| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. කාලත්‌තයඅනිච්‌චසුත්‌තං
9. Kālattayaaniccasuttaṃ
9. සාවත්‌ථිනිදානං. ‘‘රූපං, භික්‌ඛවෙ, අනිච්‌චං අතීතානාගතං; කො පන වාදො පච්‌චුප්‌පන්‌නස්‌ස! එවං පස්‌සං, භික්‌ඛවෙ, සුතවා අරියසාවකො අතීතස්‌මිං රූපස්‌මිං අනපෙක්‌ඛො හොති; අනාගතං රූපං නාභිනන්‌දති; පච්‌චුප්‌පන්‌නස්‌ස රූපස්‌ස නිබ්‌බිදාය විරාගාය නිරොධාය පටිපන්‌නො හොති. වෙදනා අනිච්‌චා…පෙ.… සඤ්‌ඤා අනිච්‌චා… සඞ්‌ඛාරා අනිච්‌චා අතීතානාගතා; කො පන වාදො පච්‌චුප්‌පන්‌නානං! එවං පස්‌සං, භික්‌ඛවෙ, සුතවා අරියසාවකො අතීතෙසු සඞ්‌ඛාරෙසු අනපෙක්‌ඛො හොති; අනාගතෙ සඞ්‌ඛාරෙ නාභිනන්‌දති; පච්‌චුප්‌පන්‌නානං සඞ්‌ඛාරානං නිබ්‌බිදාය විරාගාය නිරොධාය පටිපන්‌නො හොති. විඤ්‌ඤාණං අනිච්‌චං අතීතානාගතං; කො පන වාදො පච්‌චුප්‌පන්‌නස්‌ස! එවං පස්‌සං, භික්‌ඛවෙ, සුතවා අරියසාවකො අතීතස්‌මිං විඤ්‌ඤාණස්‌මිං අනපෙක්‌ඛො හොති; අනාගතං විඤ්‌ඤාණං නාභිනන්‌දති; පච්‌චුප්‌පන්‌නස්‌ස විඤ්‌ඤාණස්‌ස නිබ්‌බිදාය විරාගාය නිරොධාය පටිපන්‌නො හොතී’’ති. නවමං.
9. Sāvatthinidānaṃ. ‘‘Rūpaṃ, bhikkhave, aniccaṃ atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ rūpasmiṃ anapekkho hoti; anāgataṃ rūpaṃ nābhinandati; paccuppannassa rūpassa nibbidāya virāgāya nirodhāya paṭipanno hoti. Vedanā aniccā…pe… saññā aniccā… saṅkhārā aniccā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu saṅkhāresu anapekkho hoti; anāgate saṅkhāre nābhinandati; paccuppannānaṃ saṅkhārānaṃ nibbidāya virāgāya nirodhāya paṭipanno hoti. Viññāṇaṃ aniccaṃ atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ viññāṇasmiṃ anapekkho hoti; anāgataṃ viññāṇaṃ nābhinandati; paccuppannassa viññāṇassa nibbidāya virāgāya nirodhāya paṭipanno hotī’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. කාලත්‌තයඅනිච්‌චසුත්‌තවණ්‌ණනා • 9. Kālattayaaniccasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. කාලත්‌තයඅනිච්‌චසුත්‌තවණ්‌ණනා • 9. Kālattayaaniccasuttavaṇṇanā
