| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၂. ကာဠာယသင္ဂပဉ္ဟော
2. Kāḷāyasaṅgapañho
၂. ‘‘ဘန္တေ နာဂသေန, ‘ကာဠာယသသ္သ 1 ဒ္ဝေ အင္ဂာနိ ဂဟေတဗ္ဗာနီ’တိ ယံ ဝဒေသိ, ကတမာနိ တာနိ ဒ္ဝေ အင္ဂာနိ ဂဟေတဗ္ဗာနီ’’တိ ? ‘‘ယထာ, မဟာရာဇ, ကာဠာယသော သုပီတော 2 ဝမတိ 3, ဧဝမေဝ ခော, မဟာရာဇ, ယောဂိနော ယောဂာဝစရသ္သ မာနသံ ယောနိသော မနသိကာရေန 4 အပီတံ ဝမတိ။ ဣဒံ, မဟာရာဇ, ကာဠာယသသ္သ ပဌမံ အင္ဂံ ဂဟေတဗ္ဗံ။
2. ‘‘Bhante nāgasena, ‘kāḷāyasassa 5 dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti ? ‘‘Yathā, mahārāja, kāḷāyaso supīto 6 vamati 7, evameva kho, mahārāja, yogino yogāvacarassa mānasaṃ yoniso manasikārena 8 apītaṃ vamati. Idaṃ, mahārāja, kāḷāyasassa paṭhamaṃ aṅgaṃ gahetabbaṃ.
‘‘ပုန စပရံ, မဟာရာဇ, ကာဠာယသော သကိံ ပီတံ ဥဒကံ န ဝမတိ, ဧဝမေဝ ခော, မဟာရာဇ , ယောဂိနာ ယောဂာဝစရေန ယော သကိံ ဥပ္ပန္နော ပသာဒော, န ပုန သော ဝမိတဗ္ဗော ‘ဥဠာရော သော ဘဂဝာ သမ္မာသမ္ဗုဒ္ဓော, သ္ဝာက္ခာတော ဓမ္မော, သုပ္ပဋိပန္နော သင္ဃော’တိ။ ‘ရူပံ အနိစ္စံ, ဝေဒနာ အနိစ္စာ, သညာ အနိစ္စာ, သင္ခာရာ အနိစ္စာ, ဝိညာဏံ အနိစ္စန္တိ ယံ သကိံ ဥပ္ပန္နံ ဉာဏံ, န ပုန တံ ဝမိတဗ္ဗံ။ ဣဒံ , မဟာရာဇ, ကာဠာယသသ္သ ဒုတိယံ အင္ဂံ ဂဟေတဗ္ဗံ။ ဘာသိတမ္ပေတံ, မဟာရာဇ, ဘဂဝတာ ဒေဝာတိဒေဝေန –
‘‘Puna caparaṃ, mahārāja, kāḷāyaso sakiṃ pītaṃ udakaṃ na vamati, evameva kho, mahārāja , yoginā yogāvacarena yo sakiṃ uppanno pasādo, na puna so vamitabbo ‘uḷāro so bhagavā sammāsambuddho, svākkhāto dhammo, suppaṭipanno saṅgho’ti. ‘Rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccanti yaṃ sakiṃ uppannaṃ ñāṇaṃ, na puna taṃ vamitabbaṃ. Idaṃ , mahārāja, kāḷāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ဒသ္သနမ္ဟိ ပရိသောဓိတော 9 နရော၊ အရိယဓမ္မေ နိယတော ဝိသေသဂူ။
‘‘‘Dassanamhi parisodhito 10 naro, ariyadhamme niyato visesagū;
နပ္ပဝေဓတိ အနေကဘာဂသော၊ သဗ္ဗသော စ မုခဘာဝမေဝ သော’’’တိ။
Nappavedhati anekabhāgaso, sabbaso ca mukhabhāvameva so’’’ti.
ကာဠာယသင္ဂပဉ္ဟော ဒုတိယော။
Kāḷāyasaṅgapañho dutiyo.
Footnotes:
