| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๑. กาลตฺตยอนตฺตสุตฺตํ
11. Kālattayaanattasuttaṃ
๑๑. สาวตฺถินิทานํ ฯ ‘‘รูปํ, ภิกฺขเว, อนตฺตา อตีตานาคตํ; โก ปน วาโท ปจฺจุปฺปนฺนสฺส! เอวํ ปสฺสํ, ภิกฺขเว, สุตวา อริยสาวโก อตีตสฺมิํ รูปสฺมิํ อนเปโกฺข โหติ; อนาคตํ รูปํ นาภินนฺทติ; ปจฺจุปฺปนฺนสฺส รูปสฺส นิพฺพิทาย วิราคาย นิโรธาย ปฎิปโนฺน โหติฯ เวทนา อนตฺตา… สญฺญา อนตฺตา… สงฺขารา อนตฺตา… วิญฺญาณํ อนตฺตา อตีตานาคตํ; โก ปน วาโท ปจฺจุปฺปนฺนสฺส! เอวํ ปสฺสํ, ภิกฺขเว, สุตวา อริยสาวโก อตีตสฺมิํ วิญฺญาณสฺมิํ อนเปโกฺข โหติ; อนาคตํ วิญฺญาณํ นาภินนฺทติ; ปจฺจุปฺปนฺนสฺส วิญฺญาณสฺส นิพฺพิทาย วิราคาย นิโรธาย ปฎิปโนฺน โหตี’’ติฯ เอกาทสมํฯ
11. Sāvatthinidānaṃ . ‘‘Rūpaṃ, bhikkhave, anattā atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ rūpasmiṃ anapekkho hoti; anāgataṃ rūpaṃ nābhinandati; paccuppannassa rūpassa nibbidāya virāgāya nirodhāya paṭipanno hoti. Vedanā anattā… saññā anattā… saṅkhārā anattā… viññāṇaṃ anattā atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ viññāṇasmiṃ anapekkho hoti; anāgataṃ viññāṇaṃ nābhinandati; paccuppannassa viññāṇassa nibbidāya virāgāya nirodhāya paṭipanno hotī’’ti. Ekādasamaṃ.
นกุลปิตุวโคฺค ปฐโมฯ
Nakulapituvaggo paṭhamo.
ตสฺสุทฺทานํ –
Tassuddānaṃ –
นกุลปิตา เทวทหา, เทฺวปิ หาลิทฺทิกานิ จ;
Nakulapitā devadahā, dvepi hāliddikāni ca;
สมาธิปฎิสลฺลาณา, อุปาทาปริตสฺสนา ทุเว;
Samādhipaṭisallāṇā, upādāparitassanā duve;
อตีตานาคตปจฺจุปฺปนฺนา, วโคฺค เตน ปวุจฺจติฯ
Atītānāgatapaccuppannā, vaggo tena pavuccati.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐-๑๑. กาลตฺตยทุกฺขสุตฺตาทิวณฺณนา • 10-11. Kālattayadukkhasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐-๑๑. กาลตฺตยทุกฺขสุตฺตาทิวณฺณนา • 10-11. Kālattayadukkhasuttādivaṇṇanā
