| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. гаал̣уд̣̇ааяид̇т̇зраабад̣̇аанаван̣н̣анаа
6. Kāḷudāyittheraapadānavaṇṇanā
чадтаабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о гаал̣уд̣̇ааяид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ гулаббасаад̣̇агаанам̣ аг̇г̇адтаанз табзнд̇ам̣ д̣̇исваа д̇аж̇ж̇ам̣ абхинийхаарагаммам̣ гад̇ваа д̇ам̣ таананд̇арам̣ бад̇т̇зси. сад̇т̇ааби б̣яаагааси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ б̣од̇хисад̇д̇асса маад̇угужчияам̣ бадисанд̇хиг̇г̇ахан̣ад̣̇ивасз д̣̇звалогад̇о жавид̇ваа габилавад̇т̇усмим̣язва амажжагулз бадисанд̇хим̣ г̇ан̣хи. б̣од̇хисад̇д̇зна саха згад̣̇ивасзязва ж̇аад̇о, д̇ам̣д̣̇ивасам̣язва нам̣ д̣̇угуулажумб̣адагзна нибаж̇ж̇аабзд̇ваа б̣од̇хисад̇д̇асса убадтаанам̣ наяим̣су. б̣од̇хисад̇д̇зна хи сад̣̇д̇хим̣ б̣од̇хиругко, раахуламаад̇аа, жад̇д̇ааро нид̇хий , аароханияахад̇т̇ий, ган̣д̣аго, чанно, гаал̣уд̣̇ааяийд̇и имз сад̇д̇а згад̣̇ивасз ж̇аад̇ад̇д̇аа сахаж̇аад̇аа наама ахзсум̣. ат̇асса наамаг̇г̇ахан̣ад̣̇ивасз сагаланаг̇арасса уд̣̇аг̇г̇ажид̇д̇ад̣̇ивасз ж̇аад̇ад̇д̇аа уд̣̇ааяийд̇взва наамам̣ гарим̣су. т̇огам̣ гаал̣ад̇хаад̇угад̇д̇аа бана гаал̣уд̣̇ааяийд̇и бан̃н̃ааяид̇т̇а. со б̣од̇хисад̇д̇зна сад̣̇д̇хим̣ гумаарагийл̣ам̣ гийл̣анд̇о вуд̣̇д̇хим̣ аг̇амааси.
Chaṭṭhāpadāne padumuttaro nāma jinotiādikaṃ āyasmato kāḷudāyittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare kulagehe nibbatto viññutaṃ patto satthu dhammadesanaṃ suṇanto satthāraṃ ekaṃ bhikkhuṃ kulappasādakānaṃ aggaṭṭhāne ṭhapentaṃ disvā tajjaṃ abhinīhārakammaṃ katvā taṃ ṭhānantaraṃ patthesi. Satthāpi byākāsi. So yāvajīvaṃ kusalaṃ katvā devamanussesu saṃsaranto amhākaṃ bodhisattassa mātukucchiyaṃ paṭisandhiggahaṇadivase devalokato cavitvā kapilavatthusmiṃyeva amaccakule paṭisandhiṃ gaṇhi. Bodhisattena saha ekadivaseyeva jāto, taṃdivasaṃyeva naṃ dukūlacumbaṭakena nipajjāpetvā bodhisattassa upaṭṭhānaṃ nayiṃsu. Bodhisattena hi saddhiṃ bodhirukkho, rāhulamātā, cattāro nidhī , ārohaniyahatthī, kaṇḍako, channo, kāḷudāyīti ime satta ekadivase jātattā sahajātā nāma ahesuṃ. Athassa nāmaggahaṇadivase sakalanagarassa udaggacittadivase jātattā udāyītveva nāmaṃ kariṃsu. Thokaṃ kāḷadhātukattā pana kāḷudāyīti paññāyittha. So bodhisattena saddhiṃ kumārakīḷaṃ kīḷanto vuddhiṃ agamāsi.
абарабхааг̇з логанаат̇з махаабхинигкаманам̣ нигкамид̇ваа ануггамзна саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа взл̣уванз вихаранд̇з суд̣̇д̇ход̣̇анамахаарааж̇аа д̇ам̣ бавад̇д̇им̣ суд̇ваа бурисасахассабариваарам̣ згам̣ амажжам̣ ‘‘буд̇д̇ам̣ мз ид̇хаанзхий’’д̇и бзсзси. со сад̇т̇у д̇хаммад̣̇зсанаавзлааяам̣ сад̇т̇у санд̇игам̣ г̇анд̇ваа барисабарияанд̇з тид̇о д̇хаммам̣ суд̇ваа сабаривааро арахад̇д̇ам̣ баабун̣и. ат̇а нз сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. саб̣б̣з д̇ам̣кан̣ам̣язва ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. арахад̇д̇аббад̇д̇ад̇о бадтааяа арияаа наама маж̇жхад̇д̇аава хонд̇и, д̇асмаа ран̃н̃аа бзсид̇асаасанам̣ д̣̇асаб̣аласса наарожзси. рааж̇аа нзва г̇ад̇о ааг̇ажчад̇и, на саасанам̣ суяяад̇ийд̇и абарамби амажжам̣ бурисасахассабариваарам̣ бзсзси. д̇асмимби д̇ат̇аа бадибаннз абарамбийд̇и зд̇зна наязна навабурисасахассабариваарз нава амажжз бзсзси. саб̣б̣з г̇анд̇ваа арахад̇д̇ам̣ бад̇ваа д̇ун̣хийбхууд̇аа ахзсум̣.
Aparabhāge lokanāthe mahābhinikkhamanaṃ nikkhamitvā anukkamena sabbaññutaṃ patvā pavattitavaradhammacakke rājagahaṃ upanissāya veḷuvane viharante suddhodanamahārājā taṃ pavattiṃ sutvā purisasahassaparivāraṃ ekaṃ amaccaṃ ‘‘puttaṃ me idhānehī’’ti pesesi. So satthu dhammadesanāvelāyaṃ satthu santikaṃ gantvā parisapariyante ṭhito dhammaṃ sutvā saparivāro arahattaṃ pāpuṇi. Atha ne satthā ‘‘etha, bhikkhavo’’ti hatthaṃ pasāresi. Sabbe taṃkhaṇaṃyeva iddhimayapattacīvaradharā vassasaṭṭhikattherā viya ahesuṃ. Arahattappattato paṭṭhāya ariyā nāma majjhattāva honti, tasmā raññā pesitasāsanaṃ dasabalassa nārocesi. Rājā neva gato āgacchati, na sāsanaṃ suyyatīti aparampi amaccaṃ purisasahassaparivāraṃ pesesi. Tasmimpi tathā paṭipanne aparampīti etena nayena navapurisasahassaparivāre nava amacce pesesi. Sabbe gantvā arahattaṃ patvā tuṇhībhūtā ahesuṃ.
ат̇а рааж̇аа жинд̇зси – ‘‘зд̇д̇агаа ж̇анаа маяи синзхаабхаавзна д̣̇асаб̣аласса ид̇хааг̇аманад̇т̇ааяа на гин̃жи гат̇аяим̣су, аяам̣ ко бана уд̣̇ааяий д̣̇асаб̣алзна самаваяо сахабам̣сугийл̣иго, маяи жа синзхаваа, имам̣ бзсзссаамий’’д̇и. ат̇а д̇ам̣ баггосаабзд̇ваа, ‘‘д̇аад̇а, д̇вам̣ бурисасахассабаривааро г̇анд̇ваа д̣̇асаб̣алам̣ ид̇хаанзхий’’д̇и вад̇ваа бзсзси. со бана г̇ажчанд̇о ‘‘сажаахам̣, д̣̇зва, баб̣б̣аж̇ид̇ум̣ лабхиссаами, зваахам̣ бхаг̇аванд̇ам̣ ид̇хаанзссаамий’’д̇и вад̇ваа ран̃н̃аа ‘‘баб̣б̣аж̇ид̇оби мама буд̇д̇ам̣ д̣̇ассзхий’’д̇и вуд̇д̇о рааж̇аг̇ахам̣ г̇анд̇ваа сад̇т̇у д̇хаммад̣̇зсанаавзлааяа барисабарияанд̇з тид̇о д̇хаммам̣ суд̇ваа сабаривааро арахад̇д̇ам̣ бад̇ваа зхибхигкубхаавз бад̇идтааси. со арахад̇д̇ам̣ бад̇ваа – ‘‘на д̇аавааяам̣ д̣̇асаб̣аласса гуланаг̇арам̣ г̇анд̇ум̣ гаало, вассанд̇з бана убаг̇ад̇з баб̣б̣ад̇зсу ванасан̣д̣зсу харид̇ад̇ин̣асан̃чаннааяа бхуумияаа г̇аманагаало бхависсад̇ий’’д̇и г̇аманагаалам̣ ааг̇амзнд̇о вассанд̇з самбад̇д̇з сад̇т̇у гуланаг̇арам̣ г̇анд̇ум̣ г̇аманаван̣н̣ам̣ сам̣ван̣н̣зси. вуд̇д̇ан̃жзд̇ам̣ т̇зраг̇аат̇ааяа (т̇зраг̇аа. 527-530) –
Atha rājā cintesi – ‘‘ettakā janā mayi sinehābhāvena dasabalassa idhāgamanatthāya na kiñci kathayiṃsu, ayaṃ kho pana udāyī dasabalena samavayo sahapaṃsukīḷiko, mayi ca sinehavā, imaṃ pesessāmī’’ti. Atha taṃ pakkosāpetvā, ‘‘tāta, tvaṃ purisasahassaparivāro gantvā dasabalaṃ idhānehī’’ti vatvā pesesi. So pana gacchanto ‘‘sacāhaṃ, deva, pabbajituṃ labhissāmi, evāhaṃ bhagavantaṃ idhānessāmī’’ti vatvā raññā ‘‘pabbajitopi mama puttaṃ dassehī’’ti vutto rājagahaṃ gantvā satthu dhammadesanāvelāya parisapariyante ṭhito dhammaṃ sutvā saparivāro arahattaṃ patvā ehibhikkhubhāve patiṭṭhāsi. So arahattaṃ patvā – ‘‘na tāvāyaṃ dasabalassa kulanagaraṃ gantuṃ kālo, vassante pana upagate pabbatesu vanasaṇḍesu haritatiṇasañchannāya bhūmiyā gamanakālo bhavissatī’’ti gamanakālaṃ āgamento vassante sampatte satthu kulanagaraṃ gantuṃ gamanavaṇṇaṃ saṃvaṇṇesi. Vuttañcetaṃ theragāthāya (theragā. 527-530) –
‘‘ан̇г̇аарино д̣̇аани д̣̇умаа бхад̣̇анд̇з, палзсино чад̣̇анам̣ виббахааяа;
‘‘Aṅgārino dāni dumā bhadante, phalesino chadanaṃ vippahāya;
д̇з ажжиманд̇ова бабхаасаяанд̇и, самаяо махаавийра бхааг̇ий расаанам̣.
Te accimantova pabhāsayanti, samayo mahāvīra bhāgī rasānaṃ.
‘‘д̣̇умаани пуллаани манорамаани, саманд̇ад̇о саб̣б̣ад̣̇исаа баванд̇и;
‘‘Dumāni phullāni manoramāni, samantato sabbadisā pavanti;
бад̇д̇ам̣ бахааяа паламаасасаанаа, гаало ид̇о баггаманааяа вийра.
Pattaṃ pahāya phalamāsasānā, kālo ito pakkamanāya vīra.
‘‘нзваад̇исийд̇ам̣ на банаад̇иун̣хам̣, сукаа уд̇у ад̣̇д̇ханияаа бхад̣̇анд̇з;
‘‘Nevātisītaṃ na panātiuṇhaṃ, sukhā utu addhaniyā bhadante;
бассанд̇у д̇ам̣ саагияаа гол̣ияаа жа, бажчаамукам̣ рохинияам̣ д̇аранд̇ам̣.
Passantu taṃ sākiyā koḷiyā ca, pacchāmukhaṃ rohiniyaṃ tarantaṃ.
‘‘аасааяа гасад̇з кзд̇д̇ам̣, б̣ийж̇ам̣ аасааяа ваббад̇и;
‘‘Āsāya kasate khettaṃ, bījaṃ āsāya vappati;
аасааяа ваан̣иж̇аа яанд̇и, самуд̣̇д̣̇ам̣ д̇ханахаарагаа;
Āsāya vāṇijā yanti, samuddaṃ dhanahārakā;
яааяа аасааяа д̇идтаами, саа мз аасаа самиж̇жхад̇у.
Yāya āsāya tiṭṭhāmi, sā me āsā samijjhatu.
‘‘наад̇исийд̇ам̣ наад̇иун̣хам̣, наад̇ид̣̇уб̣бхигкачаад̇агам̣;
‘‘Nātisītaṃ nātiuṇhaṃ, nātidubbhikkhachātakaṃ;
сад̣̇д̣̇алаа харид̇аа бхууми, зса гаало махаамуни. (а. ни. адта. 1.1.225);
Saddalā haritā bhūmi, esa kālo mahāmuni. (a. ni. aṭṭha. 1.1.225);
‘‘бунаббунан̃жзва вабанд̇и б̣ийж̇ам̣, бунаббунам̣ вассад̇и д̣̇зварааж̇аа;
‘‘Punappunañceva vapanti bījaṃ, punappunaṃ vassati devarājā;
бунаббунам̣ кзд̇д̇ам̣ гасанд̇и гассагаа, бунаббунам̣ д̇хан̃н̃амубзд̇и радтам̣.
Punappunaṃ khettaṃ kasanti kassakā, punappunaṃ dhaññamupeti raṭṭhaṃ.
‘‘бунаббунам̣ яаажанагаа жаранд̇и, бунаббунам̣ д̣̇аанабад̇ий д̣̇ад̣̇анд̇и;
‘‘Punappunaṃ yācanakā caranti, punappunaṃ dānapatī dadanti;
бунаббунам̣ д̣̇аанабад̇ий д̣̇ад̣̇ид̇ваа, бунаббунам̣ саг̇г̇амубзнд̇и таанам̣.
Punappunaṃ dānapatī daditvā, punappunaṃ saggamupenti ṭhānaṃ.
‘‘вийро хавз сад̇д̇аяуг̇ам̣ бунзд̇и; яасмим̣ гулз ж̇ааяад̇и бхуурибан̃н̃о;
‘‘Vīro have sattayugaṃ puneti; Yasmiṃ kule jāyati bhūripañño;
ман̃н̃аамахам̣ саггад̇и д̣̇звад̣̇зво, д̇аяаа хи ж̇аад̇о муни сажжанаамо.
Maññāmahaṃ sakkati devadevo, tayā hi jāto muni saccanāmo.
‘‘суд̣̇д̇ход̣̇ано наама бид̇аа махзсино, б̣уд̣̇д̇хасса маад̇аа бана мааяанаамаа;
‘‘Suddhodano nāma pitā mahesino, buddhassa mātā pana māyanāmā;
яаа б̣од̇хисад̇д̇ам̣ барихарияа гужчинаа, гааяасса бхзд̣̇аа д̇ид̣̇ивамхи мод̣̇ад̇и.
Yā bodhisattaṃ parihariya kucchinā, kāyassa bhedā tidivamhi modati.
‘‘саа г̇од̇амий гаалагад̇аа ид̇о жуд̇аа, д̣̇иб̣б̣зхи гаамзхи саман̇г̇ибхууд̇аа;
‘‘Sā gotamī kālakatā ito cutā, dibbehi kāmehi samaṅgibhūtā;
саа мод̣̇ад̇и гаамаг̇ун̣зхи бан̃жахи, бариваарид̇аа д̣̇зваг̇ан̣зхи д̇зхи.
Sā modati kāmaguṇehi pañcahi, parivāritā devagaṇehi tehi.
‘‘б̣уд̣̇д̇хасса буд̇д̇омхи асаяхасаахино, ан̇г̇ийрасассаббадимасса д̇аад̣̇ино;
‘‘Buddhassa puttomhi asayhasāhino, aṅgīrasassappaṭimassa tādino;
бид̇убид̇аа маяхам̣ д̇увам̣си сагга, д̇хаммзна мз г̇од̇ама аяяагосий’’д̇и. (т̇зраг̇аа. 531-536);
Pitupitā mayhaṃ tuvaṃsi sakka, dhammena me gotama ayyakosī’’ti. (theragā. 531-536);
‘‘амб̣аа банасаа габидтаа жа, бубпабаллавалан̇гад̇аа;
‘‘Ambā panasā kapiṭṭhā ca, pupphapallavalaṅkatā;
д̇хувабпалаани саванд̇и, куд̣̇д̣̇аамад̇хугагуубамаа;
Dhuvapphalāni savanti, khuddāmadhukakūpamā;
сзвамаано убхо бассз, г̇анд̇угаало махааяасса.
Sevamāno ubho passe, gantukālo mahāyassa.
‘‘ж̇амб̣уу сумад̇хураа нийбаа, мад̇хуг̇ан̣д̣ид̣̇ивабпалаа;
‘‘Jambū sumadhurā nīpā, madhugaṇḍidivapphalā;
д̇аа убхосу баж̇ж̇од̇анд̇и, г̇анд̇угаало махааяаса.
Tā ubhosu pajjotanti, gantukālo mahāyasa.
‘‘д̇ин̣д̣угаани бияаалаани, сон̣н̣аван̣н̣аа манорамаа;
‘‘Tiṇḍukāni piyālāni, soṇṇavaṇṇā manoramā;
куд̣̇д̣̇агаббапалаа нижжам̣, г̇анд̇угаало махааяаса.
Khuddakappaphalā niccaṃ, gantukālo mahāyasa.
‘‘гад̣̇алий бан̃жаможжи жа, субаггапалабхуусид̇аа;
‘‘Kadalī pañcamocci ca, supakkaphalabhūsitā;
убхобассзсу ламб̣анд̇и, г̇анд̇угаало махааяаса.
Ubhopassesu lambanti, gantukālo mahāyasa.
‘‘мад̇хубпалад̇хараа нижжам̣, мораругкаа манорамаа;
‘‘Madhupphaladharā niccaṃ, morarukkhā manoramā;
куд̣̇д̣̇агаббапалаа нижжам̣, г̇анд̇угаало махааяаса.
Khuddakappaphalā niccaṃ, gantukālo mahāyasa.
‘‘хинд̇аалад̇аалабанд̇ий жа, раж̇ад̇агканд̇хова ж̇од̇арз;
‘‘Hintālatālapantī ca, rajatakkhandhova jotare;
субаггапаласан̃чаннаа, куд̣̇д̣̇агаббаа мад̇хуссаваа;
Supakkaphalasañchannā, khuddakappā madhussavā;
палаани д̇аани каад̣̇анд̇з, г̇анд̇угаало махааяаса.
Phalāni tāni khādante, gantukālo mahāyasa.
‘‘уд̣̇умб̣араарун̣ааван̣н̣аа , сад̣̇аасумад̇хурабпалаа;
‘‘Udumbarāruṇāvaṇṇā , sadāsumadhurapphalā;
убхобассзсу ламб̣анд̇и, г̇анд̇угаало махааяаса.
Ubhopassesu lambanti, gantukālo mahāyasa.
‘‘ид̇т̇амбхууд̇аа анзгаа д̇з, наанаапалад̇хараа д̣̇умаа;
‘‘Itthambhūtā anekā te, nānāphaladharā dumā;
убхобассзсу ламб̣анд̇и, г̇анд̇угаало махааяаса.
Ubhopassesu lambanti, gantukālo mahāyasa.
‘‘жамбагаа салал̣аа нааг̇аа, суг̇анд̇хаа маалуд̇зрид̇аа;
‘‘Campakā salaḷā nāgā, sugandhā māluteritā;
субубпид̇аг̇г̇аа ж̇од̇анд̇и, суг̇анд̇хзнаабхибууж̇аяум̣;
Supupphitaggā jotanti, sugandhenābhipūjayuṃ;
саад̣̇араа винад̇аанзва, г̇анд̇угаало махааяаса.
Sādarā vinatāneva, gantukālo mahāyasa.
‘‘буннааг̇аа г̇ирибуннааг̇аа, бубпид̇аа д̇харан̣ийрухаа;
‘‘Punnāgā giripunnāgā, pupphitā dharaṇīruhā;
субубпид̇аг̇г̇аа ж̇од̇анд̇и, суг̇анд̇хзнаабхибууж̇аяум̣;
Supupphitaggā jotanti, sugandhenābhipūjayuṃ;
саад̣̇араа винад̇уг̇г̇аг̇г̇аа, г̇анд̇угаало махааяаса.
Sādarā vinatuggaggā, gantukālo mahāyasa.
‘‘асогаа говил̣аараа жа, соманассагараа вараа;
‘‘Asokā koviḷārā ca, somanassakarā varā;
суг̇анд̇хаа ган̣н̣игаа б̣анд̇хаа, рад̇д̇аван̣н̣зхи бхуусид̇аа;
Sugandhā kaṇṇikā bandhā, rattavaṇṇehi bhūsitā;
саад̣̇араа винад̇уг̇г̇аг̇г̇аа, самаяо д̇з махааяаса.
Sādarā vinatuggaggā, samayo te mahāyasa.
‘‘ган̣н̣игаараа пуллид̇аа нижжам̣, сован̣н̣арам̣сиж̇од̇агаа;
‘‘Kaṇṇikārā phullitā niccaṃ, sovaṇṇaraṃsijotakā;
д̣̇иб̣б̣аг̇анд̇хаа бавааяанд̇и, д̣̇исаа саб̣б̣аани собхаяам̣;
Dibbagandhā pavāyanti, disā sabbāni sobhayaṃ;
саад̣̇араа винад̇аанзва, самаяо д̇з махааяаса.
Sādarā vinatāneva, samayo te mahāyasa.
‘‘субад̇д̇аа г̇анд̇хасамбаннаа, гзд̇агий д̇ханугзд̇агий;
‘‘Supattā gandhasampannā, ketakī dhanuketakī;
суг̇анд̇хаа самбавааяанд̇и, д̣̇исаа саб̣б̣аабхиг̇анд̇хино;
Sugandhā sampavāyanti, disā sabbābhigandhino;
саад̣̇араа бууж̇аяанд̇аава, самаяо д̇з махааяаса.
Sādarā pūjayantāva, samayo te mahāyasa.
‘‘маллигаа ж̇аад̇исуманаа, суг̇анд̇хаа куд̣̇д̣̇амаллигаа;
‘‘Mallikā jātisumanā, sugandhā khuddamallikā;
д̣̇исаа саб̣б̣аа бавааяанд̇и, убхо маг̇г̇з басобхаяам̣;
Disā sabbā pavāyanti, ubho magge pasobhayaṃ;
саад̣̇араа д̇з баламб̣анд̇и, самаяо д̇з махааяаса.
Sādarā te palambanti, samayo te mahāyasa.
‘‘синд̇хуваараа сийд̇аг̇анд̇хаа, суг̇анд̇хаа маалуд̇зрид̇аа;
‘‘Sindhuvārā sītagandhā, sugandhā māluteritā;
д̣̇исаа саб̣б̣аабхибууж̇знд̇аа, убхо маг̇г̇з басобхаяам̣;
Disā sabbābhipūjentā, ubho magge pasobhayaṃ;
саад̣̇араа винад̇уг̇г̇аг̇г̇аа, самаяо д̇з махааяаса.
Sādarā vinatuggaggā, samayo te mahāyasa.
‘‘сийхаа гзсарасийхаа жа, жад̇уббад̣̇анисзвид̇аа;
‘‘Sīhā kesarasīhā ca, catuppadanisevitā;
ажчамбхийд̇аа сураабаанз, миг̇арааж̇аа бад̇аабино.
Acchambhītā surāpāne, migarājā patāpino.
‘‘сийханаад̣̇зна бууж̇знд̇и, саад̣̇араа д̇з миг̇аабхибхуу;
‘‘Sīhanādena pūjenti, sādarā te migābhibhū;
маг̇г̇амхи убхад̇о вуул̣хаа, самаяо д̇з махааяаса.
Maggamhi ubhato vūḷhā, samayo te mahāyasa.
‘‘б̣яаг̇гхаа синд̇хаваа нагулаа, саад̇хуруубаа бхаяаанагаа;
‘‘Byagghā sindhavā nakulā, sādhurūpā bhayānakā;
аагаасз самбад̇анд̇аава, ниб̣бхийд̇аа язна гзнажи;
Ākāse sampatantāva, nibbhītā yena kenaci;
д̇зхи д̇з саад̣̇араа над̇аа, самаяо д̇з махааяаса.
Tehi te sādarā natā, samayo te mahāyasa.
‘‘д̇ид̇хаа бабхиннаа чад̣̇д̣̇анд̇аа, суруубаа суссараа субхаа;
‘‘Tidhā pabhinnā chaddantā, surūpā sussarā subhā;
сад̇д̇аббад̇идтид̇ан̇г̇аа д̇з, убхо маг̇г̇зсу гууж̇ино;
Sattappatiṭṭhitaṅgā te, ubho maggesu kūjino;
саад̣̇араа хаасамаанаава, самаяо д̇з махааяаса.
Sādarā hāsamānāva, samayo te mahāyasa.
‘‘миг̇аа вараахаа басад̣̇аа, жид̇раасааваяаваа субхаа;
‘‘Migā varāhā pasadā, citrāsāvayavā subhā;
аарохабарин̣аахзна, суруубаа ан̇г̇асам̣яуд̇аа;
Ārohapariṇāhena, surūpā aṅgasaṃyutā;
убхо маг̇г̇з г̇ааяамаанаава, самаяо д̇з махааяаса.
Ubho magge gāyamānāva, samayo te mahāyasa.
‘‘г̇оган̣н̣аа сарабхаа руруу, аарохабарин̣аахино;
‘‘Gokaṇṇā sarabhā rurū, ārohapariṇāhino;
суруубаа ан̇г̇асамбаннаа, сзвамаанаава ажчарум̣;
Surūpā aṅgasampannā, sevamānāva accharuṃ;
сзвамаанаа д̇зхи д̇ад̣̇аа, самаяо д̇з махааяаса.
Sevamānā tehi tadā, samayo te mahāyasa.
‘‘д̣̇ийбий ажчаа д̇аражчаа жа, д̇уд̣̇араа варун̣аа сад̣̇аа;
‘‘Dīpī acchā taracchā ca, tudarā varuṇā sadā;
д̇з д̣̇аани сигкид̇аа саб̣б̣з, мзд̇д̇ааяа д̇ава д̇аад̣̇ино;
Te dāni sikkhitā sabbe, mettāya tava tādino;
д̇з бажжасзвагаа ад̣̇д̇хаа, самаяо д̇з махааяаса.
Te paccasevakā addhā, samayo te mahāyasa.
‘‘сасаа син̇г̇аалаа нагулаа, галанд̣̇агаал̣агаа б̣ахуу;
‘‘Sasā siṅgālā nakulā, kalandakāḷakā bahū;
гасд̇ураа суураа г̇анд̇хаа д̇з, гзвалаа г̇ааяамаанаава.
Kasturā sūrā gandhā te, kevalā gāyamānāva.
самаяо д̇з махааяаса;
Samayo te mahāyasa;
‘‘маяуураа нийлаг̇ийваа д̇з, сусикаа субхабагкигаа;
‘‘Mayūrā nīlagīvā te, susikhā subhapakkhikā;
субин̃чаа д̇з сунаад̣̇аа жа, взл̣урияаман̣исаннибхаа;
Supiñchā te sunādā ca, veḷuriyamaṇisannibhā;
наад̣̇ам̣ гаронд̇аа бууж̇знд̇и, гаало д̇з бид̇уд̣̇ассанз.
Nādaṃ karontā pūjenti, kālo te pitudassane.
‘‘суван̣н̣ажид̇рахам̣саа жа, ж̇авахам̣саа вихаажараа;
‘‘Suvaṇṇacitrahaṃsā ca, javahaṃsā vihācarā;
д̇з саб̣б̣з аасаяаа чуд̣̇д̇хаа, ж̇инад̣̇ассанаб̣яаавадаа;
Te sabbe āsayā chuddhā, jinadassanabyāvaṭā;
мад̇хурассарзна гууж̇анд̇и, гаало д̇з бид̇уд̣̇ассанз.
Madhurassarena kūjanti, kālo te pitudassane.
‘‘хам̣саа гон̃жаа сунад̣̇аа д̇з, жаггаваагаа над̣̇ийжараа;
‘‘Haṃsā koñcā sunadā te, cakkavākā nadīcarā;
б̣агаа б̣алаагаа ружираа, ж̇алагаагаа сарагуггудаа;
Bakā balākā rucirā, jalakākā sarakukkuṭā;
саад̣̇араабхинаад̣̇ино зд̇з, гаало д̇з бид̇уд̣̇ассанз.
Sādarābhinādino ete, kālo te pitudassane.
‘‘жид̇раа суруубаа суссараа, саал̣игаа сувад̇ан̣д̣игаа;
‘‘Citrā surūpā sussarā, sāḷikā suvataṇḍikā;
ругкаг̇г̇аа самбад̇анд̇аа д̇з, убхо маг̇г̇зсу гууж̇ино;
Rukkhaggā sampatantā te, ubho maggesu kūjino;
д̇зсу д̇зсу нигууж̇анд̇и, гаало д̇з бид̇уд̣̇ассанз.
Tesu tesu nikūjanti, kālo te pitudassane.
‘‘гогилаа сагалаа жид̇раа, сад̣̇аа ман̃ж̇уссараа вараа;
‘‘Kokilā sakalā citrā, sadā mañjussarā varā;
вимхаабид̇аа д̇з ж̇анад̇ам̣, сад̣̇д̇химид̇д̇аад̣̇игз сураа;
Vimhāpitā te janataṃ, saddhimittādike surā;
сарзхи бууж̇аяанд̇аава, гаало д̇з бид̇уд̣̇ассанз.
Sarehi pūjayantāva, kālo te pitudassane.
‘‘бхин̇гаа гурараа саараа, буурид̇аа гаананз сад̣̇аа;
‘‘Bhiṅkā kurarā sārā, pūritā kānane sadā;
ниннаад̣̇аяанд̇аа баванам̣, ан̃н̃аман̃н̃асаман̇г̇ино;
Ninnādayantā pavanaṃ, aññamaññasamaṅgino;
г̇ааяамаанаа сарзнзва, гаало д̇з бид̇уд̣̇ассанз.
Gāyamānā sareneva, kālo te pitudassane.
‘‘д̇ид̇д̇ираа сусараа саараа, сусараа ванагуггудаа;
‘‘Tittirā susarā sārā, susarā vanakukkuṭā;
ман̃ж̇уссараа рааман̣зяяаа, гаало д̇з бид̇уд̣̇ассанз.
Mañjussarā rāmaṇeyyā, kālo te pitudassane.
‘‘сзд̇аваалугасан̃чаннаа, субад̇ид̇т̇аа манорамаа;
‘‘Setavālukasañchannā, supatitthā manoramā;
мад̇хурод̣̇агасамбун̣н̣аа, сараа ж̇од̇анд̇и д̇з сад̣̇аа;
Madhurodakasampuṇṇā, sarā jotanti te sadā;
д̇ад̇т̇а нхад̇ваа бивид̇ваа жа, самаяо д̇з н̃аад̇ид̣̇ассанз.
Tattha nhatvā pivitvā ca, samayo te ñātidassane.
‘‘гумбхийраамагараагин̣н̣аа , валаяаа мун̃ж̇арохид̇аа;
‘‘Kumbhīrāmakarākiṇṇā , valayā muñjarohitā;
мажчагажчабаб̣яаавид̣̇д̇хаа, сараа сийд̇од̣̇агаа субхаа;
Macchakacchapabyāviddhā, sarā sītodakā subhā;
д̇ад̇т̇а нхад̇ваа бивид̇ваа жа, самаяо д̇з н̃аад̇ид̣̇ассанз.
Tattha nhatvā pivitvā ca, samayo te ñātidassane.
‘‘нийлуббаласамаагин̣н̣аа, д̇ат̇аа рад̇д̇уббалзхи жа;
‘‘Nīluppalasamākiṇṇā, tathā rattuppalehi ca;
гумуд̣̇уббаласам̣гин̣н̣аа, сараа собханд̇инзгад̇хаа;
Kumuduppalasaṃkiṇṇā, sarā sobhantinekadhā;
д̇ад̇т̇а сийд̇алагаа д̇ояаа, самаяо д̇з н̃аад̇ид̣̇ассанз.
Tattha sītalakā toyā, samayo te ñātidassane.
‘‘бун̣д̣арийгзхи сан̃чаннаа, бад̣̇умзхи самохад̇аа;
‘‘Puṇḍarīkehi sañchannā, padumehi samohatā;
убхо маг̇г̇зсу собханд̇и, богкаран̃н̃о д̇ахим̣ д̇ахим̣;
Ubho maggesu sobhanti, pokkharañño tahiṃ tahiṃ;
д̇ад̇т̇од̣̇агаани нхааяанд̇и, самаяо д̇з н̃аад̇ид̣̇ассанз.
Tatthodakāni nhāyanti, samayo te ñātidassane.
‘‘сзд̇абулинасам̣гин̣н̣аа, субад̇ид̇т̇аа манорамаа;
‘‘Setapulinasaṃkiṇṇā, supatitthā manoramā;
сийд̇од̣̇агамахогхзхи, самбун̣н̣аа д̇аа над̣̇ий субхаа;
Sītodakamahoghehi, sampuṇṇā tā nadī subhā;
убхо маг̇г̇зхи санд̣̇анд̇и, самаяо д̇з н̃аад̇ид̣̇ассанз.
Ubho maggehi sandanti, samayo te ñātidassane.
‘‘маг̇г̇асса убхад̇обассз, г̇ааманиг̇амасамаагулаа;
‘‘Maggassa ubhatopasse, gāmanigamasamākulā;
сад̣̇д̇хаа басаннаа ж̇анад̇аа, рад̇анад̇д̇аяамаамагаа;
Saddhā pasannā janatā, ratanattayamāmakā;
д̇зсам̣ самбун̣н̣асан̇габбо, самаяо д̇з н̃аад̇ид̣̇ассанз.
Tesaṃ sampuṇṇasaṅkappo, samayo te ñātidassane.
‘‘д̇зсу д̇зсу бад̣̇зсзсу, д̣̇зваа маануссагаа убхо;
‘‘Tesu tesu padesesu, devā mānussakā ubho;
г̇анд̇хамаалаабхибууж̇знд̇и, самаяо д̇з н̃аад̇ид̣̇ассанз’’д̇и.
Gandhamālābhipūjenti, samayo te ñātidassane’’ti.
звам̣ т̇зро садтимад̇д̇аахи г̇аат̇аахи сад̇т̇у г̇аманаван̣н̣ам̣ сам̣ван̣н̣зси. ат̇а ко бхаг̇аваа ‘‘гаал̣уд̣̇ааяий мама г̇аманам̣ бад̇т̇зд̇и, буурзссаамисса сан̇габба’’нд̇и д̇ад̇т̇а г̇аманз б̣ахуунам̣ висзсаад̇хиг̇амам̣ д̣̇исваа вийсад̇исахассакийн̣аасавабаривуд̇о рааж̇аг̇ахад̇о ад̇урид̇ажааригаавасзна вуд̇д̇аббагаарапалаапалз анубхаванд̇о д̣̇вибад̣̇ажад̇уббад̣̇аад̣̇исамуухаанам̣ сзванабууж̇ааяа бууж̇ияамаано вуд̇д̇аббагаарасуг̇анд̇хабубпаг̇анд̇хзхи г̇анд̇хияамаано г̇ааманиг̇амаваасийнам̣ сан̇г̇ахам̣ гурумаано габилавад̇т̇уг̇аамимаг̇г̇ам̣ бадибаж̇ж̇и. т̇зро ид̣̇д̇хияаа габилавад̇т̇ум̣ г̇анд̇ваа ран̃н̃о бурад̇о аагаасз тид̇о ад̣̇идтабуб̣б̣ам̣ взсам̣ д̣̇исваа, ран̃н̃аа – ‘‘госи д̇ва’’нд̇и бужчид̇о ‘‘сажз амажжабуд̇д̇ам̣ д̇аяаа бхаг̇авад̇о санд̇игз бзсид̇ам̣ на ж̇аанааси, звам̣ ж̇аанаахий’’д̇и вад̣̇анд̇о –
Evaṃ thero saṭṭhimattāhi gāthāhi satthu gamanavaṇṇaṃ saṃvaṇṇesi. Atha kho bhagavā ‘‘kāḷudāyī mama gamanaṃ pattheti, pūressāmissa saṅkappa’’nti tattha gamane bahūnaṃ visesādhigamaṃ disvā vīsatisahassakhīṇāsavaparivuto rājagahato aturitacārikāvasena vuttappakāraphalāphale anubhavanto dvipadacatuppadādisamūhānaṃ sevanapūjāya pūjiyamāno vuttappakārasugandhapupphagandhehi gandhiyamāno gāmanigamavāsīnaṃ saṅgahaṃ kurumāno kapilavatthugāmimaggaṃ paṭipajji. Thero iddhiyā kapilavatthuṃ gantvā rañño purato ākāse ṭhito adiṭṭhapubbaṃ vesaṃ disvā, raññā – ‘‘kosi tva’’nti pucchito ‘‘sace amaccaputtaṃ tayā bhagavato santike pesitaṃ na jānāsi, evaṃ jānāhī’’ti vadanto –
‘‘б̣уд̣̇д̇хасса буд̇д̇омхи асаяхасаахино, ан̇г̇ийрасассаббадимасса д̇аад̣̇ино;
‘‘Buddhassa puttomhi asayhasāhino, aṅgīrasassappaṭimassa tādino;
бид̇убид̇аа маяхам̣ д̇увам̣си сагга, д̇хаммзна мз г̇од̇ама аяяагосий’’д̇и. (т̇зраг̇аа. 536) – г̇аат̇амааха;
Pitupitā mayhaṃ tuvaṃsi sakka, dhammena me gotama ayyakosī’’ti. (theragā. 536) – gāthamāha;
д̇ад̇т̇а б̣уд̣̇д̇хасса буд̇д̇омхийд̇и саб̣б̣ан̃н̃уб̣уд̣̇д̇хасса урз вааяаамаж̇анид̇аахи д̇хаммад̣̇зсанаахи ж̇аад̇ад̇ааяа орасабуд̇д̇о амхи. асаяхасаахинод̇и абхисамб̣од̇хид̇о буб̣б̣з табзд̇ваа махааб̣од̇хисад̇д̇ам̣ ан̃н̃зхи сахид̇ум̣ асаггун̣зяяад̇д̇аа асаяхасса сагалаб̣од̇хисамбхаарасса, махаагарун̣аагарасса жа саханад̇о д̇ад̇о барамби ан̃н̃зхи сахид̇ум̣ абхибхавид̇ум̣ асаггун̣зяяад̇д̇аа асаяхаанам̣ бан̃жаннам̣ маараанам̣ саханад̇о абхибхаванад̇о аасаяаанусаяажарид̇аад̇химуд̇д̇иаад̣̇ивибхааг̇ааваб̣од̇хзна яат̇аарахам̣ взнзяяаанам̣ д̣̇идтад̇хаммигасамбарааяигабарамад̇т̇зхи анусаасанийсан̇каад̇асса ан̃н̃зхи асаяхасса б̣уд̣̇д̇хагижжасса саханад̇о д̇ад̇т̇а ваа саад̇хугаарийбхаавад̇о асаяхасаахино. ан̇г̇ийрасассаад̇и ан̇г̇ийгад̇асийлаад̣̇исамбад̇д̇игасса. ‘‘ан̇г̇аман̇г̇зхи нижчаран̣агаобхаасассаа’’д̇и абарз. гзжи бана ‘‘ан̇г̇ийрасо сид̣̇д̇хад̇т̇од̇и имаани д̣̇вз наамаани бид̇арааязва г̇ахид̇ааний’’д̇и вад̣̇анд̇и. аббадимассаад̇и анубамасса идтаад̣̇ийсу д̇аад̣̇илакан̣асамбад̇д̇ияаа д̇аад̣̇ино. бид̇убид̇аа маяхам̣ д̇увам̣сийд̇и арияаж̇аад̇ивасзна маяхам̣ бид̇у саммаасамб̣уд̣̇д̇хасса логавохааравасзна д̇вам̣ бид̇аа аси. саггаад̇и вам̣сзна рааж̇аанам̣ аалабад̇и. д̇хаммзнаад̇и сабхаавзна арияаж̇аад̇илогияаж̇аад̇ийхи д̣̇виннам̣ ж̇аад̇ийнам̣ сабхаавасамод̇хаанзна. г̇од̇амаад̇и г̇од̇д̇зна рааж̇аанам̣ аалабад̇и. аяяагосийд̇и бид̇аамахо ахоси. зд̇т̇а жа ‘‘б̣уд̣̇д̇хасса буд̇д̇омхий’’д̇иаад̣̇им̣ вад̣̇анд̇о т̇зро ан̃н̃ам̣ б̣яаагааси.
Tattha buddhassa puttomhīti sabbaññubuddhassa ure vāyāmajanitāhi dhammadesanāhi jātatāya orasaputto amhi. Asayhasāhinoti abhisambodhito pubbe ṭhapetvā mahābodhisattaṃ aññehi sahituṃ asakkuṇeyyattā asayhassa sakalabodhisambhārassa, mahākaruṇākarassa ca sahanato tato parampi aññehi sahituṃ abhibhavituṃ asakkuṇeyyattā asayhānaṃ pañcannaṃ mārānaṃ sahanato abhibhavanato āsayānusayacaritādhimuttiādivibhāgāvabodhena yathārahaṃ veneyyānaṃ diṭṭhadhammikasamparāyikaparamatthehi anusāsanīsaṅkhātassa aññehi asayhassa buddhakiccassa sahanato tattha vā sādhukārībhāvato asayhasāhino. Aṅgīrasassāti aṅgīkatasīlādisampattikassa. ‘‘Aṅgamaṅgehi niccharaṇakaobhāsassā’’ti apare. Keci pana ‘‘aṅgīraso siddhatthoti imāni dve nāmāni pitarāyeva gahitānī’’ti vadanti. Appaṭimassāti anupamassa iṭṭhādīsu tādilakhaṇasampattiyā tādino. Pitupitā mayhaṃ tuvaṃsīti ariyajātivasena mayhaṃ pitu sammāsambuddhassa lokavohāravasena tvaṃ pitā asi. Sakkāti vaṃsena rājānaṃ ālapati. Dhammenāti sabhāvena ariyajātilokiyajātīhi dvinnaṃ jātīnaṃ sabhāvasamodhānena. Gotamāti gottena rājānaṃ ālapati. Ayyakosīti pitāmaho ahosi. Ettha ca ‘‘buddhassa puttomhī’’tiādiṃ vadanto thero aññaṃ byākāsi.
звам̣ бана ад̇д̇аанам̣ ж̇аанаабзд̇ваа хадтад̇удтзна ран̃н̃аа махаарахз баллан̇гз нисийд̣̇аабзд̇ваа ад̇д̇ано бадияаад̣̇ид̇асса наанаг̇г̇арасабхож̇анасса бад̇д̇ам̣ буурзд̇ваа бад̇д̇з д̣̇иннз г̇аманаагаарам̣ д̣̇ассзси. ‘‘гасмаа г̇анд̇угаамад̇т̇а, бхун̃ж̇ат̇аа’’д̇и вуд̇д̇з, сад̇т̇у санд̇игам̣ г̇анд̇ваа бхун̃ж̇иссаамийд̇и. гахам̣ бана сад̇т̇аад̇и? вийсад̇исахассабхигкубаривааро д̇умхаагам̣ д̣̇ассанад̇т̇ааяа маг̇г̇ам̣ бадибаннод̇и. д̇умхз имам̣ бин̣д̣абаад̇ам̣ бхун̃ж̇ат̇а, ан̃н̃ам̣ бхаг̇авад̇о харат̇а. яаава жа мама буд̇д̇о имам̣ наг̇арам̣ баабун̣аад̇и, д̇аавасса ид̇оязва бин̣д̣абаад̇ам̣ харат̇аад̇и. т̇зро бхад̇д̇агижжам̣ гад̇ваа ран̃н̃о жа барисааяа жа д̇хаммам̣ д̣̇зсзд̇ваа сад̇т̇у ааг̇аманад̇о бурзд̇арамзва рааж̇анивзсанам̣ рад̇анад̇д̇аяаг̇ун̣зсу абхиббасаннам̣ гаронд̇о саб̣б̣зсам̣ бассанд̇аанам̣язва сад̇т̇у аахарид̇аб̣б̣абхад̇д̇абун̣н̣ам̣ бад̇д̇ам̣ аагаасз виссаж̇ж̇зд̇ваа саяамби взхаасам̣ аб̣бхуг̇г̇анд̇ваа бин̣д̣абаад̇ам̣ убанзд̇ваа сад̇т̇у хад̇т̇з табзси. сад̇т̇ааби д̇ам̣ бин̣д̣абаад̇ам̣ барибхун̃ж̇и. звам̣ садтияож̇анам̣ маг̇г̇ам̣ д̣̇ивасз д̣̇ивасз яож̇анам̣ г̇ажчанд̇асса бхаг̇авад̇о рааж̇аг̇зхад̇о бхад̇д̇ам̣ аахарид̇ваа ад̣̇ааси. бхаг̇аваа гамзна габилавад̇т̇унаг̇арам̣ бад̇ваа бунад̣̇ивасз рааж̇авийт̇ияам̣ бин̣д̣ааяа жарад̇и. д̇ам̣ суд̇ваа суд̣̇д̇ход̣̇анамахаарааж̇аа д̇ад̇т̇а г̇анд̇ваа, ‘‘маа звам̣ гад̇д̇аб̣б̣ам̣ ман̃н̃и, наяид̣̇ам̣ рааж̇авам̣саббавзн̣ий’’д̇и. ‘‘аяам̣ д̇умхаагам̣, махаарааж̇а, вам̣со, ийд̣̇исо амхаагам̣ бана б̣уд̣̇д̇хавам̣со’’д̇и вад̇ваа –
Evaṃ pana attānaṃ jānāpetvā haṭṭhatuṭṭhena raññā mahārahe pallaṅke nisīdāpetvā attano paṭiyāditassa nānaggarasabhojanassa pattaṃ pūretvā patte dinne gamanākāraṃ dassesi. ‘‘Kasmā gantukāmattha, bhuñjathā’’ti vutte, satthu santikaṃ gantvā bhuñjissāmīti. Kahaṃ pana satthāti? Vīsatisahassabhikkhuparivāro tumhākaṃ dassanatthāya maggaṃ paṭipannoti. Tumhe imaṃ piṇḍapātaṃ bhuñjatha, aññaṃ bhagavato haratha. Yāva ca mama putto imaṃ nagaraṃ pāpuṇāti, tāvassa itoyeva piṇḍapātaṃ harathāti. Thero bhattakiccaṃ katvā rañño ca parisāya ca dhammaṃ desetvā satthu āgamanato puretarameva rājanivesanaṃ ratanattayaguṇesu abhippasannaṃ karonto sabbesaṃ passantānaṃyeva satthu āharitabbabhattapuṇṇaṃ pattaṃ ākāse vissajjetvā sayampi vehāsaṃ abbhuggantvā piṇḍapātaṃ upanetvā satthu hatthe ṭhapesi. Satthāpi taṃ piṇḍapātaṃ paribhuñji. Evaṃ saṭṭhiyojanaṃ maggaṃ divase divase yojanaṃ gacchantassa bhagavato rājagehato bhattaṃ āharitvā adāsi. Bhagavā kamena kapilavatthunagaraṃ patvā punadivase rājavīthiyaṃ piṇḍāya carati. Taṃ sutvā suddhodanamahārājā tattha gantvā, ‘‘mā evaṃ kattabbaṃ maññi, nayidaṃ rājavaṃsappaveṇī’’ti. ‘‘Ayaṃ tumhākaṃ, mahārāja, vaṃso, īdiso amhākaṃ pana buddhavaṃso’’ti vatvā –
‘‘уд̇д̇идтз наббамаж̇ж̇зяяа, д̇хаммам̣ сужарид̇ам̣ жарз;
‘‘Uttiṭṭhe nappamajjeyya, dhammaṃ sucaritaṃ care;
д̇хаммажаарий сукам̣ сзд̇и, асмим̣ логз барамхи жа.
Dhammacārī sukhaṃ seti, asmiṃ loke paramhi ca.
‘‘д̇хаммам̣ жарз сужарид̇ам̣, на нам̣ д̣̇ужжарид̇ам̣ жарз;
‘‘Dhammaṃ care sucaritaṃ, na naṃ duccaritaṃ care;
д̇хаммажаарий сукам̣ сзд̇и, асмим̣ логз барамхи жаа’’д̇и. (д̇ха. ба. 168-169) –
Dhammacārī sukhaṃ seti, asmiṃ loke paramhi cā’’ti. (dha. pa. 168-169) –
д̇хаммам̣ д̣̇зсзси. рааж̇аа сод̇аабад̇д̇ипалз бад̇идтахи. д̇ад̇о рааж̇аа б̣уд̣̇д̇хаббамукам̣ бхигкусан̇гхам̣ ниманд̇зд̇ваа сагаманд̣̇ирз бхож̇зд̇ваа самбаваарзд̇ваа бхож̇анаавасаанз д̇хаммабаалаж̇аад̇агам̣ (ж̇аа. 1.10.92 аад̣̇аяо) суд̇ваа сабарисо анааг̇аамипалз бад̇идтахи. абарабхааг̇з сзд̇ажчад̇д̇асса хздтаа нибаннова арахад̇д̇ам̣ бад̇ваа бариниб̣б̣ааяи.
Dhammaṃ desesi. Rājā sotāpattiphale patiṭṭhahi. Tato rājā buddhappamukhaṃ bhikkhusaṅghaṃ nimantetvā sakamandire bhojetvā sampavāretvā bhojanāvasāne dhammapālajātakaṃ (jā. 1.10.92 ādayo) sutvā sapariso anāgāmiphale patiṭṭhahi. Aparabhāge setacchattassa heṭṭhā nipannova arahattaṃ patvā parinibbāyi.
д̇ад̇о бхаг̇аваа раахуламаад̇уяаа б̣имб̣аад̣̇звияаа баасаад̣̇ам̣ г̇анд̇ваа д̇ассаа д̇хаммам̣ д̣̇зсзд̇ваа согам̣ винод̣̇зд̇ваа жанд̣̇агиннарийж̇аад̇агад̣̇зсанааяа (ж̇аа. 1.14.18 аад̣̇аяо) басаад̣̇ам̣ ж̇анзд̇ваа ниг̇род̇хаараамам̣ аг̇амааси. ат̇а б̣имб̣аад̣̇звий буд̇д̇ам̣ раахулагумаарам̣ ааха – ‘‘г̇ажча, д̇ава бид̇у санд̇агам̣ д̇ханам̣ яаажаахий’’д̇и. гумааро ‘‘д̣̇ааяаж̇ж̇ам̣ , мз саман̣а, д̣̇зхий’’д̇и вад̇ваа бхаг̇аванд̇ам̣ ануб̣анд̇хид̇ваа, ‘‘сукаа, д̇з саман̣а, чааяаа’’д̇и вад̣̇анд̇о г̇ажчад̇и. д̇ам̣ бхаг̇аваа ниг̇род̇хаараамам̣ нзд̇ваа ‘‘логуд̇арад̣̇ааяаж̇ж̇ам̣ г̇ан̣хаахий’’д̇и вад̇ваа баб̣б̣ааж̇зси. ат̇а бхаг̇аваа арияаг̇ан̣амаж̇жхз нисинно ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ гулаббасаад̣̇агаанам̣ яад̣̇ид̣̇ам̣ гаал̣уд̣̇ааяий’’д̇и (а. ни. 1.219, 225) т̇зрам̣ зд̇ад̣̇аг̇г̇з табзси.
Tato bhagavā rāhulamātuyā bimbādeviyā pāsādaṃ gantvā tassā dhammaṃ desetvā sokaṃ vinodetvā candakinnarījātakadesanāya (jā. 1.14.18 ādayo) pasādaṃ janetvā nigrodhārāmaṃ agamāsi. Atha bimbādevī puttaṃ rāhulakumāraṃ āha – ‘‘gaccha, tava pitu santakaṃ dhanaṃ yācāhī’’ti. Kumāro ‘‘dāyajjaṃ , me samaṇa, dehī’’ti vatvā bhagavantaṃ anubandhitvā, ‘‘sukhā, te samaṇa, chāyā’’ti vadanto gacchati. Taṃ bhagavā nigrodhārāmaṃ netvā ‘‘lokutaradāyajjaṃ gaṇhāhī’’ti vatvā pabbājesi. Atha bhagavā ariyagaṇamajjhe nisinno ‘‘etadaggaṃ, bhikkhave, mama sāvakānaṃ bhikkhūnaṃ kulappasādakānaṃ yadidaṃ kāḷudāyī’’ti (a. ni. 1.219, 225) theraṃ etadagge ṭhapesi.
165. т̇зро бад̇д̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇иг̇аат̇ааяо абхааси. д̇ад̇т̇а ануд̇д̇аанабад̣̇амзва ван̣н̣аяиссаама.
165. Thero pattaetadaggaṭṭhāno attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādigāthāyo abhāsi. Tattha anuttānapadameva vaṇṇayissāma.
166. г̇ун̣ааг̇ун̣авид̣̇ууд̇и г̇ун̣ан̃жа аг̇ун̣ан̃жа г̇ун̣ааг̇ун̣ам̣, ван̣н̣ааван̣н̣ам̣, гусалаагусалам̣ ваа д̇ам̣ ж̇аанаад̇ийд̇и г̇ун̣ааг̇ун̣авид̣̇уу. гад̇ан̃н̃ууд̇и ан̃н̃зхи гад̇аг̇ун̣ам̣ ж̇аанаад̇ийд̇и гад̇ан̃н̃уу, згад̣̇ивасамби бхад̇д̇ад̣̇аанаад̣̇инаа гад̇уубагаарасса раж̇ж̇амби д̣̇аад̇ум̣ самад̇т̇ад̇д̇аа гад̇ан̃н̃уу. гад̇авзд̣̇ийд̇и гад̇ам̣ винд̣̇ад̇и анубхавад̇и самбадижчад̇ийд̇и гад̇авзд̣̇ий. д̇ид̇т̇з яож̇зд̇и баан̣инзд̇и саб̣б̣асад̇д̇з ниб̣б̣аанабавзсанубааяз гусалабат̇з маг̇г̇з д̇хаммад̣̇зсанааяа яож̇зд̇и самбаяож̇зд̇и бад̇идтаабзд̇ийд̇и ад̇т̇о. сзсам̣ уд̇д̇аанад̇т̇амзва. г̇аманаван̣н̣анаг̇аат̇аанамад̇т̇о т̇зраг̇аат̇ааяам̣ вуд̇д̇оязваад̇и.
166.Guṇāguṇavidūti guṇañca aguṇañca guṇāguṇaṃ, vaṇṇāvaṇṇaṃ, kusalākusalaṃ vā taṃ jānātīti guṇāguṇavidū. Kataññūti aññehi kataguṇaṃ jānātīti kataññū, ekadivasampi bhattadānādinā katūpakārassa rajjampi dātuṃ samatthattā kataññū. Katavedīti kataṃ vindati anubhavati sampaṭicchatīti katavedī. Titthe yojeti pāṇineti sabbasatte nibbānapavesanupāye kusalapathe magge dhammadesanāya yojeti sampayojeti patiṭṭhāpetīti attho. Sesaṃ uttānatthameva. Gamanavaṇṇanagāthānamattho theragāthāyaṃ vuttoyevāti.
гаал̣уд̣̇ааяид̇т̇зраабад̣̇аанаван̣н̣анаа самад̇д̇аа.
Kāḷudāyittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. гаал̣уд̣̇ааяид̇т̇зраабад̣̇аанам̣ • 6. Kāḷudāyittheraapadānaṃ
