| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਕਲਿਙ੍ਗਰਸੁਤ੍ਤવਣ੍ਣਨਾ
8. Kaliṅgarasuttavaṇṇanā
੨੩੦. ਅਟ੍ਠਮੇ ਕਲਿਙ੍ਗਰੂਪਧਾਨਾਤਿ ਕਲਿਙ੍ਗਰਘਟਿਕਂ ਸੀਸੂਪਧਾਨਞ੍ਚੇવ ਪਾਦੂਪਧਾਨਞ੍ਚ ਕਤ੍વਾ। ਅਪ੍ਪਮਤ੍ਤਾਤਿ ਸਿਪ੍ਪੁਗ੍ਗਹਣੇ ਅਪ੍ਪਮਤ੍ਤਾ। ਆਤਾਪਿਨੋਤਿ ਉਟ੍ਠਾਨવੀਰਿਯਾਤਾਪੇਨ ਯੁਤ੍ਤਾ। ਉਪਾਸਨਸ੍ਮਿਨ੍ਤਿ ਸਿਪ੍ਪਾਨਂ ਅਭਿਯੋਗੇ ਆਚਰਿਯਾਨਞ੍ਚ ਪਯਿਰੁਪਾਸਨੇ। ਤੇ ਕਿਰ ਤਦਾ ਪਾਤੋવ ਉਟ੍ਠਾਯ ਸਿਪ੍ਪਸਾਲਂ ਗਚ੍ਛਨ੍ਤਿ, ਤਤ੍ਥ ਸਿਪ੍ਪਂ ਉਗ੍ਗਹੇਤ੍વਾ ਸਜ੍ਝਾਯਾਦੀਹਿ ਅਭਿਯੋਗਂ ਕਤ੍વਾ ਮੁਖਂ ਧੋવਿਤ੍વਾ ਯਾਗੁਪਾਨਾਯ ਗਚ੍ਛਨ੍ਤਿ। ਯਾਗੁਂ ਪਿવਿਤ੍વਾ ਪੁਨ ਸਿਪ੍ਪਸਾਲਂ ਗਨ੍ਤ੍વਾ ਸਿਪ੍ਪਂ ਗਣ੍ਹਿਤ੍વਾ ਸਜ੍ਝਾਯਂ ਕਰੋਨ੍ਤਾ ਪਾਤਰਾਸਾਯ ਗਚ੍ਛਨ੍ਤਿ। ਕਤਪਾਤਰਾਸਾ ਸਮਾਨਾ ‘‘ਮਾ ਪਮਾਦੇਨ ਚਿਰਂ ਨਿਦ੍ਦੋਕ੍ਕਮਨਂ ਅਹੋਸੀ’’ਤਿ ਖਦਿਰਘਟਿਕਾਸੁ ਸੀਸੇ ਚ ਪਾਦੇ ਚ ਉਪਦਹਿਤ੍વਾ ਥੋਕਂ ਨਿਪਜ੍ਜਿਤ੍વਾ ਪੁਨ ਸਿਪ੍ਪਸਾਲਂ ਗਨ੍ਤ੍વਾ ਸਿਪ੍ਪਂ ਗਹੇਤ੍વਾ ਸਜ੍ਝਾਯਨ੍ਤਿ। ਸਾਯਂ ਸਜ੍ਝਾਯਂ ਕਰੋਨ੍ਤਾ ਚ ਗੇਹਂ ਗਨ੍ਤ੍વਾ ਭੁਤ੍ਤਸਾਯਮਾਸਾ ਪਠਮਯਾਮਂ ਸਜ੍ਝਾਯਂ ਕਤ੍વਾ ਸਯਨਕਾਲੇ ਤਥੇવ ਕਲਿਙ੍ਗਰਂ ਉਪਧਾਨਂ ਕਤ੍વਾ ਸਯਨ੍ਤਿ। ਏવਂ ਤੇ ਅਕ੍ਖਣવੇਧਿਨੋ વਾਲવੇਧਿਨੋ ਚ ਅਹੇਸੁਂ। ਇਦਂ ਸਨ੍ਧਾਯੇਤਂ વੁਤ੍ਤਂ।
230. Aṭṭhame kaliṅgarūpadhānāti kaliṅgaraghaṭikaṃ sīsūpadhānañceva pādūpadhānañca katvā. Appamattāti sippuggahaṇe appamattā. Ātāpinoti uṭṭhānavīriyātāpena yuttā. Upāsanasminti sippānaṃ abhiyoge ācariyānañca payirupāsane. Te kira tadā pātova uṭṭhāya sippasālaṃ gacchanti, tattha sippaṃ uggahetvā sajjhāyādīhi abhiyogaṃ katvā mukhaṃ dhovitvā yāgupānāya gacchanti. Yāguṃ pivitvā puna sippasālaṃ gantvā sippaṃ gaṇhitvā sajjhāyaṃ karontā pātarāsāya gacchanti. Katapātarāsā samānā ‘‘mā pamādena ciraṃ niddokkamanaṃ ahosī’’ti khadiraghaṭikāsu sīse ca pāde ca upadahitvā thokaṃ nipajjitvā puna sippasālaṃ gantvā sippaṃ gahetvā sajjhāyanti. Sāyaṃ sajjhāyaṃ karontā ca gehaṃ gantvā bhuttasāyamāsā paṭhamayāmaṃ sajjhāyaṃ katvā sayanakāle tatheva kaliṅgaraṃ upadhānaṃ katvā sayanti. Evaṃ te akkhaṇavedhino vālavedhino ca ahesuṃ. Idaṃ sandhāyetaṃ vuttaṃ.
ਓਤਾਰਨ੍ਤਿ વਿવਰਂ। ਆਰਮ੍ਮਣਨ੍ਤਿ ਪਚ੍ਚਯਂ। ਪਧਾਨਸ੍ਮਿਨ੍ਤਿ ਪਧਾਨਭੂਮਿਯਂ વੀਰਿਯਂ ਕੁਰੁਮਾਨਾ। ਪਠਮਬੋਧਿਯਂ ਕਿਰ ਭਿਕ੍ਖੂ ਭਤ੍ਤਕਿਚ੍ਚਂ ਕਤ੍વਾવ ਕਮ੍ਮਟ੍ਠਾਨਂ ਮਨਸਿ ਕਰੋਨ੍ਤਿ। ਤੇਸਂ ਮਨਸਿਕਰੋਨ੍ਤਾਨਂਯੇવ ਸੂਰਿਯੋ ਅਤ੍ਥਂ ਗਚ੍ਛਤਿ। ਤੇ ਨ੍ਹਾਯਿਤ੍વਾ ਪੁਨ ਚਙ੍ਕਮਂ ਓਤਰਿਤ੍વਾ ਪਠਮਯਾਮਂ ਚਙ੍ਕਮਨ੍ਤਿ। ਤਤੋ ‘‘ਮਾ ਚਿਰਂ ਨਿਦ੍ਦਾਯਿਮ੍ਹਾ’’ਤਿ ਸਰੀਰਦਰਥવਿਨੋਦਨਤ੍ਥਂ ਨਿਪਜ੍ਜਨ੍ਤਾ ਕਟ੍ਠਖਣ੍ਡਂ ਉਪਦਹਿਤ੍વਾ ਨਿਪਜ੍ਜਨ੍ਤਿ, ਤੇ ਪੁਨ ਪਚ੍ਛਿਮਯਾਮੇ વੁਟ੍ਠਾਯ ਚਙ੍ਕਮਂ ਓਤਰਨ੍ਤਿ। ਤੇ ਸਨ੍ਧਾਯ ਇਦਂ વੁਤ੍ਤਂ। ਅਯਮ੍ਪਿ ਦੀਪੋ ਤਿਣ੍ਣਂ ਰਾਜੂਨਂ ਕਾਲੇ ਏਕਘਣ੍ਡਿਨਿਗ੍ਘੋਸੋ ਏਕਪਧਾਨਭੂਮਿ ਅਹੋਸਿ। ਨਾਨਾਮੁਖੇ ਪਹਟਘਣ੍ਡਿ ਪਿਲਿਚ੍ਛਿਕੋਲ਼ਿਯਂ ਓਸਰਤਿ, ਕਲ੍ਯਾਣਿਯਂ ਪਹਟਘਣ੍ਡਿ ਨਾਗਦੀਪੇ ਓਸਰਤਿ । ‘‘ਅਯਂ ਭਿਕ੍ਖੁ ਪੁਥੁਜ੍ਜਨੋ, ਅਯਂ ਪੁਥੁਜ੍ਜਨੋ’’ਤਿ ਅਙ੍ਗੁਲਿਂ ਪਸਾਰੇਤ੍વਾ ਦਸ੍ਸੇਤਬ੍ਬੋ ਅਹੋਸਿ। ਏਕਦਿવਸਂ ਸਬ੍ਬੇ ਅਰਹਨ੍ਤੋવ ਅਹੇਸੁਂ। ਤਸ੍ਮਾਤਿ ਯਸ੍ਮਾ ਕਲਿਙ੍ਗਰੂਪਧਾਨਾਨਂ ਮਾਰੋ ਆਰਮ੍ਮਣਂ ਨ ਲਭਤਿ, ਤਸ੍ਮਾ। ਅਟ੍ਠਮਂ।
Otāranti vivaraṃ. Ārammaṇanti paccayaṃ. Padhānasminti padhānabhūmiyaṃ vīriyaṃ kurumānā. Paṭhamabodhiyaṃ kira bhikkhū bhattakiccaṃ katvāva kammaṭṭhānaṃ manasi karonti. Tesaṃ manasikarontānaṃyeva sūriyo atthaṃ gacchati. Te nhāyitvā puna caṅkamaṃ otaritvā paṭhamayāmaṃ caṅkamanti. Tato ‘‘mā ciraṃ niddāyimhā’’ti sarīradarathavinodanatthaṃ nipajjantā kaṭṭhakhaṇḍaṃ upadahitvā nipajjanti, te puna pacchimayāme vuṭṭhāya caṅkamaṃ otaranti. Te sandhāya idaṃ vuttaṃ. Ayampi dīpo tiṇṇaṃ rājūnaṃ kāle ekaghaṇḍinigghoso ekapadhānabhūmi ahosi. Nānāmukhe pahaṭaghaṇḍi pilicchikoḷiyaṃ osarati, kalyāṇiyaṃ pahaṭaghaṇḍi nāgadīpe osarati . ‘‘Ayaṃ bhikkhu puthujjano, ayaṃ puthujjano’’ti aṅguliṃ pasāretvā dassetabbo ahosi. Ekadivasaṃ sabbe arahantova ahesuṃ. Tasmāti yasmā kaliṅgarūpadhānānaṃ māro ārammaṇaṃ na labhati, tasmā. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕਲਿਙ੍ਗਰਸੁਤ੍ਤਂ • 8. Kaliṅgarasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਕਲਿਙ੍ਗਰਸੁਤ੍ਤવਣ੍ਣਨਾ • 8. Kaliṅgarasuttavaṇṇanā
