| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਕਲਿਙ੍ਗਰਸੁਤ੍ਤવਣ੍ਣਨਾ
8. Kaliṅgarasuttavaṇṇanā
੨੩੦. ਕਲਿਙ੍ਗਰਂ વੁਚ੍ਚਤਿ ਖੁਦ੍ਦਕਦਾਰੁਖਣ੍ਡਂ, ਤਂ ਉਪਧਾਨਂ ਏਤੇਸਨ੍ਤਿ ਕਲਿਙ੍ਗਰੂਪਧਾਨਾ। ਲਿਚ੍ਛવੀ ਪਨ ਖਦਿਰਦਣ੍ਡਂ ਉਪਧਾਨਂ ਕਤ੍વਾ ਤਦਾ વਿਹਰਿਂਸੁ। ਤਸ੍ਮਾ વੁਤ੍ਤਂ ‘‘ਖਦਿਰਘਟਿਕਾਸੂ’’ਤਿਆਦਿ। ਪਕਤਿવਿਜ੍ਜੁਸਞ੍ਞਿਤੋ ਨਤ੍ਥਿ ਏਤੇਸਂ ਖਣੋ વਿਜ੍ਝਨੇਤਿ ਅਕ੍ਖਣવੇਧਿਨੋ ਤਤੋ ਸੀਘਤਰਂ વਿਜ੍ਝਨਤੋ। ‘‘ਅਕ੍ਖਣ’’ਨ੍ਤਿ વਿਜ੍ਜੁ વੁਚ੍ਚਤਿ ਇਤ੍ਤਰਖਣਤ੍ਤਾ। ਅਕ੍ਖਣੋਭਾਸੇਨ ਲਕ੍ਖਣવੇਧਕਾ ਅਕ੍ਖਣવੇਧਿਨੋ। ਅਨੇਕਧਾ ਭਿਨ੍ਨਸ੍ਸ વਾਲਸ੍ਸ વਿਜ੍ਝਨੇਨ વਾਲવੇਧਿਨੋ। વਾਲੇਕਦੇਸੋ ਹਿ ਇਧ ‘‘વਾਲੋ’’ਤਿ ਗਹਿਤੋ।
230. Kaliṅgaraṃ vuccati khuddakadārukhaṇḍaṃ, taṃ upadhānaṃ etesanti kaliṅgarūpadhānā. Licchavī pana khadiradaṇḍaṃ upadhānaṃ katvā tadā vihariṃsu. Tasmā vuttaṃ ‘‘khadiraghaṭikāsū’’tiādi. Pakativijjusaññito natthi etesaṃ khaṇo vijjhaneti akkhaṇavedhino tato sīghataraṃ vijjhanato. ‘‘Akkhaṇa’’nti vijju vuccati ittarakhaṇattā. Akkhaṇobhāsena lakkhaṇavedhakā akkhaṇavedhino. Anekadhā bhinnassa vālassa vijjhanena vālavedhino. Vālekadeso hi idha ‘‘vālo’’ti gahito.
ਬਹੁਦੇવ ਦਿવਸਭਾਗਂ ਪਧਾਨਾਨੁਯੋਗਤੋ ਉਪ੍ਪਨ੍ਨਦਰਥਪਰਿਸ੍ਸਮવਿਨੋਦਨਤ੍ਥਂ ਨ੍ਹਾਯਿਤ੍વਾ। ਤੇ ਸਨ੍ਧਾਯਾਤਿ ਤੇ ਤਥਾਰੂਪੇ ਪਧਾਨਕਮ੍ਮਿਕਭਿਕ੍ਖੂ ਸਨ੍ਧਾਯ। ਇਦਂ ਇਦਾਨਿ વੁਚ੍ਚਮਾਨਂ ਅਤ੍ਥਜਾਤਂ વੁਤ੍ਤਂ ਪੋਰਾਣਟ੍ਠਕਥਾਯਂ। ਅਯਮ੍ਪਿ ਦੀਪੋਤਿ ਤਮ੍ਬਪਣ੍ਣਿਦੀਪਮਾਹ। ਪਧਾਨਾਨੁਯੁਞ੍ਜਨવੇਲਾਯ ਨਿવੇਦਨવਸੇਨ ਤਤ੍ਥ ਤਤ੍ਥ ਏਕਜ੍ਝਂ ਪਹਤਘਣ੍ਡਿਨਿਗ੍ਘੋਸੇਨੇવ ਏਕਘਣ੍ਡਿਨਿਗ੍ਘੋਸੋ, ਤਤ੍ਥ ਤਤ੍ਥ ਪਣ੍ਣਸਾਲਾਦੀਸੁ વਸਨ੍ਤਾਨਂ ਭਿਕ੍ਖੂਨਂ વਸੇਨ ਏਕਪਧਾਨਭੂਤੋ। ਨਾਨਾਮੁਖੋਤਿ ਅਨੁਰਾਧਪੁਰਸ੍ਸ ਪਚ੍ਛਿਮਦਿਸਾਯਂ ਏਕੋ વਿਹਾਰੋ, ਪਿਲਿਚ੍ਛਿਕੋਲ਼ਿਨਗਰਸ੍ਸ ਪੁਰਤ੍ਥਿਮਦਿਸਾਯਂ। ਉਭਯਤ੍ਥ ਪવਤ੍ਤਘਣ੍ਡਿਸਦ੍ਦਾ ਅਨ੍ਤਰਾਪવਤ੍ਤਘਣ੍ਡਿਸਦ੍ਦੇਹਿ ਮਿਸ੍ਸੇਤ੍વਾ ਓਸਰਨ੍ਤਿ। ਕਲ੍ਯਾਣਿਯਂ ਪવਤ੍ਤਘਣ੍ਡਿਸਦ੍ਦੋ ਤਥਾ ਨਾਗਦੀਪੇ।
Bahudeva divasabhāgaṃ padhānānuyogato uppannadarathaparissamavinodanatthaṃ nhāyitvā. Te sandhāyāti te tathārūpe padhānakammikabhikkhū sandhāya. Idaṃ idāni vuccamānaṃ atthajātaṃ vuttaṃ porāṇaṭṭhakathāyaṃ. Ayampi dīpoti tambapaṇṇidīpamāha. Padhānānuyuñjanavelāya nivedanavasena tattha tattha ekajjhaṃ pahataghaṇḍinigghoseneva ekaghaṇḍinigghoso, tattha tattha paṇṇasālādīsu vasantānaṃ bhikkhūnaṃ vasena ekapadhānabhūto. Nānāmukhoti anurādhapurassa pacchimadisāyaṃ eko vihāro, pilicchikoḷinagarassa puratthimadisāyaṃ. Ubhayattha pavattaghaṇḍisaddā antarāpavattaghaṇḍisaddehi missetvā osaranti. Kalyāṇiyaṃ pavattaghaṇḍisaddo tathā nāgadīpe.
ਕਲਿਙ੍ਗਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kaliṅgarasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕਲਿਙ੍ਗਰਸੁਤ੍ਤਂ • 8. Kaliṅgarasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕਲਿਙ੍ਗਰਸੁਤ੍ਤવਣ੍ਣਨਾ • 8. Kaliṅgarasuttavaṇṇanā
