| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. гаал̣агаараамасуд̇д̇аван̣н̣анаа
4. Kāḷakārāmasuttavaṇṇanā
24. жад̇уд̇т̇ам̣ ад̇т̇уббад̇д̇ияам̣ нигкид̇д̇ам̣. гад̇арааяа ад̇т̇уббад̇д̇ияанд̇и? д̣̇асаб̣алаг̇ун̣агат̇ааяа. анаат̇абин̣д̣игасса гира д̇хийд̇аа жуул̣асубхад̣̇д̣̇аа ‘‘саагзд̇анаг̇арз гаал̣агасздтибуд̇д̇асса г̇зхам̣ г̇ажчиссаамий’’д̇и сад̇т̇аарам̣ убасан̇гамид̇ваа, ‘‘бханд̇з, ахам̣ мижчаад̣̇идтигагулам̣ г̇ажчаами. сажз д̇ад̇т̇а саггаарам̣ лабхиссаами, згасмим̣ бурисз бзсияамаанз бабан̃жо бхависсад̇и, мам̣ ааваж̇ж̇зяяаат̇а бхаг̇аваа’’д̇и бадин̃н̃ам̣ г̇ахзд̇ваа аг̇амааси. сздти ‘‘сун̣исаа мз ааг̇ад̇аа’’д̇и ман̇г̇алам̣ гаронд̇ова б̣ахум̣ каад̣̇анийяабхож̇анийяам̣ бадияаад̣̇зд̇ваа бан̃жа ажзлагасад̇аани ниманд̇зси. со д̇зсу нисиннзсу ‘‘д̇хийд̇аа мз ааг̇анд̇ваа араханд̇з ванд̣̇ад̇уу’’д̇и жуул̣асубхад̣̇д̣̇ааяа бзсзси. ааг̇ад̇апалаа арияасаавигаа араханд̇зд̇и вуд̇д̇амад̇д̇зязва ‘‘лаабхаа вад̇а мз’’д̇и удтахид̇ваа г̇ад̇аа д̇з ниссиригад̣̇ассанз ажзлагз д̣̇исваава ‘‘саман̣аа наама на зваруубаа хонд̇и, д̇аад̇а, язсам̣ нзва аж̇жхад̇д̇ам̣ хирий, на б̣ахид̣̇д̇хаа од̇д̇аббам̣ ад̇т̇ий’’д̇и вад̇ваа ‘‘на имз саман̣аа, д̇хийд̇хий’’д̇и кзл̣ам̣ баад̇зд̇ваа нивад̇д̇ид̇ваа ад̇д̇ано васанадтаанамзва г̇ад̇аа.
24. Catutthaṃ atthuppattiyaṃ nikkhittaṃ. Katarāya atthuppattiyanti? Dasabalaguṇakathāya. Anāthapiṇḍikassa kira dhītā cūḷasubhaddā ‘‘sāketanagare kāḷakaseṭṭhiputtassa gehaṃ gacchissāmī’’ti satthāraṃ upasaṅkamitvā, ‘‘bhante, ahaṃ micchādiṭṭhikakulaṃ gacchāmi. Sace tattha sakkāraṃ labhissāmi, ekasmiṃ purise pesiyamāne papañco bhavissati, maṃ āvajjeyyātha bhagavā’’ti paṭiññaṃ gahetvā agamāsi. Seṭṭhi ‘‘suṇisā me āgatā’’ti maṅgalaṃ karontova bahuṃ khādanīyabhojanīyaṃ paṭiyādetvā pañca acelakasatāni nimantesi. So tesu nisinnesu ‘‘dhītā me āgantvā arahante vandatū’’ti cūḷasubhaddāya pesesi. Āgataphalā ariyasāvikā arahanteti vuttamatteyeva ‘‘lābhā vata me’’ti uṭṭhahitvā gatā te nissirikadassane acelake disvāva ‘‘samaṇā nāma na evarūpā honti, tāta, yesaṃ neva ajjhattaṃ hirī, na bahiddhā ottappaṃ atthī’’ti vatvā ‘‘na ime samaṇā, dhīdhī’’ti kheḷaṃ pātetvā nivattitvā attano vasanaṭṭhānameva gatā.
д̇ад̇о ажзлагаа ‘‘махаасздти гуд̇о д̇з зваруубаа гаалаган̣н̣ий лад̣̇д̇хаа, гим̣ сагалаж̇амб̣уд̣̇ийбз ан̃н̃аа д̣̇ааригаа над̇т̇ий’’д̇и сздтим̣ барибхаасим̣су. со ‘‘аажарияаа ж̇аанид̇ваа ваа гад̇ам̣ ход̇у аж̇аанид̇ваа ваа, ахамзд̇т̇а ж̇ааниссаамий’’д̇и ажзлагз уяяож̇зд̇ваа субхад̣̇д̣̇ааяа санд̇игам̣ г̇анд̇ваа ‘‘амма, гасмаа зваруубам̣ агааси, гасмаа араханд̇з лаж̇ж̇аабзсий’’д̇и ааха. д̇аад̇а, араханд̇аа наама зваруубаа на хонд̇ийд̇и. ат̇а нам̣ со ааха –
Tato acelakā ‘‘mahāseṭṭhi kuto te evarūpā kālakaṇṇī laddhā, kiṃ sakalajambudīpe aññā dārikā natthī’’ti seṭṭhiṃ paribhāsiṃsu. So ‘‘ācariyā jānitvā vā kataṃ hotu ajānitvā vā, ahamettha jānissāmī’’ti acelake uyyojetvā subhaddāya santikaṃ gantvā ‘‘amma, kasmā evarūpaṃ akāsi, kasmā arahante lajjāpesī’’ti āha. Tāta, arahantā nāma evarūpā na hontīti. Atha naṃ so āha –
‘‘гийд̣̇исаа саман̣аа д̇уяхам̣, б̣аал̣хам̣ ко нз басам̣саси;
‘‘Kīdisā samaṇā tuyhaṃ, bāḷhaṃ kho ne pasaṃsasi;
гим̣сийлаа гим̣самаажаараа, д̇ам̣ мз агкаахи бужчид̇аа’’д̇и.
Kiṃsīlā kiṃsamācārā, taṃ me akkhāhi pucchitā’’ti.
саа ааха –
Sā āha –
‘‘санд̇инд̣̇рияаа санд̇аманаа, санд̇ад̇зж̇аа г̇ун̣амаг̇г̇асан̣тид̇аа;
‘‘Santindriyā santamanā, santatejā guṇamaggasaṇṭhitā;
огкид̇д̇ажагкуу мид̇абхаан̣ий, д̇аад̣̇исаа саман̣аа мама.
Okkhittacakkhū mitabhāṇī, tādisā samaṇā mama.
‘‘васанд̇и ванамог̇аяха, нааг̇о чзд̇ваава б̣анд̇ханам̣;
‘‘Vasanti vanamogayha, nāgo chetvāva bandhanaṃ;
згагияаа ад̣̇уд̇ияаа, д̇аад̣̇исаа саман̣аа мамаа’’д̇и.
Ekakiyā adutiyā, tādisā samaṇā mamā’’ti.
зван̃жа бана вад̇ваа сздтисса бурз тад̇ваа д̇ин̣н̣ам̣ рад̇анаанам̣ г̇ун̣ам̣ гат̇зси. сздти д̇ассаа важанам̣ суд̇ваа ‘‘яад̣̇и звам̣, д̇ава саман̣з аанзд̇ваа ман̇г̇алам̣ гаромаа’’д̇и. саа бужчи ‘‘гад̣̇аа гариссат̇а, д̇аад̇аа’’д̇и. сздти жинд̇зси – ‘‘гад̇ибаахажжаязнаад̇и вуд̇д̇з бзсзд̇ваа баггосаабзяяаа’’д̇и. ат̇а нам̣ ‘‘свз аммаа’’д̇и ааха. саа сааяанхасамаяз убарибаасаад̣̇ам̣ ааруяха маханд̇ам̣ бубпасамуг̇г̇ам̣ г̇ахзд̇ваа сад̇т̇у г̇ун̣з ануссарид̇ваа адта бубпамудтияо д̣̇асаб̣аласса виссаж̇ж̇зд̇ваа ан̃ж̇алим̣ баг̇г̇аяха намассамаанаа адтааси. зван̃жа аважа – ‘‘бхаг̇аваа свз бан̃жахи бхигкусад̇зхи сад̣̇д̇хим̣ маяхам̣ бхигкам̣ г̇ан̣хат̇аа’’д̇и. д̇аани бубпаани г̇анд̇ваа д̣̇асаб̣аласса мад̇т̇агз вид̇аанам̣ худ̇ваа адтам̣су. сад̇т̇аа ааваж̇ж̇знд̇о д̇ам̣ гааран̣ам̣ ад̣̇д̣̇аса. д̇хаммад̣̇зсанаабарияосаанз анаат̇абин̣д̣игамахаасздти д̣̇асаб̣алам̣ ванд̣̇ид̇ваа ‘‘свз, бханд̇з, бан̃жахи бхигкусад̇зхи сад̣̇д̇хим̣ мама г̇зхз бхигкам̣ г̇ан̣хат̇аа’’д̇и ааха. жуул̣асубхад̣̇д̣̇ааяа ниманд̇ид̇амха сздтийд̇и. на, бханд̇з, ган̃жи ааг̇ад̇ам̣ бассаамаад̇и. аама, сздти, сад̣̇д̇хаа бана убаасигаа д̣̇уурз яож̇анасад̇амад̇т̇агзби яож̇анасахассамад̇т̇агзби тид̇аа химаванд̇о вияа бан̃н̃ааяад̇ийд̇и вад̇ваа –
Evañca pana vatvā seṭṭhissa pure ṭhatvā tiṇṇaṃ ratanānaṃ guṇaṃ kathesi. Seṭṭhi tassā vacanaṃ sutvā ‘‘yadi evaṃ, tava samaṇe ānetvā maṅgalaṃ karomā’’ti. Sā pucchi ‘‘kadā karissatha, tātā’’ti. Seṭṭhi cintesi – ‘‘katipāhaccayenāti vutte pesetvā pakkosāpeyyā’’ti. Atha naṃ ‘‘sve ammā’’ti āha. Sā sāyanhasamaye uparipāsādaṃ āruyha mahantaṃ pupphasamuggaṃ gahetvā satthu guṇe anussaritvā aṭṭha pupphamuṭṭhiyo dasabalassa vissajjetvā añjaliṃ paggayha namassamānā aṭṭhāsi. Evañca avaca – ‘‘bhagavā sve pañcahi bhikkhusatehi saddhiṃ mayhaṃ bhikkhaṃ gaṇhathā’’ti. Tāni pupphāni gantvā dasabalassa matthake vitānaṃ hutvā aṭṭhaṃsu. Satthā āvajjento taṃ kāraṇaṃ addasa. Dhammadesanāpariyosāne anāthapiṇḍikamahāseṭṭhi dasabalaṃ vanditvā ‘‘sve, bhante, pañcahi bhikkhusatehi saddhiṃ mama gehe bhikkhaṃ gaṇhathā’’ti āha. Cūḷasubhaddāya nimantitamha seṭṭhīti. Na, bhante, kañci āgataṃ passāmāti. Āma, seṭṭhi, saddhā pana upāsikā dūre yojanasatamatthakepi yojanasahassamatthakepi ṭhitā himavanto viya paññāyatīti vatvā –
‘‘д̣̇уурз санд̇о багаасзнд̇и, химаванд̇ова баб̣б̣ад̇о;
‘‘Dūre santo pakāsenti, himavantova pabbato;
асанд̇зд̇т̇а на д̣̇иссанд̇и, рад̇д̇им̣ кид̇д̇аа яат̇аа сараа’’д̇и. (д̇ха. ба. 304) –
Asantettha na dissanti, rattiṃ khittā yathā sarā’’ti. (dha. pa. 304) –
имам̣ г̇аат̇амааха. анаат̇абин̣д̣иго ‘‘бханд̇з, мама, д̇хийд̇у сан̇г̇ахам̣ гарот̇аа’’д̇и ванд̣̇ид̇ваа баггаами.
Imaṃ gāthamāha. Anāthapiṇḍiko ‘‘bhante, mama, dhītu saṅgahaṃ karothā’’ti vanditvā pakkāmi.
сад̇т̇аа аананд̣̇ад̇т̇зрам̣ ааманд̇зси – ‘‘ахам̣, аананд̣̇а, саагзд̇ам̣ г̇амиссаами, бан̃жаннам̣ бхигкусад̇аанам̣ салаагам̣ д̣̇зхи. д̣̇ад̣̇анд̇о жа чал̣абхин̃н̃аанам̣язва д̣̇ад̣̇зяяаасий’’д̇и. т̇зро д̇ат̇аа агааси. жуул̣асубхад̣̇д̣̇аа рад̇д̇ибхааг̇асамананд̇арз жинд̇зси – ‘‘б̣уд̣̇д̇хаа наама б̣ахугижжаа б̣ахугаран̣ийяаа, мам̣ саллагкзяяа ваа на ваа, гим̣ ну ко гариссаамий’’д̇и. д̇асмим̣ кан̣з взссаван̣о махаарааж̇аа жуул̣асубхад̣̇д̣̇ааяа гат̇зси – ‘‘бхад̣̇д̣̇з, маа ко д̇вам̣ виманаа ахоси, маа д̣̇умманаа. ад̇хивуд̇т̇ам̣ д̇з бхаг̇авад̇аа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. саа д̇удтабахадтаа д̣̇аанамзва сам̣вид̣̇ахи. саггоби ко д̣̇зварааж̇аа виссагаммам̣ ааманд̇зси – ‘‘д̇аад̇а, д̣̇асаб̣ало жуул̣асубхад̣̇д̣̇ааяа санд̇игам̣ саагзд̇анаг̇арам̣ г̇ажчиссад̇и, бан̃жа гуудааг̇аарасад̇аани маабзхий’’д̇и. со д̇ат̇аа агааси. сад̇т̇аа бан̃жахи чал̣абхин̃н̃асад̇зхи баривуд̇о гуудааг̇аараяаанзна ман̣иван̣н̣ам̣ аагаасам̣ виликанд̇о вияа саагзд̇анаг̇арам̣ аг̇амааси.
Satthā ānandattheraṃ āmantesi – ‘‘ahaṃ, ānanda, sāketaṃ gamissāmi, pañcannaṃ bhikkhusatānaṃ salākaṃ dehi. Dadanto ca chaḷabhiññānaṃyeva dadeyyāsī’’ti. Thero tathā akāsi. Cūḷasubhaddā rattibhāgasamanantare cintesi – ‘‘buddhā nāma bahukiccā bahukaraṇīyā, maṃ sallakkheyya vā na vā, kiṃ nu kho karissāmī’’ti. Tasmiṃ khaṇe vessavaṇo mahārājā cūḷasubhaddāya kathesi – ‘‘bhadde, mā kho tvaṃ vimanā ahosi, mā dummanā. Adhivutthaṃ te bhagavatā svātanāya bhattaṃ saddhiṃ bhikkhusaṅghenā’’ti. Sā tuṭṭhapahaṭṭhā dānameva saṃvidahi. Sakkopi kho devarājā vissakammaṃ āmantesi – ‘‘tāta, dasabalo cūḷasubhaddāya santikaṃ sāketanagaraṃ gacchissati, pañca kūṭāgārasatāni māpehī’’ti. So tathā akāsi. Satthā pañcahi chaḷabhiññasatehi parivuto kūṭāgārayānena maṇivaṇṇaṃ ākāsaṃ vilikhanto viya sāketanagaraṃ agamāsi.
субхад̣̇д̣̇аа б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа сад̇т̇аарам̣ ванд̣̇ид̇ваа ааха – ‘‘бханд̇з, маяхам̣ сасурабагко мижчаад̣̇идтиго, саад̇ху д̇зсам̣ анужчавигад̇хаммам̣ гат̇зт̇аа’’д̇и. сад̇т̇аа д̇хаммам̣ д̣̇зсзси. гаал̣агасздти сод̇аабанно худ̇ваа ад̇д̇ано уяяаанам̣ д̣̇асаб̣аласса ад̣̇ааси. ажзлагаа ‘‘амхаагам̣ батамам̣ д̣̇инна’’нд̇и нигкамид̇ум̣ на ижчанд̇и. ‘‘г̇ажчат̇а нийхарид̇аб̣б̣анияаамзна д̇з нийхарат̇аа’’д̇и саб̣б̣з нийхараабзд̇ваа д̇ад̇т̇зва сад̇т̇у вихаарам̣ гаарзд̇ваа б̣рахмад̣̇зяяам̣ гад̇ваа уд̣̇агам̣ баад̇зси . со гаал̣агзна гаарид̇ад̇ааяа гаал̣агаараамо наама ж̇аад̇о. бхаг̇аваа д̇асмим̣ самаяз д̇ад̇т̇а вихарад̇и. д̇зна вуд̇д̇ам̣ – ‘‘саагзд̇з вихарад̇и гаал̣агаараамз’’д̇и.
Subhaddā buddhappamukhassa bhikkhusaṅghassa dānaṃ datvā satthāraṃ vanditvā āha – ‘‘bhante, mayhaṃ sasurapakkho micchādiṭṭhiko, sādhu tesaṃ anucchavikadhammaṃ kathethā’’ti. Satthā dhammaṃ desesi. Kāḷakaseṭṭhi sotāpanno hutvā attano uyyānaṃ dasabalassa adāsi. Acelakā ‘‘amhākaṃ paṭhamaṃ dinna’’nti nikkhamituṃ na icchanti. ‘‘Gacchatha nīharitabbaniyāmena te nīharathā’’ti sabbe nīharāpetvā tattheva satthu vihāraṃ kāretvā brahmadeyyaṃ katvā udakaṃ pātesi . So kāḷakena kāritatāya kāḷakārāmo nāma jāto. Bhagavā tasmiṃ samaye tattha viharati. Tena vuttaṃ – ‘‘sākete viharati kāḷakārāme’’ti.
бхигкуу ааманд̇зсийд̇и бан̃жасад̇з бхигкуу ааманд̇зси. д̇з гира саагзд̇анаг̇араваасино гулабуд̇д̇аа сад̇т̇у д̇хаммад̣̇зсанам̣ суд̇ваа сад̇т̇у санд̇игз баб̣б̣аж̇ид̇ваа убадтаанасаалааяа нисиннаа ‘‘ахо б̣уд̣̇д̇хаг̇ун̣аа наама маханд̇аа, зваруубам̣ наама мижчаад̣̇идтигам̣ гаал̣агасздтим̣ д̣̇идтид̇о можзд̇ваа сод̇аабад̇д̇ипалам̣ баабзд̇ваа сагаланаг̇арам̣ сад̇т̇аараа д̣̇звалогасад̣̇исам̣ гад̇а’’нд̇и д̣̇асаб̣аласса г̇ун̣ам̣ гат̇знд̇и. сад̇т̇аа д̇зсам̣ г̇ун̣ам̣ гат̇знд̇аанам̣ жид̇д̇ам̣ убабаригкид̇ваа – ‘‘маяи г̇ад̇з махад̇ий д̣̇зсанаа самудтиссад̇и, д̣̇зсанаабарияосаанз жа имз бан̃жасад̇аа бхигкуу арахад̇д̇з бад̇идтахиссанд̇и, махаабат̇авий уд̣̇агабарияанд̇ам̣ гад̇ваа гамбиссад̇ий’’д̇и д̇хаммасабхам̣ г̇анд̇ваа бан̃н̃ад̇д̇авараб̣уд̣̇д̇хаасанз нисинно д̇з бхигкуу аад̣̇им̣ гад̇ваа яам̣, бхигкавз, сад̣̇звагасса логассаад̇и имам̣ д̣̇зсанам̣ аарабхи. звамид̣̇ам̣ суд̇д̇ам̣ г̇ун̣агат̇ааяа нигкид̇д̇анд̇и взд̣̇ид̇аб̣б̣ам̣.
Bhikkhū āmantesīti pañcasate bhikkhū āmantesi. Te kira sāketanagaravāsino kulaputtā satthu dhammadesanaṃ sutvā satthu santike pabbajitvā upaṭṭhānasālāya nisinnā ‘‘aho buddhaguṇā nāma mahantā, evarūpaṃ nāma micchādiṭṭhikaṃ kāḷakaseṭṭhiṃ diṭṭhito mocetvā sotāpattiphalaṃ pāpetvā sakalanagaraṃ satthārā devalokasadisaṃ kata’’nti dasabalassa guṇaṃ kathenti. Satthā tesaṃ guṇaṃ kathentānaṃ cittaṃ upaparikkhitvā – ‘‘mayi gate mahatī desanā samuṭṭhissati, desanāpariyosāne ca ime pañcasatā bhikkhū arahatte patiṭṭhahissanti, mahāpathavī udakapariyantaṃ katvā kampissatī’’ti dhammasabhaṃ gantvā paññattavarabuddhāsane nisinno te bhikkhū ādiṃ katvā yaṃ, bhikkhave, sadevakassa lokassāti imaṃ desanaṃ ārabhi. Evamidaṃ suttaṃ guṇakathāya nikkhittanti veditabbaṃ.
д̇ад̇т̇а ‘‘д̇амахам̣ ж̇аанаамий’’д̇и бад̣̇абарияосаанз махаабат̇авий уд̣̇агабарияанд̇ам̣ гад̇ваа агамбид̇т̇а. аб̣бхан̃н̃аасинд̇и абхиан̃н̃аасим̣, ж̇аанинд̇и ад̇т̇о. вид̣̇ид̇анд̇и баагадам̣ гад̇ваа н̃аад̇ам̣. иминаа зд̇ам̣ д̣̇ассзд̇и – ан̃н̃з ж̇аананд̇иязва, маяаа бана баагадам̣ гад̇ваа вид̣̇ид̇анд̇и. имзхи д̇ийхи бад̣̇зхи саб̣б̣ан̃н̃уд̇абхууми наама гат̇ид̇аа. д̇ам̣ д̇ат̇ааг̇ад̇о на убадтаасийд̇и д̇ам̣ чад̣̇вааригам̣ аарамман̣ам̣ д̇ат̇ааг̇ад̇о д̇ан̣хааяа ваа д̣̇идтияаа ваа на убадтааси на убаг̇ан̃чи. аяан̃хи бассад̇и бхаг̇аваа жагкунаа руубам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о со бхаг̇аваа. сун̣аад̇и бхаг̇аваа сод̇зна сад̣̇д̣̇ам̣. гхааяад̇и бхаг̇аваа гхаанзна г̇анд̇хам̣. сааяад̇и бхаг̇аваа ж̇ивхааяа расам̣. пусад̇и бхаг̇аваа гааязна подтаб̣б̣ам̣. виж̇аанаад̇и бхаг̇аваа манасаа д̇хаммам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о со бхаг̇аваа. д̇зна вуд̇д̇ам̣ – ‘‘д̇ам̣ д̇ат̇ааг̇ад̇о на убадтаасий’’д̇и. иминаа бад̣̇зна кийн̣аасавабхууми гат̇ид̇аад̇и взд̣̇ид̇аб̣б̣аа.
Tattha ‘‘tamahaṃ jānāmī’’ti padapariyosāne mahāpathavī udakapariyantaṃ katvā akampittha. Abbhaññāsinti abhiaññāsiṃ, jāninti attho. Viditanti pākaṭaṃ katvā ñātaṃ. Iminā etaṃ dasseti – aññe jānantiyeva, mayā pana pākaṭaṃ katvā viditanti. Imehi tīhi padehi sabbaññutabhūmi nāma kathitā. Taṃ tathāgato na upaṭṭhāsīti taṃ chadvārikaṃ ārammaṇaṃ tathāgato taṇhāya vā diṭṭhiyā vā na upaṭṭhāsi na upagañchi. Ayañhi passati bhagavā cakkhunā rūpaṃ, chandarāgo bhagavato natthi, suvimuttacitto so bhagavā. Suṇāti bhagavā sotena saddaṃ. Ghāyati bhagavā ghānena gandhaṃ. Sāyati bhagavā jivhāya rasaṃ. Phusati bhagavā kāyena phoṭṭhabbaṃ. Vijānāti bhagavā manasā dhammaṃ, chandarāgo bhagavato natthi, suvimuttacitto so bhagavā. Tena vuttaṃ – ‘‘taṃ tathāgato na upaṭṭhāsī’’ti. Iminā padena khīṇāsavabhūmi kathitāti veditabbā.
д̇ам̣ мамасса мусаад̇и д̇ам̣ мз важанам̣ мусааваад̣̇о наама бхавзяяа. д̇ам̣ басса д̇аад̣̇исамзваад̇и д̇амби мусааваад̣̇о бхавзяяа. д̇ам̣ мамасса галийд̇и д̇ам̣ важанам̣ маяхам̣ д̣̇осо бхавзяяаад̇и ад̇т̇о. зд̇д̇аавад̇аа сажжабхууми наама гат̇ид̇аад̇и взд̣̇ид̇аб̣б̣аа.
Taṃ mamassa musāti taṃ me vacanaṃ musāvādo nāma bhaveyya. Taṃ passa tādisamevāti tampi musāvādo bhaveyya. Taṃ mamassa kalīti taṃ vacanaṃ mayhaṃ doso bhaveyyāti attho. Ettāvatā saccabhūmi nāma kathitāti veditabbā.
д̣̇адтаа д̣̇адтаб̣б̣анд̇и д̣̇исваа д̣̇адтаб̣б̣ам̣. д̣̇идтам̣ на ман̃н̃ад̇ийд̇и д̇ам̣ д̣̇идтам̣ руубааяад̇анам̣ ‘‘ахам̣ махааж̇анзна д̣̇идтамзва бассаамий’’д̇и д̇ан̣хаамаанад̣̇идтийхи на ман̃н̃ад̇и. ад̣̇идтам̣ на ман̃н̃ад̇ийд̇и ‘‘ахам̣ махааж̇анзна ад̣̇идтамзва зд̇ам̣ бассаамий’’д̇и звамби д̇ан̣хаад̣̇ийхи ман̃н̃анаахи на ман̃н̃ад̇и. д̣̇адтаб̣б̣ам̣ на ман̃н̃ад̇ийд̇и ‘‘махааж̇анзна д̣̇идтам̣ бассаамий’’д̇и звамби д̇аахи ман̃н̃анаахи на ман̃н̃ад̇и. д̣̇адтаб̣б̣ан̃хи ад̣̇идтамби ход̇иязва. зваруубаани хи важанаани д̇ийсуби гаалзсу лаб̣бханд̇и, д̇знасса ад̇т̇о вуд̇д̇о. д̣̇адтаарам̣ на ман̃н̃ад̇ийд̇и бассид̇аарам̣ згасад̇д̇ам̣ наама д̇аахи ман̃н̃анаахи на ман̃н̃ад̇ийд̇и ад̇т̇о. сзсадтаанзсуби иминаава наязна ад̇т̇о взд̣̇ид̇аб̣б̣о. иминаа зд̇д̇агзна таанзна сун̃н̃ад̇аабхууми наама гат̇ид̇аа.
Daṭṭhādaṭṭhabbanti disvā daṭṭhabbaṃ. Diṭṭhaṃ na maññatīti taṃ diṭṭhaṃ rūpāyatanaṃ ‘‘ahaṃ mahājanena diṭṭhameva passāmī’’ti taṇhāmānadiṭṭhīhi na maññati. Adiṭṭhaṃ na maññatīti ‘‘ahaṃ mahājanena adiṭṭhameva etaṃ passāmī’’ti evampi taṇhādīhi maññanāhi na maññati. Daṭṭhabbaṃ na maññatīti ‘‘mahājanena diṭṭhaṃ passāmī’’ti evampi tāhi maññanāhi na maññati. Daṭṭhabbañhi adiṭṭhampi hotiyeva. Evarūpāni hi vacanāni tīsupi kālesu labbhanti, tenassa attho vutto. Daṭṭhāraṃna maññatīti passitāraṃ ekasattaṃ nāma tāhi maññanāhi na maññatīti attho. Sesaṭṭhānesupi imināva nayena attho veditabbo. Iminā ettakena ṭhānena suññatābhūmi nāma kathitā.
ид̇и ко, бхигкавзд̇и звам̣ ко, бхигкавз. д̇аад̣̇ийязва д̇аад̣̇ийд̇и д̇аад̣̇ид̇аа наама згасад̣̇исад̇аа. д̇ат̇ааг̇ад̇о жа яаад̣̇исо лаабхаад̣̇ийсу, д̇аад̣̇исова алаабхаад̣̇ийсу. д̇зна вуд̇д̇ам̣ – ‘‘лаабхзби д̇аад̣̇ий, алаабхзби д̇аад̣̇ий. яасзби д̇аад̣̇ий, аяасзби д̇аад̣̇ий. нинд̣̇ааяаби д̇аад̣̇ий, басам̣сааяаби д̇аад̣̇ий. сукзби д̇аад̣̇ий, д̣̇угкзби д̇аад̣̇ий’’д̇и (махаани. 38, 192). имааяа д̇аад̣̇ид̇ааяа д̇аад̣̇ий. д̇амхаа жа бана д̇аад̣̇имхаад̇и д̇ад̇о д̇ат̇ааг̇ад̇ад̇аад̣̇ид̇о ан̃н̃о уд̇д̇арид̇аро ваа бан̣ийд̇ад̇аро ваа д̇аад̣̇ий над̇т̇ийд̇и зд̇д̇аавад̇аа д̇аад̣̇ибхууми наама гат̇ид̇аа. имаахи бан̃жабхуумийхи д̣̇зсанам̣ нидтаабзнд̇асса бан̃жасуби таанзсу махаабат̇авий сагкибхаавзна агамбид̇т̇а. д̣̇зсанаабарияосаанз д̇з бан̃жасад̇з ад̇хунаабаб̣б̣аж̇ид̇з гулабуд̇д̇з аад̣̇им̣ гад̇ваа д̇ам̣ таанам̣ бад̇д̇аанам̣ д̣̇звамануссаанам̣ жад̇ураасийд̇и баан̣асахассаани амад̇абаанам̣ бивим̣су.
Iti kho, bhikkhaveti evaṃ kho, bhikkhave. Tādīyeva tādīti tāditā nāma ekasadisatā. Tathāgato ca yādiso lābhādīsu, tādisova alābhādīsu. Tena vuttaṃ – ‘‘lābhepi tādī, alābhepi tādī. Yasepi tādī, ayasepi tādī. Nindāyapi tādī, pasaṃsāyapi tādī. Sukhepi tādī, dukkhepi tādī’’ti (mahāni. 38, 192). Imāya tāditāya tādī. Tamhā ca pana tādimhāti tato tathāgatatādito añño uttaritaro vā paṇītataro vā tādī natthīti ettāvatā tādibhūmi nāma kathitā. Imāhi pañcabhūmīhi desanaṃ niṭṭhāpentassa pañcasupi ṭhānesu mahāpathavī sakkhibhāvena akampittha. Desanāpariyosāne te pañcasate adhunāpabbajite kulaputte ādiṃ katvā taṃ ṭhānaṃ pattānaṃ devamanussānaṃ caturāsīti pāṇasahassāni amatapānaṃ piviṃsu.
бхаг̇авааби суд̇д̇ам̣ нидтаабзд̇ваа г̇аат̇аахи гуудам̣ г̇ан̣ханд̇о яам̣гин̃жийд̇иаад̣̇имааха. д̇ад̇т̇а аж̇жхосид̇ам̣ сажжамуд̇ам̣ барзсанд̇и барзсам̣ сад̣̇д̇хааяа барабад̇д̇ияааяанааяа сажжамуд̇анд̇и ман̃н̃ид̇ваа аж̇жхосид̇ам̣ г̇илид̇ваа баринидтаабзд̇ваа г̇ахид̇ам̣. саяасам̣вуд̇зсууд̇и саяамзва сам̣варид̇ваа бияааяид̇ваа г̇ахид̇аг̇ахан̣зсу, д̣̇идтиг̇ад̇игзсууд̇и ад̇т̇о. д̣̇идтиг̇ад̇игаа хи саяам̣ сам̣вуд̇аад̇и вужжанд̇и. сажжам̣ мусаа вааби барам̣ д̣̇ахзяяаад̇и д̇зсу саяам̣ сам̣вуд̇асан̇каад̇зсу д̣̇идтиг̇ад̇игзсу д̇ат̇ааг̇ад̇о д̇аад̣̇ий д̇зсам̣ згамби важанам̣ ‘‘ид̣̇амзва сажжам̣ могхаман̃н̃а’’нд̇и звам̣ сажжам̣ мусаа вааби барам̣ уд̇д̇амам̣ гад̇ваа на од̣̇ахзяяа, на сад̣̇д̣̇ахзяяа, на бад̇д̇ияааязяяа. зд̇ан̃жа салланд̇и зд̇ам̣ д̣̇идтисаллам̣. бадигажжа д̣̇исваад̇и бурзд̇арам̣ б̣од̇химуулзязва д̣̇исваа. висад̇д̇аад̇и лаг̇г̇аа лаг̇ид̇аа балиб̣уд̣̇д̇хаа. ж̇аанаами бассаами д̇ат̇зва зд̇анд̇и яат̇ааяам̣ баж̇аа аж̇жхосид̇аа г̇илид̇ваа баринидтаабзд̇ваа висад̇д̇аа лаг̇г̇аа лаг̇ид̇аа, звам̣ ахамби ж̇аанаами бассаами. д̇ат̇аа звам̣ яат̇аа зд̇ааяа баж̇ааяа г̇ахид̇анд̇и звам̣ аж̇жхосид̇ам̣ над̇т̇и д̇ат̇ааг̇ад̇аананд̇и ад̇т̇о.
Bhagavāpi suttaṃ niṭṭhāpetvā gāthāhi kūṭaṃ gaṇhanto yaṃkiñcītiādimāha. Tattha ajjhositaṃ saccamutaṃ paresanti paresaṃ saddhāya parapattiyāyanāya saccamutanti maññitvā ajjhositaṃ gilitvā pariniṭṭhāpetvā gahitaṃ. Sayasaṃvutesūti sayameva saṃvaritvā piyāyitvā gahitagahaṇesu, diṭṭhigatikesūti attho. Diṭṭhigatikā hi sayaṃ saṃvutāti vuccanti. Saccaṃ musā vāpi paraṃ daheyyāti tesu sayaṃ saṃvutasaṅkhātesu diṭṭhigatikesu tathāgato tādī tesaṃ ekampi vacanaṃ ‘‘idameva saccaṃ moghamañña’’nti evaṃ saccaṃ musā vāpi paraṃ uttamaṃ katvā na odaheyya, na saddaheyya, na pattiyāyeyya. Etañca sallanti etaṃ diṭṭhisallaṃ. Paṭikacca disvāti puretaraṃ bodhimūleyeva disvā. Visattāti laggā lagitā palibuddhā. Jānāmi passāmi tatheva etanti yathāyaṃ pajā ajjhositā gilitvā pariniṭṭhāpetvā visattā laggā lagitā, evaṃ ahampi jānāmi passāmi. Tathā evaṃ yathā etāya pajāya gahitanti evaṃ ajjhositaṃ natthi tathāgatānanti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. гаал̣агаараамасуд̇д̇ам̣ • 4. Kāḷakārāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. гаал̣агаараамасуд̇д̇аван̣н̣анаа • 4. Kāḷakārāmasuttavaṇṇanā
