| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. галин̇г̇арасуд̇д̇аван̣н̣анаа
8. Kaliṅgarasuttavaṇṇanā
230. адтамз галин̇г̇аруубад̇хаанаад̇и галин̇г̇арагхадигам̣ сийсуубад̇хаанан̃жзва баад̣̇уубад̇хаанан̃жа гад̇ваа. аббамад̇д̇аад̇и сиббуг̇г̇ахан̣з аббамад̇д̇аа. аад̇аабинод̇и удтаанавийрияаад̇аабзна яуд̇д̇аа. убаасанасминд̇и сиббаанам̣ абхияог̇з аажарияаанан̃жа баяирубаасанз. д̇з гира д̇ад̣̇аа баад̇ова удтааяа сиббасаалам̣ г̇ажчанд̇и, д̇ад̇т̇а сиббам̣ уг̇г̇ахзд̇ваа саж̇жхааяаад̣̇ийхи абхияог̇ам̣ гад̇ваа мукам̣ д̇ховид̇ваа яааг̇убаанааяа г̇ажчанд̇и. яааг̇ум̣ бивид̇ваа буна сиббасаалам̣ г̇анд̇ваа сиббам̣ г̇ан̣хид̇ваа саж̇жхааяам̣ гаронд̇аа баад̇араасааяа г̇ажчанд̇и. гад̇абаад̇араасаа самаанаа ‘‘маа бамаад̣̇зна жирам̣ нид̣̇д̣̇оггаманам̣ ахосий’’д̇и кад̣̇ирагхадигаасу сийсз жа баад̣̇з жа убад̣̇ахид̇ваа т̇огам̣ нибаж̇ж̇ид̇ваа буна сиббасаалам̣ г̇анд̇ваа сиббам̣ г̇ахзд̇ваа саж̇жхааяанд̇и. сааяам̣ саж̇жхааяам̣ гаронд̇аа жа г̇зхам̣ г̇анд̇ваа бхуд̇д̇асааяамаасаа батамаяаамам̣ саж̇жхааяам̣ гад̇ваа саяанагаалз д̇ат̇зва галин̇г̇арам̣ убад̇хаанам̣ гад̇ваа саяанд̇и. звам̣ д̇з агкан̣авзд̇хино ваалавзд̇хино жа ахзсум̣. ид̣̇ам̣ санд̇хааязд̇ам̣ вуд̇д̇ам̣.
230. Aṭṭhame kaliṅgarūpadhānāti kaliṅgaraghaṭikaṃ sīsūpadhānañceva pādūpadhānañca katvā. Appamattāti sippuggahaṇe appamattā. Ātāpinoti uṭṭhānavīriyātāpena yuttā. Upāsanasminti sippānaṃ abhiyoge ācariyānañca payirupāsane. Te kira tadā pātova uṭṭhāya sippasālaṃ gacchanti, tattha sippaṃ uggahetvā sajjhāyādīhi abhiyogaṃ katvā mukhaṃ dhovitvā yāgupānāya gacchanti. Yāguṃ pivitvā puna sippasālaṃ gantvā sippaṃ gaṇhitvā sajjhāyaṃ karontā pātarāsāya gacchanti. Katapātarāsā samānā ‘‘mā pamādena ciraṃ niddokkamanaṃ ahosī’’ti khadiraghaṭikāsu sīse ca pāde ca upadahitvā thokaṃ nipajjitvā puna sippasālaṃ gantvā sippaṃ gahetvā sajjhāyanti. Sāyaṃ sajjhāyaṃ karontā ca gehaṃ gantvā bhuttasāyamāsā paṭhamayāmaṃ sajjhāyaṃ katvā sayanakāle tatheva kaliṅgaraṃ upadhānaṃ katvā sayanti. Evaṃ te akkhaṇavedhino vālavedhino ca ahesuṃ. Idaṃ sandhāyetaṃ vuttaṃ.
од̇ааранд̇и виварам̣. аарамман̣анд̇и бажжаяам̣. бад̇хаанасминд̇и бад̇хаанабхуумияам̣ вийрияам̣ гурумаанаа. батамаб̣од̇хияам̣ гира бхигкуу бхад̇д̇агижжам̣ гад̇ваава гаммадтаанам̣ манаси гаронд̇и. д̇зсам̣ манасигаронд̇аанам̣язва суурияо ад̇т̇ам̣ г̇ажчад̇и. д̇з нхааяид̇ваа буна жан̇гамам̣ од̇арид̇ваа батамаяаамам̣ жан̇гаманд̇и. д̇ад̇о ‘‘маа жирам̣ нид̣̇д̣̇ааяимхаа’’д̇и сарийрад̣̇арат̇авинод̣̇анад̇т̇ам̣ нибаж̇ж̇анд̇аа гадтакан̣д̣ам̣ убад̣̇ахид̇ваа нибаж̇ж̇анд̇и, д̇з буна бажчимаяаамз вудтааяа жан̇гамам̣ од̇аранд̇и. д̇з санд̇хааяа ид̣̇ам̣ вуд̇д̇ам̣. аяамби д̣̇ийбо д̇ин̣н̣ам̣ рааж̇уунам̣ гаалз згагхан̣д̣иниг̇гхосо згабад̇хаанабхууми ахоси. наанаамукз бахадагхан̣д̣и билижчигол̣ияам̣ осарад̇и, галяаан̣ияам̣ бахадагхан̣д̣и нааг̇ад̣̇ийбз осарад̇и . ‘‘аяам̣ бхигку бут̇уж̇ж̇ано, аяам̣ бут̇уж̇ж̇ано’’д̇и ан̇г̇улим̣ басаарзд̇ваа д̣̇ассзд̇аб̣б̣о ахоси. згад̣̇ивасам̣ саб̣б̣з араханд̇ова ахзсум̣. д̇асмаад̇и яасмаа галин̇г̇аруубад̇хаанаанам̣ мааро аарамман̣ам̣ на лабхад̇и, д̇асмаа. адтамам̣.
Otāranti vivaraṃ. Ārammaṇanti paccayaṃ. Padhānasminti padhānabhūmiyaṃ vīriyaṃ kurumānā. Paṭhamabodhiyaṃ kira bhikkhū bhattakiccaṃ katvāva kammaṭṭhānaṃ manasi karonti. Tesaṃ manasikarontānaṃyeva sūriyo atthaṃ gacchati. Te nhāyitvā puna caṅkamaṃ otaritvā paṭhamayāmaṃ caṅkamanti. Tato ‘‘mā ciraṃ niddāyimhā’’ti sarīradarathavinodanatthaṃ nipajjantā kaṭṭhakhaṇḍaṃ upadahitvā nipajjanti, te puna pacchimayāme vuṭṭhāya caṅkamaṃ otaranti. Te sandhāya idaṃ vuttaṃ. Ayampi dīpo tiṇṇaṃ rājūnaṃ kāle ekaghaṇḍinigghoso ekapadhānabhūmi ahosi. Nānāmukhe pahaṭaghaṇḍi pilicchikoḷiyaṃ osarati, kalyāṇiyaṃ pahaṭaghaṇḍi nāgadīpe osarati . ‘‘Ayaṃ bhikkhu puthujjano, ayaṃ puthujjano’’ti aṅguliṃ pasāretvā dassetabbo ahosi. Ekadivasaṃ sabbe arahantova ahesuṃ. Tasmāti yasmā kaliṅgarūpadhānānaṃ māro ārammaṇaṃ na labhati, tasmā. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. галин̇г̇арасуд̇д̇ам̣ • 8. Kaliṅgarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. галин̇г̇арасуд̇д̇аван̣н̣анаа • 8. Kaliṅgarasuttavaṇṇanā
