| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
6. කාළීසුත්‌තවණ්‌ණනා
6. Kāḷīsuttavaṇṇanā
26. ඡට්‌ඨෙ අත්‌ථස්‌ස පත්‌තින්‌ති එකන්‌තතො හිතානුප්‌පත්‌තිං. හදයස්‌ස සන්‌තින්‌ති පරමචිත්‌තූපසමං. කිලෙසසෙනන්‌ති කාමගුණසඞ්‌ඛාතං පඨමං කිලෙසසෙනං. සා හි කිලෙසසෙනා අච්‌ඡරාසඞ්‌ඝාතසභාවාපි පටිපත්‌ථයමානා පියායිතබ්‌බඉච්‌ඡිතබ්‌බරූපසභාවතො පියරූපසාතරූපා නාම අත්‌තනො කිච්‌චවසෙන. අහං එකොව ඣායන්‌තොති අහං ගණසඞ්‌ගණිකාය කිලෙසසඞ්‌ගණිකාය ච අභාවතො එකො අසහායො ලක්‌ඛණූපනිජ්‌ඣානෙන ඣායන්‌තො. අනුබුජ්‌ඣින්‌ති අනුක්‌කමෙන මග්‌ගපටිපාටියා බුජ්‌ඣිං පටිවිජ්‌ඣිං. ඉදං වුත්‌තං හොති – පියරූපං සාතරූපං සෙනං ජිනිත්‌වා අහං එකොව ඣායන්‌තො ‘‘අත්‌ථස්‌ස පත්‌තිං හදයස්‌ස සන්‌ති’’න්‌ති සඞ්‌ඛං ගතං අරහත්‌තසුඛං පටිවිජ්‌ඣිං, තස්‌මා ජනෙන මිත්‌තසන්‌ථවං න කරොමි, තෙනෙව ච මෙ කාරණෙන කෙනචි සද්‌ධිං සක්‌ඛී න සම්‌පජ්‌ජතීති. අත්‌ථාභිනිබ්‌බත්‌තෙසුන්‌ති ඉතිසද්‌දලොපෙනායං නිද්‌දෙසොති ආහ ‘‘අත්‌ථොති ගහෙත්‌වා’’ති.
26. Chaṭṭhe atthassa pattinti ekantato hitānuppattiṃ. Hadayassa santinti paramacittūpasamaṃ. Kilesasenanti kāmaguṇasaṅkhātaṃ paṭhamaṃ kilesasenaṃ. Sā hi kilesasenā accharāsaṅghātasabhāvāpi paṭipatthayamānā piyāyitabbaicchitabbarūpasabhāvato piyarūpasātarūpā nāma attano kiccavasena. Ahaṃ ekova jhāyantoti ahaṃ gaṇasaṅgaṇikāya kilesasaṅgaṇikāya ca abhāvato eko asahāyo lakkhaṇūpanijjhānena jhāyanto. Anubujjhinti anukkamena maggapaṭipāṭiyā bujjhiṃ paṭivijjhiṃ. Idaṃ vuttaṃ hoti – piyarūpaṃ sātarūpaṃ senaṃ jinitvā ahaṃ ekova jhāyanto ‘‘atthassa pattiṃ hadayassa santi’’nti saṅkhaṃ gataṃ arahattasukhaṃ paṭivijjhiṃ, tasmā janena mittasanthavaṃ na karomi, teneva ca me kāraṇena kenaci saddhiṃ sakkhī na sampajjatīti. Atthābhinibbattesunti itisaddalopenāyaṃ niddesoti āha ‘‘atthoti gahetvā’’ti.
කාළීසුත්‌තවණ්‌ණනා නිට්‌ඨිතා.
Kāḷīsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 6. කාළීසුත්‌තං • 6. Kāḷīsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 6. කාළීසුත්‌තවණ්‌ණනා • 6. Kāḷīsuttavaṇṇanā
