| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౨. కాళాయసఙ్గపఞ్హో
2. Kāḷāyasaṅgapañho
౨. ‘‘భన్తే నాగసేన, ‘కాళాయసస్స 1 ద్వే అఙ్గాని గహేతబ్బానీ’తి యం వదేసి, కతమాని తాని ద్వే అఙ్గాని గహేతబ్బానీ’’తి ? ‘‘యథా, మహారాజ, కాళాయసో సుపీతో 2 వమతి 3, ఏవమేవ ఖో, మహారాజ, యోగినో యోగావచరస్స మానసం యోనిసో మనసికారేన 4 అపీతం వమతి. ఇదం, మహారాజ, కాళాయసస్స పఠమం అఙ్గం గహేతబ్బం.
2. ‘‘Bhante nāgasena, ‘kāḷāyasassa 5 dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti ? ‘‘Yathā, mahārāja, kāḷāyaso supīto 6 vamati 7, evameva kho, mahārāja, yogino yogāvacarassa mānasaṃ yoniso manasikārena 8 apītaṃ vamati. Idaṃ, mahārāja, kāḷāyasassa paṭhamaṃ aṅgaṃ gahetabbaṃ.
‘‘పున చపరం, మహారాజ, కాళాయసో సకిం పీతం ఉదకం న వమతి, ఏవమేవ ఖో, మహారాజ , యోగినా యోగావచరేన యో సకిం ఉప్పన్నో పసాదో, న పున సో వమితబ్బో ‘ఉళారో సో భగవా సమ్మాసమ్బుద్ధో, స్వాక్ఖాతో ధమ్మో, సుప్పటిపన్నో సఙ్ఘో’తి. ‘రూపం అనిచ్చం, వేదనా అనిచ్చా, సఞ్ఞా అనిచ్చా, సఙ్ఖారా అనిచ్చా, విఞ్ఞాణం అనిచ్చన్తి యం సకిం ఉప్పన్నం ఞాణం, న పున తం వమితబ్బం. ఇదం , మహారాజ, కాళాయసస్స దుతియం అఙ్గం గహేతబ్బం. భాసితమ్పేతం, మహారాజ, భగవతా దేవాతిదేవేన –
‘‘Puna caparaṃ, mahārāja, kāḷāyaso sakiṃ pītaṃ udakaṃ na vamati, evameva kho, mahārāja , yoginā yogāvacarena yo sakiṃ uppanno pasādo, na puna so vamitabbo ‘uḷāro so bhagavā sammāsambuddho, svākkhāto dhammo, suppaṭipanno saṅgho’ti. ‘Rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccanti yaṃ sakiṃ uppannaṃ ñāṇaṃ, na puna taṃ vamitabbaṃ. Idaṃ , mahārāja, kāḷāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘దస్సనమ్హి పరిసోధితో 9 నరో, అరియధమ్మే నియతో విసేసగూ;
‘‘‘Dassanamhi parisodhito 10 naro, ariyadhamme niyato visesagū;
నప్పవేధతి అనేకభాగసో, సబ్బసో చ ముఖభావమేవ సో’’’తి.
Nappavedhati anekabhāgaso, sabbaso ca mukhabhāvameva so’’’ti.
కాళాయసఙ్గపఞ్హో దుతియో.
Kāḷāyasaṅgapañho dutiyo.
Footnotes:
