| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[83] 3. гаал̣аган̣н̣иж̇аад̇агаван̣н̣анаа
[83] 3. Kāḷakaṇṇijātakavaṇṇanā
мид̇д̇о хавз сад̇д̇абад̣̇зна ход̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ анаат̇абин̣д̣игасса мид̇д̇ам̣ аараб̣бха гат̇зси. со гира анаат̇абин̣д̣игзна сад̣̇д̇хим̣ сахабам̣сугийл̣иго згаажарияассзва санд̇игз уг̇г̇ахид̇асиббо наамзна гаал̣аган̣н̣ий наама. со г̇ажчанд̇з гаалз д̣̇уг̇г̇ад̇о худ̇ваа ж̇ийвид̇ум̣ асаггонд̇о сздтисса санд̇игам̣ аг̇амааси. со д̇ам̣ самассаасзд̇ваа бариб̣б̣аяам̣ д̣̇ад̇ваа ад̇д̇ано гудумб̣ам̣ бадижчаабзси. со сздтино убагаараго худ̇ваа саб̣б̣агижжаани гарод̇и. д̇ам̣ сздтисса санд̇игам̣ ааг̇ад̇агаалз ‘‘д̇идта, гаал̣аган̣н̣и, нисийд̣̇а, гаал̣аган̣н̣и, бхун̃ж̇а гаал̣аган̣н̣ий’’д̇и вад̣̇анд̇и. ат̇згад̣̇ивасам̣ сздтино мид̇д̇аамажжаа сздтим̣ убасан̇гамид̇ваа звамаахам̣су ‘‘махаасздти, маа зд̇ам̣ д̇ава санд̇игз гари, ‘д̇идта, гаал̣аган̣н̣и, нисийд̣̇а гаал̣аган̣н̣и, бхун̃ж̇а гаал̣аган̣н̣ий’д̇и хи иминаа сад̣̇д̣̇зна яагкоби балааязяяа, на жзса д̇аяаа самаано, д̣̇уг̇г̇ад̇о д̣̇уруубзд̇о, гим̣ д̇з иминаа’’д̇и. анаат̇абин̣д̣иго ‘‘наамам̣ наама вохаарамад̇д̇ам̣, на д̇ам̣ бан̣д̣ид̇аа бамаан̣ам̣ гаронд̇и, суд̇аман̇г̇алигзна наама бхавид̇ум̣ на ваддад̇и, на саггаа маяаа наамамад̇д̇ам̣ ниссааяа сахабам̣сугийл̣игам̣ сахааяам̣ барижжаж̇ид̇у’’нд̇и д̇зсам̣ важанам̣ анаад̣̇ааяа згад̣̇ивасам̣ ад̇д̇ано бхог̇аг̇аамам̣ г̇ажчанд̇о д̇ам̣ г̇зхарагкагам̣ гад̇ваа аг̇амааси.
Mittohave sattapadena hotīti idaṃ satthā jetavane viharanto ekaṃ anāthapiṇḍikassa mittaṃ ārabbha kathesi. So kira anāthapiṇḍikena saddhiṃ sahapaṃsukīḷiko ekācariyasseva santike uggahitasippo nāmena kāḷakaṇṇī nāma. So gacchante kāle duggato hutvā jīvituṃ asakkonto seṭṭhissa santikaṃ agamāsi. So taṃ samassāsetvā paribbayaṃ datvā attano kuṭumbaṃ paṭicchāpesi. So seṭṭhino upakārako hutvā sabbakiccāni karoti. Taṃ seṭṭhissa santikaṃ āgatakāle ‘‘tiṭṭha, kāḷakaṇṇi, nisīda, kāḷakaṇṇi, bhuñja kāḷakaṇṇī’’ti vadanti. Athekadivasaṃ seṭṭhino mittāmaccā seṭṭhiṃ upasaṅkamitvā evamāhaṃsu ‘‘mahāseṭṭhi, mā etaṃ tava santike kari, ‘tiṭṭha, kāḷakaṇṇi, nisīda kāḷakaṇṇi, bhuñja kāḷakaṇṇī’ti hi iminā saddena yakkhopi palāyeyya, na cesa tayā samāno, duggato durūpeto, kiṃ te iminā’’ti. Anāthapiṇḍiko ‘‘nāmaṃ nāma vohāramattaṃ, na taṃ paṇḍitā pamāṇaṃ karonti, sutamaṅgalikena nāma bhavituṃ na vaṭṭati, na sakkā mayā nāmamattaṃ nissāya sahapaṃsukīḷikaṃ sahāyaṃ pariccajitu’’nti tesaṃ vacanaṃ anādāya ekadivasaṃ attano bhogagāmaṃ gacchanto taṃ geharakkhakaṃ katvā agamāsi.
жораа ‘‘сздти гира бхог̇аг̇аамам̣ г̇ад̇о, г̇зхамасса вилумбиссаамаа’’д̇и наанаавуд̇хахад̇т̇аа рад̇д̇ибхааг̇з ааг̇анд̇ваа г̇зхам̣ бариваарзсум̣. ид̇ароби жораанан̃н̃зва ааг̇аманам̣ аасан̇гамаано анид̣̇д̣̇ааяанд̇ова нисийд̣̇и. со жораанам̣ ааг̇ад̇абхаавам̣ н̃ад̇ваа мануссз баб̣од̇хзд̇ум̣ ‘‘д̇вам̣ сан̇кам̣ д̇хама, д̇вам̣ муд̣̇ин̇г̇ам̣ ваад̣̇зхий’’д̇и махаасамаж̇ж̇ам̣ гаронд̇о вияа сагаланивзсанам̣ згасад̣̇д̣̇ам̣ гаарзси. жораа ‘‘сун̃н̃ам̣ г̇зханд̇и д̣̇уссуд̇ам̣ амхзхи, ад̇т̇зва ид̇ха махаасздтий’’д̇и баасаан̣амуг̇г̇араад̣̇ийни д̇ад̇т̇зва чад̣д̣зд̇ваа балааяим̣су.
Corā ‘‘seṭṭhi kira bhogagāmaṃ gato, gehamassa vilumpissāmā’’ti nānāvudhahatthā rattibhāge āgantvā gehaṃ parivāresuṃ. Itaropi corānaññeva āgamanaṃ āsaṅkamāno aniddāyantova nisīdi. So corānaṃ āgatabhāvaṃ ñatvā manusse pabodhetuṃ ‘‘tvaṃ saṅkhaṃ dhama, tvaṃ mudiṅgaṃ vādehī’’ti mahāsamajjaṃ karonto viya sakalanivesanaṃ ekasaddaṃ kāresi. Corā ‘‘suññaṃ gehanti dussutaṃ amhehi, attheva idha mahāseṭṭhī’’ti pāsāṇamuggarādīni tattheva chaḍḍetvā palāyiṃsu.
бунад̣̇ивасз мануссаа д̇ад̇т̇а д̇ад̇т̇а чад̣д̣ид̇з баасаан̣амуг̇г̇араад̣̇аяо д̣̇исваа сам̣взг̇аббад̇д̇аа худ̇ваа ‘‘сажз аж̇ж̇а зваруубо б̣уд̣̇д̇хисамбанно гхаравижаараго наабхависса, жорзхи яат̇ааружияаа бависид̇ваа саб̣б̣ам̣ г̇зхам̣ вилуд̇д̇ам̣ асса, имам̣ д̣̇ал̣хамид̇д̇ам̣ ниссааяа сздтино вуд̣дхи ж̇аад̇аа’’д̇и д̇ам̣ басам̣сид̇ваа сздтисса бхог̇аг̇аамад̇о ааг̇ад̇агаалз саб̣б̣ам̣ д̇ам̣ бавад̇д̇им̣ аарожаяим̣су. ат̇а нз сздти авожа ‘‘д̇умхз зваруубам̣ мама г̇зхарагкагам̣ мид̇д̇ам̣ ниггад̣дхаабзт̇а, сажааяам̣ д̇умхаагам̣ важанзна маяаа ниггад̣дхид̇о асса, аж̇ж̇а мз гудумб̣ам̣ гин̃жи наабхависса, наамам̣ наама аббамаан̣ам̣, хид̇ажид̇д̇амзва бамаан̣а’’нд̇и д̇асса уд̇д̇арид̇арам̣ бариб̣б̣аяам̣ д̣̇ад̇ваа ‘‘ад̇т̇и д̣̇аани мз ид̣̇ам̣ гат̇аабаабхад̇а’’нд̇и сад̇т̇у санд̇игам̣ г̇анд̇ваа аад̣̇ид̇о бадтааяа саб̣б̣ам̣ д̇ам̣ бавад̇д̇им̣ аарожзси. сад̇т̇аа ‘‘на ко, г̇ахабад̇и, ид̣̇аанзва гаал̣аган̣н̣имид̇д̇о ад̇д̇ано мид̇д̇асса гхарз гудумб̣ам̣ рагкад̇и, буб̣б̣зби рагкиязваа’’д̇и вад̇ваа д̇зна яаажид̇о ад̇ийд̇ам̣ аахари.
Punadivase manussā tattha tattha chaḍḍite pāsāṇamuggarādayo disvā saṃvegappattā hutvā ‘‘sace ajja evarūpo buddhisampanno gharavicārako nābhavissa, corehi yathāruciyā pavisitvā sabbaṃ gehaṃ viluttaṃ assa, imaṃ daḷhamittaṃ nissāya seṭṭhino vuḍḍhi jātā’’ti taṃ pasaṃsitvā seṭṭhissa bhogagāmato āgatakāle sabbaṃ taṃ pavattiṃ ārocayiṃsu. Atha ne seṭṭhi avoca ‘‘tumhe evarūpaṃ mama geharakkhakaṃ mittaṃ nikkaḍḍhāpetha, sacāyaṃ tumhākaṃ vacanena mayā nikkaḍḍhito assa, ajja me kuṭumbaṃ kiñci nābhavissa, nāmaṃ nāma appamāṇaṃ, hitacittameva pamāṇa’’nti tassa uttaritaraṃ paribbayaṃ datvā ‘‘atthi dāni me idaṃ kathāpābhata’’nti satthu santikaṃ gantvā ādito paṭṭhāya sabbaṃ taṃ pavattiṃ ārocesi. Satthā ‘‘na kho, gahapati, idāneva kāḷakaṇṇimitto attano mittassa ghare kuṭumbaṃ rakkhati, pubbepi rakkhiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махааяасо сздти ахоси. д̇асса гаал̣аган̣н̣ий наама мид̇д̇од̇и саб̣б̣ам̣ бажжуббаннавад̇т̇усад̣̇исамзва. б̣од̇хисад̇д̇о бхог̇аг̇аамад̇о ааг̇ад̇о д̇ам̣ бавад̇д̇им̣ суд̇ваа ‘‘сажз маяаа д̇умхаагам̣ важанзна зваруубо мид̇д̇о ниггад̣дхид̇о асса, аж̇ж̇а мз гудумб̣ам̣ гин̃жи наабхависсаа’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto mahāyaso seṭṭhi ahosi. Tassa kāḷakaṇṇī nāma mittoti sabbaṃ paccuppannavatthusadisameva. Bodhisatto bhogagāmato āgato taṃ pavattiṃ sutvā ‘‘sace mayā tumhākaṃ vacanena evarūpo mitto nikkaḍḍhito assa, ajja me kuṭumbaṃ kiñci nābhavissā’’ti vatvā imaṃ gāthamāha –
83.
83.
‘‘мид̇д̇о хавз сад̇д̇абад̣̇зна ход̇и, сахааяо бана д̣̇ваад̣̇асагзна ход̇и;
‘‘Mitto have sattapadena hoti, sahāyo pana dvādasakena hoti;
маасад̣дхамаасзна жа н̃аад̇и ход̇и, д̇ад̇уд̇д̇арим̣ ад̇д̇асамоби ход̇и;
Māsaḍḍhamāsena ca ñāti hoti, tatuttariṃ attasamopi hoti;
сохам̣ гат̇ам̣ ад̇д̇асукасса хзд̇у, жирасант̇уд̇ам̣ гаал̣аган̣н̣им̣ ж̇ахзяяа’’нд̇и.
Sohaṃ kathaṃ attasukhassa hetu, cirasanthutaṃ kāḷakaṇṇiṃ jaheyya’’nti.
д̇ад̇т̇а хавзд̇и нибаад̇амад̇д̇ам̣. мзд̇д̇ааяад̇ийд̇и мид̇д̇о, мзд̇д̇ам̣ бажжубадтаабзд̇и, синзхам̣ гарод̇ийд̇и ад̇т̇о. со банзса сад̇д̇абад̣̇зна ход̇и, згад̇о сад̇д̇абад̣̇авийд̇ихаараг̇аманамад̇д̇зна ход̇ийд̇и ад̇т̇о. сахааяо бана д̣̇ваад̣̇асагзна ход̇ийд̇и саб̣б̣агижжаани згад̇о гаран̣авасзна саб̣б̣ирияаабат̇зсу саха г̇ажчад̇ийд̇и сахааяо. со банзса д̣̇ваад̣̇асагзна ход̇и, д̣̇ваад̣̇асаахам̣ згад̇о ниваасзна ход̇ийд̇и ад̇т̇о. маасад̣дхамаасзна жаад̇и маасзна ваа ад̣дхамаасзна ваа. н̃аад̇и ход̇ийд̇и н̃аад̇исамо ход̇и. д̇ад̇уд̇д̇аринд̇и д̇ад̇о уд̇д̇арим̣ згад̇о ваасзна ад̇д̇асамоби ход̇иязва. ж̇ахзяяанд̇и ‘‘зваруубам̣ сахааяам̣ гат̇ам̣ ж̇ахзяяа’’нд̇и мид̇д̇асса г̇ун̣ам̣ гат̇зси. д̇ад̇о бадтааяа буна гожи д̇асса анд̇арз вад̇д̇аа наама наахосийд̇и.
Tattha haveti nipātamattaṃ. Mettāyatīti mitto, mettaṃ paccupaṭṭhāpeti, sinehaṃ karotīti attho. So panesa sattapadena hoti, ekato sattapadavītihāragamanamattena hotīti attho. Sahāyo pana dvādasakena hotīti sabbakiccāni ekato karaṇavasena sabbiriyāpathesu saha gacchatīti sahāyo. So panesa dvādasakena hoti, dvādasāhaṃ ekato nivāsena hotīti attho. Māsaḍḍhamāsena cāti māsena vā aḍḍhamāsena vā. Ñāti hotīti ñātisamo hoti. Tatuttarinti tato uttariṃ ekato vāsena attasamopi hotiyeva. Jaheyyanti ‘‘evarūpaṃ sahāyaṃ kathaṃ jaheyya’’nti mittassa guṇaṃ kathesi. Tato paṭṭhāya puna koci tassa antare vattā nāma nāhosīti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гаал̣аган̣н̣ий аананд̣̇о ахоси, б̣аараан̣асисздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kāḷakaṇṇī ānando ahosi, bārāṇasiseṭṭhi pana ahameva ahosi’’nti.
гаал̣аган̣н̣иж̇аад̇агаван̣н̣анаа д̇ад̇ияаа.
Kāḷakaṇṇijātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 83. гаалаган̣н̣иж̇аад̇агам̣ • 83. Kālakaṇṇijātakaṃ
