| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਕਾਲ਼ਾਯਸਙ੍ਗਪਞ੍ਹੋ
2. Kāḷāyasaṅgapañho
੨. ‘‘ਭਨ੍ਤੇ ਨਾਗਸੇਨ, ‘ਕਾਲ਼ਾਯਸਸ੍ਸ 1 ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ ? ‘‘ਯਥਾ, ਮਹਾਰਾਜ, ਕਾਲ਼ਾਯਸੋ ਸੁਪੀਤੋ 2 વਮਤਿ 3, ਏવਮੇવ ਖੋ, ਮਹਾਰਾਜ, ਯੋਗਿਨੋ ਯੋਗਾવਚਰਸ੍ਸ ਮਾਨਸਂ ਯੋਨਿਸੋ ਮਨਸਿਕਾਰੇਨ 4 ਅਪੀਤਂ વਮਤਿ। ਇਦਂ, ਮਹਾਰਾਜ, ਕਾਲ਼ਾਯਸਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
2. ‘‘Bhante nāgasena, ‘kāḷāyasassa 5 dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti ? ‘‘Yathā, mahārāja, kāḷāyaso supīto 6 vamati 7, evameva kho, mahārāja, yogino yogāvacarassa mānasaṃ yoniso manasikārena 8 apītaṃ vamati. Idaṃ, mahārāja, kāḷāyasassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਕਾਲ਼ਾਯਸੋ ਸਕਿਂ ਪੀਤਂ ਉਦਕਂ ਨ વਮਤਿ, ਏવਮੇવ ਖੋ, ਮਹਾਰਾਜ , ਯੋਗਿਨਾ ਯੋਗਾવਚਰੇਨ ਯੋ ਸਕਿਂ ਉਪ੍ਪਨ੍ਨੋ ਪਸਾਦੋ, ਨ ਪੁਨ ਸੋ વਮਿਤਬ੍ਬੋ ‘ਉਲ਼ਾਰੋ ਸੋ ਭਗવਾ ਸਮ੍ਮਾਸਮ੍ਬੁਦ੍ਧੋ, ਸ੍વਾਕ੍ਖਾਤੋ ਧਮ੍ਮੋ, ਸੁਪ੍ਪਟਿਪਨ੍ਨੋ ਸਙ੍ਘੋ’ਤਿ। ‘ਰੂਪਂ ਅਨਿਚ੍ਚਂ, વੇਦਨਾ ਅਨਿਚ੍ਚਾ, ਸਞ੍ਞਾ ਅਨਿਚ੍ਚਾ, ਸਙ੍ਖਾਰਾ ਅਨਿਚ੍ਚਾ, વਿਞ੍ਞਾਣਂ ਅਨਿਚ੍ਚਨ੍ਤਿ ਯਂ ਸਕਿਂ ਉਪ੍ਪਨ੍ਨਂ ਞਾਣਂ, ਨ ਪੁਨ ਤਂ વਮਿਤਬ੍ਬਂ। ਇਦਂ , ਮਹਾਰਾਜ, ਕਾਲ਼ਾਯਸਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ –
‘‘Puna caparaṃ, mahārāja, kāḷāyaso sakiṃ pītaṃ udakaṃ na vamati, evameva kho, mahārāja , yoginā yogāvacarena yo sakiṃ uppanno pasādo, na puna so vamitabbo ‘uḷāro so bhagavā sammāsambuddho, svākkhāto dhammo, suppaṭipanno saṅgho’ti. ‘Rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccanti yaṃ sakiṃ uppannaṃ ñāṇaṃ, na puna taṃ vamitabbaṃ. Idaṃ , mahārāja, kāḷāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ਦਸ੍ਸਨਮ੍ਹਿ ਪਰਿਸੋਧਿਤੋ 9 ਨਰੋ, ਅਰਿਯਧਮ੍ਮੇ ਨਿਯਤੋ વਿਸੇਸਗੂ।
‘‘‘Dassanamhi parisodhito 10 naro, ariyadhamme niyato visesagū;
ਨਪ੍ਪવੇਧਤਿ ਅਨੇਕਭਾਗਸੋ, ਸਬ੍ਬਸੋ ਚ ਮੁਖਭਾવਮੇવ ਸੋ’’’ਤਿ॥
Nappavedhati anekabhāgaso, sabbaso ca mukhabhāvameva so’’’ti.
ਕਾਲ਼ਾਯਸਙ੍ਗਪਞ੍ਹੋ ਦੁਤਿਯੋ।
Kāḷāyasaṅgapañho dutiyo.
Footnotes:
