| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. гал̣аарасуд̇д̇аван̣н̣анаа
2. Kaḷārasuttavaṇṇanā
32. д̇асса т̇зрасса наамам̣ ж̇аад̇исамуд̣̇ааг̇ад̇ам̣. нивад̇д̇од̇и буб̣б̣з ваддасод̇асса бадисод̇ам̣ г̇анд̇ум̣ аарад̣̇д̇хо, д̇ам̣ ависаханд̇о анусод̇амзва г̇ажчанд̇о, д̇ад̇о нивад̇д̇о бариглзсавид̇хамз асам̣садто вияуд̇д̇о ход̇и. зд̇т̇а жзд̇анаад̇и ваа ассаасо. хийнааяаавад̇д̇анам̣ наама гаамзсу саабзгкад̇ааяа, д̇ад̇т̇а жа нирабзгкад̇аа д̇ад̇ияамаг̇г̇аад̇хиг̇амзнаад̇и д̣̇ассзнд̇о ‘‘д̇аяо маг̇г̇з’’д̇иаад̣̇имааха. саавагабаарамийн̃аан̣ам̣ т̇зрасса арахад̇д̇аад̇хиг̇амзна нибпаннам̣, д̇асмаа д̇асса д̇ам̣ убаримагодияаа ассаасо вуд̇д̇о. уг̇гхаадид̇аад̇и вивадаа, вуубасамид̇аад̇и ад̇т̇о. д̇ад̇т̇аад̇и арахад̇д̇аббад̇д̇ияам̣. вижигижчаабхааванд̇и ниб̣б̣змад̇игад̇ам̣.
32.Tassa therassa nāmaṃ jātisamudāgataṃ. Nivattoti pubbe vaṭṭasotassa paṭisotaṃ gantuṃ āraddho, taṃ avisahanto anusotameva gacchanto, tato nivatto pariklesavidhame asaṃsaṭṭho viyutto hoti. Ettha cetanāti vā assāso. Hīnāyāvattanaṃ nāma kāmesu sāpekkhatāya, tattha ca nirapekkhatā tatiyamaggādhigamenāti dassento ‘‘tayo magge’’tiādimāha. Sāvakapāramīñāṇaṃ therassa arahattādhigamena nipphannaṃ, tasmā tassa taṃ uparimakoṭiyā assāso vutto. Ugghāṭitāti vivaṭā, vūpasamitāti attho. Tatthāti arahattappattiyaṃ. Vicikicchābhāvanti nibbematikataṃ.
на звам̣ б̣яаагад̇аад̇и ‘‘кийн̣аа ж̇аад̇ий’’д̇иаад̣̇игаа звам̣ уд̇д̇аанагам̣ на б̣яаагад̇аа, барияааязна бана б̣яаагад̇аа. гзнажийд̇и гзнажиби гааран̣зна. звам̣ уд̇д̇аанагам̣ б̣яаагариссад̇и.
Naevaṃ byākatāti ‘‘khīṇā jātī’’tiādikā evaṃ uttānakaṃ na byākatā, pariyāyena pana byākatā. Kenacīti kenacipi kāraṇena. Evaṃ uttānakaṃ byākarissati.
д̇асса бажжаяасса каяаад̇и д̇асса гаммабхавасан̇каад̇асса бажжаяасса авиж̇ж̇ааяа сахагаарид̇ааяам̣ сан̇г̇ахид̇асса каяаа ануббаад̣̇аа нирод̇хаа. кийн̣асминд̇и кийн̣з. ануббаад̣̇анирод̇хзна нируд̣̇д̇хз ж̇аад̇ияаа яат̇аавуд̇д̇з бажжаяз. ж̇аад̇исан̇каад̇ам̣ палам̣ кийн̣ам̣ ануббад̇д̇ид̇хаммад̇ам̣ аабаад̣̇ид̇анд̇и. вид̣̇ид̇ам̣ н̃аад̇ам̣. ааж̇аанаад̇и жад̇усажжам̣ хздтимамаг̇г̇зхи н̃аад̇ам̣ анад̇иггамид̇ваава бадивиж̇жхад̇ийд̇и ан̃н̃аа аг̇г̇амаг̇г̇о. д̇ад̣̇убажаарзна аг̇г̇апалам̣ ид̇ха ‘‘ан̃н̃аа’’ наама. бажжаяод̇и бхавуубабад̇д̇ияаа бажжаяо бадижжасамуббаад̣̇о.
Tassa paccayassa khayāti tassa kammabhavasaṅkhātassa paccayassa avijjāya sahakāritāyaṃ saṅgahitassa khayā anuppādā nirodhā. Khīṇasminti khīṇe. Anuppādanirodhena niruddhe jātiyā yathāvutte paccaye. Jātisaṅkhātaṃ phalaṃ khīṇaṃ anuppattidhammataṃ āpāditanti. Viditaṃ ñātaṃ. Ājānāti catusaccaṃ heṭṭhimamaggehi ñātaṃ anatikkamitvāva paṭivijjhatīti aññā aggamaggo. Tadupacārena aggaphalaṃ idha ‘‘aññā’’ nāma. Paccayoti bhavūpapattiyā paccayo paṭiccasamuppādo.
мзд̇и маяаа. ан̃н̃ааси аагаараг̇г̇ахан̣зна жид̇д̇аажаарам̣ ж̇аанаад̇и. д̇знаад̇и бхаг̇авад̇аа. б̣яаагаран̣ам̣ анумод̣̇ид̇ам̣ бан̃хаб̣яаагаран̣асса висаяагад̇абхаавад̇о.
Meti mayā. Aññāsi ākāraggahaṇena cittācāraṃ jānāti. Tenāti bhagavatā. Byākaraṇaṃ anumoditaṃ pañhabyākaraṇassa visayakatabhāvato.
аяамасса висаяод̇и аяам̣ взд̣̇анаа асса саарибуд̇д̇ад̇т̇зрасса сависаяо д̇ад̇т̇а висаяабхаавзна бавад̇д̇ад̇д̇аа. гин̃жаабийд̇и гин̃жааби сукаа взд̣̇анаа тид̇исукаа д̣̇угкаа взд̣̇анаа вибарин̣аамасукаа, ад̣̇угкамасукаа взд̣̇анаа н̃аан̣асукаа. вибарин̣аамагодияаад̇и анижжабхаавзна саб̣б̣аава взд̣̇анаа д̣̇угкаа наама . сукабадигкзбад̇оби хи сукабийд̇ияаа паран̣ад̇ааяа сукаад̇и д̇игкамад̇д̇зна вибарин̣аамад̣̇угкаад̇и вибарин̣аамад̇о абхааваад̇хиг̇амзна суканирод̇хагкан̣амад̇д̇зна. д̇ат̇аа хи вуд̇д̇ам̣ бабан̃жасууд̣̇анияам̣ ‘‘сукааяа взд̣̇анааяа ад̇т̇ибхааво сука’’нд̇и. сукагаамо д̣̇угкам̣ д̇ид̇игкад̇и. абарин̃н̃аад̇авад̇т̇угаанан̃хи сукавзд̣̇анубарамо д̣̇угкад̇о убадтаад̇и, д̇асмааяамад̇т̇о вияог̇зна д̣̇ийбзд̇аб̣б̣о. ‘‘д̣̇угкаа вибарин̣аамасукаа’’д̇и зд̇т̇ааби зсзва наяо. д̇ат̇аажааха бабан̃жасууд̣̇анияам̣ ‘‘д̣̇угкааяа взд̣̇анааяа над̇т̇ибхааво сука’’нд̇и. д̣̇угкавзд̣̇анубарамо хи вуд̇д̇аанам̣ сукад̇о убадтаад̇и зваад̇и вад̣̇анд̇и. д̇асса яог̇асса вуубасамзна ‘‘ахо сукам̣ ж̇аад̇а’’нд̇и маж̇жхад̇д̇авзд̣̇анааяа ж̇аананабхааво яаат̇аавад̇о аваб̣уж̇жханам̣ сукам̣. ад̣̇угкамасукааби взд̣̇анаа виж̇аананд̇асса сукам̣ ход̇и д̇асса сукумад̇ааяа вин̃н̃зяяабхаавад̇о. яат̇аа руубааруубад̇хаммаанам̣ салагкан̣ад̇о сааман̃н̃алагкан̣ад̇о жа саммад̣̇зва аваб̣од̇хо барамам̣ сукам̣. д̇знааха –
Ayamassa visayoti ayaṃ vedanā assa sāriputtattherassa savisayo tattha visayabhāvena pavattattā. Kiñcāpīti kiñcāpi sukhā vedanā ṭhitisukhā dukkhā vedanā vipariṇāmasukhā, adukkhamasukhā vedanā ñāṇasukhā. Vipariṇāmakoṭiyāti aniccabhāvena sabbāva vedanā dukkhā nāma. Sukhapaṭikkhepatopi hi sukhapītiyā pharaṇatāya sukhāti tikkhamattena vipariṇāmadukkhāti vipariṇāmato abhāvādhigamena sukhanirodhakkhaṇamattena. Tathā hi vuttaṃ papañcasūdaniyaṃ ‘‘sukhāya vedanāya atthibhāvo sukha’’nti. Sukhakāmo dukkhaṃ titikkhati. Apariññātavatthukānañhi sukhavedanuparamo dukkhato upaṭṭhāti, tasmāyamattho viyogena dīpetabbo. ‘‘Dukkhā vipariṇāmasukhā’’ti etthāpi eseva nayo. Tathācāha papañcasūdaniyaṃ ‘‘dukkhāya vedanāya natthibhāvo sukha’’nti. Dukkhavedanuparamo hi vuttānaṃ sukhato upaṭṭhāti evāti vadanti. Tassa yogassa vūpasamena ‘‘aho sukhaṃ jāta’’nti majjhattavedanāya jānanabhāvo yāthāvato avabujjhanaṃ sukhaṃ. Adukkhamasukhāpi vedanā vijānantassa sukhaṃ hoti tassa sukhumatāya viññeyyabhāvato. Yathā rūpārūpadhammānaṃ salakkhaṇato sāmaññalakkhaṇato ca sammadeva avabodho paramaṃ sukhaṃ. Tenāha –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
Labhatī pītipāmojjaṃ, amataṃ taṃ vijānata’’nti. (dha. pa. 374);
ан̃н̃аан̣ад̣̇угкаад̇и аж̇аананабхааво ад̣̇угкамасукаавзд̣̇анааяа д̣̇угкам̣. саммаа вибхааг̇аж̇аананасабхааво н̃аан̣асса самбхаво. н̃аан̣асамбаяуд̇д̇аа хи н̃аан̣уубаниссаяаа ад̣̇угкамасукаа взд̣̇анаа басад̇т̇аагаараа, яад̇о саа идтаа жзва идтапалаа жаад̇и. аж̇аананабхаавод̇и зд̇т̇а вуд̇д̇авибарияааязна ад̇т̇о взд̣̇ид̇аб̣б̣о. ‘‘д̣̇угканд̇и вид̣̇ид̇о’’д̇и баал̣и, адтагат̇ааяам̣ бана вид̣̇ид̇анд̇и бад̣̇уд̣̇д̇хааро гад̇о, д̇ам̣ ад̇т̇ад̣̇ассанамад̇д̇анд̇и д̣̇адтаб̣б̣ам̣.
Aññāṇadukkhāti ajānanabhāvo adukkhamasukhāvedanāya dukkhaṃ. Sammā vibhāgajānanasabhāvo ñāṇassa sambhavo. Ñāṇasampayuttā hi ñāṇūpanissayā adukkhamasukhā vedanā pasatthākārā, yato sā iṭṭhā ceva iṭṭhaphalā cāti. Ajānanabhāvoti ettha vuttavipariyāyena attho veditabbo. ‘‘Dukkhanti vidito’’ti pāḷi, aṭṭhakathāyaṃ pana viditanti paduddhāro kato, taṃ atthadassanamattanti daṭṭhabbaṃ.
взд̣̇анаабарижчзд̣̇аж̇аананзд̇и ‘‘д̇иссо имаа взд̣̇анаа’’д̇и звам̣ барижчзд̣̇ад̇о ж̇аананз. ан̃н̃аасийд̇и гад̣̇аа ан̃н̃ааси? имасмим̣ д̣̇зсанаагаалзд̇и вад̣̇анд̇и, бадивзд̇хагаалзд̇и бана яуд̇д̇ам̣. яат̇аабадивид̣̇д̇хаа хи взд̣̇анаа ид̇ха т̇зрзна д̣̇зсид̇аад̇и. иминаа гааран̣знаад̇и ‘‘яад̣̇анижжам̣ д̇ам̣ д̣̇угка’’нд̇и взд̣̇анаанам̣ анижжад̇ааяа д̣̇угкабхааваж̇аананасан̇каад̇зна гааран̣зна. д̇ам̣нимид̇д̇ам̣ хисса взд̣̇анаасу д̇ан̣хаа на уббаж̇ж̇ад̇и. ад̇иббабан̃жод̇и ад̇ивид̇т̇ааро. д̣̇угкасмим̣ анд̇ог̇ад̇хам̣ д̣̇угкабарияаабаннад̇д̇аа. д̣̇угканд̇и саб̣б̣ам̣ взд̣̇аяид̇ам̣ д̣̇угкам̣ сан̇каарад̣̇угкабхаавад̇о. н̃аад̇амад̇д̇зд̇и яаат̇аавад̇о аваб̣уж̇жханамад̇д̇з. д̇ан̣хаа на д̇идтад̇ийд̇и на санд̇идтад̇и наббавад̇д̇ад̇и.
Vedanāparicchedajānaneti ‘‘tisso imā vedanā’’ti evaṃ paricchedato jānane. Aññāsīti kadā aññāsi? Imasmiṃ desanākāleti vadanti, paṭivedhakāleti pana yuttaṃ. Yathāpaṭividdhā hi vedanā idha therena desitāti. Iminā kāraṇenāti ‘‘yadaniccaṃ taṃ dukkha’’nti vedanānaṃ aniccatāya dukkhabhāvajānanasaṅkhātena kāraṇena. Taṃnimittaṃ hissa vedanāsu taṇhā na uppajjati. Atippapañcoti ativitthāro. Dukkhasmiṃ antogadhaṃ dukkhapariyāpannattā. Dukkhanti sabbaṃ vedayitaṃ dukkhaṃ saṅkhāradukkhabhāvato. Ñātamatteti yāthāvato avabujjhanamatte. Taṇhā na tiṭṭhatīti na santiṭṭhati nappavattati.
гат̇ам̣ вимогкаад̇и аж̇жхад̇д̇аб̣ахид̣̇д̇хаабхзд̣̇зсу вимуд̇д̇аа. хзд̇умхи жзд̇ам̣ ниссаггаважананд̇и хзд̇уад̇т̇зна гаран̣аважанзна ад̇т̇амааха ‘‘гад̇арзна вимогкзнаа’’д̇и. гаран̣ад̇т̇зби ваа зд̇ам̣ ниссаггаважананд̇и д̇ат̇аа вуд̇д̇ам̣. абхинивзсод̇и вибассанаарамбхо. б̣ахид̣̇д̇хаад̇хаммааби д̣̇адтаб̣б̣ааязва саб̣б̣ассаби барин̃н̃зяяасса бариж̇аанид̇аб̣б̣ад̇о. н̃аан̣ам̣ бавад̇д̇зд̇ваа. д̇зд̇и аж̇жхад̇д̇асан̇каарз. вавад̇т̇абзд̇ваад̇и салагкан̣ад̇о барижчинд̣̇ид̇ваа. б̣ахид̣̇д̇хаа од̇аарзд̇ийд̇и б̣ахид̣̇д̇хаасан̇каарзсу н̃аан̣ам̣ од̇аарзд̇и. аж̇жхад̇д̇ам̣ од̇аарзд̇ийд̇и аж̇жхад̇д̇асан̇каарз саммасад̇и. д̇ад̇ра д̇асмим̣ жад̇уггз. д̇зсам̣ вавад̇т̇аанагаалзд̇и д̇зсам̣ аж̇жхад̇д̇асан̇каараанам̣ вибассанаагаалз.
Kathaṃ vimokkhāti ajjhattabahiddhābhedesu vimuttā. Hetumhi cetaṃ nissakkavacananti hetuatthena karaṇavacanena atthamāha ‘‘katarena vimokkhenā’’ti. Karaṇatthepi vā etaṃ nissakkavacananti tathā vuttaṃ. Abhinivesoti vipassanārambho. Bahiddhādhammāpi daṭṭhabbāyeva sabbassapi pariññeyyassa parijānitabbato. Ñāṇaṃ pavattetvā. Teti ajjhattasaṅkhāre. Vavatthapetvāti salakkhaṇato paricchinditvā. Bahiddhā otāretīti bahiddhāsaṅkhāresu ñāṇaṃ otāreti. Ajjhattaṃ otāretīti ajjhattasaṅkhāre sammasati. Tatra tasmiṃ catukke. Tesaṃ vavatthānakāleti tesaṃ ajjhattasaṅkhārānaṃ vipassanākāle.
саб̣б̣убаад̣̇аанагкаяаад̇и саб̣б̣асо убаад̣̇аанаанам̣ каяаа. гаамам̣ д̣̇идтисийлаб̣б̣ад̇аад̇д̇аваад̣̇убаад̣̇аанаани батамамаг̇г̇знзва кийяанд̇и, гаамубаад̣̇аанам̣ бана аг̇г̇амаг̇г̇знаад̇и д̇асса васзна ‘‘саб̣б̣убаад̣̇аанагкаяаа’’д̇и вад̣̇анд̇о т̇зро ад̇д̇ано арахад̇д̇абад̇д̇им̣ б̣яаагарод̇и. д̇знааха ‘‘аасаваа наануссаванд̇ий’’д̇и. сад̇од̇и иминаа сад̇ивзбуллаббад̇д̇им̣ д̣̇ассзд̇и. жагкуд̇о руубз саванд̇ийд̇и жагкувин̃н̃аан̣авийт̇ияам̣ д̇ад̣̇ануг̇ад̇амановин̃н̃аан̣авийт̇ияан̃жа руубаарамман̣аа аасаваа бавад̇д̇анд̇ийд̇и. гин̃жааби д̇ад̇т̇а гусалаад̣̇ийнамби бавад̇д̇и ад̇т̇и, гаамаасаваад̣̇аяо зва ван̣ад̇о яуусам̣ вияа баг̇гхаран̣агаасужибхаавзна санд̣̇анд̇и, д̇ат̇аа сзсаваарзсу. д̇знааха ‘‘зва’’нд̇иаад̣̇и, д̇асмаа д̇з зва ‘‘аасаваа’’д̇и вужжанд̇и. д̇ад̇т̇а хи баг̇гхаран̣агаасужимхи нирул̣хо аасавасад̣̇д̣̇о. ‘‘ад̇д̇аанам̣ нааваж̇аанаамий’’д̇и вуд̇д̇ад̇д̇аа ‘‘омаанабахаанам̣ гат̇ид̇а’’нд̇и ааха. д̇зна аасавзсу самуд̣̇ааяубалагкан̣ам̣ гат̇ид̇анд̇и д̣̇адтаб̣б̣ам̣. на хи сзяяамаанаад̣̇иббахаанзна винаа хийнамаанам̣язва баж̇ахад̇и. баж̇аананаад̇и ‘‘наабарам̣ ид̇т̇ад̇д̇ааяаа’’д̇и вуд̇д̇абаж̇аананасамбанно ход̇ийд̇и.
Sabbupādānakkhayāti sabbaso upādānānaṃ khayā. Kāmaṃ diṭṭhisīlabbataattavādupādānāni paṭhamamaggeneva khīyanti, kāmupādānaṃ pana aggamaggenāti tassa vasena ‘‘sabbupādānakkhayā’’ti vadanto thero attano arahattapattiṃ byākaroti. Tenāha ‘‘āsavā nānussavantī’’ti. Satoti iminā sativepullappattiṃ dasseti. Cakkhuto rūpe savantīti cakkhuviññāṇavīthiyaṃ tadanugatamanoviññāṇavīthiyañca rūpārammaṇā āsavā pavattantīti. Kiñcāpi tattha kusalādīnampi pavatti atthi, kāmāsavādayo eva vaṇato yūsaṃ viya paggharaṇakaasucibhāvena sandanti, tathā sesavāresu. Tenāha ‘‘eva’’ntiādi, tasmā te eva ‘‘āsavā’’ti vuccanti. Tattha hi paggharaṇakaasucimhi niruḷho āsavasaddo. ‘‘Attānaṃ nāvajānāmī’’ti vuttattā ‘‘omānapahānaṃ kathita’’nti āha. Tena āsavesu samudāyupalakkhaṇaṃ kathitanti daṭṭhabbaṃ. Na hi seyyamānādippahānena vinā hīnamānaṃyeva pajahati. Pajānanāti ‘‘nāparaṃ itthattāyā’’ti vuttapajānanasampanno hotīti.
саруубабхзд̣̇ад̇обийд̇и ‘‘жад̇д̇ааро’’д̇и звам̣ баримаан̣абарижчзд̣̇ад̇оби. ид̣̇ам̣ бхаг̇аваа д̣̇ассзнд̇о аахаад̇и самб̣анд̇хо. ид̣̇анд̇и жа ‘‘аяамби ко’’д̇иаад̣̇иважанам̣ санд̇хааяааха.
Sarūpabhedatopīti ‘‘cattāro’’ti evaṃ parimāṇaparicchedatopi. Idaṃ bhagavā dassento āhāti sambandho. Idanti ca ‘‘ayampi kho’’tiādivacanaṃ sandhāyāha.
асамбхиннааяа зваад̇и яат̇аанисиннааяа зва, авудтид̇ааяа зваад̇и ад̇т̇о. буг̇г̇алат̇оманад̇т̇анд̇и д̣̇зсанаагусалаанам̣ аананд̣̇ад̇т̇зраад̣̇ийнам̣ буг̇г̇алаанам̣ басам̣санад̇т̇ам̣ уггам̣санад̇т̇ам̣. д̇хаммат̇оманад̇т̇анд̇и бадибад̇д̇ид̇хаммасса басам̣санад̇т̇ам̣. д̇збийд̇и аананд̣̇ад̇т̇зраад̣̇аяо бхигкууби. д̇хаммабадиг̇г̇аахагаа бхигкуу. ад̇т̇зд̇и сийлаад̣̇иад̇т̇з. д̇хаммзд̇и баал̣ид̇хаммз.
Asambhinnāya evāti yathānisinnāya eva, avuṭṭhitāya evāti attho. Puggalathomanatthanti desanākusalānaṃ ānandattherādīnaṃ puggalānaṃ pasaṃsanatthaṃ ukkaṃsanatthaṃ. Dhammathomanatthanti paṭipattidhammassa pasaṃsanatthaṃ. Tepīti ānandattherādayo bhikkhūpi. Dhammapaṭiggāhakā bhikkhū. Attheti sīlādiatthe. Dhammeti pāḷidhamme.
ассаад̇и бхаг̇авад̇о. аанубхаавам̣ гариссад̇и ‘‘д̣̇ивасан̃жзби бхаг̇аваа’’д̇иаад̣̇инаа. нанд̇и саарибуд̇д̇ад̇т̇зрам̣. ахамби д̇ат̇зва т̇омзссаами ‘‘саа хи бхигкуу’’д̇иаад̣̇инаа. звам̣ жинд̇зсийд̇и звам̣ вагкамаанзна д̇хаммад̣̇ааяаад̣̇ад̣̇зсанааяа жинд̇ид̇аагаарзна жинд̇зси. д̇знааха ‘‘яат̇аа’’д̇иаад̣̇и. згаж̇жхаасаяааяаад̇и самаанаад̇хиббааяааяа. мад̇ияаад̇и бан̃н̃ааяа. аяам̣ д̣̇зсанаа аг̇г̇аад̇и бхаг̇аваа д̇хаммасзнаабад̇им̣ г̇ун̣ад̇о звам̣ баг̇г̇ан̣хаад̇ийд̇и гад̇ваа вуд̇д̇ам̣.
Assāti bhagavato. Ānubhāvaṃ karissati ‘‘divasañcepi bhagavā’’tiādinā. Nanti sāriputtattheraṃ. Ahampi tatheva thomessāmi ‘‘sā hi bhikkhū’’tiādinā. Evaṃ cintesīti evaṃ vakkhamānena dhammadāyādadesanāya cintitākārena cintesi. Tenāha ‘‘yathā’’tiādi. Ekajjhāsayāyāti samānādhippāyāya. Matiyāti paññāya. Ayaṃ desanā aggāti bhagavā dhammasenāpatiṃ guṇato evaṃ paggaṇhātīti katvā vuttaṃ.
багаасзд̇ваад̇и г̇ун̣ад̇о баагадам̣ бан̃н̃аад̇ам̣ гад̇ваа саб̣б̣асаавагзхи сздтабхаавз табзд̇угаамо. жид̇д̇аг̇ад̇ияаа жид̇д̇авасзна гааяасса барин̣ааманзна ‘‘аяам̣ гааяо ид̣̇ам̣ жид̇д̇ам̣ вияа ход̇уу’’д̇и гааяасамаанаг̇ад̇игад̇д̇аад̇хидтаанзна. гат̇ам̣ бана гааяо д̣̇анд̇хаббавад̇д̇иго лахубаривад̇д̇зна жид̇д̇зна самаанаг̇ад̇иго ход̇ийд̇и? на саб̣б̣ат̇аа самаанаг̇ад̇иго. яат̇зва хи гааяавасзна жид̇д̇авибарин̣ааманз жид̇д̇ам̣ саб̣б̣ат̇аа гааязна самаанаг̇ад̇игам̣ ход̇и. на хи д̇ад̣̇аа жид̇д̇ам̣ сабхаавасид̣̇д̇хзна ад̇д̇ано кан̣зна авад̇д̇ид̇ваа д̣̇анд̇хавуд̇д̇игасса руубад̇хаммасса кан̣зна вад̇д̇ид̇ум̣ саггод̇и, ‘‘ид̣̇ам̣ жид̇д̇ам̣ аяам̣ гааяо вияа ход̇уу’’д̇и банаад̇хидтаанзна д̣̇анд̇хаг̇ад̇игасса гааяасса анувад̇д̇анад̇о яаава ижчид̇адтаанаббад̇д̇и ход̇и, д̇аава гааяаг̇ад̇иануломзнзва худ̇ваа санд̇аанавасзна бавад̇д̇амаанам̣ жид̇д̇ам̣ гааяаг̇ад̇ияаа барин̣аамид̇ам̣ наама ход̇и, звам̣ ‘‘аяам̣ гааяо ид̣̇ам̣ жид̇д̇ам̣ вияа ход̇уу’’д̇и ад̇хидтаанзна баг̇зва сукалахусан̃н̃ааяа самбаад̣̇ид̇ад̇д̇аа абхаавид̇ид̣̇д̇хибаад̣̇аанам̣ вияа д̣̇анд̇хам̣ авад̇д̇ид̇ваа яат̇аа лахугад̇ибаяажид̇д̇аваарзхзва ижчид̇адтаанаббад̇и ход̇и, звам̣ бавад̇д̇аруубад̇аа вин̃н̃ааяад̇ийд̇и.
Pakāsetvāti guṇato pākaṭaṃ paññātaṃ katvā sabbasāvakehi seṭṭhabhāve ṭhapetukāmo. Cittagatiyā cittavasena kāyassa pariṇāmanena ‘‘ayaṃ kāyo idaṃ cittaṃ viya hotū’’ti kāyasamānagatikattādhiṭṭhānena. Kathaṃ pana kāyo dandhappavattiko lahuparivattena cittena samānagatiko hotīti? Na sabbathā samānagatiko. Yatheva hi kāyavasena cittavipariṇāmane cittaṃ sabbathā kāyena samānagatikaṃ hoti. Na hi tadā cittaṃ sabhāvasiddhena attano khaṇena avattitvā dandhavuttikassa rūpadhammassa khaṇena vattituṃ sakkoti, ‘‘idaṃ cittaṃ ayaṃ kāyo viya hotū’’ti panādhiṭṭhānena dandhagatikassa kāyassa anuvattanato yāva icchitaṭṭhānappatti hoti, tāva kāyagatianulomeneva hutvā santānavasena pavattamānaṃ cittaṃ kāyagatiyā pariṇāmitaṃ nāma hoti, evaṃ ‘‘ayaṃ kāyo idaṃ cittaṃ viya hotū’’ti adhiṭṭhānena pageva sukhalahusaññāya sampāditattā abhāvitiddhipādānaṃ viya dandhaṃ avattitvā yathā lahukatipayacittavāreheva icchitaṭṭhānappati hoti, evaṃ pavattarūpatā viññāyatīti.
ад̇хиббааяаануруубамзва д̇асса бхаг̇авад̇о т̇оманааяа гад̇ад̇д̇аа. ид̣̇ам̣ наама ад̇т̇аж̇аад̇ам̣ бхаг̇аваа бужчиссад̇ийд̇и буб̣б̣з маяаа авид̣̇ид̇ам̣ абассам̣. аасаяаж̇аананад̇т̇анд̇и ‘‘звам̣ б̣яаагаронд̇зна сад̇т̇у аж̇жхаасаяо г̇ахид̇о ход̇ий’’д̇и звам̣ сад̇т̇у аж̇жхаасаяаж̇аананад̇т̇ам̣. д̣̇уд̇ияам̣ бан̃хам̣ бужчанд̇о бхаг̇аваа батамам̣ бан̃хам̣ анумод̣̇и д̣̇уд̇ияам̣ бан̃хам̣ бужчанд̇знзва батамабан̃хависсаж̇ж̇анасса самбадижчид̇абхаавад̇о.
Adhippāyānurūpameva tassa bhagavato thomanāya katattā. Idaṃ nāma atthajātaṃ bhagavā pucchissatīti pubbe mayā aviditaṃ apassaṃ. Āsayajānanatthanti ‘‘evaṃ byākarontena satthu ajjhāsayo gahito hotī’’ti evaṃ satthu ajjhāsayajānanatthaṃ. Dutiyaṃ pañhaṃ pucchanto bhagavā paṭhamaṃ pañhaṃ anumodi dutiyaṃ pañhaṃ pucchanteneva paṭhamapañhavissajjanassa sampaṭicchitabhāvato.
зд̇ам̣ ахосийд̇и зд̇ам̣ баривид̇агганам̣ ахоси. ассаад̇и гал̣ааракад̇д̇ияасса бхигкуно. д̇хаммз д̣̇ахад̇ийд̇и д̇хаммад̇хаад̇у, саавагабаарамийн̃аан̣ам̣, саавагависаяз д̇хаммз д̣̇ахад̇и яаат̇аавад̇о аж̇ид̇з гад̇ваа табзд̇ийд̇и ад̇т̇о. д̇знааха ‘‘д̇хаммад̇хаад̇уу’’д̇иаад̣̇и. саб̣б̣ан̃н̃уд̇ан̃н̃аан̣аг̇ад̇игамзва висаяз. г̇ожарад̇хаммзд̇и г̇ожарабхууд̇з н̃зяяад̇хаммз.
Etaṃ ahosīti etaṃ parivitakkanaṃ ahosi. Assāti kaḷārakhattiyassa bhikkhuno. Dhamme dahatīti dhammadhātu, sāvakapāramīñāṇaṃ, sāvakavisaye dhamme dahati yāthāvato ajite katvā ṭhapetīti attho. Tenāha ‘‘dhammadhātū’’tiādi. Sabbaññutaññāṇagatikameva visaye. Gocaradhammeti gocarabhūte ñeyyadhamme.
гал̣аарасуд̇д̇аван̣н̣анаа нидтид̇аа.
Kaḷārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. гал̣аарасуд̇д̇ам̣ • 2. Kaḷārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. гал̣аарасуд̇д̇аван̣н̣анаа • 2. Kaḷārasuttavaṇṇanā
