| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༣. ཀལནྡཀངྒཔཉྷོ
3. Kalandakaṅgapañho
༣. ‘‘བྷནྟེ ནཱགསེན, ‘ཀལནྡཀསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, ཀལནྡཀོ པཊིསཏྟུམྷི ཨོཔཏནྟེ ནངྒུཊྛཾ པཔྥོཊེཏྭཱ མཧནྟཾ ཀཏྭཱ ཏེནེཝ ནངྒུཊྛལགུལེ༹ན པཊིསཏྟུཾ པཊིབཱཧཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཀིལེསསཏྟུམྷི ཨོཔཏནྟེ སཏིཔཊྛཱནལགུལ༹ཾ པཔྥོཊེཏྭཱ མཧནྟཾ ཀཏྭཱ ཏེནེཝ སཏིཔཊྛཱནལགུལེ༹ན སབྦཀིལེསཱ པཊིབཱཧིཏབྦཱ། ཨིདཾ, མཧཱརཱཛ, ཀལནྡཀསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན ཙཱུལ༹པནྠཀེན –
3. ‘‘Bhante nāgasena, ‘kalandakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kalandako paṭisattumhi opatante naṅguṭṭhaṃ papphoṭetvā mahantaṃ katvā teneva naṅguṭṭhalaguḷena paṭisattuṃ paṭibāhati, evameva kho, mahārāja, yoginā yogāvacarena kilesasattumhi opatante satipaṭṭhānalaguḷaṃ papphoṭetvā mahantaṃ katvā teneva satipaṭṭhānalaguḷena sabbakilesā paṭibāhitabbā. Idaṃ, mahārāja, kalandakassa ekaṃ aṅgaṃ gahetabbaṃ. Bhāsitampetaṃ, mahārāja, therena cūḷapanthakena –
‘ཡདཱ ཀིལེསཱ ཨོཔཏནྟི, སཱམཉྙགུཎདྷཾསནཱ།
‘Yadā kilesā opatanti, sāmaññaguṇadhaṃsanā;
སཏིཔཊྛཱནལགུལེ༹ན, ཧནྟབྦཱ ཏེ པུནཔྤུན’’’ནྟི༎
Satipaṭṭhānalaguḷena, hantabbā te punappuna’’’nti.
ཀལནྡཀངྒཔཉྷོ ཏཏིཡོ།
Kalandakaṅgapañho tatiyo.
