| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬. কাল়ীসুত্তৰণ্ণনা
6. Kāḷīsuttavaṇṇanā
২৬. ছট্ঠে অত্থস্স পত্তিন্তি একন্ততো হিতানুপ্পত্তিং। হদযস্স সন্তিন্তি পরমচিত্তূপসমং। কিলেসসেনন্তি কামগুণসঙ্খাতং পঠমং কিলেসসেনং। সা হি কিলেসসেনা অচ্ছরাসঙ্ঘাতসভাৰাপি পটিপত্থযমানা পিযাযিতব্বইচ্ছিতব্বরূপসভাৰতো পিযরূপসাতরূপা নাম অত্তনো কিচ্চৰসেন। অহং একোৰ ঝাযন্তোতি অহং গণসঙ্গণিকায কিলেসসঙ্গণিকায চ অভাৰতো একো অসহাযো লক্খণূপনিজ্ঝানেন ঝাযন্তো। অনুবুজ্ঝিন্তি অনুক্কমেন মগ্গপটিপাটিযা বুজ্ঝিং পটিৰিজ্ঝিং। ইদং ৰুত্তং হোতি – পিযরূপং সাতরূপং সেনং জিনিত্ৰা অহং একোৰ ঝাযন্তো ‘‘অত্থস্স পত্তিং হদযস্স সন্তি’’ন্তি সঙ্খং গতং অরহত্তসুখং পটিৰিজ্ঝিং, তস্মা জনেন মিত্তসন্থৰং ন করোমি, তেনেৰ চ মে কারণেন কেনচি সদ্ধিং সক্খী ন সম্পজ্জতীতি। অত্থাভিনিব্বত্তেসুন্তি ইতিসদ্দলোপেনাযং নিদ্দেসোতি আহ ‘‘অত্থোতি গহেত্ৰা’’তি।
26. Chaṭṭhe atthassa pattinti ekantato hitānuppattiṃ. Hadayassa santinti paramacittūpasamaṃ. Kilesasenanti kāmaguṇasaṅkhātaṃ paṭhamaṃ kilesasenaṃ. Sā hi kilesasenā accharāsaṅghātasabhāvāpi paṭipatthayamānā piyāyitabbaicchitabbarūpasabhāvato piyarūpasātarūpā nāma attano kiccavasena. Ahaṃ ekova jhāyantoti ahaṃ gaṇasaṅgaṇikāya kilesasaṅgaṇikāya ca abhāvato eko asahāyo lakkhaṇūpanijjhānena jhāyanto. Anubujjhinti anukkamena maggapaṭipāṭiyā bujjhiṃ paṭivijjhiṃ. Idaṃ vuttaṃ hoti – piyarūpaṃ sātarūpaṃ senaṃ jinitvā ahaṃ ekova jhāyanto ‘‘atthassa pattiṃ hadayassa santi’’nti saṅkhaṃ gataṃ arahattasukhaṃ paṭivijjhiṃ, tasmā janena mittasanthavaṃ na karomi, teneva ca me kāraṇena kenaci saddhiṃ sakkhī na sampajjatīti. Atthābhinibbattesunti itisaddalopenāyaṃ niddesoti āha ‘‘atthoti gahetvā’’ti.
কাল়ীসুত্তৰণ্ণনা নিট্ঠিতা।
Kāḷīsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. কাল়ীসুত্তং • 6. Kāḷīsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. কাল়ীসুত্তৰণ্ণনা • 6. Kāḷīsuttavaṇṇanā
