| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[176] 6. гал̣ааяамудтиж̇аад̇агаван̣н̣анаа
[176] 6. Kaḷāyamuṭṭhijātakavaṇṇanā
б̣аало вад̇ааяам̣ д̣̇умасаакаг̇ожарод̇и ид̣̇ам̣ сад̇т̇аа ж̇зд̇аванз вихаранд̇о госаларааж̇аанам̣ аараб̣бха гат̇зси. згасмин̃хи самаяз вассагаалз госаларан̃н̃о бажжанд̇о губи. д̇ад̇т̇а тид̇аа яод̇хаа д̣̇вз д̇ийн̣и яуд̣̇д̇хаани гад̇ваа бажжад̇т̇игз абхибхавид̇ум̣ асаггонд̇аа ран̃н̃о саасанам̣ бзсзсум̣. рааж̇аа агаалз вассаанзязва нигкамид̇ваа ж̇зд̇аванасамийбз канд̇хааваарам̣ б̣анд̇хид̇ваа жинд̇зси – ‘‘ахам̣ агаалз нигканд̇о, ганд̣̇арабад̣̇араад̣̇аяо уд̣̇агабуураа, д̣̇уг̇г̇амо маг̇г̇о, сад̇т̇аарам̣ убасан̇гамиссаами, со мам̣ ‘гахам̣ г̇ажчаси, махаарааж̇аа’д̇и бужчиссад̇и, ат̇аахам̣ зд̇амад̇т̇ам̣ аарожзссаами, на ко бана мам̣ сад̇т̇аа самбарааяигзнзвад̇т̇зна ануг̇г̇ан̣хаад̇и, д̣̇идтад̇хаммигзнааби ануг̇г̇ан̣хаад̇иязва, д̇асмим̣ сажз мз г̇аманзна авуд̣дхи бхависсад̇и, ‘агаало, махаарааж̇аа’д̇и вагкад̇и. сажз бана вуд̣д̣и бхависсад̇и, д̇ун̣хий бхависсад̇ий’’д̇и. со ж̇зд̇аванам̣ бависид̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа ‘‘ханд̣̇а гуд̇о ну д̇вам̣, махаарааж̇а, ааг̇ажчаси д̣̇иваа д̣̇ивассаа’’д̇и бужчи. ‘‘бханд̇з, ахам̣ бажжанд̇ам̣ вуубасамзд̇ум̣ нигканд̇о ‘д̇умхз ванд̣̇ид̇ваа г̇амиссаамий’д̇и ааг̇ад̇омхий’’д̇и . сад̇т̇аа ‘‘буб̣б̣зби, махаарааж̇а, рааж̇аано сзнааяа аб̣бхуг̇г̇ажчамаанааяа бан̣д̣ид̇аанам̣ гат̇ам̣ суд̇ваа агаалз аб̣бхуг̇г̇аманам̣ наама на г̇амим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Bālovatāyaṃ dumasākhagocaroti idaṃ satthā jetavane viharanto kosalarājānaṃ ārabbha kathesi. Ekasmiñhi samaye vassakāle kosalarañño paccanto kupi. Tattha ṭhitā yodhā dve tīṇi yuddhāni katvā paccatthike abhibhavituṃ asakkontā rañño sāsanaṃ pesesuṃ. Rājā akāle vassāneyeva nikkhamitvā jetavanasamīpe khandhāvāraṃ bandhitvā cintesi – ‘‘ahaṃ akāle nikkhanto, kandarapadarādayo udakapūrā, duggamo maggo, satthāraṃ upasaṅkamissāmi, so maṃ ‘kahaṃ gacchasi, mahārājā’ti pucchissati, athāhaṃ etamatthaṃ ārocessāmi, na kho pana maṃ satthā samparāyikenevatthena anuggaṇhāti, diṭṭhadhammikenāpi anuggaṇhātiyeva, tasmiṃ sace me gamanena avuḍḍhi bhavissati, ‘akālo, mahārājā’ti vakkhati. Sace pana vuḍḍi bhavissati, tuṇhī bhavissatī’’ti. So jetavanaṃ pavisitvā satthāraṃ vanditvā ekamantaṃ nisīdi. Satthā ‘‘handa kuto nu tvaṃ, mahārāja, āgacchasi divā divassā’’ti pucchi. ‘‘Bhante, ahaṃ paccantaṃ vūpasametuṃ nikkhanto ‘tumhe vanditvā gamissāmī’ti āgatomhī’’ti . Satthā ‘‘pubbepi, mahārāja, rājāno senāya abbhuggacchamānāya paṇḍitānaṃ kathaṃ sutvā akāle abbhuggamanaṃ nāma na gamiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ад̇т̇ад̇хаммаанусаасаго саб̣б̣ад̇т̇агаамажжо ахоси. ат̇а ран̃н̃о бажжанд̇з губид̇з бажжанд̇аяод̇хаа бан̣н̣ам̣ бзсзсум̣. рааж̇аа вассагаалз нигкамид̇ваа уяяаанз канд̇хааваарам̣ б̣анд̇хи, б̣од̇хисад̇д̇о ран̃н̃о санд̇игз адтааси. д̇асмим̣ кан̣з ассаанам̣ гал̣ааяз сзд̣̇зд̇ваа аахарид̇ваа д̣̇он̣ияам̣ багкибим̣су. уяяаанз маггадзсу зго маггадо ругкаа од̇арид̇ваа д̇ад̇о гал̣ааяз г̇ахзд̇ваа мукам̣ буурзд̇ваа хад̇т̇зхиби г̇ахзд̇ваа уббад̇ид̇ваа ругкз нисийд̣̇ид̇ваа каад̣̇ид̇ум̣ аарабхи, ат̇асса каад̣̇амаанасса хад̇т̇аго зго гал̣ааяо бхуумияам̣ бад̇и. со мукзна жа хад̇т̇зхи жа г̇ахид̇з саб̣б̣з гал̣ааяз чад̣д̣зд̇ваа ругкаа оруяха д̇амзва гал̣ааяам̣ ологзнд̇о д̇ам̣ гал̣ааяам̣ ад̣̇исваава буна ругкам̣ абхирухид̇ваа ад̣д̣з сахассабарааж̇ид̇о вияа сожамаано д̣̇уммуко ругкасаакааяам̣ нисийд̣̇и. рааж̇аа маггадасса гирияам̣ д̣̇исваа б̣од̇хисад̇д̇ам̣ ааманд̇зд̇ваа ‘‘бассат̇а, гим̣ наамзд̇ам̣ маггадзна гад̇а’’нд̇и бужчи. б̣од̇хисад̇д̇о ‘‘махаарааж̇а, б̣ахум̣ анавалогзд̇ваа аббам̣ ологзд̇ваа д̣̇уб̣б̣уд̣̇д̇хино б̣аалаа зваруубам̣ гаронд̇иязваа’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa atthadhammānusāsako sabbatthakaamacco ahosi. Atha rañño paccante kupite paccantayodhā paṇṇaṃ pesesuṃ. Rājā vassakāle nikkhamitvā uyyāne khandhāvāraṃ bandhi, bodhisatto rañño santike aṭṭhāsi. Tasmiṃ khaṇe assānaṃ kaḷāye sedetvā āharitvā doṇiyaṃ pakkhipiṃsu. Uyyāne makkaṭesu eko makkaṭo rukkhā otaritvā tato kaḷāye gahetvā mukhaṃ pūretvā hatthehipi gahetvā uppatitvā rukkhe nisīditvā khādituṃ ārabhi, athassa khādamānassa hatthako eko kaḷāyo bhūmiyaṃ pati. So mukhena ca hatthehi ca gahite sabbe kaḷāye chaḍḍetvā rukkhā oruyha tameva kaḷāyaṃ olokento taṃ kaḷāyaṃ adisvāva puna rukkhaṃ abhiruhitvā aḍḍe sahassaparājito viya socamāno dummukho rukkhasākhāyaṃ nisīdi. Rājā makkaṭassa kiriyaṃ disvā bodhisattaṃ āmantetvā ‘‘passatha, kiṃ nāmetaṃ makkaṭena kata’’nti pucchi. Bodhisatto ‘‘mahārāja, bahuṃ anavaloketvā appaṃ oloketvā dubbuddhino bālā evarūpaṃ karontiyevā’’ti vatvā paṭhamaṃ gāthamāha –
51.
51.
‘‘б̣аало вад̇ааяам̣ д̣̇умасаакаг̇ожаро, бан̃н̃аа ж̇анинд̣̇а наяимасса виж̇ж̇ад̇и;
‘‘Bālo vatāyaṃ dumasākhagocaro, paññā janinda nayimassa vijjati;
гал̣ааяамудтим̣ авагирияа гзвалам̣, згам̣ гал̣ааяам̣ бад̇ид̇ам̣ г̇авзсад̇ий’’д̇и.
Kaḷāyamuṭṭhiṃ avakiriya kevalaṃ, ekaṃ kaḷāyaṃ patitaṃ gavesatī’’ti.
д̇ад̇т̇а д̣̇умасаакаг̇ожарод̇и маггадо. со хи д̣̇умасаакаасу г̇ожарам̣ г̇ан̣хаад̇и, саава асса г̇ожаро сан̃жаран̣абхуумибхууд̇аа, д̇асмаа ‘‘д̣̇умасаакаг̇ожаро’’д̇и вужжад̇и. ж̇анинд̣̇аад̇и рааж̇аанам̣ аалабад̇и. рааж̇аа хи барамиссарабхаавзна ж̇анасса инд̣̇од̇и ж̇анинд̣̇о. гал̣ааяамудтинд̇и жан̣агамудтим̣. ‘‘гаал̣арааж̇амаасамудти’’нд̇иби вад̣̇анд̇иязва. авагирияаад̇и авагирид̇ваа. гзваланд̇и саб̣б̣ам̣. г̇авзсад̇ийд̇и бхуумияам̣ бад̇ид̇ам̣ згамзва бариязсад̇и.
Tattha dumasākhagocaroti makkaṭo. So hi dumasākhāsu gocaraṃ gaṇhāti, sāva assa gocaro sañcaraṇabhūmibhūtā, tasmā ‘‘dumasākhagocaro’’ti vuccati. Janindāti rājānaṃ ālapati. Rājā hi paramissarabhāvena janassa indoti janindo. Kaḷāyamuṭṭhinti caṇakamuṭṭhiṃ. ‘‘Kāḷarājamāsamuṭṭhi’’ntipi vadantiyeva. Avakiriyāti avakiritvā. Kevalanti sabbaṃ. Gavesatīti bhūmiyaṃ patitaṃ ekameva pariyesati.
звам̣ вад̇ваа буна б̣од̇хисад̇д̇о д̇ам̣ убасан̇гамид̇ваа рааж̇аанам̣ ааманд̇зд̇ваа д̣̇уд̇ияам̣ г̇аат̇амааха –
Evaṃ vatvā puna bodhisatto taṃ upasaṅkamitvā rājānaṃ āmantetvā dutiyaṃ gāthamāha –
52.
52.
‘‘звамзва маяам̣ рааж̇а, яз жан̃н̃з ад̇илобхино;
‘‘Evameva mayaṃ rāja, ye caññe atilobhino;
аббзна б̣ахум̣ ж̇ияяаама, гал̣ааязнзва ваанаро’’д̇и.
Appena bahuṃ jiyyāma, kaḷāyeneva vānaro’’ti.
д̇ад̇рааяам̣ сан̇кзбад̇т̇о – махаарааж̇а, звамзва маяан̃жа яз жан̃н̃з лобхаабхибхууд̇аа ж̇анаа саб̣б̣зби аббзна б̣ахум̣ ж̇ияяаама. маяан̃хи зд̇арахи агаалз вассаанасамаяз маг̇г̇ам̣ г̇ажчанд̇аа аббагасса ад̇т̇асса гааран̣аа б̣ахугаа ад̇т̇аа барихааяаама. гал̣ааязнзва ваанарод̇и яат̇аа аяам̣ ваанаро згам̣ гал̣ааяам̣ бариязсамаано д̇знзгзна гал̣ааязна саб̣б̣агал̣ааязхи барихийно, звам̣ маяамби агаалзна ганд̣̇арабад̣̇араад̣̇ийсу буурзсу г̇ажчамаанаа аббамад̇д̇агам̣ ад̇т̇ам̣ бариязсамаанаа б̣ахуухи хад̇т̇ивааханаассавааханаад̣̇ийхи жзва б̣алагааязна жа барихааяиссаама. д̇асмаа агаалз г̇анд̇ум̣ на ваддад̇ийд̇и ран̃н̃о оваад̣̇ам̣ ад̣̇ааси.
Tatrāyaṃ saṅkhepattho – mahārāja, evameva mayañca ye caññe lobhābhibhūtā janā sabbepi appena bahuṃ jiyyāma. Mayañhi etarahi akāle vassānasamaye maggaṃ gacchantā appakassa atthassa kāraṇā bahukā atthā parihāyāma. Kaḷāyeneva vānaroti yathā ayaṃ vānaro ekaṃ kaḷāyaṃ pariyesamāno tenekena kaḷāyena sabbakaḷāyehi parihīno, evaṃ mayampi akālena kandarapadarādīsu pūresu gacchamānā appamattakaṃ atthaṃ pariyesamānā bahūhi hatthivāhanaassavāhanādīhi ceva balakāyena ca parihāyissāma. Tasmā akāle gantuṃ na vaṭṭatīti rañño ovādaṃ adāsi.
рааж̇аа д̇асса гат̇ам̣ суд̇ваа д̇ад̇о нивад̇д̇ид̇ваа б̣аараан̣асимзва баависи. жорааби ‘‘рааж̇аа гира жорамад̣̇д̣̇анам̣ гариссаамийд̇и наг̇араа нигканд̇о’’д̇и суд̇ваа бажжанд̇ад̇о балааяим̣су. бажжуббаннзби жораа ‘‘госаларааж̇аа гира нигканд̇о’’д̇и суд̇ваа балааяим̣су. рааж̇аа сад̇т̇у д̇хаммад̣̇зсанам̣ суд̇ваа удтааяаасанаа ванд̣̇ид̇ваа бад̣̇агкин̣ам̣ гад̇ваа саавад̇т̇имзва баависи.
Rājā tassa kathaṃ sutvā tato nivattitvā bārāṇasimeva pāvisi. Corāpi ‘‘rājā kira coramaddanaṃ karissāmīti nagarā nikkhanto’’ti sutvā paccantato palāyiṃsu. Paccuppannepi corā ‘‘kosalarājā kira nikkhanto’’ti sutvā palāyiṃsu. Rājā satthu dhammadesanaṃ sutvā uṭṭhāyāsanā vanditvā padakkhiṇaṃ katvā sāvatthimeva pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, paṇḍitāmacco pana ahameva ahosi’’nti.
гал̣ааяамудтиж̇аад̇агаван̣н̣анаа чадтаа.
Kaḷāyamuṭṭhijātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 176. гал̣ааяамудтиж̇аад̇агам̣ • 176. Kaḷāyamuṭṭhijātakaṃ
