| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. гал̣аарасуд̇д̇аван̣н̣анаа
2. Kaḷārasuttavaṇṇanā
32. д̣̇уд̇ияз гал̣ааракад̇д̇ияод̇и д̇асса т̇зрасса наамам̣. д̣̇анд̇аа банасса гал̣аараа висамасан̣таанаа, д̇асмаа ‘‘гал̣ааро’’д̇и вужжад̇и. хийнааяаавад̇д̇од̇и хийнасса г̇ихибхаавасса ад̇т̇ааяа нивад̇д̇о. ассаасамалад̇т̇аад̇и ассаасам̣ авассаяам̣ бад̇идтам̣ на хи нууна алад̇т̇а, д̇аяо маг̇г̇з д̇ийн̣и жа палаани нууна наалад̇т̇аад̇и д̣̇ийбзд̇и. яад̣̇и хи д̇аани лабхзяяа, на сигкам̣ бажжагкааяа хийнааяаавад̇д̇зяяаад̇и аяам̣ т̇зрасса ад̇хиббааяо. на кваахам̣, аавусод̇и ахам̣ ко, аавусо, ‘‘ассаасам̣ бад̇д̇о, на бад̇д̇о’’д̇и на ган̇каами. т̇зрасса хи саавагабаарамийн̃аан̣ам̣ авассаяо, д̇асмаа со на ган̇кад̇и. ааяад̇им̣ банаавусод̇и иминаа ‘‘ааяад̇им̣ бадисанд̇хи д̇умхаагам̣ уг̇гхаадид̇аа, на уг̇гхаадид̇аа’’д̇и арахад̇д̇аббад̇д̇им̣ бужчад̇и. на кваахам̣, аавусо, вижигижчаамийд̇и иминаа т̇зро д̇ад̇т̇а вижигижчаабхаавам̣ д̣̇ийбзд̇и.
32. Dutiye kaḷārakhattiyoti tassa therassa nāmaṃ. Dantā panassa kaḷārā visamasaṇṭhānā, tasmā ‘‘kaḷāro’’ti vuccati. Hīnāyāvattoti hīnassa gihibhāvassa atthāya nivatto. Assāsamalatthāti assāsaṃ avassayaṃ patiṭṭhaṃ na hi nūna alattha, tayo magge tīṇi ca phalāni nūna nālatthāti dīpeti. Yadi hi tāni labheyya, na sikkhaṃ paccakkhāya hīnāyāvatteyyāti ayaṃ therassa adhippāyo. Na khvāhaṃ, āvusoti ahaṃ kho, āvuso, ‘‘assāsaṃ patto, na patto’’ti na kaṅkhāmi. Therassa hi sāvakapāramīñāṇaṃ avassayo, tasmā so na kaṅkhati. Āyatiṃ panāvusoti iminā ‘‘āyatiṃ paṭisandhi tumhākaṃ ugghāṭitā, na ugghāṭitā’’ti arahattappattiṃ pucchati. Na khvāhaṃ, āvuso, vicikicchāmīti iminā thero tattha vicikicchābhāvaṃ dīpeti.
язна бхаг̇аваа д̇знубасан̇гамийд̇и ‘‘имам̣ суд̇агааран̣ам̣ бхаг̇авад̇о аарожзссаамий’’д̇и убасан̇гами. ан̃н̃аа б̣яаагад̇аад̇и арахад̇д̇ам̣ б̣яаагад̇ам̣. кийн̣аа ж̇аад̇ийд̇и на т̇зрзна звам̣ б̣яаагад̇аа, аяам̣ бана т̇зро д̇удто басанно звам̣ бад̣̇аб̣яан̃ж̇анаани ааробзд̇ваа ааха. ан̃н̃ад̇арам̣ бхигкум̣ ааманд̇зсийд̇и д̇ам̣ суд̇ваа сад̇т̇аа жинд̇зси – ‘‘саарибуд̇д̇о д̇хийро г̇амбхийро. на со гзнажи гааран̣зна звам̣ б̣яаагариссад̇и. сам̣кид̇д̇зна бана бан̃хо б̣яаагад̇о бхависсад̇и. баггосаабзд̇ваа нам̣ бан̃хам̣ б̣яаагараабзссаамий’’д̇и ан̃н̃ад̇арам̣ бхигкум̣ ааманд̇зси.
Yena bhagavā tenupasaṅkamīti ‘‘imaṃ sutakāraṇaṃ bhagavato ārocessāmī’’ti upasaṅkami. Aññā byākatāti arahattaṃ byākataṃ. Khīṇā jātīti na therena evaṃ byākatā, ayaṃ pana thero tuṭṭho pasanno evaṃ padabyañjanāni āropetvā āha. Aññataraṃ bhikkhuṃ āmantesīti taṃ sutvā satthā cintesi – ‘‘sāriputto dhīro gambhīro. Na so kenaci kāraṇena evaṃ byākarissati. Saṃkhittena pana pañho byākato bhavissati. Pakkosāpetvā naṃ pañhaṃ byākarāpessāmī’’ti aññataraṃ bhikkhuṃ āmantesi.
сажз д̇ам̣ саарибуд̇д̇аад̇и ид̣̇ам̣ бхаг̇аваа ‘‘на зса ад̇д̇ано д̇хаммад̇ааяа ан̃н̃ам̣ б̣яаагариссад̇и, бан̃хамзд̇ам̣ бужчиссаами, д̇ам̣ гат̇знд̇ова ан̃н̃ам̣ б̣яаагариссад̇ий’’д̇и ан̃н̃ам̣ б̣яаагараабзд̇ум̣ звам̣ бужчи. яам̣нид̣̇аанаавусо, ж̇аад̇ийд̇и, аавусо, аяам̣ ж̇аад̇и наама яам̣бажжаяаа, д̇асса бажжаяасса каяаа кийн̣асмим̣ ж̇аад̇ияаа бажжаяз ж̇аад̇исан̇каад̇ам̣ палам̣ кийн̣анд̇и вид̣̇ид̇ам̣. ид̇хааби жа т̇зро бан̃хз аган̇кид̇ваа аж̇жхаасаяз ган̇кад̇и. звам̣ гирасса ахоси – ‘‘ан̃н̃аа наама д̇ан̣хаа кийн̣аа, убаад̣̇аанам̣ кийн̣ам̣, бхаво кийн̣о, бажжаяо кийн̣о, гилзсаа кийн̣аад̇иаад̣̇ийхи б̣ахуухи гааран̣зхи саггаа б̣яаагаад̇ум̣, гат̇ам̣ гат̇знд̇о бана сад̇т̇у аж̇жхаасаяам̣ г̇ахзд̇ум̣ сагкиссаамий’’д̇и.
Sace taṃ sāriputtāti idaṃ bhagavā ‘‘na esa attano dhammatāya aññaṃ byākarissati, pañhametaṃ pucchissāmi, taṃ kathentova aññaṃ byākarissatī’’ti aññaṃ byākarāpetuṃ evaṃ pucchi. Yaṃnidānāvuso, jātīti, āvuso, ayaṃ jāti nāma yaṃpaccayā, tassa paccayassa khayā khīṇasmiṃ jātiyā paccaye jātisaṅkhātaṃ phalaṃ khīṇanti viditaṃ. Idhāpi ca thero pañhe akaṅkhitvā ajjhāsaye kaṅkhati. Evaṃ kirassa ahosi – ‘‘aññā nāma taṇhā khīṇā, upādānaṃ khīṇaṃ, bhavo khīṇo, paccayo khīṇo, kilesā khīṇātiādīhi bahūhi kāraṇehi sakkā byākātuṃ, kathaṃ kathento pana satthu ajjhāsayaṃ gahetuṃ sakkhissāmī’’ti.
гин̃жааби звам̣ аж̇жхаасаяз ган̇кад̇и, бан̃хам̣ бана адтабзд̇ваава бажжаяаагааравасзна б̣яаагааси. сад̇т̇ааби бажжаяаагааравасзнзва б̣яаагараабзд̇угаамо, д̇асмаа зса б̣яаагаронд̇ова аж̇жхаасаяам̣ г̇ан̣хи. д̇аавад̣̇зва ‘‘г̇ахид̇о мз сад̇т̇у аж̇жхаасаяо’’д̇и ан̃н̃ааси. ат̇асса наяасад̇зна наяасахассзна бан̃хаб̣яаагаран̣ам̣ убадтааси. яасмаа бана бхаг̇аваа уд̇д̇ари бан̃хам̣ бужчад̇и, д̇асмаа д̇зна д̇ам̣ б̣яаагаран̣ам̣ анумод̣̇ид̇анд̇и взд̣̇ид̇аб̣б̣ам̣.
Kiñcāpi evaṃ ajjhāsaye kaṅkhati, pañhaṃ pana aṭṭhapetvāva paccayākāravasena byākāsi. Satthāpi paccayākāravaseneva byākarāpetukāmo, tasmā esa byākarontova ajjhāsayaṃ gaṇhi. Tāvadeva ‘‘gahito me satthu ajjhāsayo’’ti aññāsi. Athassa nayasatena nayasahassena pañhabyākaraṇaṃ upaṭṭhāsi. Yasmā pana bhagavā uttari pañhaṃ pucchati, tasmā tena taṃ byākaraṇaṃ anumoditanti veditabbaṃ.
гат̇ам̣ ж̇аанад̇о бана д̇зд̇и ид̣̇ам̣ гасмаа аарабхи? сависаяз сийханаад̣̇ам̣ над̣̇аабзд̇ум̣. т̇зро гира суугараникаад̇алзн̣ад̣̇ваарз д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇з гат̇ияамаанз д̇аалаван̣дам̣ г̇ахзд̇ваа сад̇т̇аарам̣ б̣ийж̇аяамаано тид̇о д̇иссо взд̣̇анаа бариг̇г̇ахзд̇ваа саавагабаарамийн̃аан̣ам̣ ад̇хиг̇ад̇о, аяамасса сависаяо. имасмим̣ сависаяз тид̇о сийханаад̣̇ам̣ над̣̇иссад̇ийд̇и нам̣ санд̇хааяа сад̇т̇аа ид̣̇ам̣ бан̃хам̣ бужчи. анижжаад̇и худ̇ваа абхаавадтзна анижжаа. яад̣̇анижжам̣ д̇ам̣ д̣̇угканд̇и зд̇т̇а гин̃жааби сукаа взд̣̇анаа тид̇исукаа вибарин̣аамад̣̇угкаа, д̣̇угкаа взд̣̇анаа тид̇ид̣̇угкаа вибарин̣аамасукаа, ад̣̇угкамасукаа н̃аан̣асукаа ан̃н̃аан̣ад̣̇угкаа, вибарин̣аамагодияаа бана саб̣б̣аава д̣̇угкаа наама ж̇аад̇аа. вид̣̇ид̇анд̇и яасмаа звам̣ взд̣̇анаад̇д̇аяам̣ д̣̇угканд̇и вид̣̇ид̇ам̣, д̇асмаа яаа д̇ад̇т̇а д̇ан̣хаа, саа на убадтаасийд̇и д̣̇ассзд̇и.
Kathaṃjānato pana teti idaṃ kasmā ārabhi? Savisaye sīhanādaṃ nadāpetuṃ. Thero kira sūkaranikhātaleṇadvāre dīghanakhaparibbājakassa vedanāpariggahasutte kathiyamāne tālavaṇṭaṃ gahetvā satthāraṃ bījayamāno ṭhito tisso vedanā pariggahetvā sāvakapāramīñāṇaṃ adhigato, ayamassa savisayo. Imasmiṃ savisaye ṭhito sīhanādaṃ nadissatīti naṃ sandhāya satthā idaṃ pañhaṃ pucchi. Aniccāti hutvā abhāvaṭṭhena aniccā. Yadaniccaṃ taṃ dukkhanti ettha kiñcāpi sukhā vedanā ṭhitisukhā vipariṇāmadukkhā, dukkhā vedanā ṭhitidukkhā vipariṇāmasukhā, adukkhamasukhā ñāṇasukhā aññāṇadukkhā, vipariṇāmakoṭiyā pana sabbāva dukkhā nāma jātā. Viditanti yasmā evaṃ vedanāttayaṃ dukkhanti viditaṃ, tasmā yā tattha taṇhā, sā na upaṭṭhāsīti dasseti.
саад̇ху саад̇хууд̇и т̇зрасса взд̣̇анаабарижчзд̣̇аж̇аананз самбахам̣санам̣. т̇зро хи взд̣̇анаа згаад̇и ваа д̣̇вз д̇иссо жад̇ассод̇и ваа авуд̇д̇зби вуд̇д̇анаязна д̇аасам̣ д̇иссод̇и барижчзд̣̇ам̣ ан̃н̃ааси, д̇зна д̇ам̣ бхаг̇аваа самбахам̣санд̇о звамааха. д̣̇угкасминд̇и ид̣̇ам̣ бхаг̇аваа иминаа ад̇хиббааязна ааха – ‘‘саарибуд̇д̇а, яам̣ д̇аяаа ‘иминаа гааран̣зна взд̣̇анаасу д̇ан̣хаа на убадтаасий’д̇и б̣яаагад̇ам̣, д̇ам̣ суб̣яаагад̇ам̣. ‘д̇иссо взд̣̇анаа’д̇и вибхаж̇анд̇зна бана д̇з ад̇иббабан̃жо гад̇о, д̇ам̣ ‘д̣̇угкасми’нд̇и б̣яаагаронд̇знаби хи д̇з суб̣яаагад̇амзва бхавзяяа. яам̣гин̃жи взд̣̇аяид̇ам̣, д̇ам̣ д̣̇угканд̇и н̃аад̇амад̇д̇зби хи взд̣̇анаасу д̇ан̣хаа на д̇идтад̇и’’.
Sādhusādhūti therassa vedanāparicchedajānane sampahaṃsanaṃ. Thero hi vedanā ekāti vā dve tisso catassoti vā avuttepi vuttanayena tāsaṃ tissoti paricchedaṃ aññāsi, tena taṃ bhagavā sampahaṃsanto evamāha. Dukkhasminti idaṃ bhagavā iminā adhippāyena āha – ‘‘sāriputta, yaṃ tayā ‘iminā kāraṇena vedanāsu taṇhā na upaṭṭhāsī’ti byākataṃ, taṃ subyākataṃ. ‘Tisso vedanā’ti vibhajantena pana te atippapañco kato, taṃ ‘dukkhasmi’nti byākarontenapi hi te subyākatameva bhaveyya. Yaṃkiñci vedayitaṃ, taṃ dukkhanti ñātamattepi hi vedanāsu taṇhā na tiṭṭhati’’.
гат̇ам̣ вимогкаад̇и гад̇араа вимогкаа, гад̇арзна вимогкзна д̇аяаа ан̃н̃аа б̣яаагад̇аад̇и ад̇т̇о? аж̇жхад̇д̇ам̣ вимогкаад̇и аж̇жхад̇д̇авимогкзна, аж̇жхад̇д̇асан̇каарз бариг̇г̇ахзд̇ваа бад̇д̇аарахад̇д̇знаад̇и ад̇т̇о. д̇ад̇т̇а жад̇уггам̣ взд̣̇ид̇аб̣б̣ам̣ – аж̇жхад̇д̇ам̣ абхинивзсо аж̇жхад̇д̇ам̣ вудтаанам̣, аж̇жхад̇д̇ам̣ абхинивзсо б̣ахид̣̇д̇хаа вудтаанам̣, б̣ахид̣̇д̇хаа абхинивзсо б̣ахид̣̇д̇хаа вудтаанам̣, б̣ахид̣̇д̇хаа абхинивзсо аж̇жхад̇д̇ам̣ вудтаананд̇и. аж̇жхад̇д̇ан̃хи абхинивзсид̇ваа б̣ахид̣̇д̇хаад̇хаммааби д̣̇адтаб̣б̣ааязва, б̣ахид̣̇д̇хаа абхинивзсид̇ваа аж̇жхад̇д̇ад̇хаммааби. д̇асмаа гожи бхигку аж̇жхад̇д̇ам̣ сан̇каарзсу н̃аан̣ам̣ од̇аарзд̇ваа д̇з вавад̇т̇абзд̇ваа б̣ахид̣̇д̇хаа од̇аарзд̇и, б̣ахид̣̇д̇хааби бариг̇г̇ахзд̇ваа буна аж̇жхад̇д̇ам̣ од̇аарзд̇и, д̇асса аж̇жхад̇д̇а сан̇каарз саммасанагаалз маг̇г̇авудтаанам̣ ход̇и. ид̇и аж̇жхад̇д̇ам̣ абхинивзсо аж̇жхад̇д̇ам̣ вудтаанам̣ наама. гожи аж̇жхад̇д̇ам̣ сан̇каарзсу н̃аан̣ам̣ од̇аарзд̇ваа д̇з вавад̇т̇абзд̇ваа б̣ахид̣̇д̇хаа од̇аарзд̇и, д̇асса б̣ахид̣̇д̇хаа сан̇каарз саммасанагаалз маг̇г̇авудтаанам̣ ход̇и. ид̇и аж̇жхад̇д̇ам̣ абхинивзсо б̣ахид̣̇д̇хаа вудтаанам̣ наама. гожи б̣ахид̣̇д̇хаа сан̇каарзсу н̃аан̣ам̣ од̇аарзд̇ваа, д̇з вавад̇т̇абзд̇ваа аж̇жхад̇д̇ам̣ од̇аарзд̇и, аж̇жхад̇д̇амби бариг̇г̇ахзд̇ваа буна б̣ахид̣̇д̇хаа од̇аарзд̇и, д̇асса б̣ахид̣̇д̇хаа сан̇каарз саммасанагаалз маг̇г̇авудтаанам̣ ход̇и. ид̇и б̣ахид̣̇д̇хаа абхинивзсо б̣ахид̣̇д̇хаа вудтаанам̣ наама. гожи б̣ахид̣̇д̇хаа сан̇каарзсу н̃аан̣ам̣ од̇аарзд̇ваа д̇з вавад̇т̇абзд̇ваа аж̇жхад̇д̇ам̣ од̇аарзд̇и, д̇асса аж̇жхад̇д̇асан̇каарз саммасанагаалз маг̇г̇авудтаанам̣ ход̇и. ид̇и б̣ахид̣̇д̇хаа абхинивзсо аж̇жхад̇д̇ам̣ вудтаанам̣ наама. д̇ад̇ра т̇зро ‘‘аж̇жхад̇д̇асан̇каарз бариг̇г̇ахзд̇ваа д̇зсам̣ вавад̇т̇аанагаалз маг̇г̇авудтаанзна арахад̇д̇ам̣ бад̇д̇осмий’’д̇и д̣̇ассзнд̇о аж̇жхад̇д̇ам̣ вимогкаа кваахам̣, аавусод̇и ааха.
Kathaṃ vimokkhāti katarā vimokkhā, katarena vimokkhena tayā aññā byākatāti attho? Ajjhattaṃ vimokkhāti ajjhattavimokkhena, ajjhattasaṅkhāre pariggahetvā pattaarahattenāti attho. Tattha catukkaṃ veditabbaṃ – ajjhattaṃ abhiniveso ajjhattaṃ vuṭṭhānaṃ, ajjhattaṃ abhiniveso bahiddhā vuṭṭhānaṃ, bahiddhā abhiniveso bahiddhā vuṭṭhānaṃ, bahiddhā abhiniveso ajjhattaṃ vuṭṭhānanti. Ajjhattañhi abhinivesitvā bahiddhādhammāpi daṭṭhabbāyeva, bahiddhā abhinivesitvā ajjhattadhammāpi. Tasmā koci bhikkhu ajjhattaṃ saṅkhāresu ñāṇaṃ otāretvā te vavatthapetvā bahiddhā otāreti, bahiddhāpi pariggahetvā puna ajjhattaṃ otāreti, tassa ajjhatta saṅkhāre sammasanakāle maggavuṭṭhānaṃ hoti. Iti ajjhattaṃ abhiniveso ajjhattaṃ vuṭṭhānaṃ nāma. Koci ajjhattaṃ saṅkhāresu ñāṇaṃ otāretvā te vavatthapetvā bahiddhā otāreti, tassa bahiddhā saṅkhāre sammasanakāle maggavuṭṭhānaṃ hoti. Iti ajjhattaṃ abhiniveso bahiddhā vuṭṭhānaṃ nāma. Koci bahiddhā saṅkhāresu ñāṇaṃ otāretvā, te vavatthapetvā ajjhattaṃ otāreti, ajjhattampi pariggahetvā puna bahiddhā otāreti, tassa bahiddhā saṅkhāre sammasanakāle maggavuṭṭhānaṃ hoti. Iti bahiddhā abhiniveso bahiddhā vuṭṭhānaṃ nāma. Koci bahiddhā saṅkhāresu ñāṇaṃ otāretvā te vavatthapetvā ajjhattaṃ otāreti, tassa ajjhattasaṅkhāre sammasanakāle maggavuṭṭhānaṃ hoti. Iti bahiddhā abhiniveso ajjhattaṃ vuṭṭhānaṃ nāma. Tatra thero ‘‘ajjhattasaṅkhāre pariggahetvā tesaṃ vavatthānakāle maggavuṭṭhānena arahattaṃ pattosmī’’ti dassento ajjhattaṃ vimokkhā khvāhaṃ, āvusoti āha.
саб̣б̣убаад̣̇аанагкаяаад̇и саб̣б̣зсам̣ жад̇уннамби убаад̣̇аанаанам̣ каязна. д̇ат̇аа сад̇о вихараамийд̇и д̇знаагаарзна сад̇ияаа саманнааг̇ад̇о вихараами. яат̇аа сад̇ам̣ вихаранд̇анд̇и язнаагаарзна мам̣ сад̇ияаа саманнааг̇ад̇ам̣ вихаранд̇ам̣. аасаваа наануссаванд̇ийд̇и жагкуд̇о руубз саванд̇и аасаванд̇и санд̣̇анд̇и бавад̇д̇анд̇ийд̇и звам̣ чахи д̣̇ваарзхи часу аарамман̣зсу саванад̇хаммаа гаамаасаваад̣̇аяо аасаваа наануссаванд̇и наануббавад̣дханд̇и, яат̇аа мз на уббаж̇ж̇анд̇ийд̇и ад̇т̇о. ад̇д̇аанан̃жа нааваж̇аанаамийд̇и ад̇д̇аанан̃жа на аваж̇аанаами. иминаа омаанабахаанам̣ гат̇ид̇ам̣. зван̃хи сад̇и баж̇аананаа басаннаа ход̇и.
Sabbupādānakkhayāti sabbesaṃ catunnampi upādānānaṃ khayena. Tathā sato viharāmīti tenākārena satiyā samannāgato viharāmi. Yathā sataṃ viharantanti yenākārena maṃ satiyā samannāgataṃ viharantaṃ. Āsavā nānussavantīti cakkhuto rūpe savanti āsavanti sandanti pavattantīti evaṃ chahi dvārehi chasu ārammaṇesu savanadhammā kāmāsavādayo āsavā nānussavanti nānuppavaḍḍhanti, yathā me na uppajjantīti attho. Attānañca nāvajānāmīti attānañca na avajānāmi. Iminā omānapahānaṃ kathitaṃ. Evañhi sati pajānanā pasannā hoti.
саман̣знаад̇и б̣уд̣̇д̇хасаман̣зна. д̇зсваахам̣ на ган̇каамийд̇и д̇зсу ахам̣ ‘‘гад̇аро гаамаасаво, гад̇аро бхаваасаво, гад̇аро д̣̇идтаасаво, гад̇аро авиж̇ж̇аасаво’’д̇и звам̣ саруубабхзд̣̇ад̇оби, ‘‘жад̇д̇ааро аасаваа’’д̇и звам̣ г̇ан̣анабарижчзд̣̇ад̇оби на ган̇каами. д̇з мз бахийнаад̇и на вижигижчаамийд̇и д̇з маяхам̣ бахийнаад̇и вижигижчам̣ на уббаад̣̇зми. ид̣̇ам̣ бхаг̇аваа ‘‘звам̣ б̣яаагаронд̇знаби д̇аяаа суб̣яаагад̇ам̣ бхавзяяа ‘аж̇жхад̇д̇ам̣ вимогкаа кваахам̣, аавусо’д̇иаад̣̇ийни бана д̇з вад̣̇анд̇зна ад̇иббабан̃жо гад̇о’’д̇и д̣̇ассзнд̇о ааха.
Samaṇenāti buddhasamaṇena. Tesvāhaṃ na kaṅkhāmīti tesu ahaṃ ‘‘kataro kāmāsavo, kataro bhavāsavo, kataro diṭṭhāsavo, kataro avijjāsavo’’ti evaṃ sarūpabhedatopi, ‘‘cattāro āsavā’’ti evaṃ gaṇanaparicchedatopi na kaṅkhāmi. Te me pahīnāti na vicikicchāmīti te mayhaṃ pahīnāti vicikicchaṃ na uppādemi. Idaṃ bhagavā ‘‘evaṃ byākarontenapi tayā subyākataṃ bhaveyya ‘ajjhattaṃ vimokkhā khvāhaṃ, āvuso’tiādīni pana te vadantena atippapañco kato’’ti dassento āha.
удтааяаасанаа вихаарам̣ баависийд̇и бан̃н̃ад̇д̇авараб̣уд̣̇д̇хаасанад̇о удтахид̇ваа вихаарам̣ анд̇омахааг̇анд̇хагудим̣ баависи асамбхиннааяа зва барисааяа. гасмаа? б̣уд̣̇д̇хаа хи анидтид̇ааяа д̣̇зсанааяа асамбхиннааяа барисааяа удтааяаасанаа г̇анд̇хагудим̣ бависанд̇аа буг̇г̇алат̇оманад̇т̇ам̣ ваа бависанд̇и д̇хаммат̇оманад̇т̇ам̣ ваа. д̇ад̇т̇а буг̇г̇алат̇оманад̇т̇ам̣ бависанд̇о сад̇т̇аа звам̣ жинд̇зси – ‘‘имам̣ маяаа сам̣кид̇д̇зна уд̣̇д̣̇зсам̣ уд̣̇д̣̇идтам̣ вид̇т̇аарзна жа авибхад̇д̇ам̣ д̇хаммабадиг̇г̇аахагаа бхигкуу уг̇г̇ахзд̇ваа аананд̣̇ам̣ ваа гажжааяанам̣ ваа убасан̇гамид̇ваа бужчиссанд̇и, д̇з маяхам̣ н̃аан̣зна сам̣санд̣̇зд̇ваа гат̇зссанд̇и, д̇ад̇оби д̇хаммабадиг̇г̇аахагаа буна мам̣ бужчиссанд̇и. д̇зсамахам̣ ‘сугат̇ид̇ам̣, бхигкавз, аананд̣̇зна, сугат̇ид̇ам̣ гажжааяанзна, мам̣ жзби д̇умхз зд̇амад̇т̇ам̣ бужчзяяаат̇а, ахамби нам̣ звамзва б̣яаагарзяяа’нд̇и звам̣ д̇з буг̇г̇алз т̇омзссаами. д̇ад̇о д̇зсу г̇ааравам̣ ж̇анзд̇ваа бхигкуу убасан̇гамиссанд̇и, д̇зби бхигкуу ад̇т̇з жа д̇хаммз жа нияож̇зссанд̇и, д̇з д̇зхи нияож̇ид̇аа д̇иссо сигкаа барибуурзд̇ваа д̣̇угкассанд̇ам̣ гариссанд̇ий’’д̇и.
Uṭṭhāyāsanā vihāraṃ pāvisīti paññattavarabuddhāsanato uṭṭhahitvā vihāraṃ antomahāgandhakuṭiṃ pāvisi asambhinnāya eva parisāya. Kasmā? Buddhā hi aniṭṭhitāya desanāya asambhinnāya parisāya uṭṭhāyāsanā gandhakuṭiṃ pavisantā puggalathomanatthaṃ vā pavisanti dhammathomanatthaṃ vā. Tattha puggalathomanatthaṃ pavisanto satthā evaṃ cintesi – ‘‘imaṃ mayā saṃkhittena uddesaṃ uddiṭṭhaṃ vitthārena ca avibhattaṃ dhammapaṭiggāhakā bhikkhū uggahetvā ānandaṃ vā kaccāyanaṃ vā upasaṅkamitvā pucchissanti, te mayhaṃ ñāṇena saṃsandetvā kathessanti, tatopi dhammapaṭiggāhakā puna maṃ pucchissanti. Tesamahaṃ ‘sukathitaṃ, bhikkhave, ānandena, sukathitaṃ kaccāyanena, maṃ cepi tumhe etamatthaṃ puccheyyātha, ahampi naṃ evameva byākareyya’nti evaṃ te puggale thomessāmi. Tato tesu gāravaṃ janetvā bhikkhū upasaṅkamissanti, tepi bhikkhū atthe ca dhamme ca niyojessanti, te tehi niyojitā tisso sikkhā paripūretvā dukkhassantaṃ karissantī’’ti.
ат̇а ваа банасса звам̣ ход̇и – ‘‘зса маяи багганд̇з ад̇д̇ано аанубхаавам̣ гариссад̇и, ат̇а нам̣ ахамби д̇ат̇зва т̇омзссаами, д̇ам̣ мама т̇оманам̣ суд̇ваа г̇аараваж̇аад̇аа бхигкуу имам̣ убасан̇гамид̇аб̣б̣ам̣, важанан̃жасса сод̇аб̣б̣ам̣ сад̣̇д̇хаад̇аб̣б̣ам̣ ман̃н̃иссанд̇и, д̇ам̣ д̇зсам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и д̇хаммат̇оманад̇т̇ам̣ бависанд̇о звам̣ жинд̇зси яат̇аа д̇хаммад̣̇ааяаад̣̇асуд̇д̇з жинд̇зси. д̇ад̇ра хисса звам̣ ахоси – ‘‘маяи вихаарам̣ бавидтз аамисад̣̇ааяаад̣̇ам̣ г̇араханд̇о д̇хаммад̣̇ааяаад̣̇ан̃жа т̇омзнд̇о имиссам̣язва барисад̇и нисинно саарибуд̇д̇о д̇хаммам̣ д̣̇зсзссад̇и, звам̣ д̣̇виннамби амхаагам̣ згаж̇жхаасаяааяа мад̇ияаа д̣̇зсид̇аа аяам̣ д̣̇зсанаа аг̇г̇аа жа г̇аругаа жа бхависсад̇и баасаан̣ажчад̇д̇асад̣̇исаа’’д̇и.
Atha vā panassa evaṃ hoti – ‘‘esa mayi pakkante attano ānubhāvaṃ karissati, atha naṃ ahampi tatheva thomessāmi, taṃ mama thomanaṃ sutvā gāravajātā bhikkhū imaṃ upasaṅkamitabbaṃ, vacanañcassa sotabbaṃ saddhātabbaṃ maññissanti, taṃ tesaṃ bhavissati dīgharattaṃ hitāya sukhāyā’’ti dhammathomanatthaṃ pavisanto evaṃ cintesi yathā dhammadāyādasutte cintesi. Tatra hissa evaṃ ahosi – ‘‘mayi vihāraṃ paviṭṭhe āmisadāyādaṃ garahanto dhammadāyādañca thomento imissaṃyeva parisati nisinno sāriputto dhammaṃ desessati, evaṃ dvinnampi amhākaṃ ekajjhāsayāya matiyā desitā ayaṃ desanā aggā ca garukā ca bhavissati pāsāṇacchattasadisā’’ti.
ид̇ха бана ааяасманд̇ам̣ саарибуд̇д̇ам̣ уггам̣сзд̇ваа багаасзд̇ваа табзд̇угаамо буг̇г̇алат̇оманад̇т̇ам̣ удтааяаасанаа вихаарам̣ баависи. ийд̣̇исзсу таанзсу бхаг̇аваа нисиннаасанзязва анд̇арахид̇о жид̇д̇аг̇ад̇ияаа вихаарам̣ бависад̇ийд̇и взд̣̇ид̇аб̣б̣о. яад̣̇и хи гааяаг̇ад̇ияаа г̇ажчзяяа, саб̣б̣аа барисаа бхаг̇аванд̇ам̣ бариваарзд̇ваа г̇ажчзяяа, саа згаваарам̣ бхиннаа буна д̣̇уссаннибаад̇аа бхавзяяаад̇и бхаг̇аваа ад̣̇иссамаанзна гааязна жид̇д̇аг̇ад̇ияаа зва баависи.
Idha pana āyasmantaṃ sāriputtaṃ ukkaṃsetvā pakāsetvā ṭhapetukāmo puggalathomanatthaṃ uṭṭhāyāsanā vihāraṃ pāvisi. Īdisesu ṭhānesu bhagavā nisinnāsaneyeva antarahito cittagatiyā vihāraṃ pavisatīti veditabbo. Yadi hi kāyagatiyā gaccheyya, sabbā parisā bhagavantaṃ parivāretvā gaccheyya, sā ekavāraṃ bhinnā puna dussannipātā bhaveyyāti bhagavā adissamānena kāyena cittagatiyā eva pāvisi.
звам̣ бавидтз бана бхаг̇авад̇и бхаг̇авад̇о ад̇хиббааяаануруубамзва сийханаад̣̇ам̣ над̣̇ид̇угаамо д̇ад̇ра ко ааяасмаа саарибуд̇д̇о ажирабагганд̇асса бхаг̇авад̇о бхигкуу ааманд̇зси. буб̣б̣з аббадисам̣вид̣̇ид̇анд̇и ид̣̇ам̣ наама бужчиссад̇ийд̇и буб̣б̣з маяаа авид̣̇ид̇ам̣ ан̃н̃аад̇ам̣. батамам̣ бан̃ханд̇и, ‘‘сажз д̇ам̣, саарибуд̇д̇а, звам̣ бужчзяяум̣ гат̇ам̣ ж̇аанад̇аа бана д̇аяаа, аавусо саарибуд̇д̇а, гат̇ам̣ бассад̇аа ан̃н̃аа б̣яаагад̇аа кийн̣аа ж̇аад̇ий’’д̇и имам̣ батамам̣ бан̃хам̣. д̣̇анд̇хааяид̇ад̇д̇анд̇и сад̇т̇у аасаяаж̇аананад̇т̇ам̣ д̣̇анд̇хабхааво асийгхад̇аа. батамам̣ бан̃хам̣ анумод̣̇ийд̇и, ‘‘ж̇аад̇и банаавусо саарибуд̇д̇а, гим̣нид̣̇аанаа’’д̇и имам̣ д̣̇уд̇ияам̣ бан̃хам̣ бужчанд̇о, ‘‘яам̣нид̣̇аанаавусо, ж̇аад̇ий’’д̇и звам̣ виссаж̇ж̇ид̇ам̣ батамам̣ бан̃хам̣ анумод̣̇и.
Evaṃ paviṭṭhe pana bhagavati bhagavato adhippāyānurūpameva sīhanādaṃ naditukāmo tatra kho āyasmā sāriputto acirapakkantassa bhagavato bhikkhū āmantesi. Pubbe appaṭisaṃviditanti idaṃ nāma pucchissatīti pubbe mayā aviditaṃ aññātaṃ. Paṭhamaṃ pañhanti, ‘‘sace taṃ, sāriputta, evaṃ puccheyyuṃ kathaṃ jānatā pana tayā, āvuso sāriputta, kathaṃ passatā aññā byākatā khīṇā jātī’’ti imaṃ paṭhamaṃ pañhaṃ. Dandhāyitattanti satthu āsayajānanatthaṃ dandhabhāvo asīghatā. Paṭhamaṃ pañhaṃ anumodīti, ‘‘jāti panāvuso sāriputta, kiṃnidānā’’ti imaṃ dutiyaṃ pañhaṃ pucchanto, ‘‘yaṃnidānāvuso, jātī’’ti evaṃ vissajjitaṃ paṭhamaṃ pañhaṃ anumodi.
зд̇ад̣̇ахосийд̇и бхаг̇авад̇аа анумод̣̇ид̇з наяасад̇зна наяасахассзна бан̃хасса зган̇г̇ан̣игабхаавзна баагадийбхууд̇ад̇д̇аа зд̇ам̣ ахоси. д̣̇ивасамбаахам̣ бхаг̇авад̇о зд̇амад̇т̇ам̣ б̣яаагарзяяанд̇и сагалад̣̇ивасамби ахам̣ бхаг̇авад̇о зд̇ам̣ бадижжасамуббаад̣̇ад̇т̇ам̣ будто сагалад̣̇ивасамби ан̃н̃аман̃н̃зхи бад̣̇аб̣яан̃ж̇анзхи б̣яаагарзяяам̣. язна бхаг̇аваа д̇знубасан̇гамийд̇и звам̣ гирасса ахоси – ‘‘т̇зро ул̣аарасийханаад̣̇ам̣ над̣̇ад̇и, сугааран̣ам̣ зд̇ам̣, д̣̇асаб̣аласса нам̣ аарожзссаамий’’д̇и. д̇асмаа язна бхаг̇аваа д̇знубасан̇гами.
Etadahosīti bhagavatā anumodite nayasatena nayasahassena pañhassa ekaṅgaṇikabhāvena pākaṭībhūtattā etaṃ ahosi. Divasampāhaṃ bhagavato etamatthaṃ byākareyyanti sakaladivasampi ahaṃ bhagavato etaṃ paṭiccasamuppādatthaṃ puṭṭho sakaladivasampi aññamaññehi padabyañjanehi byākareyyaṃ. Yena bhagavā tenupasaṅkamīti evaṃ kirassa ahosi – ‘‘thero uḷārasīhanādaṃ nadati, sukāraṇaṃ etaṃ, dasabalassa naṃ ārocessāmī’’ti. Tasmā yena bhagavā tenupasaṅkami.
саа хи бхигку саарибуд̇д̇асса д̇хаммад̇хаад̇ууд̇и зд̇т̇а д̇хаммад̇хаад̇ууд̇и бажжаяаагаарасса вивадабхаавад̣̇ассанасамад̇т̇ам̣ саавагабаарамийн̃аан̣ам̣. саавагаанан̃хи саавагабаарамийн̃аан̣ам̣ саб̣б̣ан̃н̃уд̇ан̃н̃аан̣аг̇ад̇игамзва ход̇и. яат̇аа б̣уд̣̇д̇хаанам̣ ад̇ийд̇аанааг̇ад̇абажжуббаннаа д̇хаммаа саб̣б̣ан̃н̃уд̇ан̃н̃аан̣асса баагадаа хонд̇и, звам̣ т̇зрасса саавагабаарамийн̃аан̣ам̣ саб̣б̣зби сааваган̃аан̣асса г̇ожарад̇хаммз ж̇аанаад̇ийд̇и. д̣̇уд̇ияам̣.
Sā hi bhikkhu sāriputtassa dhammadhātūti ettha dhammadhātūti paccayākārassa vivaṭabhāvadassanasamatthaṃ sāvakapāramīñāṇaṃ. Sāvakānañhi sāvakapāramīñāṇaṃ sabbaññutaññāṇagatikameva hoti. Yathā buddhānaṃ atītānāgatapaccuppannā dhammā sabbaññutaññāṇassa pākaṭā honti, evaṃ therassa sāvakapāramīñāṇaṃ sabbepi sāvakañāṇassa gocaradhamme jānātīti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. гал̣аарасуд̇д̇ам̣ • 2. Kaḷārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. гал̣аарасуд̇д̇аван̣н̣анаа • 2. Kaḷārasuttavaṇṇanā
