| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. காளிகோ³த⁴ஸுத்தங்
9. Kāḷigodhasuttaṃ
1035. ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன காளிகோ³தா⁴ய ஸாகியானியா நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ² காளிகோ³தா⁴ ஸாகியானீ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² காளிகோ³த⁴ங் ஸாகியானிங் ப⁴க³வா ஏதத³வோச –
1035. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho bhagavā pubbaṇhasamayaṃ nivāsetvā pattacīvaramādāya yena kāḷigodhāya sākiyāniyā nivesanaṃ tenupasaṅkami; upasaṅkamitvā paññatte āsane nisīdi. Atha kho kāḷigodhā sākiyānī yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho kāḷigodhaṃ sākiyāniṃ bhagavā etadavoca –
‘‘சதூஹி கோ², கோ³தே⁴, த⁴ம்மேஹி ஸமன்னாக³தா அரியஸாவிகா ஸோதாபன்னா ஹோதி அவினிபாதத⁴ம்மா நியதா ஸம்போ³தி⁴பராயணா. கதமேஹி சதூஹி? இத⁴, கோ³தே⁴, அரியஸாவிகா பு³த்³தே⁴ அவேச்சப்பஸாதே³ன ஸமன்னாக³தா ஹோதி – இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. த⁴ம்மே…பே॰… ஸங்கே⁴…பே॰… விக³தமலமச்சே²ரேன சேதஸா அகா³ரங் அஜ்ஜா²வஸதி முத்தசாகா³ பயதபாணினீ 1 வொஸ்ஸக்³க³ரதா யாசயோகா³ தா³னஸங்விபா⁴க³ரதா. இமேஹி கோ², கோ³தே⁴, சதூஹி த⁴ம்மேஹி ஸமன்னாக³தா அரியஸாவிகா ஸோதாபன்னா ஹோதி அவினிபாதத⁴ம்மா நியதா ஸம்போ³தி⁴பராயணா’’தி.
‘‘Catūhi kho, godhe, dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā. Katamehi catūhi? Idha, godhe, ariyasāvikā buddhe aveccappasādena samannāgatā hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… vigatamalamaccherena cetasā agāraṃ ajjhāvasati muttacāgā payatapāṇinī 2 vossaggaratā yācayogā dānasaṃvibhāgaratā. Imehi kho, godhe, catūhi dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā’’ti.
‘‘யானிமானி, ப⁴ந்தே, ப⁴க³வதா சத்தாரி ஸோதாபத்தியங்கா³னி தே³ஸிதானி, ஸங்விஜ்ஜந்தே தே த⁴ம்மா மயி, அஹஞ்ச தேஸு த⁴ம்மேஸு ஸந்தி³ஸ்ஸாமி. அஹஞ்ஹி, ப⁴ந்தே, பு³த்³தே⁴ அவேச்சப்பஸாதே³ன ஸமன்னாக³தா – இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. த⁴ம்மே…பே॰… ஸங்கே⁴…பே॰… யங் கோ² பன கிஞ்சி குலே தெ³ய்யத⁴ம்மங் ஸப்³ப³ங் தங் அப்படிவிப⁴த்தங் ஸீலவந்தேஹி கல்யாணத⁴ம்மேஹீ’’தி. ‘‘லாபா⁴ தே, கோ³தே⁴, ஸுலத்³த⁴ங் தே, கோ³தே⁴! ஸோதாபத்திப²லங் தயா, கோ³தே⁴, ப்³யாகத’’ந்தி. நவமங்.
‘‘Yānimāni, bhante, bhagavatā cattāri sotāpattiyaṅgāni desitāni, saṃvijjante te dhammā mayi, ahañca tesu dhammesu sandissāmi. Ahañhi, bhante, buddhe aveccappasādena samannāgatā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… yaṃ kho pana kiñci kule deyyadhammaṃ sabbaṃ taṃ appaṭivibhattaṃ sīlavantehi kalyāṇadhammehī’’ti. ‘‘Lābhā te, godhe, suladdhaṃ te, godhe! Sotāpattiphalaṃ tayā, godhe, byākata’’nti. Navamaṃ.
Footnotes:
