| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. гаал̣иг̇од̇хасуд̇д̇ам̣
9. Kāḷigodhasuttaṃ
1035. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гаал̣иг̇од̇хааяа саагияаанияаа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко гаал̣иг̇од̇хаа саагияааний язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко гаал̣иг̇од̇хам̣ саагияааним̣ бхаг̇аваа зд̇ад̣̇авожа –
1035. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho bhagavā pubbaṇhasamayaṃ nivāsetvā pattacīvaramādāya yena kāḷigodhāya sākiyāniyā nivesanaṃ tenupasaṅkami; upasaṅkamitvā paññatte āsane nisīdi. Atha kho kāḷigodhā sākiyānī yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho kāḷigodhaṃ sākiyāniṃ bhagavā etadavoca –
‘‘жад̇уухи ко, г̇од̇хз, д̇хаммзхи саманнааг̇ад̇аа арияасаавигаа сод̇аабаннаа ход̇и авинибаад̇ад̇хаммаа нияад̇аа самб̣од̇хибарааяан̣аа. гад̇амзхи жад̇уухи? ид̇ха, г̇од̇хз, арияасаавигаа б̣уд̣̇д̇хз авзжжаббасаад̣̇зна саманнааг̇ад̇аа ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… виг̇ад̇амаламажчзрзна жзд̇асаа аг̇аарам̣ аж̇жхаавасад̇и муд̇д̇ажааг̇аа баяад̇абаан̣иний 1 воссаг̇г̇арад̇аа яаажаяог̇аа д̣̇аанасам̣вибхааг̇арад̇аа. имзхи ко, г̇од̇хз, жад̇уухи д̇хаммзхи саманнааг̇ад̇аа арияасаавигаа сод̇аабаннаа ход̇и авинибаад̇ад̇хаммаа нияад̇аа самб̣од̇хибарааяан̣аа’’д̇и.
‘‘Catūhi kho, godhe, dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā. Katamehi catūhi? Idha, godhe, ariyasāvikā buddhe aveccappasādena samannāgatā hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… vigatamalamaccherena cetasā agāraṃ ajjhāvasati muttacāgā payatapāṇinī 2 vossaggaratā yācayogā dānasaṃvibhāgaratā. Imehi kho, godhe, catūhi dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā’’ti.
‘‘яаанимаани, бханд̇з, бхаг̇авад̇аа жад̇д̇аари сод̇аабад̇д̇ияан̇г̇аани д̣̇зсид̇аани, сам̣виж̇ж̇анд̇з д̇з д̇хаммаа маяи, ахан̃жа д̇зсу д̇хаммзсу санд̣̇иссаами. ахан̃хи, бханд̇з, б̣уд̣̇д̇хз авзжжаббасаад̣̇зна саманнааг̇ад̇аа – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… яам̣ ко бана гин̃жи гулз д̣̇зяяад̇хаммам̣ саб̣б̣ам̣ д̇ам̣ аббадивибхад̇д̇ам̣ сийлаванд̇зхи галяаан̣ад̇хаммзхий’’д̇и. ‘‘лаабхаа д̇з, г̇од̇хз, сулад̣̇д̇хам̣ д̇з, г̇од̇хз! сод̇аабад̇д̇ипалам̣ д̇аяаа, г̇од̇хз, б̣яаагад̇а’’нд̇и. навамам̣.
‘‘Yānimāni, bhante, bhagavatā cattāri sotāpattiyaṅgāni desitāni, saṃvijjante te dhammā mayi, ahañca tesu dhammesu sandissāmi. Ahañhi, bhante, buddhe aveccappasādena samannāgatā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… yaṃ kho pana kiñci kule deyyadhammaṃ sabbaṃ taṃ appaṭivibhattaṃ sīlavantehi kalyāṇadhammehī’’ti. ‘‘Lābhā te, godhe, suladdhaṃ te, godhe! Sotāpattiphalaṃ tayā, godhe, byākata’’nti. Navamaṃ.
Footnotes:
