Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    8. галин̇г̇арасуд̇д̇ам̣

    8. Kaliṅgarasuttaṃ

    230. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇ад̇ра ко бхаг̇аваа бхигкуу ааманд̇зси ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

    230. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tatra kho bhagavā bhikkhū āmantesi ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

    ‘‘галин̇г̇аруубад̇хаанаа , бхигкавз, зд̇арахи лижчавий вихаранд̇и аббамад̇д̇аа аад̇аабино убаасанасмим̣. д̇зсам̣ рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о на лабхад̇и од̇аарам̣ на лабхад̇и аарамман̣ам̣. бхависсанд̇и, бхигкавз , анааг̇ад̇амад̣̇д̇хаанам̣ лижчавий сукумаалаа 1 муд̣̇уд̇алунахад̇т̇абаад̣̇аа 2 д̇з муд̣̇угаасу сзяяаасу д̇уулаб̣имб̣оханаасу 3 яаавасуурияуг̇г̇аманаа сзяяам̣ габбиссанд̇и. д̇зсам̣ рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о лажчад̇и од̇аарам̣ лажчад̇и аарамман̣ам̣.

    ‘‘Kaliṅgarūpadhānā , bhikkhave, etarahi licchavī viharanti appamattā ātāpino upāsanasmiṃ. Tesaṃ rājā māgadho ajātasattu vedehiputto na labhati otāraṃ na labhati ārammaṇaṃ. Bhavissanti, bhikkhave , anāgatamaddhānaṃ licchavī sukhumālā 4 mudutalunahatthapādā 5 te mudukāsu seyyāsu tūlabimbohanāsu 6 yāvasūriyuggamanā seyyaṃ kappissanti. Tesaṃ rājā māgadho ajātasattu vedehiputto lacchati otāraṃ lacchati ārammaṇaṃ.

    ‘‘галин̇г̇аруубад̇хаанаа, бхигкавз, зд̇арахи бхигкуу вихаранд̇и аббамад̇д̇аа аад̇аабино бад̇хаанасмим̣. д̇зсам̣ мааро баабимаа на лабхад̇и од̇аарам̣ на лабхад̇и аарамман̣ам̣. бхависсанд̇и, бхигкавз, анааг̇ад̇амад̣̇д̇хаанам̣ бхигкуу сукумаа муд̣̇уд̇алунахад̇т̇абаад̣̇аа. д̇з муд̣̇угаасу сзяяаасу д̇уулаб̣имб̣оханаасу яаавасуурияуг̇г̇аманаа сзяяам̣ габбиссанд̇и. д̇зсам̣ мааро баабимаа лажчад̇и од̇аарам̣ лажчад̇и аарамман̣ам̣. д̇асмаад̇иха, бхигкавз, звам̣ сигкид̇аб̣б̣ам̣ – ‘галин̇г̇аруубад̇хаанаа вихариссаама аббамад̇д̇аа аад̇аабино бад̇хаанасми’нд̇и. зван̃хи во, бхигкавз, сигкид̇аб̣б̣а’’нд̇и. адтамам̣.

    ‘‘Kaliṅgarūpadhānā, bhikkhave, etarahi bhikkhū viharanti appamattā ātāpino padhānasmiṃ. Tesaṃ māro pāpimā na labhati otāraṃ na labhati ārammaṇaṃ. Bhavissanti, bhikkhave, anāgatamaddhānaṃ bhikkhū sukhumā mudutalunahatthapādā. Te mudukāsu seyyāsu tūlabimbohanāsu yāvasūriyuggamanā seyyaṃ kappissanti. Tesaṃ māro pāpimā lacchati otāraṃ lacchati ārammaṇaṃ. Tasmātiha, bhikkhave, evaṃ sikkhitabbaṃ – ‘kaliṅgarūpadhānā viharissāma appamattā ātāpino padhānasmi’nti. Evañhi vo, bhikkhave, sikkhitabba’’nti. Aṭṭhamaṃ.




    Next: 9. нааг̇асуд̇д̇ам̣ • 9. Nāgasuttaṃ




    Footnotes:
    1. сугумаалаа (сий.), сукумаа (га.)
    2. муд̣̇уд̇алаахад̇т̇абаад̣̇аа (сяаа. гам̣.)
    3. д̇уулаб̣имб̣оханаасу (сяаа. гам̣. бий.), д̇уулаб̣имб̣оханаад̣̇ийсу (сий.), д̇уулаб̣иб̣б̣оханаад̣̇ийсу (га.)
    4. sukumālā (sī.), sukhumā (ka.)
    5. mudutalāhatthapādā (syā. kaṃ.)
    6. tūlabimbohanāsu (syā. kaṃ. pī.), tūlabimbohanādīsu (sī.), tūlabibbohanādīsu (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. галин̇г̇арасуд̇д̇аван̣н̣анаа • 8. Kaliṅgarasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. галин̇г̇арасуд̇д̇аван̣н̣анаа • 8. Kaliṅgarasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact