| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. гаал̣иг̇од̇хаабуд̇д̇абхад̣̇д̣̇ияад̇т̇зраг̇аат̇ааван̣н̣анаа
7. Kāḷigodhāputtabhaddiyattheragāthāvaṇṇanā
яаад̇ам̣ мз хад̇т̇иг̇ийвааяаад̇иаад̣̇игаа ааяасмад̇о бхад̣̇д̣̇ияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро бад̣̇умуд̇д̇арасса бхаг̇авад̇о гаалз махаабхог̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аараа згам̣ бхигкум̣ ужжаагулигаанам̣ аг̇г̇адтаанз табияамаанам̣ д̣̇исваа саяамби д̇ам̣ таананд̇арам̣ бад̇т̇зд̇ваа сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа бан̣ид̇хаанам̣ агааси. сад̇т̇аабисса ананд̇арааязна самиж̇жханабхаавам̣ д̣̇исваа б̣яаагааси. соби д̇ам̣ б̣яаагаран̣ам̣ суд̇ваа ужжаагулигасам̣вад̇д̇анигам̣ гаммам̣ бужчид̇ваа д̇хаммассаванасса гаараабанам̣, д̇хаммаман̣д̣абз аасанад̣̇аанам̣, б̣ийж̇анийд̣̇аанам̣, д̇хаммагат̇игаанам̣ бууж̇аасаггаарагаран̣ам̣, убосат̇ааг̇аарз бадиссаяад̣̇аананд̇и звамаад̣̇им̣ яааваж̇ийвам̣ б̣ахубун̃н̃ам̣ гад̇ваа д̇ад̇о жуд̇о д̣̇звамануссзсу сам̣саранд̇о гассабасса бхаг̇авад̇о абарабхааг̇з амхаагам̣ бхаг̇авад̇о уббад̇д̇ияаа бурзд̇арам̣ б̣аараан̣асияам̣ гудумб̣ияагхарз ниб̣б̣ад̇д̇о самб̣ахулз бажжзгаб̣уд̣̇д̇хз бин̣д̣ааяа жарид̇ваа згасмим̣язва таанз самааг̇анд̇ваа бхад̇д̇ависсаг̇г̇ам̣ гаронд̇з д̣̇исваа д̇ад̇т̇а баасаан̣апалагаани ад̇т̇арид̇ваа баад̣̇од̣̇агаад̣̇им̣ убадтабзнд̇о яааваж̇ийвам̣ убадтахи.
Yātaṃme hatthigīvāyātiādikā āyasmato bhaddiyattherassa gāthā. Kā uppatti? Ayampi purimabuddhesu katādhikāro padumuttarassa bhagavato kāle mahābhogakule nibbattitvā viññutaṃ patto ekadivasaṃ satthu santike dhammaṃ suṇanto satthārā ekaṃ bhikkhuṃ uccākulikānaṃ aggaṭṭhāne ṭhapiyamānaṃ disvā sayampi taṃ ṭhānantaraṃ patthetvā sattāhaṃ buddhappamukhassa bhikkhusaṅghassa mahādānaṃ datvā paṇidhānaṃ akāsi. Satthāpissa anantarāyena samijjhanabhāvaṃ disvā byākāsi. Sopi taṃ byākaraṇaṃ sutvā uccākulikasaṃvattanikaṃ kammaṃ pucchitvā dhammassavanassa kārāpanaṃ, dhammamaṇḍape āsanadānaṃ, bījanīdānaṃ, dhammakathikānaṃ pūjāsakkārakaraṇaṃ, uposathāgāre paṭissayadānanti evamādiṃ yāvajīvaṃ bahupuññaṃ katvā tato cuto devamanussesu saṃsaranto kassapassa bhagavato aparabhāge amhākaṃ bhagavato uppattiyā puretaraṃ bārāṇasiyaṃ kuṭumbiyaghare nibbatto sambahule paccekabuddhe piṇḍāya caritvā ekasmiṃyeva ṭhāne samāgantvā bhattavissaggaṃ karonte disvā tattha pāsāṇaphalakāni attharitvā pādodakādiṃ upaṭṭhapento yāvajīvaṃ upaṭṭhahi.
со згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з габилавад̇т̇унаг̇арз саагияарааж̇агулз ниб̣б̣ад̇д̇и, бхад̣̇д̣̇ияод̇исса наамам̣ ахоси. со ваяаббад̇д̇о ануруд̣̇д̇хаад̣̇ийхи бан̃жахи кад̇д̇иязхи сад̣̇д̇хим̣ сад̇т̇ари анубияамб̣аванз вихаранд̇з сад̇т̇у санд̇игз баб̣б̣аж̇ид̇ваа арахад̇д̇ам̣ баабун̣и. д̇ам̣ сад̇т̇аа абарабхааг̇з ж̇зд̇аванз арияаг̇ан̣амаж̇жхз нисинно ужжаагулигаанам̣ бхигкуунам̣ аг̇г̇адтаанз табзси. со паласукзна ниб̣б̣аанасукзна жа вийд̇инаамзнд̇о аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби ‘‘ахо сукам̣, ахо сука’’нд̇и абхигкан̣ам̣ уд̣̇аанам̣ уд̣̇аанзси. д̇ам̣ суд̇ваа бхигкуу сад̇т̇у аарожзсум̣ – ‘‘ааяасмаа бхад̣̇д̣̇ияо гаал̣иг̇од̇хааяа буд̇д̇о абхигкан̣ам̣ ‘ахо сукам̣, ахо сука’нд̇и вад̣̇ад̇и, анабхирад̇о ман̃н̃з б̣рахмажарияам̣ жарад̇ий’’д̇и. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣, бхад̣̇д̣̇ияа, абхигкан̣ам̣ ‘ахо сукам̣, ахо сука’нд̇и вад̣̇асий’’д̇и бужчи. со ‘‘сажжам̣ бхаг̇аваа’’д̇и бадиж̇аанид̇ваа ‘‘буб̣б̣з мз, бханд̇з, раж̇ж̇ам̣ гаарзнд̇асса сусам̣вихид̇аарагко ахосим̣, д̇ат̇ааби бхийд̇о уб̣б̣иг̇г̇о уссан̇гид̇о вихаасим̣. ид̣̇аани бана баб̣б̣аж̇ид̇о абхийд̇о ануб̣б̣иг̇г̇о ануссан̇гид̇о вихараамий’’д̇и вад̇ваа –
So ekaṃ buddhantaraṃ devamanussesu saṃsaritvā imasmiṃ buddhuppāde kapilavatthunagare sākiyarājakule nibbatti, bhaddiyotissa nāmaṃ ahosi. So vayappatto anuruddhādīhi pañcahi khattiyehi saddhiṃ satthari anupiyambavane viharante satthu santike pabbajitvā arahattaṃ pāpuṇi. Taṃ satthā aparabhāge jetavane ariyagaṇamajjhe nisinno uccākulikānaṃ bhikkhūnaṃ aggaṭṭhāne ṭhapesi. So phalasukhena nibbānasukhena ca vītināmento araññagatopi rukkhamūlagatopi suññāgāragatopi ‘‘aho sukhaṃ, aho sukha’’nti abhikkhaṇaṃ udānaṃ udānesi. Taṃ sutvā bhikkhū satthu ārocesuṃ – ‘‘āyasmā bhaddiyo kāḷigodhāya putto abhikkhaṇaṃ ‘aho sukhaṃ, aho sukha’nti vadati, anabhirato maññe brahmacariyaṃ caratī’’ti. Satthā taṃ pakkosāpetvā ‘‘saccaṃ kira tvaṃ, bhaddiya, abhikkhaṇaṃ ‘aho sukhaṃ, aho sukha’nti vadasī’’ti pucchi. So ‘‘saccaṃ bhagavā’’ti paṭijānitvā ‘‘pubbe me, bhante, rajjaṃ kārentassa susaṃvihitārakkho ahosiṃ, tathāpi bhīto ubbiggo ussaṅkito vihāsiṃ. Idāni pana pabbajito abhīto anubbiggo anussaṅkito viharāmī’’ti vatvā –
842.
842.
‘‘яаад̇ам̣ мз хад̇т̇иг̇ийвааяа, сукумаа вад̇т̇аа бад̇хаарид̇аа;
‘‘Yātaṃ me hatthigīvāya, sukhumā vatthā padhāritā;
саалийнам̣ од̣̇ано бхуд̇д̇о, сужимам̣суубасзжано.
Sālīnaṃ odano bhutto, sucimaṃsūpasecano.
843.
843.
‘‘сож̇ж̇а бхад̣̇д̣̇о саад̇ад̇иго, ун̃чаабад̇д̇ааг̇ад̇з рад̇о;
‘‘Sojja bhaddo sātatiko, uñchāpattāgate rato;
жхааяад̇и анубаад̣̇аано, буд̇д̇о г̇од̇хааяа бхад̣̇д̣̇ияо.
Jhāyati anupādāno, putto godhāya bhaddiyo.
844.
844.
‘‘бам̣сугуулий саад̇ад̇иго, ун̃чаабад̇д̇ааг̇ад̇з рад̇о;
‘‘Paṃsukūlī sātatiko, uñchāpattāgate rato;
жхааяад̇и анубаад̣̇аано, буд̇д̇о г̇од̇хааяа бхад̣̇д̣̇ияо.
Jhāyati anupādāno, putto godhāya bhaddiyo.
845.
845.
‘‘бин̣д̣абаад̇ий саад̇ад̇иго…бз….
‘‘Piṇḍapātī sātatiko…pe….
846.
846.
‘‘д̇зжийварий саад̇ад̇иго…бз….
‘‘Tecīvarī sātatiko…pe….
847.
847.
‘‘сабад̣̇аанажаарий саад̇ад̇иго…бз….
‘‘Sapadānacārī sātatiko…pe….
848.
848.
‘‘згаасаний саад̇ад̇иго…бз….
‘‘Ekāsanī sātatiko…pe….
849.
849.
‘‘бад̇д̇абин̣д̣ий саад̇ад̇иго…бз….
‘‘Pattapiṇḍī sātatiko…pe….
850.
850.
‘‘калубажчаабхад̇д̇ий саад̇ад̇иго…бз….
‘‘Khalupacchābhattī sātatiko…pe….
851.
851.
‘‘ааран̃н̃иго саад̇ад̇иго…бз….
‘‘Āraññiko sātatiko…pe….
852.
852.
‘‘ругкамуулиго саад̇ад̇иго…бз….
‘‘Rukkhamūliko sātatiko…pe….
853.
853.
‘‘аб̣бхогаасий саад̇ад̇иго…бз….
‘‘Abbhokāsī sātatiko…pe….
854.
854.
‘‘сосааниго саад̇ад̇иго…бз….
‘‘Sosāniko sātatiko…pe….
855.
855.
‘‘яат̇аасант̇ад̇иго саад̇ад̇иго…бз….
‘‘Yathāsanthatiko sātatiko…pe….
856.
856.
‘‘нзсаж̇ж̇иго саад̇ад̇иго…бз….
‘‘Nesajjiko sātatiko…pe….
857.
857.
‘‘аббижчо саад̇ад̇иго…бз….
‘‘Appiccho sātatiko…pe….
858.
858.
‘‘санд̇удто саад̇ад̇иго…бз….
‘‘Santuṭṭho sātatiko…pe….
859.
859.
‘‘бавивид̇д̇о саад̇ад̇иго…бз….
‘‘Pavivitto sātatiko…pe….
860.
860.
‘‘асам̣садто саад̇ад̇иго…бз….
‘‘Asaṃsaṭṭho sātatiko…pe….
861.
861.
‘‘аарад̣̇д̇хавийрияо саад̇ад̇иго…бз….
‘‘Āraddhavīriyo sātatiko…pe….
862.
862.
‘‘хид̇ваа сад̇абалам̣ гам̣сам̣, сован̣н̣ам̣ сад̇арааж̇игам̣;
‘‘Hitvā satapalaṃ kaṃsaṃ, sovaṇṇaṃ satarājikaṃ;
аг̇г̇ахим̣ мад̇д̇игаабад̇д̇ам̣, ид̣̇ам̣ д̣̇уд̇ияаабхисзжанам̣.
Aggahiṃ mattikāpattaṃ, idaṃ dutiyābhisecanaṃ.
863.
863.
‘‘ужжз ман̣д̣алибаагаарз, д̣̇ал̣хамаддаалагодтагз;
‘‘Ucce maṇḍalipākāre, daḷhamaṭṭālakoṭṭhake;
рагкид̇о каг̇г̇ахад̇т̇зхи, уд̇д̇амам̣ вихарим̣ бурз.
Rakkhito khaggahatthehi, uttamaṃ vihariṃ pure.
864.
864.
‘‘сож̇ж̇а бхад̣̇д̣̇о ануд̇раасий, бахийнабхаяабхзраво;
‘‘Sojja bhaddo anutrāsī, pahīnabhayabheravo;
жхааяад̇и ванамог̇аяха, буд̇д̇о г̇од̇хааяа бхад̣̇д̣̇ияо.
Jhāyati vanamogayha, putto godhāya bhaddiyo.
865.
865.
‘‘сийлагканд̇хз бад̇идтааяа, сад̇им̣ бан̃н̃ан̃жа бхааваяам̣;
‘‘Sīlakkhandhe patiṭṭhāya, satiṃ paññañca bhāvayaṃ;
баабун̣им̣ анубуб̣б̣зна, саб̣б̣асам̣яож̇анагкаяа’’нд̇и. –
Pāpuṇiṃ anupubbena, sabbasaṃyojanakkhaya’’nti. –
имаахи г̇аат̇аахи сад̇т̇у бурад̇о сийханаад̣̇ам̣ над̣̇и.
Imāhi gāthāhi satthu purato sīhanādaṃ nadi.
д̇ад̇т̇а яаад̇ам̣ мз хад̇т̇иг̇ийвааяаад̇и, бханд̇з, буб̣б̣з маяаа г̇ажчанд̇знааби хад̇т̇иг̇ийвааяа хад̇т̇игканд̇хз нисийд̣̇ид̇ваа яаад̇ам̣ жарид̇ам̣. вад̇т̇аани барихаранд̇знааби сукумаа сукасампассаа гаасигавад̇т̇ависзсаа д̇хаарид̇аа. од̣̇анам̣ бхун̃ж̇анд̇знааби д̇ивассигаанам̣ бураан̣аг̇анд̇хасаалийнам̣ од̣̇ано д̇ид̇д̇ирагабин̃ж̇араад̣̇инаа сужинаа мам̣сзна убасид̇д̇ад̇ааяа сужимам̣суубасзжано бхуд̇д̇о, д̇ат̇ааби д̇ам̣ сукам̣ на маяхам̣ жид̇д̇абарид̇осагарам̣ ахоси, яат̇аа зд̇арахи вивзгасуканд̇и д̣̇ассзнд̇о ааха ‘‘сож̇ж̇а бхад̣̇д̣̇о’’д̇иаад̣̇и. зд̇т̇а жа хад̇т̇иг̇г̇ахан̣знзва ассарат̇аяаанаани, вад̇т̇аг̇г̇ахан̣зна саб̣б̣арааж̇аалан̇гаараа, од̣̇анаг̇г̇ахан̣зна саб̣б̣абхож̇анавигад̇и г̇ахид̇аад̇и взд̣̇ид̇аб̣б̣ам̣. сож̇ж̇аад̇и со аж̇ж̇а зд̇арахи баб̣б̣аж̇ж̇ааяам̣ тид̇о. бхад̣̇д̣̇од̇и сийлаад̣̇иг̇ун̣зхи саманнааг̇ад̇ад̇д̇аа бхад̣̇д̣̇о. саад̇ад̇игод̇и саман̣ад̇хаммз д̣̇идтад̇хаммасукавихаарз саад̇ажжаяуд̇д̇о. ун̃чаабад̇д̇ааг̇ад̇з рад̇од̇и ун̃чаажарияааяа бад̇д̇з ааг̇ад̇з бад̇д̇абарияаабаннз абхирад̇о, д̇знзва санд̇удтод̇и ад̇хиббааяо. жхааяад̇ийд̇и паласамаабад̇д̇ижхаанзна жхааяад̇и. буд̇д̇о г̇од̇хааяаад̇и гаал̣иг̇од̇хааяа наама кад̇д̇ияааяа буд̇д̇о. бхад̣̇д̣̇ияод̇и звам̣наамо ад̇д̇аанамзва т̇зро ан̃н̃ам̣ вияа гад̇ваа вад̣̇ад̇и.
Tattha yātaṃ me hatthigīvāyāti, bhante, pubbe mayā gacchantenāpi hatthigīvāya hatthikkhandhe nisīditvā yātaṃ caritaṃ. Vatthāni pariharantenāpi sukhumā sukhasamphassā kāsikavatthavisesā dhāritā. Odanaṃ bhuñjantenāpi tivassikānaṃ purāṇagandhasālīnaṃ odano tittirakapiñjarādinā sucinā maṃsena upasittatāya sucimaṃsūpasecano bhutto, tathāpi taṃ sukhaṃ na mayhaṃ cittaparitosakaraṃ ahosi, yathā etarahi vivekasukhanti dassento āha ‘‘sojja bhaddo’’tiādi. Ettha ca hatthiggahaṇeneva assarathayānāni, vatthaggahaṇena sabbarājālaṅkārā, odanaggahaṇena sabbabhojanavikati gahitāti veditabbaṃ. Sojjāti so ajja etarahi pabbajjāyaṃ ṭhito. Bhaddoti sīlādiguṇehi samannāgatattā bhaddo. Sātatikoti samaṇadhamme diṭṭhadhammasukhavihāre sātaccayutto. Uñchāpattāgate ratoti uñchācariyāya patte āgate pattapariyāpanne abhirato, teneva santuṭṭhoti adhippāyo. Jhāyatīti phalasamāpattijhānena jhāyati. Putto godhāyāti kāḷigodhāya nāma khattiyāya putto. Bhaddiyoti evaṃnāmo attānameva thero aññaṃ viya katvā vadati.
г̇ахабад̇ижийварам̣ бадигкибид̇ваа бам̣сугуулиган̇г̇асамаад̣̇аанзна бам̣сугуулиго. сан̇гхабхад̇д̇ам̣ бадигкибид̇ваа бин̣д̣абаад̇иган̇г̇асамаад̣̇аанзна бин̣д̣абаад̇иго. ад̇ирзгажийварам̣ бадигкибид̇ваа д̇зжийвариган̇г̇асамаад̣̇аанзна д̇зжийвариго. лолуббажаарам̣ бадигкибид̇ваа сабад̣̇аанажаариган̇г̇асамаад̣̇аанзна сабад̣̇аанажаарий. наанаасанабхож̇анам̣ бадигкибид̇ваа згаасаниган̇г̇асамаад̣̇аанзна згаасаниго. д̣̇уд̇ияагабхааж̇анам̣ бадигкибид̇ваа бад̇д̇абин̣д̣иган̇г̇асамаад̣̇аанзна бад̇д̇абин̣д̣иго. ад̇ирид̇д̇абхож̇анам̣ бадигкибид̇ваа калубажчаабхад̇д̇иган̇г̇асамаад̣̇аанзна калубажчаабхад̇д̇иго. г̇ааманд̇асзнаасанам̣ бадигкибид̇ваа ааран̃н̃иган̇г̇асамаад̣̇аанзна ааран̃н̃иго. чаннаваасам̣ бадигкибид̇ваа ругкамуулиган̇г̇асамаад̣̇аанзна ругкамуулиго. чаннаругкамуулаани бадигкибид̇ваа аб̣бхогаасиган̇г̇асамаад̣̇аанзна аб̣бхогаасиго. насусаанам̣ бадигкибид̇ваа сосааниган̇г̇асамаад̣̇аанзна сосааниго. сзнаасаналолуббам̣ бадигкибид̇ваа яат̇аасант̇ад̇иган̇г̇асамаад̣̇аанзна яат̇аасант̇ад̇иго. саяанам̣ бадигкибид̇ваа нзсаж̇ж̇иган̇г̇асамаад̣̇аанзна нзсаж̇ж̇иго . аяамзд̇т̇а сан̇кзбо. вид̇т̇аарад̇о бана д̇худ̇ан̇г̇агат̇аа висуд̣̇д̇химаг̇г̇з (висуд̣̇д̇хи. 1.22 аад̣̇аяо) вуд̇д̇анаязнзва г̇ахзд̇аб̣б̣аа.
Gahapaticīvaraṃ paṭikkhipitvā paṃsukūlikaṅgasamādānena paṃsukūliko. Saṅghabhattaṃ paṭikkhipitvā piṇḍapātikaṅgasamādānena piṇḍapātiko. Atirekacīvaraṃ paṭikkhipitvā tecīvarikaṅgasamādānena tecīvariko. Loluppacāraṃ paṭikkhipitvā sapadānacārikaṅgasamādānena sapadānacārī. Nānāsanabhojanaṃ paṭikkhipitvā ekāsanikaṅgasamādānena ekāsaniko. Dutiyakabhājanaṃ paṭikkhipitvā pattapiṇḍikaṅgasamādānena pattapiṇḍiko. Atirittabhojanaṃ paṭikkhipitvā khalupacchābhattikaṅgasamādānena khalupacchābhattiko. Gāmantasenāsanaṃ paṭikkhipitvā āraññikaṅgasamādānena āraññiko. Channavāsaṃ paṭikkhipitvā rukkhamūlikaṅgasamādānena rukkhamūliko. Channarukkhamūlāni paṭikkhipitvā abbhokāsikaṅgasamādānena abbhokāsiko. Nasusānaṃ paṭikkhipitvā sosānikaṅgasamādānena sosāniko. Senāsanaloluppaṃ paṭikkhipitvā yathāsanthatikaṅgasamādānena yathāsanthatiko. Sayanaṃ paṭikkhipitvā nesajjikaṅgasamādānena nesajjiko. Ayamettha saṅkhepo. Vitthārato pana dhutaṅgakathā visuddhimagge (visuddhi. 1.22 ādayo) vuttanayeneva gahetabbā.
ужжзд̇и ужжаад̣̇идтаанз, убарибаасаад̣̇ад̇ааяа ваа ужжз. ман̣д̣алибаагаарзд̇и ман̣д̣алаагаарзна баагаарабаригкид̇д̇з. д̣̇ал̣хамаддаалагодтагзд̇и т̇ирзхи аддаалзхи д̣̇ваарагодтагзхи жа саманнааг̇ад̇з, наг̇арзд̇и ад̇т̇о.
Ucceti uccādiṭṭhāne, uparipāsādatāya vā ucce. Maṇḍalipākāreti maṇḍalākārena pākāraparikkhitte. Daḷhamaṭṭālakoṭṭhaketi thirehi aṭṭālehi dvārakoṭṭhakehi ca samannāgate, nagareti attho.
сад̇им̣ бан̃н̃ан̃жаад̇и зд̇т̇а сад̇исийсзна самаад̇хим̣ вад̣̇ад̇и. паласамаабад̇д̇инирод̇хасамаабад̇д̇ияо санд̇хааяа ‘‘сад̇им̣ бан̃н̃ан̃жа бхааваяа’’нд̇и вуд̇д̇о. сзсам̣ д̇ад̇т̇а д̇ад̇т̇а вуд̇д̇анаяад̇д̇аа уд̇д̇аанамзва.
Satiṃ paññañcāti ettha satisīsena samādhiṃ vadati. Phalasamāpattinirodhasamāpattiyo sandhāya ‘‘satiṃ paññañca bhāvaya’’nti vutto. Sesaṃ tattha tattha vuttanayattā uttānameva.
звам̣ т̇зро сад̇т̇у саммукаа сийханаад̣̇ам̣ над̣̇и. д̇ам̣ суд̇ваа бхигкуу абхиббасаннаа ахзсум̣.
Evaṃ thero satthu sammukhā sīhanādaṃ nadi. Taṃ sutvā bhikkhū abhippasannā ahesuṃ.
гаал̣иг̇од̇хаабуд̇д̇абхад̣̇д̣̇ияад̇т̇зраг̇аат̇ааван̣н̣анаа нидтид̇аа.
Kāḷigodhāputtabhaddiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. гаал̣иг̇од̇хаабуд̇д̇абхад̣̇д̣̇ияад̇т̇зраг̇аат̇аа • 7. Kāḷigodhāputtabhaddiyattheragāthā
