| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6. காளீஸுத்தவண்ணனா
6. Kāḷīsuttavaṇṇanā
26. ச²ட்டே² அத்த²ஸ்ஸ பத்திந்தி ஏகந்ததோ ஹிதானுப்பத்திங். ஹத³யஸ்ஸ ஸந்திந்தி பரமசித்தூபஸமங். கிலேஸஸேனந்தி காமகு³ணஸங்கா²தங் பட²மங் கிலேஸஸேனங். ஸா ஹி கிலேஸஸேனா அச்ச²ராஸங்கா⁴தஸபா⁴வாபி படிபத்த²யமானா பியாயிதப்³ப³இச்சி²தப்³ப³ரூபஸபா⁴வதோ பியரூபஸாதரூபா நாம அத்தனோ கிச்சவஸேன. அஹங் ஏகோவ ஜா²யந்தோதி அஹங் க³ணஸங்க³ணிகாய கிலேஸஸங்க³ணிகாய ச அபா⁴வதோ ஏகோ அஸஹாயோ லக்க²ணூபனிஜ்ஜா²னேன ஜா²யந்தோ. அனுபு³ஜ்ஜி²ந்தி அனுக்கமேன மக்³க³படிபாடியா பு³ஜ்ஜி²ங் படிவிஜ்ஜி²ங். இத³ங் வுத்தங் ஹோதி – பியரூபங் ஸாதரூபங் ஸேனங் ஜினித்வா அஹங் ஏகோவ ஜா²யந்தோ ‘‘அத்த²ஸ்ஸ பத்திங் ஹத³யஸ்ஸ ஸந்தி’’ந்தி ஸங்க²ங் க³தங் அரஹத்தஸுக²ங் படிவிஜ்ஜி²ங், தஸ்மா ஜனேன மித்தஸந்த²வங் ந கரோமி, தேனேவ ச மே காரணேன கேனசி ஸத்³தி⁴ங் ஸக்கீ² ந ஸம்பஜ்ஜதீதி. அத்தா²பி⁴னிப்³ப³த்தேஸுந்தி இதிஸத்³த³லோபேனாயங் நித்³தே³ஸோதி ஆஹ ‘‘அத்தோ²தி க³ஹெத்வா’’தி.
26. Chaṭṭhe atthassa pattinti ekantato hitānuppattiṃ. Hadayassa santinti paramacittūpasamaṃ. Kilesasenanti kāmaguṇasaṅkhātaṃ paṭhamaṃ kilesasenaṃ. Sā hi kilesasenā accharāsaṅghātasabhāvāpi paṭipatthayamānā piyāyitabbaicchitabbarūpasabhāvato piyarūpasātarūpā nāma attano kiccavasena. Ahaṃ ekova jhāyantoti ahaṃ gaṇasaṅgaṇikāya kilesasaṅgaṇikāya ca abhāvato eko asahāyo lakkhaṇūpanijjhānena jhāyanto. Anubujjhinti anukkamena maggapaṭipāṭiyā bujjhiṃ paṭivijjhiṃ. Idaṃ vuttaṃ hoti – piyarūpaṃ sātarūpaṃ senaṃ jinitvā ahaṃ ekova jhāyanto ‘‘atthassa pattiṃ hadayassa santi’’nti saṅkhaṃ gataṃ arahattasukhaṃ paṭivijjhiṃ, tasmā janena mittasanthavaṃ na karomi, teneva ca me kāraṇena kenaci saddhiṃ sakkhī na sampajjatīti. Atthābhinibbattesunti itisaddalopenāyaṃ niddesoti āha ‘‘atthoti gahetvā’’ti.
காளீஸுத்தவண்ணனா நிட்டி²தா.
Kāḷīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. காளீஸுத்தங் • 6. Kāḷīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. காளீஸுத்தவண்ணனா • 6. Kāḷīsuttavaṇṇanā
