ pana vuttaṃ hoti – sātāsātānaṃ vibhavo bhavo cāti yo esa attho, etaṃ me pabrūhi yatonidānanti. Ettha ca sātāsātānaṃ vibhavabhavavatthukā vibhavabhavadiṭṭhiyo eva vibhavabhavāti atthato veditabbā. Tathā hi imassa pañhassa vissajjanapakkhe ‘‘bhavadiṭṭhipi phassanidānā, vibhavadiṭṭhipi phassanidānā’’ti upari niddese (mahāni. 105) vakkhati. Imāya gāthāya niddese vattabbaṃ natthi.
105. ид̇онид̣̇аананд̇и пассанид̣̇аанам̣. имааяаби вад̇д̇аб̣б̣ам̣ над̇т̇и.
105.Itonidānanti phassanidānaṃ. Imāyapi vattabbaṃ natthi.
106. гисмим̣ вибхууд̇з на пусанд̇и пассаад̇и гисмим̣ вийд̇ивад̇д̇з жагкусампассаад̣̇аяо бан̃жа пассаа на пусанд̇и. имааяаби вад̇д̇аб̣б̣ам̣ над̇т̇и.
106.Kismiṃvibhūte na phusanti phassāti kismiṃ vītivatte cakkhusamphassādayo pañca phassā na phusanti. Imāyapi vattabbaṃ natthi.
107. нааман̃жа руубан̃жа бадижжаад̇и самбаяуд̇д̇аганааман̃жа вад̇т̇аарамман̣аруубан̃жа бадижжа. руубз вибхууд̇з на пусанд̇и пассаад̇и руубз вийд̇ивад̇д̇з бан̃жа пассаа на пусанд̇и.
107.Nāmañca rūpañca paṭiccāti sampayuttakanāmañca vatthārammaṇarūpañca paṭicca. Rūpe vibhūte na phusanti phassāti rūpe vītivatte pañca phassā na phusanti.
д̇ин̣н̣ам̣ сан̇г̇ад̇и пассод̇и жагкуруубавин̃н̃аан̣аанам̣ д̇ин̣н̣аннам̣ сан̇г̇ад̇ияаа пассо ж̇ааяад̇и. жагку жа руубаа жа руубасминд̇и басаад̣̇ажагкун̃жа руубаарамман̣аани жа руубабхааг̇з руубагодтаасз гад̇ваа. жагкусампассам̣ табзд̇ваад̇и д̇ин̣н̣ам̣ сан̇г̇ад̇ияаа уббаннапассам̣ мун̃жид̇ваа. самбаяуд̇д̇агаа д̇хаммаа наамасминд̇и авасзсаа взд̣̇анаад̣̇аяо пассзна сахаж̇аад̇аа д̇хаммаа наамабхааг̇з. сод̇ан̃жа бадижжаад̇иаад̣̇ийсуби зсзва наяо.
Tiṇṇaṃ saṅgati phassoti cakkhurūpaviññāṇānaṃ tiṇṇannaṃ saṅgatiyā phasso jāyati. Cakkhu ca rūpā ca rūpasminti pasādacakkhuñca rūpārammaṇāni ca rūpabhāge rūpakoṭṭhāse katvā. Cakkhusamphassaṃ ṭhapetvāti tiṇṇaṃ saṅgatiyā uppannaphassaṃ muñcitvā. Sampayuttakā dhammā nāmasminti avasesā vedanādayo phassena sahajātā dhammā nāmabhāge. Sotañca paṭiccātiādīsupi eseva nayo.
жад̇уухаагаарзхи руубам̣ вибхууд̇ам̣ ход̇ийд̇и жад̇уухи гааран̣зхи руубам̣ вийд̇ивад̇д̇ам̣ ход̇и. н̃аад̇авибхууд̇знаад̇и баагадам̣ гад̇ваа вийд̇ивад̇д̇зна. д̇ийран̣авибхууд̇знаад̇и анижжаад̣̇ид̇о д̇ийраяид̇ваа вийд̇ивад̇д̇зна. бахаанавибхууд̇знаад̇и чанд̣̇арааг̇абахаанад̇о вийд̇ивад̇д̇зна. самад̇иггамавибхууд̇знаад̇и жад̇уннам̣ аруубасамаабад̇д̇ийнам̣ бадилаабхавасзна вийд̇ивад̇д̇зна.
Catūhākārehi rūpaṃ vibhūtaṃ hotīti catūhi kāraṇehi rūpaṃ vītivattaṃ hoti. Ñātavibhūtenāti pākaṭaṃ katvā vītivattena. Tīraṇavibhūtenāti aniccādito tīrayitvā vītivattena. Pahānavibhūtenāti chandarāgapahānato vītivattena. Samatikkamavibhūtenāti catunnaṃ arūpasamāpattīnaṃ paṭilābhavasena vītivattena.
108. гат̇ам̣ самзд̇ассаад̇и гат̇ам̣ бадибаннасса. вибход̇и руубанд̇и руубам̣ вибхавад̇и, на бхавзяяа ваа. сукам̣ д̣̇укан̃жаад̇и идтаанидтаруубамзва бужчад̇и.
108.Kathaṃ sametassāti kathaṃ paṭipannassa. Vibhoti rūpanti rūpaṃ vibhavati, na bhaveyya vā. Sukhaṃ dukhañcāti iṭṭhāniṭṭharūpameva pucchati.
ж̇аанзяяаамаад̇и ж̇ааниссаама. ааж̇аанзяяаамаад̇и висзсзна ж̇ааниссаама. виж̇аанзяяаамаад̇и анзгавид̇хзна ж̇ааниссаама. бадивиж̇аанзяяаамаад̇и саммаа ж̇ааниссаама. бадивиж̇жхзяяаамаад̇и жид̇д̇зна б̣уж̇жхиссаама.
Jāneyyāmāti jānissāma. Ājāneyyāmāti visesena jānissāma. Vijāneyyāmāti anekavidhena jānissāma. Paṭivijāneyyāmāti sammā jānissāma. Paṭivijjheyyāmāti cittena bujjhissāma.
109. на сан̃н̃асан̃н̃ийд̇и яат̇аа самзд̇асса вибход̇и руубам̣, со багад̇исан̃н̃ааяа сан̃н̃ийби на ход̇и. на висан̃н̃асан̃н̃ийд̇и висан̃н̃ааяаби вируубааяа сан̃н̃ааяа висан̃н̃ий на ход̇и уммад̇д̇аго ваа кид̇д̇ажид̇д̇о ваа. ноби асан̃н̃ийд̇и сан̃н̃аавирахид̇оби на ход̇и нирод̇хасамаабанно ваа асан̃н̃асад̇д̇о ваа. на вибхууд̇асан̃н̃ийд̇и ‘‘саб̣б̣асо руубасан̃н̃аана’’нд̇иаад̣̇инаа (вибха. 508) наязна самад̇игганд̇асан̃н̃ийби на ход̇и аруубаж̇жхааналаабхий. звам̣ самзд̇асса вибход̇и руубанд̇и зд̇асмим̣ сан̃н̃асан̃н̃ид̇аад̣̇ибхаавз адтад̇ваа яад̣̇зд̇ам̣ вуд̇д̇ам̣ ‘‘со звам̣ самаахид̇з жид̇д̇з…бз… аагаасаанан̃жааяад̇анасамаабад̇д̇ибадилаабхад̇т̇ааяа жид̇д̇ам̣ абхинийхарад̇ий’’д̇и, звам̣ самзд̇асса аруубамаг̇г̇асаман̇г̇ино вибход̇и руубам̣. сан̃н̃аанид̣̇аанаа хи бабан̃жасан̇каад̇и звам̣ бадибаннассааби жа яаа сан̃н̃аа, д̇ам̣нид̣̇аанаа д̇ан̣хаад̣̇идтибабан̃жаасса аббахийнаава хонд̇ийд̇и д̣̇ассзд̇и.
109.Na saññasaññīti yathā sametassa vibhoti rūpaṃ, so pakatisaññāya saññīpi na hoti. Na visaññasaññīti visaññāyapi virūpāya saññāya visaññī na hoti ummattako vā khittacitto vā. Nopi asaññīti saññāvirahitopi na hoti nirodhasamāpanno vā asaññasatto vā. Na vibhūtasaññīti ‘‘sabbaso rūpasaññāna’’ntiādinā (vibha. 508) nayena samatikkantasaññīpi na hoti arūpajjhānalābhī. Evaṃ sametassa vibhoti rūpanti etasmiṃ saññasaññitādibhāve aṭṭhatvā yadetaṃ vuttaṃ ‘‘so evaṃ samāhite citte…pe… ākāsānañcāyatanasamāpattipaṭilābhatthāya cittaṃ abhinīharatī’’ti, evaṃ sametassa arūpamaggasamaṅgino vibhoti rūpaṃ. Saññānidānā hi papañcasaṅkhāti evaṃ paṭipannassāpi ca yā saññā, taṃnidānā taṇhādiṭṭhipapañcāssa appahīnāva hontīti dasseti.
асан̃н̃ино вужжанд̇и нирод̇хасамаабаннаад̇и сан̃н̃аавзд̣̇анаа нирод̇хзд̇ваа нирод̇хасамаабаннаа сан̃н̃аабхаавзна асан̃н̃инод̇и гат̇ийяанд̇и. асан̃н̃асад̇д̇аад̇и саб̣б̣зна саб̣б̣ам̣ сан̃н̃аабхаавзна асан̃н̃абхавз ниб̣б̣ад̇д̇аа.
Asaññino vuccanti nirodhasamāpannāti saññāvedanā nirodhetvā nirodhasamāpannā saññābhāvena asaññinoti kathīyanti. Asaññasattāti sabbena sabbaṃ saññābhāvena asaññabhave nibbattā.
со звам̣ самаахид̇з жид̇д̇зд̇и д̇ад̇т̇а сод̇и со бхигку. званд̇и жад̇уд̇т̇аж̇жхаанаггаманид̣̇ассанамзд̇ам̣, иминаа гамзна жад̇уд̇т̇аж̇жхаанам̣ бадилабхид̇ваад̇и вуд̇д̇ам̣ ход̇и. самаахид̇зд̇и иминаа жад̇уд̇т̇аж̇жхаанасамаад̇хинаа самаахид̇з. барисуд̣̇д̇хзд̇иаад̣̇ийсу бана убзгкаасад̇ибаарисуд̣̇д̇хибхаавзна барисуд̣̇д̇хз. барисуд̣̇д̇хад̇д̇ааязва барияод̣̇аад̇з, бабхассарзд̇и вуд̇д̇ам̣ ход̇и. сукаад̣̇ийнам̣ бажжаяаанам̣ гхаад̇зна вихад̇арааг̇аад̣̇иан̇г̇ан̣ад̇д̇аа анан̇г̇ан̣з. анан̇г̇ан̣ад̇д̇аа зва жа виг̇ад̇уубаггилзсз. ан̇г̇ан̣зна хи жид̇д̇ам̣ убаггилиссад̇и. субхаавид̇ад̇д̇аа муд̣̇убхууд̇з, васийбхааваббад̇д̇зд̇и вуд̇д̇ам̣ ход̇и. васз вад̇д̇амаанан̃хи жид̇д̇ам̣ муд̣̇ууд̇и вужжад̇и. муд̣̇уд̇д̇ааязва жа гамманияз, гаммагкамз гаммаяог̇г̇зд̇и вуд̇д̇ам̣ ход̇и. муд̣̇у хи жид̇д̇ам̣ гамманияам̣ ход̇и суд̣̇д̇ханд̇амива суван̣н̣ам̣. д̇ад̣̇убхаяамби жа субхаавид̇ад̇д̇ааязва. яат̇ааха ‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ бхаавид̇ам̣ гамманияам̣ ход̇и яат̇аяид̣̇ам̣, бхигкавз, жид̇д̇а’’нд̇и (а. ни. 1.22).
So evaṃ samāhite citteti tattha soti so bhikkhu. Evanti catutthajjhānakkamanidassanametaṃ, iminā kamena catutthajjhānaṃ paṭilabhitvāti vuttaṃ hoti. Samāhiteti iminā catutthajjhānasamādhinā samāhite. Parisuddhetiādīsu pana upekkhāsatipārisuddhibhāvena parisuddhe. Parisuddhattāyeva pariyodāte, pabhassareti vuttaṃ hoti. Sukhādīnaṃ paccayānaṃ ghātena vihatarāgādiaṅgaṇattā anaṅgaṇe. Anaṅgaṇattā eva ca vigatūpakkilese. Aṅgaṇena hi cittaṃ upakkilissati. Subhāvitattā mudubhūte, vasībhāvappatteti vuttaṃ hoti. Vase vattamānañhi cittaṃ mudūti vuccati. Muduttāyeva ca kammaniye, kammakkhame kammayoggeti vuttaṃ hoti. Mudu hi cittaṃ kammaniyaṃ hoti suddhantamiva suvaṇṇaṃ. Tadubhayampi ca subhāvitattāyeva. Yathāha ‘‘nāhaṃ, bhikkhave, aññaṃ ekadhammampi samanupassāmi, yaṃ evaṃ bhāvitaṃ kammaniyaṃ hoti yathayidaṃ, bhikkhave, citta’’nti (a. ni. 1.22).
зд̇зсу хи барисуд̣̇д̇хабхааваад̣̇ийсу тид̇ад̇д̇аа тид̇з. тид̇ад̇д̇ааязва аанзн̃ж̇аббад̇д̇з ажалз нирин̃ж̇анзд̇и вуд̇д̇ам̣ ход̇и. муд̣̇угамман̃н̃абхаавзна ваа ад̇д̇ано васз тид̇ад̇д̇аа тид̇з. сад̣̇д̇хаад̣̇ийхи бариг̇г̇ахид̇ад̇д̇аа аанзн̃ж̇аббад̇д̇з. сад̣̇д̇хаабариг̇г̇ахид̇ан̃хи жид̇д̇ам̣ ассад̣̇д̇хиязна на ин̃ж̇ад̇и, вийрияабариг̇г̇ахид̇ам̣ госаж̇ж̇зна на ин̃ж̇ад̇и, сад̇ибариг̇г̇ахид̇ам̣ бамаад̣̇зна на ин̃ж̇ад̇и, самаад̇хибариг̇г̇ахид̇ам̣ уд̣̇д̇хажжзна на ин̃ж̇ад̇и, бан̃н̃аабариг̇г̇ахид̇ам̣ авиж̇ж̇ааяа на ин̃ж̇ад̇и, обхаасаг̇ад̇ам̣ гилзсанд̇хагаарзна на ин̃ж̇ад̇и. имзхи чахи д̇хаммзхи бариг̇г̇ахид̇ум̣ аанзн̃ж̇аббад̇д̇ам̣ ход̇и. звам̣ адтан̇г̇асаманнааг̇ад̇ам̣ жид̇д̇ам̣ абхинийхаарагкамам̣ ход̇и аагаасаанан̃жааяад̇анасамаабад̇д̇ибадилаабхад̇т̇ааяа.
Etesu hi parisuddhabhāvādīsu ṭhitattā ṭhite. Ṭhitattāyeva āneñjappatte acale niriñjaneti vuttaṃ hoti. Mudukammaññabhāvena vā attano vase ṭhitattā ṭhite. Saddhādīhi pariggahitattā āneñjappatte. Saddhāpariggahitañhi cittaṃ assaddhiyena na iñjati, vīriyapariggahitaṃ kosajjena na iñjati, satipariggahitaṃ pamādena na iñjati, samādhipariggahitaṃ uddhaccena na iñjati, paññāpariggahitaṃ avijjāya na iñjati, obhāsagataṃ kilesandhakārena na iñjati. Imehi chahi dhammehi pariggahituṃ āneñjappattaṃ hoti. Evaṃ aṭṭhaṅgasamannāgataṃ cittaṃ abhinīhārakkhamaṃ hoti ākāsānañcāyatanasamāpattipaṭilābhatthāya.
абаро наяо – жад̇уд̇т̇аж̇жхаанасамаад̇хинаа самаахид̇з. нийваран̣ад̣̇уурийбхаавзна барисуд̣̇д̇хз. вид̇аггаад̣̇исамад̇иггамзна барияод̣̇аад̇з. жхаанабадилаабхабажжанигаанам̣ баабагаанам̣ ижчааважараанан̃жа абхаавзна анан̇г̇ан̣з. ижчааважараананд̇и ижчааяа аважараанам̣, ижчаавасзна од̇ин̣н̣аанам̣ бавад̇д̇аанам̣ наанаббагаараанам̣ гобааббажжаяаананд̇и ад̇т̇о. абхиж̇жхаад̣̇ийнам̣ жид̇д̇уубаггилзсаанам̣ виг̇амзна виг̇ад̇уубаггилзсз. убхаяамби жзд̇ам̣ ан̇г̇ан̣асуд̇д̇авад̇т̇асуд̇д̇аанусаарзнзва (ма. ни. 1.57 аад̣̇аяо, 70 аад̣̇аяо) взд̣̇ид̇аб̣б̣ам̣. васиббад̇д̇ияаа муд̣̇убхууд̇з. ид̣̇д̇хибаад̣̇абхаавуубаг̇аманзна гамманияз. бхааванаабаарибуурияаа бан̣ийд̇абхаавуубаг̇амзна тид̇з аанзн̃ж̇аббад̇д̇з, яат̇аа аанзн̃ж̇абхаавам̣ аанзн̃ж̇аббад̇д̇ам̣ ход̇и, звам̣ тид̇зд̇и ад̇т̇о. звамби адтан̇г̇асаманнааг̇амзна жид̇д̇ам̣ абхинийхаарагкамам̣ ход̇и аагаасаанан̃жааяад̇анасамаабад̇д̇ибадилаабхад̇т̇ааяа баад̣̇агам̣ бад̣̇адтаанабхууд̇ам̣.
Aparo nayo – catutthajjhānasamādhinā samāhite. Nīvaraṇadūrībhāvena parisuddhe. Vitakkādisamatikkamena pariyodāte. Jhānapaṭilābhapaccanikānaṃ pāpakānaṃ icchāvacarānañca abhāvena anaṅgaṇe. Icchāvacarānanti icchāya avacarānaṃ, icchāvasena otiṇṇānaṃ pavattānaṃ nānappakārānaṃ kopaappaccayānanti attho. Abhijjhādīnaṃ cittūpakkilesānaṃ vigamena vigatūpakkilese. Ubhayampi cetaṃ aṅgaṇasuttavatthasuttānusāreneva (ma. ni. 1.57 ādayo, 70 ādayo) veditabbaṃ. Vasippattiyā mudubhūte. Iddhipādabhāvūpagamanena kammaniye. Bhāvanāpāripūriyā paṇītabhāvūpagamena ṭhite āneñjappatte, yathā āneñjabhāvaṃ āneñjappattaṃ hoti, evaṃ ṭhiteti attho. Evampi aṭṭhaṅgasamannāgamena cittaṃ abhinīhārakkhamaṃ hoti ākāsānañcāyatanasamāpattipaṭilābhatthāya pādakaṃ padaṭṭhānabhūtaṃ.
ааруббамаг̇г̇асаман̇г̇ийд̇и аруубасамаабад̇д̇ияаа г̇аманамаг̇г̇зна абарихийно. бабан̃жааязва бабан̃жасан̇каад̇и д̇ан̣хаад̣̇ибабан̃жааязва бабан̃жасан̇каа.
Āruppamaggasamaṅgīti arūpasamāpattiyā gamanamaggena aparihīno. Papañcāyeva papañcasaṅkhāti taṇhādipapañcāyeva papañcasaṅkhā.
110. зд̇д̇аавад̇аг̇г̇ам̣ ну вад̣̇анд̇и хзгз, яагкасса суд̣̇д̇хим̣ ид̇ха бан̣д̣ид̇аасз. уд̣̇ааху ан̃н̃амби вад̣̇анд̇и зд̇д̇од̇и зд̇д̇аавад̇аа ну ид̇ха бан̣д̣ид̇аа саман̣аб̣раахман̣аа аг̇г̇ам̣ суд̣̇д̇хим̣ сад̇д̇асса вад̣̇анд̇и, уд̣̇ааху ан̃н̃амби зд̇д̇о аруубасамаабад̇д̇ид̇о ад̇хиган̃жа вад̣̇анд̇ийд̇и бужчад̇и.
110.Ettāvataggaṃ nu vadanti heke, yakkhassa suddhiṃ idha paṇḍitāse. Udāhu aññampi vadanti ettoti ettāvatā nu idha paṇḍitā samaṇabrāhmaṇā aggaṃ suddhiṃ sattassa vadanti, udāhu aññampi etto arūpasamāpattito adhikañca vadantīti pucchati.
зд̇д̇о аруубасамаабад̇д̇ид̇од̇и зд̇асмаа аруубасамаабад̇д̇ид̇о.
Etto arūpasamāpattitoti etasmā arūpasamāpattito.
111. зд̇д̇аавад̇аг̇г̇амби вад̣̇анд̇и хзгзд̇и згз сассад̇аваад̣̇аа саман̣аб̣раахман̣аа бан̣д̣ид̇амаанино зд̇д̇аавад̇ааби аг̇г̇ам̣ суд̣̇д̇хим̣ вад̣̇анд̇и. д̇зсам̣ банзгз самаяам̣ вад̣̇анд̇ийд̇и д̇зсан̃н̃зва згз ужчзд̣̇аваад̣̇аа самаяам̣ ужчзд̣̇ам̣ вад̣̇анд̇и. анубаад̣̇исзсз гусалаавад̣̇аанаад̇и анубаад̣̇исзсз гусалаваад̣̇аа самаанаа.
111.Ettāvataggampi vadanti heketi eke sassatavādā samaṇabrāhmaṇā paṇḍitamānino ettāvatāpi aggaṃ suddhiṃ vadanti. Tesaṃ paneke samayaṃ vadantīti tesaññeva eke ucchedavādā samayaṃ ucchedaṃ vadanti. Anupādisese kusalāvadānāti anupādisese kusalavādā samānā.
бхавад̇аж̇ж̇ид̇аад̇и бхавад̇о бхийд̇аа. вибхавам̣ абхинанд̣̇анд̇ийд̇и ужчзд̣̇ам̣ бадижжа д̇уссанд̇и. д̇з сад̇д̇асса саманд̇и д̇з ужчзд̣̇аваад̣̇ино буг̇г̇аласса самам̣ ануббад̇д̇им̣ вад̣̇анд̇и. убасаманд̇и ад̇ийва самам̣. вуубасаманд̇и санд̇ам̣. нирод̇ханд̇и ануббаад̣̇ам̣. бадибассад̣̇д̇хинд̇и абунуббад̇д̇им̣.
Bhavatajjitāti bhavato bhītā. Vibhavaṃ abhinandantīti ucchedaṃ paṭicca tussanti. Te sattassa samanti te ucchedavādino puggalassa samaṃ anuppattiṃ vadanti. Upasamanti atīva samaṃ. Vūpasamanti santaṃ. Nirodhanti anuppādaṃ. Paṭipassaddhinti apunuppattiṃ.
112. зд̇з жа н̃ад̇ваа убаниссид̇аад̇и зд̇з жа д̣̇идтиг̇ад̇игз сассад̇ужчзд̣̇ад̣̇идтияо ниссид̇аад̇и н̃ад̇ваа. н̃ад̇ваа муний ниссаяз со виймам̣сийд̇и ниссаяз жа н̃ад̇ваа со виймам̣сий бан̣д̣ид̇о б̣уд̣̇д̇хамуни. н̃ад̇ваа вимуд̇д̇од̇и д̣̇угкаанижжаад̣̇ид̇о д̇хаммз н̃ад̇ваа вимуд̇д̇о. бхаваабхавааяа на самзд̇ийд̇и бунаббунам̣ убабад̇д̇ияаа на самааг̇ажчад̇и. абараамасанд̇и абараамасанд̇о. бараамаасам̣ наабаж̇ж̇анд̇од̇и ад̇т̇о.
112.Ete ca ñatvā upanissitāti ete ca diṭṭhigatike sassatucchedadiṭṭhiyo nissitāti ñatvā. Ñatvā munī nissaye so vīmaṃsīti nissaye ca ñatvā so vīmaṃsī paṇḍito buddhamuni. Ñatvā vimuttoti dukkhāniccādito dhamme ñatvā vimutto. Bhavābhavāya na sametīti punappunaṃ upapattiyā na samāgacchati. Aparāmasanti aparāmasanto. Parāmāsaṃ nāpajjantoti attho.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
галахавиваад̣̇асуд̇д̇анид̣̇д̣̇зсаван̣н̣анаа нидтид̇аа.
Kalahavivādasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 11. галахавиваад̣̇асуд̇д̇анид̣̇д̣̇зсо • 11. Kalahavivādasuttaniddeso
