| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਕਾਲ਼ੀਸੁਤ੍ਤવਣ੍ਣਨਾ
6. Kāḷīsuttavaṇṇanā
੨੬. ਛਟ੍ਠੇ ਕੁਮਾਰਿਪਞ੍ਹੇਸੂਤਿ ਕੁਮਾਰੀਨਂ ਮਾਰਧੀਤਾਨਂ ਪੁਚ੍ਛਾਸੁ। ਅਤ੍ਥਸ੍ਸ ਪਤ੍ਤਿਂ ਹਦਯਸ੍ਸ ਸਨ੍ਤਿਨ੍ਤਿ ਦ੍વੀਹਿਪਿ ਪਦੇਹਿ ਅਰਹਤ੍ਤਮੇવ ਕਥਿਤਂ। ਸੇਨਨ੍ਤਿ ਰਾਗਾਦਿਕਿਲੇਸਸੇਨਂ। ਪਿਯਸਾਤਰੂਪਨ੍ਤਿ ਪਿਯਜਾਤਿਕੇਸੁ ਚ ਸਾਤਜਾਤਿਕੇਸੁ ਚ વਤ੍ਥੂਸੁ ਉਪ੍ਪਜ੍ਜਨਤੋ ਏવਂਲਦ੍ਧਨਾਮਂ। ਏਕੋਹਂ ਝਾਯਂ ਸੁਖਮਨੁਬੋਧਿਨ੍ਤਿ ਏવਂ ਕਿਲੇਸਸੇਨਂ ਜਿਨਿਤ੍વਾ ਅਹਂ ਏਕਕੋવ ਝਾਯਨ੍ਤੋ ਸੁਖਂ ਅਨੁਬੁਜ੍ਝਿਂ ਸਚ੍ਛਿਅਕਾਸਿਂ। ਸਕ੍ਖਿਨ੍ਤਿ ਸਕ੍ਖਿਭਾવਪ੍ਪਤ੍ਤਂ ਧਮ੍ਮਸਕ੍ਖਿਂ। ਨ ਸਮ੍ਪਜ੍ਜਤਿ ਕੇਨਚਿ ਮੇਤਿ ਮਯ੍ਹਂ ਕੇਨਚਿ ਸਦ੍ਧਿਂ ਮਿਤ੍ਤਧਮ੍ਮੋ ਨਾਮ ਨਤ੍ਥਿ। ਪਥવੀਕਸਿਣਸਮਾਪਤ੍ਤਿਪਰਮਾ ਖੋ, ਭਗਿਨਿ, ਏਕੇ ਸਮਣਬ੍ਰਾਹ੍ਮਣਾ ਅਤ੍ਥੋਤਿ ਅਭਿਨਿਬ੍ਬਤ੍ਤੇਸੁਨ੍ਤਿ ਪਥવੀਕਸਿਣਸਮਾਪਤ੍ਤਿਪਰਮੋ ਉਤ੍ਤਮੋ ਅਤ੍ਥੋਤਿ ਗਹੇਤ੍વਾ ਅਭਿਨਿਬ੍ਬਤ੍ਤੇਸੁਂ। ਯਾવਤਾ ਖੋ, ਭਗਿਨਿ, ਪਥવੀਕਸਿਣਸਮਾਪਤ੍ਤਿਪਰਮਤਾਤਿ ਯਤ੍ਤਕਾ ਪਥવੀਕਸਿਣਸਮਾਪਤ੍ਤਿਯਾ ਉਤ੍ਤਮਕੋਟਿ। ਤਦਭਿਞ੍ਞਾਸਿ ਭਗવਾਤਿ ਤਂ ਭਗવਾ ਅਭਿਞ੍ਞਾਪਞ੍ਞਾਯ ਅਭਿਞ੍ਞਾਸਿ। ਅਸ੍ਸਾਦਮਦ੍ਦਸਾਤਿ ਸਮੁਦਯਸਚ੍ਚਂ ਅਦ੍ਦਸ। ਆਦੀਨવਮਦ੍ਦਸਾਤਿ ਦੁਕ੍ਖਸਚ੍ਚਂ ਅਦ੍ਦਸ। ਨਿਸ੍ਸਰਣਮਦ੍ਦਸਾਤਿ ਨਿਰੋਧਸਚ੍ਚਂ ਅਦ੍ਦਸ। ਮਗ੍ਗਾਮਗ੍ਗਞਾਣਦਸ੍ਸਨਮਦ੍ਦਸਾਤਿ ਮਗ੍ਗਸਚ੍ਚਂ ਅਦ੍ਦਸ। ਅਤ੍ਥਸ੍ਸ ਪਤ੍ਤੀਤਿ ਏਤੇਸਂ ਚਤੁਨ੍ਨਂ ਸਚ੍ਚਾਨਂ ਦਿਟ੍ਠਤ੍ਤਾ ਅਰਹਤ੍ਤਸਙ੍ਖਾਤਸ੍ਸ ਅਤ੍ਥਸ੍ਸ ਪਤ੍ਤਿ, ਸਬ੍ਬਦਰਥਪਰਿਲ਼ਾਹવੂਪਸਨ੍ਤਤਾਯ ਹਦਯਸ੍ਸ ਸਨ੍ਤੀਤਿ।
26. Chaṭṭhe kumāripañhesūti kumārīnaṃ māradhītānaṃ pucchāsu. Atthassapattiṃ hadayassa santinti dvīhipi padehi arahattameva kathitaṃ. Senanti rāgādikilesasenaṃ. Piyasātarūpanti piyajātikesu ca sātajātikesu ca vatthūsu uppajjanato evaṃladdhanāmaṃ. Ekohaṃ jhāyaṃ sukhamanubodhinti evaṃ kilesasenaṃ jinitvā ahaṃ ekakova jhāyanto sukhaṃ anubujjhiṃ sacchiakāsiṃ. Sakkhinti sakkhibhāvappattaṃ dhammasakkhiṃ. Na sampajjati kenaci meti mayhaṃ kenaci saddhiṃ mittadhammo nāma natthi. Pathavīkasiṇasamāpattiparamā kho, bhagini, eke samaṇabrāhmaṇā atthoti abhinibbattesunti pathavīkasiṇasamāpattiparamo uttamo atthoti gahetvā abhinibbattesuṃ. Yāvatā kho, bhagini, pathavīkasiṇasamāpattiparamatāti yattakā pathavīkasiṇasamāpattiyā uttamakoṭi. Tadabhiññāsi bhagavāti taṃ bhagavā abhiññāpaññāya abhiññāsi. Assādamaddasāti samudayasaccaṃ addasa. Ādīnavamaddasāti dukkhasaccaṃ addasa. Nissaraṇamaddasāti nirodhasaccaṃ addasa. Maggāmaggañāṇadassanamaddasāti maggasaccaṃ addasa. Atthassa pattīti etesaṃ catunnaṃ saccānaṃ diṭṭhattā arahattasaṅkhātassa atthassa patti, sabbadarathapariḷāhavūpasantatāya hadayassa santīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਕਾਲ਼ੀਸੁਤ੍ਤਂ • 6. Kāḷīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਕਾਲ਼ੀਸੁਤ੍ਤવਣ੍ਣਨਾ • 6. Kāḷīsuttavaṇṇanā
