| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. гаал̣уд̣̇ааяид̇т̇зраабад̣̇аанаван̣н̣анаа
4. Kāḷudāyittheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о гаал̣уд̣̇ааяид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ гулаббасаад̣̇агаанам̣ бхигкуунам̣ аг̇г̇адтаанз табзнд̇ам̣ д̣̇исваа д̇аж̇ж̇ам̣ абхинийхаарам̣ гад̇ваа д̇ам̣ таананд̇арам̣ бад̇т̇зси.
Padumuttarabuddhassātiādikaṃ āyasmato kāḷudāyittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare kulagehe nibbatto satthu dhammadesanaṃ suṇanto satthāraṃ ekaṃ bhikkhuṃ kulappasādakānaṃ bhikkhūnaṃ aggaṭṭhāne ṭhapentaṃ disvā tajjaṃ abhinīhāraṃ katvā taṃ ṭhānantaraṃ patthesi.
со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ б̣од̇хисад̇д̇асса маад̇угужчияам̣ бадисанд̇хиг̇г̇ахан̣ад̣̇ивасз габилавад̇т̇усмим̣язва амажжаг̇зхз бадисанд̇хим̣ г̇ан̣хи, б̣од̇хисад̇д̇зна сад̣̇д̇хим̣ згад̣̇ивасам̣язва ж̇аад̇од̇и д̇ам̣ д̣̇ивасам̣язва нам̣ д̣̇угуулажумб̣адагз нибаж̇ж̇аабзд̇ваа б̣од̇хисад̇д̇асса убадтаанад̇т̇ааяа наяим̣су. б̣од̇хисад̇д̇зна хи сад̣̇д̇хим̣ б̣од̇хиругко, раахуламаад̇аа, жад̇д̇ааро нид̇хий, аароханахад̇т̇ий, ассаган̣д̣аго, аананд̣̇о, чанно, гаал̣уд̣̇ааяийд̇и имз сад̇д̇а згад̣̇ивасз ж̇аад̇ад̇д̇аа сахаж̇аад̇аа наама ахзсум̣. ат̇асса наамаг̇г̇ахан̣ад̣̇ивасз сагаланаг̇арасса уд̣̇аг̇г̇ажид̇д̇ад̣̇ивасз ж̇аад̇ад̇д̇аа уд̣̇ааяид̇взва наамам̣ агам̣су. т̇огам̣ гаал̣ад̇хаад̇угад̇д̇аа бана гаал̣уд̣̇ааяийд̇и бан̃н̃ааяид̇т̇а. со б̣од̇хисад̇д̇зна сад̣̇д̇хим̣ гумаарагийл̣ам̣ гийл̣анд̇о вуд̣̇д̇хим̣ аг̇амааси.
So yāvajīvaṃ kusalaṃ katvā devamanussesu saṃsaranto amhākaṃ bodhisattassa mātukucchiyaṃ paṭisandhiggahaṇadivase kapilavatthusmiṃyeva amaccagehe paṭisandhiṃ gaṇhi, bodhisattena saddhiṃ ekadivasaṃyeva jātoti taṃ divasaṃyeva naṃ dukūlacumbaṭake nipajjāpetvā bodhisattassa upaṭṭhānatthāya nayiṃsu. Bodhisattena hi saddhiṃ bodhirukkho, rāhulamātā, cattāro nidhī, ārohanahatthī, assakaṇḍako, ānando, channo, kāḷudāyīti ime satta ekadivase jātattā sahajātā nāma ahesuṃ. Athassa nāmaggahaṇadivase sakalanagarassa udaggacittadivase jātattā udāyitveva nāmaṃ akaṃsu. Thokaṃ kāḷadhātukattā pana kāḷudāyīti paññāyittha. So bodhisattena saddhiṃ kumārakīḷaṃ kīḷanto vuddhiṃ agamāsi.
абарабхааг̇з логанаат̇з махаабхинигкаманам̣ нигкамид̇ваа ануггамзна саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа взл̣уванз вихаранд̇з суд̣̇д̇ход̣̇анамахаарааж̇аа д̇ам̣ бавад̇д̇им̣ суд̇ваа бурисасахассабариваарам̣ згам̣ амажжам̣ ‘‘буд̇д̇ам̣ мз ид̇хаанзхий’’д̇и бзсзси. со д̇хаммад̣̇зсанаавзлааяам̣ сад̇т̇у санд̇игам̣ г̇анд̇ваа барисабарияанд̇з тид̇о д̇хаммам̣ суд̇ваа сабаривааро арахад̇д̇ам̣ баабун̣и. ат̇а нз сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. саб̣б̣з д̇ан̇кан̣ан̃н̃зва ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. арахад̇д̇аббад̇д̇ид̇о бадтааяа бана арияаа маж̇жхад̇д̇аава хонд̇и. д̇асмаа ран̃н̃аа бахид̇асаасанам̣ д̣̇асаб̣аласса на гат̇зси. рааж̇аа ‘‘нзва г̇ад̇о ааг̇ажчад̇и, на саасанам̣ суяяад̇ий’’д̇и абарам̣ амажжам̣ бурисасахассзхи бзсзси. д̇асмимби д̇ат̇аа бадибаннз абарамби бзсзсийд̇и звам̣ навахи бурисасахассзхи сад̣̇д̇хим̣ нава амажжз бзсзси. саб̣б̣з арахад̇д̇ам̣ бад̇ваа д̇ун̣хий ахзсум̣.
Aparabhāge lokanāthe mahābhinikkhamanaṃ nikkhamitvā anukkamena sabbaññutaṃ patvā pavattitavaradhammacakke rājagahaṃ upanissāya veḷuvane viharante suddhodanamahārājā taṃ pavattiṃ sutvā purisasahassaparivāraṃ ekaṃ amaccaṃ ‘‘puttaṃ me idhānehī’’ti pesesi. So dhammadesanāvelāyaṃ satthu santikaṃ gantvā parisapariyante ṭhito dhammaṃ sutvā saparivāro arahattaṃ pāpuṇi. Atha ne satthā ‘‘etha, bhikkhavo’’ti hatthaṃ pasāresi. Sabbe taṅkhaṇaññeva iddhimayapattacīvaradharā vassasaṭṭhikattherā viya ahesuṃ. Arahattappattito paṭṭhāya pana ariyā majjhattāva honti. Tasmā raññā pahitasāsanaṃ dasabalassa na kathesi. Rājā ‘‘neva gato āgacchati, na sāsanaṃ suyyatī’’ti aparaṃ amaccaṃ purisasahassehi pesesi. Tasmimpi tathā paṭipanne aparampi pesesīti evaṃ navahi purisasahassehi saddhiṃ nava amacce pesesi. Sabbe arahattaṃ patvā tuṇhī ahesuṃ.
ат̇а рааж̇аа жинд̇зси – ‘‘зд̇д̇агаа ж̇анаа маяи синзхаабхаавзна д̣̇асаб̣аласса ид̇хааг̇аманад̇т̇ааяа на гин̃жи гат̇аяим̣су, аяам̣ ко уд̣̇ааяи д̣̇асаб̣алзна самаваяо, сахабам̣сугийл̣иго, маяи жа синзхо ад̇т̇и, имам̣ бзсзссаамий’’д̇и д̇ам̣ баггосаабзд̇ваа, ‘‘д̇аад̇а, д̇вам̣ бурисасахассабаривааро рааж̇аг̇ахам̣ г̇анд̇ваа д̣̇асаб̣алам̣ ид̇хаанзхий’’д̇и вад̇ваа бзсзси. со бана г̇ажчанд̇о ‘‘сажаахам̣, д̣̇зва, баб̣б̣аж̇ид̇ум̣ лабхиссаами, зваахам̣ бхаг̇аванд̇ам̣ ид̇хаанзссаамий’’д̇и вад̇ваа ‘‘яам̣ гин̃жи гад̇ваа мама буд̇д̇ам̣ д̣̇ассзхий’’д̇и вуд̇д̇о рааж̇аг̇ахам̣ г̇анд̇ваа сад̇т̇у д̇хаммад̣̇зсанавзлааяам̣ барисабарияанд̇з тид̇о д̇хаммам̣ суд̇ваа сабаривааро арахад̇д̇ам̣ бад̇ваа зхибхигкубхаавз бад̇идтааси. арахад̇д̇ам̣ бана бад̇ваа ‘‘на д̇аавааяам̣ д̣̇асаб̣аласса гуланаг̇арам̣ г̇анд̇ум̣ гаало, васанд̇з бана убаг̇ад̇з бубпид̇з ванасан̣д̣з харид̇ад̇ин̣асан̃чаннааяа бхуумияаа г̇аманагаало бхависсад̇ий’’д̇и гаалам̣ бадимаанзнд̇о васанд̇з самбад̇д̇з сад̇т̇у гуланаг̇арам̣ г̇анд̇ум̣ г̇аманамаг̇г̇аван̣н̣ам̣ сам̣ван̣н̣знд̇о –
Atha rājā cintesi – ‘‘ettakā janā mayi sinehābhāvena dasabalassa idhāgamanatthāya na kiñci kathayiṃsu, ayaṃ kho udāyi dasabalena samavayo, sahapaṃsukīḷiko, mayi ca sineho atthi, imaṃ pesessāmī’’ti taṃ pakkosāpetvā, ‘‘tāta, tvaṃ purisasahassaparivāro rājagahaṃ gantvā dasabalaṃ idhānehī’’ti vatvā pesesi. So pana gacchanto ‘‘sacāhaṃ, deva, pabbajituṃ labhissāmi, evāhaṃ bhagavantaṃ idhānessāmī’’ti vatvā ‘‘yaṃ kiñci katvā mama puttaṃ dassehī’’ti vutto rājagahaṃ gantvā satthu dhammadesanavelāyaṃ parisapariyante ṭhito dhammaṃ sutvā saparivāro arahattaṃ patvā ehibhikkhubhāve patiṭṭhāsi. Arahattaṃ pana patvā ‘‘na tāvāyaṃ dasabalassa kulanagaraṃ gantuṃ kālo, vasante pana upagate pupphite vanasaṇḍe haritatiṇasañchannāya bhūmiyā gamanakālo bhavissatī’’ti kālaṃ paṭimānento vasante sampatte satthu kulanagaraṃ gantuṃ gamanamaggavaṇṇaṃ saṃvaṇṇento –
‘‘ан̇г̇аарино д̣̇аани д̣̇умаа бхад̣̇анд̇з, палзсино чад̣̇анам̣ виббахааяа;
‘‘Aṅgārino dāni dumā bhadante, phalesino chadanaṃ vippahāya;
д̇з ажжиманд̇ова бабхаасаяанд̇и, самаяо махаавийра бхааг̇ий рат̇аанам̣.
Te accimantova pabhāsayanti, samayo mahāvīra bhāgī rathānaṃ.
‘‘д̣̇умаани пуллаани манорамаани, саманд̇ад̇о саб̣б̣ад̣̇исаа баванд̇и;
‘‘Dumāni phullāni manoramāni, samantato sabbadisā pavanti;
бад̇д̇ам̣ бахааяа паламаасасаанаа, гаало ид̇о баггаманааяа вийра.
Pattaṃ pahāya phalamāsasānā, kālo ito pakkamanāya vīra.
‘‘нзваад̇исийд̇ам̣ на банаад̇иун̣хам̣, сукаа уд̇у ад̣̇д̇ханияаа бхад̣̇анд̇з;
‘‘Nevātisītaṃ na panātiuṇhaṃ, sukhā utu addhaniyā bhadante;
бассанд̇у д̇ам̣ саагияаа гол̣ияаа жа, бажчаамукам̣ рохинияам̣ д̇аранд̇ам̣.
Passantu taṃ sākiyā koḷiyā ca, pacchāmukhaṃ rohiniyaṃ tarantaṃ.
‘‘аасааяа гасад̇з кзд̇д̇ам̣, б̣ийж̇ам̣ аасааяа ваббад̇и;
‘‘Āsāya kasate khettaṃ, bījaṃ āsāya vappati;
аасааяа ваан̣иж̇аа яанд̇и, самуд̣̇д̣̇ам̣ д̇ханахаарагаа;
Āsāya vāṇijā yanti, samuddaṃ dhanahārakā;
яааяа аасааяа д̇идтаами, саа мз аасаа самиж̇жхад̇у. (т̇зраг̇аа. 527-530);
Yāya āsāya tiṭṭhāmi, sā me āsā samijjhatu. (theragā. 527-530);
‘‘наад̇исийд̇ам̣ наад̇иун̣хам̣, наад̇ид̣̇уб̣бхигкачаад̇агам̣;
‘‘Nātisītaṃ nātiuṇhaṃ, nātidubbhikkhachātakaṃ;
сад̣̇д̣̇алаа харид̇аа бхууми, зса гаало махаамуни. (а. ни. адта. 1.1.225);
Saddalā haritā bhūmi, esa kālo mahāmuni. (a. ni. aṭṭha. 1.1.225);
‘‘бунаббунан̃жзва вабанд̇и б̣ийж̇ам̣, бунаббунам̣ вассад̇и д̣̇зварааж̇аа;
‘‘Punappunañceva vapanti bījaṃ, punappunaṃ vassati devarājā;
бунаббунам̣ кзд̇д̇ам̣ гасанд̇и гассагаа, бунаббунам̣ д̇хан̃н̃амубзд̇и радтам̣.
Punappunaṃ khettaṃ kasanti kassakā, punappunaṃ dhaññamupeti raṭṭhaṃ.
‘‘бунаббунам̣ яаажанагаа жаранд̇и, бунаббунам̣ д̣̇аанаббад̇ий д̣̇ад̣̇анд̇и;
‘‘Punappunaṃ yācanakā caranti, punappunaṃ dānappatī dadanti;
бунаббунам̣ д̣̇аанаббад̇ий д̣̇ад̣̇ид̇ваа, бунаббунам̣ саг̇г̇амубзнд̇и таанам̣.
Punappunaṃ dānappatī daditvā, punappunaṃ saggamupenti ṭhānaṃ.
‘‘вийро хавз сад̇д̇аяуг̇ам̣ бунзд̇и, яасмим̣ гулз ж̇ааяад̇и бхуурибан̃н̃о;
‘‘Vīro have sattayugaṃ puneti, yasmiṃ kule jāyati bhūripañño;
ман̃н̃аамахам̣ саггад̇и д̣̇звад̣̇зво, д̇аяаа хи ж̇аад̇о муни сажжанаамо.
Maññāmahaṃ sakkati devadevo, tayā hi jāto muni saccanāmo.
‘‘суд̣̇д̇ход̣̇ано наама бид̇аа махзсино, б̣уд̣̇д̇хасса маад̇аа бана мааяанаамаа;
‘‘Suddhodano nāma pitā mahesino, buddhassa mātā pana māyanāmā;
яаа б̣од̇хисад̇д̇ам̣ барихарияа гужчинаа, гааяасса бхзд̣̇аа д̇ид̣̇ивамхи мод̣̇ад̇и.
Yā bodhisattaṃ parihariya kucchinā, kāyassa bhedā tidivamhi modati.
‘‘саа г̇од̇амий гаалагад̇аа ид̇о жуд̇аа, д̣̇иб̣б̣зхи гаамзхи саман̇г̇ибхууд̇аа;
‘‘Sā gotamī kālakatā ito cutā, dibbehi kāmehi samaṅgibhūtā;
саа мод̣̇ад̇и гаамаг̇ун̣зхи бан̃жахи, бариваарид̇аа д̣̇зваг̇ан̣зхи д̇зхий’’д̇и. (т̇зраг̇аа. 531-535);
Sā modati kāmaguṇehi pañcahi, parivāritā devagaṇehi tehī’’ti. (theragā. 531-535);
имаа г̇аат̇аа абхааси. д̇ад̇т̇а ан̇г̇ааринод̇и ан̇г̇аараани вияаад̇и ан̇г̇аараани. ан̇г̇аараани рад̇д̇абаваал̣аван̣н̣аани ругкаанам̣ бубпапалаани, д̇аани зд̇зсам̣ санд̇ийд̇и ан̇г̇аарино, абхилохид̇агусумагисалаязхи ан̇г̇ааравудтисамбаригин̣н̣аа вияаад̇и ад̇т̇о. д̣̇аанийд̇и имасмим̣ гаалз. д̣̇умаад̇и ругкаа. бхад̣̇анд̇зд̇и бхад̣̇д̣̇ам̣ анд̇з зд̇ассаад̇и, ‘‘бхад̣̇анд̇з’’д̇и згасса д̣̇а-гаарасса лобам̣ гад̇ваа вужжад̇и. г̇ун̣ависзсаяуд̇д̇о, г̇ун̣ависзсаяуд̇д̇аанан̃жа аг̇г̇абхууд̇о сад̇т̇аа. д̇асмаа, бхад̣̇анд̇зд̇и сад̇т̇у аалабанамзва, бажжад̇д̇аважанан̃жзд̇ам̣ згааранд̇ам̣ ‘‘суг̇ад̇з бадигаммз сукз д̣̇угкз ж̇ийвз’’д̇иаад̣̇ийсу вияа. ид̇ха бана самб̣од̇ханадтз д̣̇адтаб̣б̣ам̣. д̇зна вуд̇д̇ам̣, ‘‘бхад̣̇анд̇зд̇и аалабана’’нд̇и. ‘‘бхад̣̇д̣̇асад̣̇д̣̇зна самаанад̇т̇ам̣ бад̣̇анд̇арамзга’’нд̇и гзжи. палаани зсанд̇ийд̇и палзсино. ажзд̇анзби хи сажзд̇анагирияам̣ ааха. звам̣ т̇зрзна яаажид̇о бхаг̇аваа д̇ад̇т̇а г̇аманз б̣ахуунам̣ висзсаад̇хиг̇аманам̣ д̣̇исваа вийсад̇исахассакийн̣аасавабаривуд̇о рааж̇аг̇ахад̇о ад̇урид̇ажааригаавасзна габилавад̇т̇уг̇аамимаг̇г̇ам̣ бадибаж̇ж̇и. т̇зро ид̣̇д̇хияаа габилавад̇т̇ум̣ г̇анд̇ваа ран̃н̃о бурад̇о аагаасз тид̇ова ад̣̇идтабуб̣б̣авзсам̣ д̣̇исваа ран̃н̃аа ‘‘госи д̇ва’’нд̇и бужчид̇о ‘‘амажжабуд̇д̇ам̣ д̇аяаа бхаг̇авад̇о санд̇игам̣ бзсид̇ам̣ мам̣ на ж̇аанааси, д̇вам̣ звам̣ бана ж̇аанаахий’’д̇и д̣̇ассзнд̇о –
Imā gāthā abhāsi. Tattha aṅgārinoti aṅgārāni viyāti aṅgārāni. Aṅgārāni rattapavāḷavaṇṇāni rukkhānaṃ pupphaphalāni, tāni etesaṃ santīti aṅgārino, abhilohitakusumakisalayehi aṅgāravuṭṭhisamparikiṇṇā viyāti attho. Dānīti imasmiṃ kāle. Dumāti rukkhā. Bhadanteti bhaddaṃ ante etassāti, ‘‘bhadante’’ti ekassa da-kārassa lopaṃ katvā vuccati. Guṇavisesayutto, guṇavisesayuttānañca aggabhūto satthā. Tasmā, bhadanteti satthu ālapanameva, paccattavacanañcetaṃ ekārantaṃ ‘‘sugate paṭikamme sukhe dukkhe jīve’’tiādīsu viya. Idha pana sambodhanaṭṭhe daṭṭhabbaṃ. Tena vuttaṃ, ‘‘bhadanteti ālapana’’nti. ‘‘Bhaddasaddena samānatthaṃ padantarameka’’nti keci. Phalāni esantīti phalesino. Acetanepi hi sacetanakiriyaṃ āha. Evaṃ therena yācito bhagavā tattha gamane bahūnaṃ visesādhigamanaṃ disvā vīsatisahassakhīṇāsavaparivuto rājagahato aturitacārikāvasena kapilavatthugāmimaggaṃ paṭipajji. Thero iddhiyā kapilavatthuṃ gantvā rañño purato ākāse ṭhitova adiṭṭhapubbavesaṃ disvā raññā ‘‘kosi tva’’nti pucchito ‘‘amaccaputtaṃ tayā bhagavato santikaṃ pesitaṃ maṃ na jānāsi, tvaṃ evaṃ pana jānāhī’’ti dassento –
‘‘б̣уд̣̇д̇хасса буд̇д̇омхи асаяхасаахино, ан̇г̇ийрасассаббадимасса д̇аад̣̇ино;
‘‘Buddhassa puttomhi asayhasāhino, aṅgīrasassappaṭimassa tādino;
бид̇убид̇аа маяхам̣ д̇увам̣си сагга, д̇хаммзна мз г̇од̇ама аяяагосий’’д̇и. (т̇зраг̇аа. 536) –
Pitupitā mayhaṃ tuvaṃsi sakka, dhammena me gotama ayyakosī’’ti. (theragā. 536) –
г̇аат̇амааха.
Gāthamāha.
д̇ад̇т̇а б̣уд̣̇д̇хасса буд̇д̇омхийд̇и саб̣б̣ан̃н̃уб̣уд̣̇д̇хасса орасса буд̇д̇о амхи. асаяхасаахинод̇и абхисамб̣од̇хид̇о буб̣б̣з табзд̇ваа махааб̣од̇хисад̇д̇ам̣ ан̃н̃зхи сахид̇ум̣ вахид̇ум̣ асаггун̣зяяад̇д̇аа асаяхасса сагаласса б̣од̇хисамбхаарасса махаагаарун̣игаад̇хигаарасса жа саханад̇о ваханад̇о, д̇ад̇о барамби ан̃н̃зхи сахид̇ум̣ абхибхавид̇ум̣ асаггун̣зяяад̇д̇аа асаяхаанам̣ бан̃жаннам̣ маараанам̣ саханад̇о абхибхаванад̇о, аасаяаанусаяажарид̇аад̇химуд̇д̇иаад̣̇ивибхааг̇ааваб̣од̇ханзна яат̇аарахам̣ взнзяяаанам̣ д̣̇идтад̇хаммигасамбарааяигабарамад̇т̇зхи анусаасанийсан̇каад̇асса ан̃н̃зхи асаяхасса б̣уд̣̇д̇хагижжасса саханад̇о, д̇ад̇т̇а ваа саад̇хугаарибхаавад̇о асаяхасаахино. ан̇г̇ийрасассаад̇и ан̇г̇ийгад̇асийлаад̣̇исамбад̇д̇игасса. ан̇г̇аман̇г̇зхи нижчаран̣агаобхаасассаад̇и абарз. гзжи бана ‘‘ан̇г̇ийрасо, сид̣̇д̇хад̇т̇од̇и д̣̇вз наамаани бид̇арааязва г̇ахид̇ааний’’д̇и вад̣̇анд̇и. аббадимассаад̇и ануубамасса. идтаанидтзсу д̇аад̣̇илагкан̣аббад̇д̇ияаа д̇аад̣̇ино. бид̇убид̇аа маяхам̣ д̇увам̣сийд̇и арияаж̇аад̇ивасзна маяхам̣ бид̇у саммаасамб̣уд̣̇д̇хасса логавохаарзна д̇вам̣ бид̇аа аси. саггаад̇и ж̇аад̇ивасзна рааж̇аанам̣ аалабад̇и. д̇хаммзнаад̇и сабхаавзна арияаж̇аад̇и логияаж̇аад̇ийд̇и д̣̇виннам̣ ж̇аад̇ийнам̣ сабхаавасамод̇хаанзна. г̇од̇амаад̇и рааж̇аанам̣ г̇од̇д̇зна аалабад̇и. аяяагосийд̇и бид̇аамахо аси. зд̇т̇а жа ‘‘б̣уд̣̇д̇хасса буд̇д̇омхий’’д̇иаад̣̇им̣ вад̣̇анд̇о т̇зро ан̃н̃ам̣ б̣яаагааси.
Tattha buddhassa puttomhīti sabbaññubuddhassa orassa putto amhi. Asayhasāhinoti abhisambodhito pubbe ṭhapetvā mahābodhisattaṃ aññehi sahituṃ vahituṃ asakkuṇeyyattā asayhassa sakalassa bodhisambhārassa mahākāruṇikādhikārassa ca sahanato vahanato, tato parampi aññehi sahituṃ abhibhavituṃ asakkuṇeyyattā asayhānaṃ pañcannaṃ mārānaṃ sahanato abhibhavanato, āsayānusayacaritādhimuttiādivibhāgāvabodhanena yathārahaṃ veneyyānaṃ diṭṭhadhammikasamparāyikaparamatthehi anusāsanīsaṅkhātassa aññehi asayhassa buddhakiccassa sahanato, tattha vā sādhukāribhāvato asayhasāhino. Aṅgīrasassāti aṅgīkatasīlādisampattikassa. Aṅgamaṅgehi niccharaṇakaobhāsassāti apare. Keci pana ‘‘aṅgīraso, siddhatthoti dve nāmāni pitarāyeva gahitānī’’ti vadanti. Appaṭimassāti anūpamassa. Iṭṭhāniṭṭhesu tādilakkhaṇappattiyā tādino. Pitupitā mayhaṃ tuvaṃsīti ariyajātivasena mayhaṃ pitu sammāsambuddhassa lokavohārena tvaṃ pitā asi. Sakkāti jātivasena rājānaṃ ālapati. Dhammenāti sabhāvena ariyajāti lokiyajātīti dvinnaṃ jātīnaṃ sabhāvasamodhānena. Gotamāti rājānaṃ gottena ālapati. Ayyakosīti pitāmaho asi. Ettha ca ‘‘buddhassa puttomhī’’tiādiṃ vadanto thero aññaṃ byākāsi.
звам̣ бана ад̇д̇аанам̣ ж̇аанаабзд̇ваа хадтад̇удтзна ран̃н̃аа махаарахз баллан̇гз нисийд̣̇аабзд̇ваа ад̇д̇ано бадияаад̣̇ид̇асса наанаг̇г̇арасабхож̇анасса бад̇д̇ам̣ буурзд̇ваа д̣̇иннз г̇аманаагаарам̣ д̣̇ассзси. ‘‘гасмаа, бханд̇з, г̇анд̇угаамад̇т̇а, бхун̃ж̇ат̇аа’’д̇и жа вуд̇д̇з, ‘‘сад̇т̇у санд̇игам̣ г̇анд̇ваа бхун̃ж̇иссаамий’’д̇и. ‘‘гахам̣ бана сад̇т̇аа’’д̇и? ‘‘вийсад̇исахассабхигкубаривааро д̇умхаагам̣ д̣̇ассанад̇т̇ааяа маг̇г̇ам̣ бадибанно’’д̇и. ‘‘д̇умхз имам̣ бин̣д̣абаад̇ам̣ бхун̃ж̇ат̇а, ан̃н̃ам̣ бхаг̇авад̇о хариссат̇а. яаава жа мама буд̇д̇о имам̣ наг̇арам̣ самбаабун̣аад̇и, д̇аавасса ид̇о бин̣д̣абаад̇ам̣ харат̇аа’’д̇и вуд̇д̇з т̇зро бхад̇д̇агижжам̣ гад̇ваа ран̃н̃о барисааяа жа д̇хаммам̣ гат̇зд̇ваа сад̇т̇у ааг̇аманад̇о бурзд̇арамзва сагаларааж̇анивзсанам̣ рад̇анад̇д̇аяз абхиббасаннам̣ гаронд̇о саб̣б̣зсам̣ бассанд̇аанам̣язва сад̇т̇у аахарид̇аб̣б̣абхад̇д̇абун̣н̣ам̣ бад̇д̇ам̣ аагаасз виссаж̇ж̇зд̇ваа саяамби взхаасам̣ аб̣бхуг̇г̇анд̇ваа бин̣д̣абаад̇ам̣ убанаамзд̇ваа сад̇т̇у хад̇т̇з табзси. сад̇т̇аа д̇ам̣ бин̣д̣абаад̇ам̣ барибхун̃ж̇и. звам̣ садтияож̇анамаг̇г̇з д̣̇ивасз д̣̇ивасз яож̇анам̣ г̇ажчанд̇асса бхаг̇авад̇о рааж̇аг̇зхад̇оязва бин̣д̣абаад̇ам̣ аахарид̇ваа ад̣̇ааси. ат̇а нам̣ бхаг̇аваа ‘‘аяам̣ маяхам̣ бид̇уно сагаланивзсанам̣ басаад̣̇зд̇ий’’д̇и ‘‘зд̇ад̣̇аг̇г̇ам̣, бхигкавз, мама саавагаанам̣ гулаббасаад̣̇агаанам̣ бхигкуунам̣ яад̣̇ид̣̇ам̣ гаал̣уд̣̇ааяий’’д̇и (а. ни. 1.219, 225) гулаббасаад̣̇агаанам̣ аг̇г̇адтаанз табзси.
Evaṃ pana attānaṃ jānāpetvā haṭṭhatuṭṭhena raññā mahārahe pallaṅke nisīdāpetvā attano paṭiyāditassa nānaggarasabhojanassa pattaṃ pūretvā dinne gamanākāraṃ dassesi. ‘‘Kasmā, bhante, gantukāmattha, bhuñjathā’’ti ca vutte, ‘‘satthu santikaṃ gantvā bhuñjissāmī’’ti. ‘‘Kahaṃ pana satthā’’ti? ‘‘Vīsatisahassabhikkhuparivāro tumhākaṃ dassanatthāya maggaṃ paṭipanno’’ti. ‘‘Tumhe imaṃ piṇḍapātaṃ bhuñjatha, aññaṃ bhagavato harissatha. Yāva ca mama putto imaṃ nagaraṃ sampāpuṇāti, tāvassa ito piṇḍapātaṃ harathā’’ti vutte thero bhattakiccaṃ katvā rañño parisāya ca dhammaṃ kathetvā satthu āgamanato puretarameva sakalarājanivesanaṃ ratanattaye abhippasannaṃ karonto sabbesaṃ passantānaṃyeva satthu āharitabbabhattapuṇṇaṃ pattaṃ ākāse vissajjetvā sayampi vehāsaṃ abbhuggantvā piṇḍapātaṃ upanāmetvā satthu hatthe ṭhapesi. Satthā taṃ piṇḍapātaṃ paribhuñji. Evaṃ saṭṭhiyojanamagge divase divase yojanaṃ gacchantassa bhagavato rājagehatoyeva piṇḍapātaṃ āharitvā adāsi. Atha naṃ bhagavā ‘‘ayaṃ mayhaṃ pituno sakalanivesanaṃ pasādetī’’ti ‘‘etadaggaṃ, bhikkhave, mama sāvakānaṃ kulappasādakānaṃ bhikkhūnaṃ yadidaṃ kāḷudāyī’’ti (a. ni. 1.219, 225) kulappasādakānaṃ aggaṭṭhāne ṭhapesi.
48-9. звам̣ со гад̇абун̃н̃асамбхаараануруубзна арахад̇д̇ам̣ бад̇ваа бад̇д̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о бад̣̇умуд̇д̇арасса б̣уд̣̇д̇хассаад̇иаад̣̇имааха. ад̣̇д̇хаанам̣ бадибаннассаад̇и абарарадтам̣ г̇аманад̇т̇ааяа д̣̇уурамаг̇г̇ам̣ бадибаж̇ж̇анд̇асса. жарад̇о жааригам̣ д̇ад̣̇аад̇и анд̇оман̣д̣алам̣ маж̇жхзман̣д̣алам̣ б̣ахиман̣д̣аланд̇и д̇ийн̣и ман̣д̣алаани д̇ад̣̇аа жааригам̣ жарад̇о жаранд̇асса бад̣̇умуд̇д̇араб̣уд̣̇д̇хасса бхаг̇авад̇о супуллам̣ судту пуллам̣ баб̣од̇хид̇ам̣ г̇аяха г̇ахзд̇ваа на гзваламзва бад̣̇умам̣, уббалан̃жа маллигам̣ вигасид̇ам̣ ахам̣ г̇аяха убхохи хад̇т̇зхи г̇ахзд̇ваа буурзсинд̇и самб̣анд̇хо. бараманнам̣ г̇ахзд̇ваанаад̇и барамам̣ уд̇д̇амам̣ сздтам̣ мад̇хурам̣ саб̣б̣асубаггам̣ саалиод̣̇анам̣ г̇ахзд̇ваа сад̇т̇уно ад̣̇аасим̣ бхож̇зсинд̇и ад̇т̇о.
48-9. Evaṃ so katapuññasambhārānurūpena arahattaṃ patvā pattaetadaggaṭṭhāno attano pubbakammaṃ saritvā somanassavasena pubbacaritāpadānaṃ pakāsento padumuttarassa buddhassātiādimāha. Addhānaṃ paṭipannassāti apararaṭṭhaṃ gamanatthāya dūramaggaṃ paṭipajjantassa. Carato cārikaṃ tadāti antomaṇḍalaṃ majjhemaṇḍalaṃ bahimaṇḍalanti tīṇi maṇḍalāni tadā cārikaṃ carato carantassa padumuttarabuddhassa bhagavato suphullaṃ suṭṭhu phullaṃ pabodhitaṃ gayha gahetvā na kevalameva padumaṃ, uppalañca mallikaṃ vikasitaṃ ahaṃ gayha ubhohi hatthehi gahetvā pūresinti sambandho. Paramannaṃ gahetvānāti paramaṃ uttamaṃ seṭṭhaṃ madhuraṃ sabbasupakkaṃ sāliodanaṃ gahetvā satthuno adāsiṃ bhojesinti attho.
97. сагяаанам̣ нанд̣̇иж̇ананод̇и сагяарааж̇агулаанам̣ бхаг̇авад̇о н̃аад̇ийнам̣ аарохабарин̣аахаруубаяоб̣б̣анаважанаалабанасамбад̇д̇ияаа нанд̣̇ам̣ д̇удтим̣ ж̇анзнд̇о уббаад̣̇знд̇о. н̃аад̇иб̣анд̇ху бхависсад̇ийд̇и н̃аад̇о баагадо б̣анд̇ху бхависсад̇и. сзсам̣ сувин̃н̃зяяамзваад̇и.
97.Sakyānaṃnandijananoti sakyarājakulānaṃ bhagavato ñātīnaṃ ārohapariṇāharūpayobbanavacanālapanasampattiyā nandaṃ tuṭṭhiṃ janento uppādento. Ñātibandhu bhavissatīti ñāto pākaṭo bandhu bhavissati. Sesaṃ suviññeyyamevāti.
гаал̣уд̣̇ааяид̇т̇зраабад̣̇аанаван̣н̣анаа самад̇д̇аа.
Kāḷudāyittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
4. гаал̣уд̣̇ааяид̇т̇зраабад̣̇аанам̣ • 4. Kāḷudāyittheraapadānaṃ
8. ааяааг̇ад̣̇ааяагад̇т̇зраабад̣̇аанам̣ • 8. Āyāgadāyakattheraapadānaṃ
