| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[127] 7. галан̣д̣угаж̇аад̇агаван̣н̣анаа
[127] 7. Kalaṇḍukajātakavaṇṇanā
д̇з д̣̇зсаа д̇аани вад̇т̇уунийд̇и ид̣̇ам̣ сад̇т̇аа ж̇зд̇аванз вихаранд̇о згам̣ вигад̇т̇агабхигкум̣ аараб̣бха гат̇зси. д̇ад̇т̇а д̣̇взби вад̇т̇ууни гадаахагаж̇аад̇агасад̣̇исаанзва.
Tedesā tāni vatthūnīti idaṃ satthā jetavane viharanto ekaṃ vikatthakabhikkhuṃ ārabbha kathesi. Tattha dvepi vatthūni kaṭāhakajātakasadisāneva.
ид̇ха банзса б̣аараан̣асисздтино д̣̇аасо галан̣д̣уго наама ахоси. д̇асса балааяид̇ваа бажжанд̇аваасисздтино д̇хийд̇арам̣ г̇ахзд̇ваа маханд̇зна бариваарзна васанагаалз б̣аараан̣асисздти бариязсаабзд̇вааби д̇асса г̇ад̇адтаанам̣ аж̇аананд̇о ‘‘г̇ажча, галан̣д̣угам̣ бариязсаа’’д̇и ад̇д̇анаа будтам̣ сугабод̇агам̣ бзсзси. сугабод̇аго ид̇о жид̇о жа вижаранд̇о д̇ам̣ наг̇арам̣ баабун̣и. д̇асмин̃жа гаалз галан̣д̣уго над̣̇ийгийл̣ам̣ гийл̣ид̇угаамо б̣ахум̣ маалааг̇анд̇хавилзбанан̃жзва каад̣̇анийяабхож̇анийяаани жа г̇аахаабзд̇ваа над̣̇им̣ г̇анд̇ваа сздтид̇хийд̇ааяа сад̣̇д̇хим̣ наавам̣ ааруяха уд̣̇агз гийл̣ад̇и. д̇асмин̃жа бад̣̇зсз над̣̇ийгийл̣ам̣ гийл̣анд̇аа иссараж̇аад̇игаа д̇икин̣абхзсаж̇ж̇абарибхаавид̇ам̣ кийрам̣ биванд̇и, д̇зна д̇зсам̣ д̣̇ивасабхааг̇амби уд̣̇агз гийл̣анд̇аанам̣ сийд̇ам̣ на б̣аад̇хад̇и. аяам̣ бана галан̣д̣уго кийраг̇ан̣д̣уусам̣ г̇ахзд̇ваа мукам̣ вигкаалзд̇ваа д̇ам̣ кийрам̣ нудтубхад̇и. нудтубханд̇оби уд̣̇агз анудтубхид̇ваа сздтид̇хийд̇ааяа сийсз нудтубхад̇и. сугабод̇агоби над̣̇ийд̇ийрам̣ г̇анд̇ваа згиссаа уд̣̇умб̣арасаакааяа нисийд̣̇ид̇ваа ологзд̇ваа галан̣д̣угам̣ сан̃ж̇аанид̇ваа сздтид̇хийд̇ааяа сийсз нудтубханд̇ам̣ д̣̇исваа ‘‘арз, галан̣д̣уга д̣̇ааса, ад̇д̇ано ж̇аад̇ин̃жа васанадтаанан̃жа ануссара, кийраг̇ан̣д̣уусам̣ г̇ахзд̇ваа мукам̣ вигкаалзд̇ваа ж̇аад̇исамбаннааяа сукасам̣вад̣дхааяа сздтид̇хийд̇ааяа сийсз маа нудтубхи, ад̇д̇ано бамаан̣ам̣ на ж̇аанаасий’’д̇и вад̇ваа имам̣ г̇аат̇амааха –
Idha panesa bārāṇasiseṭṭhino dāso kalaṇḍuko nāma ahosi. Tassa palāyitvā paccantavāsiseṭṭhino dhītaraṃ gahetvā mahantena parivārena vasanakāle bārāṇasiseṭṭhi pariyesāpetvāpi tassa gataṭṭhānaṃ ajānanto ‘‘gaccha, kalaṇḍukaṃ pariyesā’’ti attanā puṭṭhaṃ sukapotakaṃ pesesi. Sukapotako ito cito ca vicaranto taṃ nagaraṃ pāpuṇi. Tasmiñca kāle kalaṇḍuko nadīkīḷaṃ kīḷitukāmo bahuṃ mālāgandhavilepanañceva khādanīyabhojanīyāni ca gāhāpetvā nadiṃ gantvā seṭṭhidhītāya saddhiṃ nāvaṃ āruyha udake kīḷati. Tasmiñca padese nadīkīḷaṃ kīḷantā issarajātikā tikhiṇabhesajjaparibhāvitaṃ khīraṃ pivanti, tena tesaṃ divasabhāgampi udake kīḷantānaṃ sītaṃ na bādhati. Ayaṃ pana kalaṇḍuko khīragaṇḍūsaṃ gahetvā mukhaṃ vikkhāletvā taṃ khīraṃ nuṭṭhubhati. Nuṭṭhubhantopi udake anuṭṭhubhitvā seṭṭhidhītāya sīse nuṭṭhubhati. Sukapotakopi nadītīraṃ gantvā ekissā udumbarasākhāya nisīditvā oloketvā kalaṇḍukaṃ sañjānitvā seṭṭhidhītāya sīse nuṭṭhubhantaṃ disvā ‘‘are, kalaṇḍuka dāsa, attano jātiñca vasanaṭṭhānañca anussara, khīragaṇḍūsaṃ gahetvā mukhaṃ vikkhāletvā jātisampannāya sukhasaṃvaḍḍhāya seṭṭhidhītāya sīse mā nuṭṭhubhi, attano pamāṇaṃ na jānāsī’’ti vatvā imaṃ gāthamāha –
127.
127.
‘‘д̇з д̣̇зсаа д̇аани вад̇т̇ууни, ахан̃жа ванаг̇ожаро;
‘‘Te desā tāni vatthūni, ahañca vanagocaro;
анувижжа ко д̇ам̣ г̇ан̣хзяяум̣, бива кийрам̣ галан̣д̣угаа’’д̇и.
Anuvicca kho taṃ gaṇheyyuṃ, piva khīraṃ kalaṇḍukā’’ti.
д̇ад̇т̇а д̇з д̣̇зсаа д̇аани вад̇т̇уунийд̇и маад̇угужчим̣ санд̇хааяа вад̣̇ад̇и. аяамзд̇т̇аад̇хиббааяо – яад̇т̇а д̇з васид̇ам̣, на д̇з кад̇д̇ияад̇хийд̇аад̣̇ийнам̣ гужчид̣̇зсаа. яад̇т̇а вааси бад̇идтид̇о, на д̇аани кад̇д̇ияад̇хийд̇аад̣̇ийнам̣ гужчивад̇т̇ууни. ат̇а ко д̣̇аасигужчияам̣ д̇вам̣ васи жзва бад̇идтид̇о жаад̇и. ахан̃жа ванаг̇ожарод̇и д̇иражчаанабхууд̇оби зд̇амад̇т̇ам̣ ж̇аанаамийд̇и д̣̇ийбзд̇и. анувижжа ко д̇ам̣ г̇ан̣хзяяунд̇и звам̣ анаажаарам̣ жарамаанам̣ маяаа г̇анд̇ваа аарожид̇з анувижжа ж̇аанид̇ваа д̇ава саамигаа д̇аал̣зд̇ваа жзва лагкан̣аахад̇ан̃жа гад̇ваа д̇ам̣ г̇ан̣хзяяум̣, г̇ахзд̇ваа г̇амиссанд̇и, д̇асмаа ад̇д̇ано бамаан̣ам̣ н̃ад̇ваа сздтид̇хийд̇ааяа сийсз анудтубхид̇ваа бива кийрам̣. галан̣д̣угаад̇и д̇ам̣ наамзнаалабад̇и.
Tattha te desā tāni vatthūnīti mātukucchiṃ sandhāya vadati. Ayametthādhippāyo – yattha te vasitaṃ, na te khattiyadhītādīnaṃ kucchidesā. Yattha vāsi patiṭṭhito, na tāni khattiyadhītādīnaṃ kucchivatthūni. Atha kho dāsikucchiyaṃ tvaṃ vasi ceva patiṭṭhito cāti. Ahañca vanagocaroti tiracchānabhūtopi etamatthaṃ jānāmīti dīpeti. Anuvicca kho taṃ gaṇheyyunti evaṃ anācāraṃ caramānaṃ mayā gantvā ārocite anuvicca jānitvā tava sāmikā tāḷetvā ceva lakkhaṇāhatañca katvā taṃ gaṇheyyuṃ, gahetvā gamissanti, tasmā attano pamāṇaṃ ñatvā seṭṭhidhītāya sīse anuṭṭhubhitvā piva khīraṃ. Kalaṇḍukāti taṃ nāmenālapati.
галан̣д̣угоби сувабод̇агам̣ сан̃ж̇аанид̇ваа ‘‘мам̣ баагадам̣ гарзяяаа’’д̇и бхаязна ‘‘зхи, саами, гад̣̇аа ааг̇ад̇осий’’д̇и ааха. суго ‘‘на зса мам̣ хид̇агаамад̇ааяа баггосад̇и, г̇ийвам̣ бана мз ваддзд̇ваа маарзд̇угаамо’’д̇и н̃ад̇ваава ‘‘на мз д̇аяаа ад̇т̇о’’д̇и д̇ад̇о уббад̇ид̇ваа б̣аараан̣асим̣ г̇анд̇ваа яат̇аад̣̇идтам̣ сздтино вид̇т̇аарзна гат̇зси. сздти ‘‘аяуд̇д̇ам̣ д̇зна гад̇а’’нд̇и вад̇ваа г̇анд̇ваа д̇асса аан̣ам̣ гаарзд̇ваа б̣аараан̣асимзва нам̣ аанзд̇ваа д̣̇аасабарибхог̇зна барибхун̃ж̇и.
Kalaṇḍukopi suvapotakaṃ sañjānitvā ‘‘maṃ pākaṭaṃ kareyyā’’ti bhayena ‘‘ehi, sāmi, kadā āgatosī’’ti āha. Suko ‘‘na esa maṃ hitakāmatāya pakkosati, gīvaṃ pana me vaṭṭetvā māretukāmo’’ti ñatvāva ‘‘na me tayā attho’’ti tato uppatitvā bārāṇasiṃ gantvā yathādiṭṭhaṃ seṭṭhino vitthārena kathesi. Seṭṭhi ‘‘ayuttaṃ tena kata’’nti vatvā gantvā tassa āṇaṃ kāretvā bārāṇasimeva naṃ ānetvā dāsaparibhogena paribhuñji.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа галан̣д̣уго аяам̣ бхигку ахоси, б̣аараан̣асисздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kalaṇḍuko ayaṃ bhikkhu ahosi, bārāṇasiseṭṭhi pana ahameva ahosi’’nti.
галан̣д̣угаж̇аад̇агаван̣н̣анаа сад̇д̇амаа.
Kalaṇḍukajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 127. галан̣д̣угаж̇аад̇агам̣ • 127. Kalaṇḍukajātakaṃ
