| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਕਲਨ੍ਦਕਙ੍ਗਪਞ੍ਹੋ
3. Kalandakaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਕਲਨ੍ਦਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਕਲਨ੍ਦਕੋ ਪਟਿਸਤ੍ਤੁਮ੍ਹਿ ਓਪਤਨ੍ਤੇ ਨਙ੍ਗੁਟ੍ਠਂ ਪਪ੍ਫੋਟੇਤ੍વਾ ਮਹਨ੍ਤਂ ਕਤ੍વਾ ਤੇਨੇવ ਨਙ੍ਗੁਟ੍ਠਲਗੁਲ਼ੇਨ ਪਟਿਸਤ੍ਤੁਂ ਪਟਿਬਾਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕਿਲੇਸਸਤ੍ਤੁਮ੍ਹਿ ਓਪਤਨ੍ਤੇ ਸਤਿਪਟ੍ਠਾਨਲਗੁਲ਼ਂ ਪਪ੍ਫੋਟੇਤ੍વਾ ਮਹਨ੍ਤਂ ਕਤ੍વਾ ਤੇਨੇવ ਸਤਿਪਟ੍ਠਾਨਲਗੁਲ਼ੇਨ ਸਬ੍ਬਕਿਲੇਸਾ ਪਟਿਬਾਹਿਤਬ੍ਬਾ। ਇਦਂ, ਮਹਾਰਾਜ, ਕਲਨ੍ਦਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਚੂਲ਼ਪਨ੍ਥਕੇਨ –
3. ‘‘Bhante nāgasena, ‘kalandakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kalandako paṭisattumhi opatante naṅguṭṭhaṃ papphoṭetvā mahantaṃ katvā teneva naṅguṭṭhalaguḷena paṭisattuṃ paṭibāhati, evameva kho, mahārāja, yoginā yogāvacarena kilesasattumhi opatante satipaṭṭhānalaguḷaṃ papphoṭetvā mahantaṃ katvā teneva satipaṭṭhānalaguḷena sabbakilesā paṭibāhitabbā. Idaṃ, mahārāja, kalandakassa ekaṃ aṅgaṃ gahetabbaṃ. Bhāsitampetaṃ, mahārāja, therena cūḷapanthakena –
‘ਯਦਾ ਕਿਲੇਸਾ ਓਪਤਨ੍ਤਿ, ਸਾਮਞ੍ਞਗੁਣਧਂਸਨਾ।
‘Yadā kilesā opatanti, sāmaññaguṇadhaṃsanā;
ਸਤਿਪਟ੍ਠਾਨਲਗੁਲ਼ੇਨ, ਹਨ੍ਤਬ੍ਬਾ ਤੇ ਪੁਨਪ੍ਪੁਨ’’’ਨ੍ਤਿ॥
Satipaṭṭhānalaguḷena, hantabbā te punappuna’’’nti.
ਕਲਨ੍ਦਕਙ੍ਗਪਞ੍ਹੋ ਤਤਿਯੋ।
Kalandakaṅgapañho tatiyo.
