| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. гал̣аарасуд̇д̇ам̣
2. Kaḷārasuttaṃ
32. саавад̇т̇ияам̣ вихарад̇и. ат̇а ко гал̣ааракад̇д̇ияо бхигку язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко гал̣ааракад̇д̇ияо бхигку ааяасманд̇ам̣ саарибуд̇д̇ам̣ зд̇ад̣̇авожа – ‘‘мол̣ияапаг̇г̇уно, аавусо саарибуд̇д̇а, бхигку сигкам̣ бажжагкааяа хийнааяаавад̇д̇од̇и. на хи нууна со ааяасмаа имасмим̣ д̇хаммавинаяз ассаасамалад̇т̇аад̇и. д̇зна хааяасмаа саарибуд̇д̇о имасмим̣ д̇хаммавинаяз ассаасам̣ бад̇д̇о’’д̇и?
32. Sāvatthiyaṃ viharati. Atha kho kaḷārakhattiyo bhikkhu yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho kaḷārakhattiyo bhikkhu āyasmantaṃ sāriputtaṃ etadavoca – ‘‘moḷiyaphagguno, āvuso sāriputta, bhikkhu sikkhaṃ paccakkhāya hīnāyāvattoti. Na hi nūna so āyasmā imasmiṃ dhammavinaye assāsamalatthāti. Tena hāyasmā sāriputto imasmiṃ dhammavinaye assāsaṃ patto’’ti?
‘‘на кваахам̣, аавусо, ган̇каамий’’д̇и. ‘‘ааяад̇им̣, банаавусо’’д̇и?
‘‘Na khvāhaṃ, āvuso, kaṅkhāmī’’ti. ‘‘Āyatiṃ, panāvuso’’ti?
‘‘на кваахам̣, аавусо, вижигижчаамий’’д̇и.
‘‘Na khvāhaṃ, āvuso, vicikicchāmī’’ti.
ат̇а ко гал̣ааракад̇д̇ияо бхигку удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисинно ко гал̣ааракад̇д̇ияо бхигку бхаг̇аванд̇ам̣ зд̇ад̣̇авожа – ‘‘ааяасмад̇аа, бханд̇з, саарибуд̇д̇зна ан̃н̃аа б̣яаагад̇аа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и.
Atha kho kaḷārakhattiyo bhikkhu uṭṭhāyāsanā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho kaḷārakhattiyo bhikkhu bhagavantaṃ etadavoca – ‘‘āyasmatā, bhante, sāriputtena aññā byākatā – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна саарибуд̇д̇ам̣ ааманд̇зхи – ‘сад̇т̇аа д̇ам̣, аавусо саарибуд̇д̇а, ааманд̇зд̇ий’’’д̇и . ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа – ‘‘сад̇т̇аа д̇ам̣, аавусо саарибуд̇д̇а, ааманд̇зд̇ий’’д̇и. ‘‘звам̣, аавусо’’д̇и ко ааяасмаа саарибуд̇д̇о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа – ‘‘сажжам̣ гира д̇аяаа, саарибуд̇д̇а, ан̃н̃аа б̣яаагад̇аа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и? ‘‘на ко, бханд̇з, зд̇зхи бад̣̇зхи зд̇зхи б̣яан̃ж̇анзхи ад̇т̇о 1 вуд̇д̇о’’д̇и. ‘‘язна гзнажиби, саарибуд̇д̇а, барияааязна гулабуд̇д̇о ан̃н̃ам̣ б̣яаагарод̇и, ат̇а ко б̣яаагад̇ам̣ б̣яаагад̇ад̇о д̣̇адтаб̣б̣а’’нд̇и. ‘‘нану ахамби , бханд̇з, звам̣ вад̣̇аами – ‘на ко, бханд̇з, зд̇зхи бад̣̇зхи зд̇зхи б̣яан̃ж̇анзхи ад̇т̇о вуд̇д̇о’’’д̇и.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena sāriputtaṃ āmantehi – ‘satthā taṃ, āvuso sāriputta, āmantetī’’’ti . ‘‘Evaṃ, bhante’’ti kho so bhikkhu bhagavato paṭissutvā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ etadavoca – ‘‘satthā taṃ, āvuso sāriputta, āmantetī’’ti. ‘‘Evaṃ, āvuso’’ti kho āyasmā sāriputto tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca – ‘‘saccaṃ kira tayā, sāriputta, aññā byākatā – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti? ‘‘Na kho, bhante, etehi padehi etehi byañjanehi attho 2 vutto’’ti. ‘‘Yena kenacipi, sāriputta, pariyāyena kulaputto aññaṃ byākaroti, atha kho byākataṃ byākatato daṭṭhabba’’nti. ‘‘Nanu ahampi , bhante, evaṃ vadāmi – ‘na kho, bhante, etehi padehi etehi byañjanehi attho vutto’’’ti.
‘‘сажз д̇ам̣, саарибуд̇д̇а, звам̣ бужчзяяум̣ – ‘гат̇ам̣ ж̇аанад̇аа бана д̇аяаа, аавусо саарибуд̇д̇а, гат̇ам̣ бассад̇аа ан̃н̃аа б̣яаагад̇аа – кийн̣аа ж̇аад̇и вусид̇ам̣ б̣рахмажарияам̣ гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаамий’д̇и. звам̣ будто д̇вам̣, саарибуд̇д̇а, гинд̇и б̣яаагарзяяаасий’’д̇и?
‘‘Sace taṃ, sāriputta, evaṃ puccheyyuṃ – ‘kathaṃ jānatā pana tayā, āvuso sāriputta, kathaṃ passatā aññā byākatā – khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmī’ti. Evaṃ puṭṭho tvaṃ, sāriputta, kinti byākareyyāsī’’ti?
‘‘сажз мам̣, бханд̇з, звам̣ бужчзяяум̣ – ‘гат̇ам̣ ж̇аанад̇аа бана д̇аяаа, аавусо саарибуд̇д̇а, гат̇ам̣ бассад̇аа ан̃н̃аа б̣яаагад̇аа – кийн̣аа ж̇аад̇и вусид̇ам̣ б̣рахмажарияам̣ гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаамий’д̇и; звам̣ будтохам̣ 3, бханд̇з, звам̣ б̣яаагарзяяам̣ – ‘яам̣нид̣̇аанаа, аавусо, ж̇аад̇и, д̇асса нид̣̇аанасса каяаа кийн̣асмим̣ кийн̣аамхийд̇и вид̣̇ид̇ам̣. кийн̣аамхийд̇и вид̣̇ид̇ваа – кийн̣ааж̇аад̇и вусид̇ам̣ б̣рахмажарияам̣ гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаамий’д̇и. звам̣ будтохам̣, бханд̇з, звам̣ б̣яаагарзяяа’’нд̇и.
‘‘Sace maṃ, bhante, evaṃ puccheyyuṃ – ‘kathaṃ jānatā pana tayā, āvuso sāriputta, kathaṃ passatā aññā byākatā – khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmī’ti; evaṃ puṭṭhohaṃ 4, bhante, evaṃ byākareyyaṃ – ‘yaṃnidānā, āvuso, jāti, tassa nidānassa khayā khīṇasmiṃ khīṇāmhīti viditaṃ. Khīṇāmhīti viditvā – khīṇājāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmī’ti. Evaṃ puṭṭhohaṃ, bhante, evaṃ byākareyya’’nti.
‘‘сажз бана д̇ам̣, саарибуд̇д̇а, звам̣ бужчзяяум̣ – ‘ж̇аад̇и банаавусо саарибуд̇д̇а, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа’д̇и? звам̣ будто д̇ам̣, саарибуд̇д̇а, гинд̇и б̣яаагарзяяаасий’’д̇и? ‘‘сажз мам̣, бханд̇з, звам̣ бужчзяяум̣ – ‘ж̇аад̇и банаавусо саарибуд̇д̇а, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа’д̇и? звам̣ будтохам̣, бханд̇з, звам̣ б̣яаагарзяяам̣ – ‘ж̇аад̇и ко, аавусо, бхаванид̣̇аанаа бхавасамуд̣̇аяаа бхаваж̇аад̇игаа бхаваббабхаваа’д̇и. звам̣ будтохам̣, бханд̇з, звам̣ б̣яаагарзяяа’’нд̇и.
‘‘Sace pana taṃ, sāriputta, evaṃ puccheyyuṃ – ‘jāti panāvuso sāriputta, kiṃnidānā kiṃsamudayā kiṃjātikā kiṃpabhavā’ti? Evaṃ puṭṭho taṃ, sāriputta, kinti byākareyyāsī’’ti? ‘‘Sace maṃ, bhante, evaṃ puccheyyuṃ – ‘jāti panāvuso sāriputta, kiṃnidānā kiṃsamudayā kiṃjātikā kiṃpabhavā’ti? Evaṃ puṭṭhohaṃ, bhante, evaṃ byākareyyaṃ – ‘jāti kho, āvuso, bhavanidānā bhavasamudayā bhavajātikā bhavappabhavā’ti. Evaṃ puṭṭhohaṃ, bhante, evaṃ byākareyya’’nti.
‘‘сажз бана д̇ам̣, саарибуд̇д̇а, звам̣ бужчзяяум̣ – ‘бхаво банаавусо саарибуд̇д̇а, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво’д̇и? звам̣ будто д̇вам̣, саарибуд̇д̇а, гинд̇и б̣яаагарзяяаасий’’д̇и? ‘‘сажз мам̣, бханд̇з, звам̣ бужчзяяум̣ – ‘бхаво банаавусо саарибуд̇д̇а, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво’д̇и ? звам̣ будтохам̣, бханд̇з, звам̣ б̣яаагарзяяам̣ – ‘бхаво ко, аавусо, убаад̣̇аананид̣̇аано убаад̣̇аанасамуд̣̇аяо убаад̣̇аанаж̇аад̇иго убаад̣̇аанаббабхаво’д̇и. звам̣ будтохам̣, бханд̇з, звам̣ б̣яаагарзяяа’’нд̇и.
‘‘Sace pana taṃ, sāriputta, evaṃ puccheyyuṃ – ‘bhavo panāvuso sāriputta, kiṃnidāno kiṃsamudayo kiṃjātiko kiṃpabhavo’ti? Evaṃ puṭṭho tvaṃ, sāriputta, kinti byākareyyāsī’’ti? ‘‘Sace maṃ, bhante, evaṃ puccheyyuṃ – ‘bhavo panāvuso sāriputta, kiṃnidāno kiṃsamudayo kiṃjātiko kiṃpabhavo’ti ? Evaṃ puṭṭhohaṃ, bhante, evaṃ byākareyyaṃ – ‘bhavo kho, āvuso, upādānanidāno upādānasamudayo upādānajātiko upādānappabhavo’ti. Evaṃ puṭṭhohaṃ, bhante, evaṃ byākareyya’’nti.
‘‘сажз бана д̇ам̣, саарибуд̇д̇а, звам̣ бужчзяяум̣ – ‘убаад̣̇аанам̣ банаавусо…бз… сажз бана д̇ам̣, саарибуд̇д̇а, звам̣ бужчзяяум̣ – д̇ан̣хаа банаавусо саарибуд̇д̇а, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа’д̇и? звам̣ будто д̇вам̣, саарибуд̇д̇а, гинд̇и б̣яаагарзяяаасий’’д̇и? ‘‘сажз мам̣, бханд̇з, звам̣ бужчзяяум̣ – д̇ан̣хаа банаавусо саарибуд̇д̇а, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа’д̇и? звам̣ будтохам̣, бханд̇з, звам̣ б̣яаагарзяяам̣ – ‘д̇ан̣хаа ко, аавусо, взд̣̇анаанид̣̇аанаа взд̣̇анаасамуд̣̇аяаа взд̣̇анааж̇аад̇игаа взд̣̇анаабабхаваа’д̇и. звам̣ будтохам̣, бханд̇з, звам̣ б̣яаагарзяяа’’нд̇и.
‘‘Sace pana taṃ, sāriputta, evaṃ puccheyyuṃ – ‘upādānaṃ panāvuso…pe… sace pana taṃ, sāriputta, evaṃ puccheyyuṃ – taṇhā panāvuso sāriputta, kiṃnidānā kiṃsamudayā kiṃjātikā kiṃpabhavā’ti? Evaṃ puṭṭho tvaṃ, sāriputta, kinti byākareyyāsī’’ti? ‘‘Sace maṃ, bhante, evaṃ puccheyyuṃ – taṇhā panāvuso sāriputta, kiṃnidānā kiṃsamudayā kiṃjātikā kiṃpabhavā’ti? Evaṃ puṭṭhohaṃ, bhante, evaṃ byākareyyaṃ – ‘taṇhā kho, āvuso, vedanānidānā vedanāsamudayā vedanājātikā vedanāpabhavā’ti. Evaṃ puṭṭhohaṃ, bhante, evaṃ byākareyya’’nti.
‘‘сажз бана д̇ам̣, саарибуд̇д̇а, звам̣ бужчзяяум̣ – ‘гат̇ам̣ ж̇аанад̇о бана д̇з, аавусо саарибуд̇д̇а, гат̇ам̣ бассад̇о яаа взд̣̇анаасу нанд̣̇ий саа на убадтаасий’д̇и. звам̣ будто д̇вам̣, саарибуд̇д̇а, гинд̇и б̣яаагарзяяаасий’’д̇и? ‘‘сажз мам̣, бханд̇з, звам̣ бужчзяяум̣ – ‘гат̇ам̣ ж̇аанад̇о бана д̇з, аавусо саарибуд̇д̇а, гат̇ам̣ бассад̇о яаа взд̣̇анаасу нанд̣̇ий саа на убадтаасий’д̇и звам̣ будтохам̣, бханд̇з, звам̣ б̣яаагарзяяам̣ – ‘д̇иссо ко имаа, аавусо, взд̣̇анаа. гад̇амаа д̇иссо? сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа. имаа ко, аавусо, д̇иссо взд̣̇анаа анижжаа. яад̣̇анижжам̣ д̇ам̣ д̣̇угканд̇и вид̣̇ид̇ам̣ 5, яаа взд̣̇анаасу нанд̣̇ий саа на убадтаасий’д̇и. звам̣, будтохам̣, бханд̇з, звам̣ б̣яаагарзяяа’’нд̇и.
‘‘Sace pana taṃ, sāriputta, evaṃ puccheyyuṃ – ‘kathaṃ jānato pana te, āvuso sāriputta, kathaṃ passato yā vedanāsu nandī sā na upaṭṭhāsī’ti. Evaṃ puṭṭho tvaṃ, sāriputta, kinti byākareyyāsī’’ti? ‘‘Sace maṃ, bhante, evaṃ puccheyyuṃ – ‘kathaṃ jānato pana te, āvuso sāriputta, kathaṃ passato yā vedanāsu nandī sā na upaṭṭhāsī’ti evaṃ puṭṭhohaṃ, bhante, evaṃ byākareyyaṃ – ‘tisso kho imā, āvuso, vedanā. Katamā tisso? Sukhā vedanā, dukkhā vedanā, adukkhamasukhā vedanā. Imā kho, āvuso, tisso vedanā aniccā. Yadaniccaṃ taṃ dukkhanti viditaṃ 6, yā vedanāsu nandī sā na upaṭṭhāsī’ti. Evaṃ, puṭṭhohaṃ, bhante, evaṃ byākareyya’’nti.
‘‘саад̇ху саад̇ху, саарибуд̇д̇а. аяамби ко, саарибуд̇д̇а, барияааяо, зд̇ассзва ад̇т̇асса сам̣кид̇д̇зна взяяаагаран̣ааяа – ‘яам̣ гин̃жи взд̣̇аяид̇ам̣ д̇ам̣ д̣̇угкасми’’’нд̇и.
‘‘Sādhu sādhu, sāriputta. Ayampi kho, sāriputta, pariyāyo, etasseva atthassa saṃkhittena veyyākaraṇāya – ‘yaṃ kiñci vedayitaṃ taṃ dukkhasmi’’’nti.
‘‘сажз бана д̇ам̣, саарибуд̇д̇а, звам̣ бужчзяяум̣ – ‘гат̇ам̣ вимогкаа бана д̇аяаа, аавусо саарибуд̇д̇а, ан̃н̃аа б̣яаагад̇аа – кийн̣аа ж̇аад̇и вусид̇ам̣ б̣рахмажарияам̣ гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаамий’д̇и? звам̣ будто д̇вам̣, саарибуд̇д̇а, гинд̇и б̣яаагарзяяаасий’’д̇и? ‘‘сажз мам̣, бханд̇з, звам̣ бужчзяяум̣ – ‘гат̇ам̣ вимогкаа бана д̇аяаа, аавусо саарибуд̇д̇а, ан̃н̃аа б̣яаагад̇аа – кийн̣аа ж̇аад̇и вусид̇ам̣ б̣рахмажарияам̣ гад̇ам̣ гаран̣ийяам̣ наабарам̣ ид̇т̇ад̇д̇ааяаад̇и баж̇аанаамий’д̇и. звам̣ будтохам̣, бханд̇з, звам̣ б̣яаагарзяяам̣ – ‘аж̇жхад̇д̇ам̣ вимогкаа кваахам̣, аавусо, саб̣б̣убаад̣̇аанагкаяаа д̇ат̇аа сад̇о вихараами яат̇аа сад̇ам̣ вихаранд̇ам̣ аасаваа наануссаванд̇и, ад̇д̇аанан̃жа нааваж̇аанаамий’д̇и. звам̣ будтохам̣, бханд̇з, звам̣ б̣яаагарзяяа’’нд̇и.
‘‘Sace pana taṃ, sāriputta, evaṃ puccheyyuṃ – ‘kathaṃ vimokkhā pana tayā, āvuso sāriputta, aññā byākatā – khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmī’ti? Evaṃ puṭṭho tvaṃ, sāriputta, kinti byākareyyāsī’’ti? ‘‘Sace maṃ, bhante, evaṃ puccheyyuṃ – ‘kathaṃ vimokkhā pana tayā, āvuso sāriputta, aññā byākatā – khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmī’ti. Evaṃ puṭṭhohaṃ, bhante, evaṃ byākareyyaṃ – ‘ajjhattaṃ vimokkhā khvāhaṃ, āvuso, sabbupādānakkhayā tathā sato viharāmi yathā sataṃ viharantaṃ āsavā nānussavanti, attānañca nāvajānāmī’ti. Evaṃ puṭṭhohaṃ, bhante, evaṃ byākareyya’’nti.
‘‘саад̇ху саад̇ху, саарибуд̇д̇а. аяамби ко саарибуд̇д̇а, барияааяо зд̇ассзва ад̇т̇асса сам̣кид̇д̇зна взяяаагаран̣ааяа – яз аасаваа саман̣зна вуд̇д̇аа д̇зсваахам̣ на ган̇каами, д̇з мз бахийнаад̇и на вижигижчаамий’’д̇и. ид̣̇амавожа бхаг̇аваа. ид̣̇ам̣ вад̇ваа суг̇ад̇о удтааяаасанаа вихаарам̣ баависи.
‘‘Sādhu sādhu, sāriputta. Ayampi kho sāriputta, pariyāyo etasseva atthassa saṃkhittena veyyākaraṇāya – ye āsavā samaṇena vuttā tesvāhaṃ na kaṅkhāmi, te me pahīnāti na vicikicchāmī’’ti. Idamavoca bhagavā. Idaṃ vatvā sugato uṭṭhāyāsanā vihāraṃ pāvisi.
д̇ад̇ра ко ааяасмаа саарибуд̇д̇о ажирабагганд̇асса бхаг̇авад̇о бхигкуу ааманд̇зси – ‘‘буб̣б̣з аббадисам̣вид̣̇ид̇ам̣ мам̣, аавусо, бхаг̇аваа батамам̣ бан̃хам̣ абужчи, д̇асса мз ахоси д̣̇анд̇хааяид̇ад̇д̇ам̣. яад̇о жа ко мз, аавусо, бхаг̇аваа батамам̣ бан̃хам̣ анумод̣̇и, д̇асса маяхам̣, аавусо, зд̇ад̣̇ахоси – д̣̇ивасам̣ жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, д̣̇ивасамбаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи. рад̇д̇им̣ жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, рад̇д̇имбаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи. рад̇д̇инд̣̇ивам̣ 7 жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи , рад̇д̇инд̣̇ивамбаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи. д̣̇вз рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа…бз… д̣̇вз рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣…бз… д̇ийн̣и рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа…бз… д̇ийн̣и рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣…бз… жад̇д̇аари рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа…бз… жад̇д̇аари рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣…бз… бан̃жа рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа…бз… бан̃жа рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣…бз… ча рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа…бз… ча рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣…бз… сад̇д̇а рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, сад̇д̇а рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхий’’д̇и.
Tatra kho āyasmā sāriputto acirapakkantassa bhagavato bhikkhū āmantesi – ‘‘pubbe appaṭisaṃviditaṃ maṃ, āvuso, bhagavā paṭhamaṃ pañhaṃ apucchi, tassa me ahosi dandhāyitattaṃ. Yato ca kho me, āvuso, bhagavā paṭhamaṃ pañhaṃ anumodi, tassa mayhaṃ, āvuso, etadahosi – divasaṃ cepi maṃ bhagavā etamatthaṃ puccheyya aññamaññehi padehi aññamaññehi pariyāyehi, divasampāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehi. Rattiṃ cepi maṃ bhagavā etamatthaṃ puccheyya aññamaññehi padehi aññamaññehi pariyāyehi, rattimpāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehi. Rattindivaṃ 8 cepi maṃ bhagavā etamatthaṃ puccheyya aññamaññehi padehi aññamaññehi pariyāyehi , rattindivampāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehi. Dve rattindivāni cepi maṃ bhagavā etamatthaṃ puccheyya…pe… dve rattindivānipāhaṃ bhagavato etamatthaṃ byākareyyaṃ…pe… tīṇi rattindivāni cepi maṃ bhagavā etamatthaṃ puccheyya…pe… tīṇi rattindivānipāhaṃ bhagavato etamatthaṃ byākareyyaṃ…pe… cattāri rattindivāni cepi maṃ bhagavā etamatthaṃ puccheyya…pe… cattāri rattindivānipāhaṃ bhagavato etamatthaṃ byākareyyaṃ…pe… pañca rattindivāni cepi maṃ bhagavā etamatthaṃ puccheyya…pe… pañca rattindivānipāhaṃ bhagavato etamatthaṃ byākareyyaṃ…pe… cha rattindivāni cepi maṃ bhagavā etamatthaṃ puccheyya…pe… cha rattindivānipāhaṃ bhagavato etamatthaṃ byākareyyaṃ…pe… satta rattindivāni cepi maṃ bhagavā etamatthaṃ puccheyya aññamaññehi padehi aññamaññehi pariyāyehi, satta rattindivānipāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehī’’ti.
ат̇а ко гал̣ааракад̇д̇ияо бхигку удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко гал̣ааракад̇д̇ияо бхигку бхаг̇аванд̇ам̣ зд̇ад̣̇авожа – ‘‘ааяасмад̇аа, бханд̇з, саарибуд̇д̇зна сийханаад̣̇о над̣̇ид̇о – буб̣б̣з аббадисам̣вид̣̇ид̇ам̣ мам̣, аавусо, бхаг̇аваа батамам̣ бан̃хам̣ абужчи, д̇асса мз ахоси д̣̇анд̇хааяид̇ад̇д̇ам̣. яад̇о жа ко мз, аавусо, бхаг̇аваа батамам̣ бан̃хам̣ анумод̣̇и , д̇асса маяхам̣, аавусо, зд̇ад̣̇ахоси – д̣̇ивасам̣ жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, д̣̇ивасамбаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи; рад̇д̇им̣ жзби…бз… рад̇д̇инд̣̇ивам̣ жзби мам̣ бхаг̇аваа…бз… д̣̇вз рад̇д̇инд̣̇иваани жзби мам̣ бхаг̇аваа…бз… д̇ийн̣и… жад̇д̇аари… бан̃жа… ча… сад̇д̇а рад̇д̇инд̣̇иваани жзби мам̣ бхаг̇аваа зд̇амад̇т̇ам̣ бужчзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, сад̇д̇а рад̇д̇инд̣̇иваанибаахам̣ бхаг̇авад̇о зд̇амад̇т̇ам̣ б̣яаагарзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхий’’д̇и.
Atha kho kaḷārakhattiyo bhikkhu uṭṭhāyāsanā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho kaḷārakhattiyo bhikkhu bhagavantaṃ etadavoca – ‘‘āyasmatā, bhante, sāriputtena sīhanādo nadito – pubbe appaṭisaṃviditaṃ maṃ, āvuso, bhagavā paṭhamaṃ pañhaṃ apucchi, tassa me ahosi dandhāyitattaṃ. Yato ca kho me, āvuso, bhagavā paṭhamaṃ pañhaṃ anumodi , tassa mayhaṃ, āvuso, etadahosi – divasaṃ cepi maṃ bhagavā etamatthaṃ puccheyya aññamaññehi padehi aññamaññehi pariyāyehi, divasampāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehi; rattiṃ cepi…pe… rattindivaṃ cepi maṃ bhagavā…pe… dve rattindivāni cepi maṃ bhagavā…pe… tīṇi… cattāri… pañca… cha… satta rattindivāni cepi maṃ bhagavā etamatthaṃ puccheyya aññamaññehi padehi aññamaññehi pariyāyehi, satta rattindivānipāhaṃ bhagavato etamatthaṃ byākareyyaṃ aññamaññehi padehi aññamaññehi pariyāyehī’’ti.
‘‘саа хи, бхигку, саарибуд̇д̇асса д̇хаммад̇хаад̇у суббадивид̣̇д̇хаа, яассаа д̇хаммад̇хаад̇уяаа суббадивид̣̇д̇хад̇д̇аа д̣̇ивасам̣ жзбаахам̣ саарибуд̇д̇ам̣ зд̇амад̇т̇ам̣ бужчзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, д̣̇ивасамби мз саарибуд̇д̇о зд̇амад̇т̇ам̣ б̣яаагарзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхи. рад̇д̇им̣ жзбаахам̣ саарибуд̇д̇ам̣ зд̇амад̇т̇ам̣ бужчзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, рад̇д̇имби мз саарибуд̇д̇о зд̇амад̇т̇ам̣ б̣яаагарзяяа…бз… рад̇д̇инд̣̇ивам̣ жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, рад̇д̇инд̣̇ивамби мз саарибуд̇д̇о зд̇амад̇т̇ам̣ б̣яаагарзяяа… д̣̇вз рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, д̣̇вз рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа… д̇ийн̣и рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, д̇ийн̣и рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа… жад̇д̇аари рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, жад̇д̇аари рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа… бан̃жа рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, бан̃жа рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа… ча рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣, ча рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа… сад̇д̇а рад̇д̇инд̣̇иваани жзбаахам̣ саарибуд̇д̇ам̣ зд̇амад̇т̇ам̣ бужчзяяам̣ ан̃н̃аман̃н̃зхи бад̣̇зхи ан̃н̃аман̃н̃зхи барияааязхи, сад̇д̇а рад̇д̇инд̣̇ивааниби мз саарибуд̇д̇о зд̇амад̇т̇ам̣ б̣яаагарзяяа ан̃н̃аман̃н̃зхи бад̣̇зхи ан̃н̃аман̃н̃зхи барияааязхий’’д̇и. д̣̇уд̇ияам̣.
‘‘Sā hi, bhikkhu, sāriputtassa dhammadhātu suppaṭividdhā, yassā dhammadhātuyā suppaṭividdhattā divasaṃ cepāhaṃ sāriputtaṃ etamatthaṃ puccheyyaṃ aññamaññehi padehi aññamaññehi pariyāyehi, divasampi me sāriputto etamatthaṃ byākareyya aññamaññehi padehi aññamaññehi pariyāyehi. Rattiṃ cepāhaṃ sāriputtaṃ etamatthaṃ puccheyyaṃ aññamaññehi padehi aññamaññehi pariyāyehi, rattimpi me sāriputto etamatthaṃ byākareyya…pe… rattindivaṃ cepāhaṃ sāriputtaṃ etamatthaṃ puccheyyaṃ, rattindivampi me sāriputto etamatthaṃ byākareyya… dve rattindivāni cepāhaṃ sāriputtaṃ etamatthaṃ puccheyyaṃ, dve rattindivānipi me sāriputto etamatthaṃ byākareyya… tīṇi rattindivāni cepāhaṃ sāriputtaṃ etamatthaṃ puccheyyaṃ, tīṇi rattindivānipi me sāriputto etamatthaṃ byākareyya… cattāri rattindivāni cepāhaṃ sāriputtaṃ etamatthaṃ puccheyyaṃ, cattāri rattindivānipi me sāriputto etamatthaṃ byākareyya… pañca rattindivāni cepāhaṃ sāriputtaṃ etamatthaṃ puccheyyaṃ, pañca rattindivānipi me sāriputto etamatthaṃ byākareyya… cha rattindivāni cepāhaṃ sāriputtaṃ etamatthaṃ puccheyyaṃ, cha rattindivānipi me sāriputto etamatthaṃ byākareyya… satta rattindivāni cepāhaṃ sāriputtaṃ etamatthaṃ puccheyyaṃ aññamaññehi padehi aññamaññehi pariyāyehi, satta rattindivānipi me sāriputto etamatthaṃ byākareyya aññamaññehi padehi aññamaññehi pariyāyehī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. гал̣аарасуд̇д̇аван̣н̣анаа • 2. Kaḷārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. гал̣аарасуд̇д̇аван̣н̣анаа • 2. Kaḷārasuttavaṇṇanā
