| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. д̣̇асаганибаад̇о
10. Dasakanipāto
1. гаал̣уд̣̇ааяид̇т̇зраг̇аат̇ааван̣н̣анаа
1. Kāḷudāyittheragāthāvaṇṇanā
д̣̇асаганибаад̇з ан̇г̇ааринод̇иаад̣̇игаа ааяасмад̇о гаал̣уд̣̇ааяид̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇араб̣уд̣̇д̇хасса гаалз хам̣савад̇ийнаг̇арз гулаг̇зхз ниб̣б̣ад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ гулаббасаад̣̇агаанам̣ аг̇г̇адтаанз табзнд̇ам̣ д̣̇исваа д̇аж̇ж̇ам̣ абхинийхаарагаммам̣ гад̇ваа д̇ам̣ таананд̇арам̣ бад̇т̇зси.
Dasakanipāte aṅgārinotiādikā āyasmato kāḷudāyittherassa gāthā. Kā uppatti? Ayampi padumuttarabuddhassa kāle haṃsavatīnagare kulagehe nibbatto satthu dhammadesanaṃ suṇanto satthāraṃ ekaṃ bhikkhuṃ kulappasādakānaṃ aggaṭṭhāne ṭhapentaṃ disvā tajjaṃ abhinīhārakammaṃ katvā taṃ ṭhānantaraṃ patthesi.
со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ б̣од̇хисад̇д̇асса маад̇угужчияам̣ бадисанд̇хиг̇г̇ахан̣ад̣̇ивасз габилавад̇т̇усмим̣язва амажжаг̇зхз бадисанд̇хим̣ г̇ан̣хи. б̣од̇хисад̇д̇зна сад̣̇д̇хим̣ згад̣̇ивасам̣язва ж̇аад̇од̇и д̇ам̣д̣̇ивасам̣язва нам̣ д̣̇угуулажумб̣адз нибаж̇ж̇аабзд̇ваа б̣од̇хисад̇д̇асса убадтаанам̣ наяим̣су. б̣од̇хисад̇д̇зна хи сад̣̇д̇хим̣ б̣од̇хиругко, раахуламаад̇аа, жад̇д̇ааро нид̇хий, аароханияахад̇т̇ий, ассаган̣д̣аго, чанно гаал̣уд̣̇ааяийд̇и имз сад̇д̇а згад̣̇ивасам̣язва ж̇аад̇ад̇д̇аа сахаж̇аад̇аа наама ахзсум̣. ат̇асса наамаг̇г̇ахан̣ад̣̇ивасз сагаланаг̇арасса уд̣̇аг̇г̇ажид̇д̇ад̣̇ивасз ж̇аад̇ад̇д̇аа уд̣̇ааяийд̇взва наамам̣ агам̣су, т̇огам̣ гаал̣ад̇хаад̇угад̇д̇аа бана гаал̣уд̣̇ааяийд̇и бан̃н̃ааяид̇т̇а. со б̣од̇хисад̇д̇зна сад̣̇д̇хим̣ гумаарагийл̣ам̣ гийл̣анд̇о вуд̣̇д̇хим̣ аг̇амааси.
So yāvajīvaṃ kusalaṃ katvā devamanussesu saṃsaranto amhākaṃ bodhisattassa mātukucchiyaṃ paṭisandhiggahaṇadivase kapilavatthusmiṃyeva amaccagehe paṭisandhiṃ gaṇhi. Bodhisattena saddhiṃ ekadivasaṃyeva jātoti taṃdivasaṃyeva naṃ dukūlacumbaṭe nipajjāpetvā bodhisattassa upaṭṭhānaṃ nayiṃsu. Bodhisattena hi saddhiṃ bodhirukkho, rāhulamātā, cattāro nidhī, ārohaniyahatthī, assakaṇḍako, channo kāḷudāyīti ime satta ekadivasaṃyeva jātattā sahajātā nāma ahesuṃ. Athassa nāmaggahaṇadivase sakalanagarassa udaggacittadivase jātattā udāyītveva nāmaṃ akaṃsu, thokaṃ kāḷadhātukattā pana kāḷudāyīti paññāyittha. So bodhisattena saddhiṃ kumārakīḷaṃ kīḷanto vuddhiṃ agamāsi.
абарабхааг̇з логанаат̇з махаабхинигкаманам̣ нигкамид̇ваа ануггамзна саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа взл̣уванз вихаранд̇з суд̣̇д̇ход̣̇анамахаарааж̇аа д̇ам̣ бавад̇д̇им̣ суд̇ваа бурисасахассабариваарам̣ згам̣ амажжам̣ ‘‘буд̇д̇ам̣ мз ид̇хаанзхий’’д̇и бзсзси. со д̇хаммад̣̇зсанаавзлааяа сад̇т̇у санд̇игам̣ г̇анд̇ваа барисабарияанд̇з тид̇о д̇хаммам̣ суд̇ваа сабарисо арахад̇д̇ам̣ баабун̣и. ат̇а нз сад̇т̇аа ‘‘зт̇а, бхигкаво’’д̇и хад̇т̇ам̣ басаарзд̇и. саб̣б̣з д̇ан̇кан̣ам̣язва ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. арахад̇д̇ам̣ бад̇д̇ад̇о бадтааяа бана арияаа маж̇жхад̇д̇аава хонд̇и, д̇асмаа ран̃н̃аа бахид̇асаасанам̣ д̣̇асаб̣аласса на гат̇зси. рааж̇аа ‘‘нзва г̇ад̇аб̣алагодтаго ааг̇ажчад̇и, на саасанам̣ суяяад̇ий’’д̇и абарамби амажжам̣ бурисасахассзна бзсзси . д̇асмимби д̇ат̇аа бадибаннз абаранд̇и звам̣ навахи амажжзхи сад̣̇д̇хим̣ нава бурисасахассаани бзсзси саб̣б̣з арахад̇д̇ам̣ бад̇ваа д̇ун̣хий ахзсум̣.
Aparabhāge lokanāthe mahābhinikkhamanaṃ nikkhamitvā anukkamena sabbaññutaṃ patvā pavattitavaradhammacakke rājagahaṃ upanissāya veḷuvane viharante suddhodanamahārājā taṃ pavattiṃ sutvā purisasahassaparivāraṃ ekaṃ amaccaṃ ‘‘puttaṃ me idhānehī’’ti pesesi. So dhammadesanāvelāya satthu santikaṃ gantvā parisapariyante ṭhito dhammaṃ sutvā sapariso arahattaṃ pāpuṇi. Atha ne satthā ‘‘etha, bhikkhavo’’ti hatthaṃ pasāreti. Sabbe taṅkhaṇaṃyeva iddhimayapattacīvaradharā vassasaṭṭhikattherā viya ahesuṃ. Arahattaṃ pattato paṭṭhāya pana ariyā majjhattāva honti, tasmā raññā pahitasāsanaṃ dasabalassa na kathesi. Rājā ‘‘neva gatabalakoṭṭhako āgacchati, na sāsanaṃ suyyatī’’ti aparampi amaccaṃ purisasahassena pesesi . Tasmimpi tathā paṭipanne aparanti evaṃ navahi amaccehi saddhiṃ nava purisasahassāni pesesi sabbe arahattaṃ patvā tuṇhī ahesuṃ.
ат̇а рааж̇аа жинд̇зси – ‘‘зд̇д̇агаа ж̇анаа маяи синзхаабхаавзна д̣̇асаб̣аласса ид̇хааг̇аманад̇т̇ааяа на гин̃жи гат̇аяим̣су, аяам̣ ко бана уд̣̇ааяий д̣̇асаб̣алзна самаваяо сахабам̣сугийл̣иго, маяи жа синзхаваа, имам̣ бзсзссаамий’’д̇и д̇ам̣ баггосаабзд̇ваа, ‘‘д̇аад̇а, д̇вам̣ бурисасахассабаривааро рааж̇аг̇ахам̣ г̇анд̇ваа д̣̇асаб̣алам̣ аанзхий’’д̇и вад̇ваа бзсзси. со бана г̇ажчанд̇о ‘‘сажаахам̣, д̣̇зва, баб̣б̣аж̇ид̇ум̣ лабхиссаами, зваахам̣ бхаг̇аванд̇ам̣ ид̇хаанзссаамий’’д̇и вад̇ваа ‘‘яам̣ гин̃жи гад̇ваа мама буд̇д̇ам̣ д̣̇ассзхий’’д̇и вуд̇д̇о рааж̇аг̇ахам̣ г̇анд̇ваа сад̇т̇у д̇хаммад̣̇зсанаавзлааяа барисабарияанд̇з тид̇о д̇хаммам̣ суд̇ваа сабаривааро арахад̇д̇ам̣ бад̇ваа зхибхигкубхаавз бад̇идтааси. д̇зна вуд̇д̇ам̣ абад̣̇аанз (аба. т̇зра 1.4.48-63) –
Atha rājā cintesi – ‘‘ettakā janā mayi sinehābhāvena dasabalassa idhāgamanatthāya na kiñci kathayiṃsu, ayaṃ kho pana udāyī dasabalena samavayo sahapaṃsukīḷiko, mayi ca sinehavā, imaṃ pesessāmī’’ti taṃ pakkosāpetvā, ‘‘tāta, tvaṃ purisasahassaparivāro rājagahaṃ gantvā dasabalaṃ ānehī’’ti vatvā pesesi. So pana gacchanto ‘‘sacāhaṃ, deva, pabbajituṃ labhissāmi, evāhaṃ bhagavantaṃ idhānessāmī’’ti vatvā ‘‘yaṃ kiñci katvā mama puttaṃ dassehī’’ti vutto rājagahaṃ gantvā satthu dhammadesanāvelāya parisapariyante ṭhito dhammaṃ sutvā saparivāro arahattaṃ patvā ehibhikkhubhāve patiṭṭhāsi. Tena vuttaṃ apadāne (apa. thera 1.4.48-63) –
‘‘бад̣̇умуд̇д̇араб̣уд̣̇д̇хасса, логаж̇здтасса д̇аад̣̇ино;
‘‘Padumuttarabuddhassa, lokajeṭṭhassa tādino;
ад̣̇д̇хаанам̣ бадибаннасса, жарад̇о жааригам̣ д̇ад̣̇аа.
Addhānaṃ paṭipannassa, carato cārikaṃ tadā.
‘‘супуллам̣ бад̣̇умам̣ г̇аяха, уббалам̣ маллиган̃жахам̣;
‘‘Suphullaṃ padumaṃ gayha, uppalaṃ mallikañcahaṃ;
бараманнам̣ г̇ахзд̇ваана, ад̣̇аасим̣ сад̇т̇уно ахам̣.
Paramannaṃ gahetvāna, adāsiṃ satthuno ahaṃ.
‘‘барибхун̃ж̇и махаавийро, бараманнам̣ субхож̇анам̣;
‘‘Paribhuñji mahāvīro, paramannaṃ subhojanaṃ;
д̇ан̃жа бубпам̣ г̇ахзд̇ваана, ж̇анасса самбад̣̇ассаяи.
Tañca pupphaṃ gahetvāna, janassa sampadassayi.
‘‘идтам̣ ганд̇ам̣ бияам̣ логз, ж̇алаж̇ам̣ бубпамуд̇д̇амам̣;
‘‘Iṭṭhaṃ kantaṃ piyaṃ loke, jalajaṃ pupphamuttamaṃ;
суд̣̇уггарам̣ гад̇ам̣ д̇зна, яо мз бубпам̣ ад̣̇аасид̣̇ам̣.
Sudukkaraṃ kataṃ tena, yo me pupphaṃ adāsidaṃ.
‘‘яо бубпамабхиробзси, бараманнан̃жад̣̇ааси мз;
‘‘Yo pupphamabhiropesi, paramannañcadāsi me;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘д̣̇аса адта жагкад̇д̇ум̣ со, д̣̇звараж̇ж̇ам̣ гариссад̇и;
‘‘Dasa aṭṭha cakkhattuṃ so, devarajjaṃ karissati;
уббалам̣ бад̣̇уман̃жааби, маллиган̃жа д̇ад̣̇уд̇д̇ари.
Uppalaṃ padumañcāpi, mallikañca taduttari.
‘‘асса бун̃н̃авибаагзна, д̣̇иб̣б̣аг̇анд̇хасамааяуд̇ам̣;
‘‘Assa puññavipākena, dibbagandhasamāyutaṃ;
аагаасз чад̣̇анам̣ гад̇ваа, д̇хаараяиссад̇и д̇аавад̣̇з.
Ākāse chadanaṃ katvā, dhārayissati tāvade.
‘‘бан̃жавийсад̇игкад̇д̇ун̃жа , жаггавад̇д̇ий бхависсад̇и;
‘‘Pañcavīsatikkhattuñca , cakkavattī bhavissati;
бат̇аб̣яаа раж̇ж̇ам̣ бан̃жасад̇ам̣, васуд̇хам̣ аавасиссад̇и.
Pathabyā rajjaṃ pañcasataṃ, vasudhaṃ āvasissati.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘сагагаммаабхирад̣̇д̇хо со, суггамуулзна жод̣̇ид̇о;
‘‘Sakakammābhiraddho so, sukkamūlena codito;
сагяаанам̣ нанд̣̇иж̇анано, н̃аад̇иб̣анд̇ху бхависсад̇и.
Sakyānaṃ nandijanano, ñātibandhu bhavissati.
‘‘со бажчаа баб̣б̣аж̇ид̇ваана, суггамуулзна жод̣̇ид̇о;
‘‘So pacchā pabbajitvāna, sukkamūlena codito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘бадисамбхид̣̇амануббад̇д̇ам̣, гад̇агижжаманаасавам̣;
‘‘Paṭisambhidamanuppattaṃ, katakiccamanāsavaṃ;
г̇од̇амо логаб̣анд̇ху д̇ам̣, зд̇ад̣̇аг̇г̇з табзссад̇и.
Gotamo lokabandhu taṃ, etadagge ṭhapessati.
‘‘бад̇хаанабахид̇ад̇д̇о со, убасанд̇о нируубад̇хи;
‘‘Padhānapahitatto so, upasanto nirūpadhi;
уд̣̇ааяий наама наамзна, хзссад̇и сад̇т̇у сааваго.
Udāyī nāma nāmena, hessati satthu sāvako.
‘‘рааг̇о д̣̇осо жа мохо жа, маано магко жа д̇хам̣сид̇о;
‘‘Rāgo doso ca moho ca, māno makkho ca dhaṃsito;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘д̇осаяин̃жааби самб̣уд̣̇д̇хам̣, аад̇аабий нибаго ахам̣;
‘‘Tosayiñcāpi sambuddhaṃ, ātāpī nipako ahaṃ;
басаад̣̇ид̇о жа самб̣уд̣̇д̇хо, зд̇ад̣̇аг̇г̇з табзси мам̣.
Pasādito ca sambuddho, etadagge ṭhapesi maṃ.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇ам̣ бана бад̇ваа ‘‘на д̇аавааяам̣ д̣̇асаб̣аласса гуланаг̇арам̣ г̇анд̇ум̣ гаало, васанд̇з бана убаг̇ад̇з бубпид̇зсу ванасан̣д̣зсу харид̇ад̇ин̣асан̃чаннааяа бхуумияаа г̇аманагаало бхависсад̇ий’’д̇и гаалам̣ бадимаанзнд̇о васанд̇з самбад̇д̇з сад̇т̇у гуланаг̇арам̣ г̇анд̇ум̣ г̇аманамаг̇г̇аван̣н̣ам̣ сам̣ван̣н̣знд̇о –
Arahattaṃ pana patvā ‘‘na tāvāyaṃ dasabalassa kulanagaraṃ gantuṃ kālo, vasante pana upagate pupphitesu vanasaṇḍesu haritatiṇasañchannāya bhūmiyā gamanakālo bhavissatī’’ti kālaṃ paṭimānento vasante sampatte satthu kulanagaraṃ gantuṃ gamanamaggavaṇṇaṃ saṃvaṇṇento –
527.
527.
‘‘ан̇г̇аарино д̣̇аани д̣̇умаа бхад̣̇анд̇з, палзсино чад̣̇анам̣ виббахааяа;
‘‘Aṅgārino dāni dumā bhadante, phalesino chadanaṃ vippahāya;
д̇з ажжиманд̇ова бабхаасаяанд̇и, самаяо махаавийра бхааг̇ийрасаанам̣.
Te accimantova pabhāsayanti, samayo mahāvīra bhāgīrasānaṃ.
528.
528.
‘‘д̣̇умаани пуллаани манорамаани, саманд̇ад̇о саб̣б̣ад̣̇исаа баванд̇и;
‘‘Dumāni phullāni manoramāni, samantato sabbadisā pavanti;
бад̇д̇ам̣ бахааяа паламаасасаанаа, гаало ид̇о баггаманааяа вийра.
Pattaṃ pahāya phalamāsasānā, kālo ito pakkamanāya vīra.
529.
529.
‘‘нзваад̇исийд̇ам̣ на банаад̇иун̣хам̣, сукаа уд̇у ад̣̇д̇ханияаа бхад̣̇анд̇з;
‘‘Nevātisītaṃ na panātiuṇhaṃ, sukhā utu addhaniyā bhadante;
бассанд̇у д̇ам̣ саагияаа гол̣ияаа жа, бажчаамукам̣ рохинияам̣ д̇аранд̇ам̣.
Passantu taṃ sākiyā koḷiyā ca, pacchāmukhaṃ rohiniyaṃ tarantaṃ.
530.
530.
‘‘аасааяа гасад̇з кзд̇д̇ам̣, б̣ийж̇ам̣ аасааяа ваббад̇и;
‘‘Āsāya kasate khettaṃ, bījaṃ āsāya vappati;
аасааяа ваан̣иж̇аа яанд̇и, самуд̣̇д̣̇ам̣ д̇ханахаарагаа;
Āsāya vāṇijā yanti, samuddaṃ dhanahārakā;
яааяа аасааяа д̇идтаами, саа мз аасаа самиж̇жхад̇у.
Yāya āsāya tiṭṭhāmi, sā me āsā samijjhatu.
531.
531.
‘‘бунаббунан̃жзва вабанд̇и б̣ийж̇ам̣, бунаббунам̣ вассад̇и д̣̇зварааж̇аа;
‘‘Punappunañceva vapanti bījaṃ, punappunaṃ vassati devarājā;
бунаббунам̣ кзд̇д̇ам̣ гасанд̇и гассагаа, бунаббунам̣ д̇хан̃н̃амубзд̇и радтам̣.
Punappunaṃ khettaṃ kasanti kassakā, punappunaṃ dhaññamupeti raṭṭhaṃ.
532.
532.
‘‘бунаббунам̣ яаажанагаа жаранд̇и, бунаббунам̣ д̣̇аанабад̇ий д̣̇ад̣̇анд̇и;
‘‘Punappunaṃ yācanakā caranti, punappunaṃ dānapatī dadanti;
бунаббунам̣ д̣̇аанабад̇ий д̣̇ад̣̇ид̇ваа, бунаббунам̣ саг̇г̇амубзнд̇и таанам̣.
Punappunaṃ dānapatī daditvā, punappunaṃ saggamupenti ṭhānaṃ.
533.
533.
‘‘вийро хавз сад̇д̇аяуг̇ам̣ бунзд̇и, яасмим̣ гулз ж̇ааяад̇и бхуурибан̃н̃о;
‘‘Vīro have sattayugaṃ puneti, yasmiṃ kule jāyati bhūripañño;
ман̃н̃аамахам̣ саггад̇и д̣̇звад̣̇зво, д̇аяаа хи ж̇аад̇о муни сажжанаамо.
Maññāmahaṃ sakkati devadevo, tayā hi jāto muni saccanāmo.
534.
534.
‘‘суд̣̇д̇ход̣̇ано наама бид̇аа махзсино, б̣уд̣̇д̇хасса маад̇аа бана мааяанаамаа;
‘‘Suddhodano nāma pitā mahesino, buddhassa mātā pana māyanāmā;
яаа б̣од̇хисад̇д̇ам̣ барихарияа гужчинаа, гааяасса бхзд̣̇аа д̇ид̣̇ивамхи мод̣̇ад̇и.
Yā bodhisattaṃ parihariya kucchinā, kāyassa bhedā tidivamhi modati.
535.
535.
‘‘саа г̇од̇амий гаалагад̇аа ид̇о жуд̇аа, д̣̇иб̣б̣зхи гаамзхи саман̇г̇ибхууд̇аа;
‘‘Sā gotamī kālakatā ito cutā, dibbehi kāmehi samaṅgibhūtā;
саа мод̣̇ад̇и гаамаг̇ун̣зхи бан̃жахи, бариваарид̇аа д̣̇зваг̇ан̣зхи д̇зхи.
Sā modati kāmaguṇehi pañcahi, parivāritā devagaṇehi tehi.
536.
536.
‘‘б̣уд̣̇д̇хасса буд̇д̇омхи асаяхасаахино, ан̇г̇ийрасассаббадимасса д̇аад̣̇ино;
‘‘Buddhassa puttomhi asayhasāhino, aṅgīrasassappaṭimassa tādino;
бид̇убид̇аа маяхам̣ д̇увам̣си сагга, д̇хаммзна мз г̇од̇ама аяяагосий’’д̇и. –
Pitupitā mayhaṃ tuvaṃsi sakka, dhammena me gotama ayyakosī’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а ан̇г̇ааринод̇и ан̇г̇аараани вияаад̇и ан̇г̇аараани, рад̇д̇абаваал̣аван̣н̣аани ругкаанам̣ бубпабаллаваани, д̇аани зд̇зсам̣ санд̇ийд̇и ан̇г̇аарино, ад̇илохид̇агусумагисалаязхи ан̇г̇ааравудтисам̣баригин̣н̣аа вияаад̇и ад̇т̇о. ид̣̇аанийд̇и имасмим̣ гаалз. д̣̇умаад̇и ругкаа. бхад̣̇анд̇зд̇и, бхад̣̇д̣̇ам̣ анд̇з зд̇ассаад̇и бхад̣̇анд̇зд̇и згасса д̣̇агаарасса лобам̣ гад̇ваа вужжад̇и, г̇ун̣ависзсаяуд̇д̇о, г̇ун̣ависзсаяуд̇д̇аанан̃жа аг̇г̇абхууд̇о сад̇т̇аа. д̇асмаа бхад̣̇анд̇зд̇и сад̇т̇у аалабанам̣. бажжад̇д̇аважанан̃жзд̇ам̣ згааранд̇ам̣ ‘‘сугадз бадигаммз сукз д̣̇угкзби жз’’д̇иаад̣̇ийсу вияа. ид̇ха бана самб̣од̇ханад̇т̇з д̣̇адтаб̣б̣ам̣. д̇зна вуд̇д̇ам̣ ‘‘бхад̣̇анд̇зд̇и аалабана’’нд̇и. ‘‘бхад̣̇д̣̇асад̣̇д̣̇асамаанад̇т̇ам̣ бад̣̇анд̇арамзга’’нд̇и гзжи. палаани зсанд̇ийд̇и палзсино. ажзд̇анзби хи сажзд̇анагирияамааробзд̇ваа вохаранд̇и, яат̇аа гулам̣ бад̇ид̇угааманд̇и, палаани г̇ахзд̇умаарад̣̇д̇хаа самбад̇д̇ипалаг̇ахан̣агаалаад̇и ад̇т̇о. чад̣̇анам̣ виббахааяаад̇и бураан̣абан̣н̣аани баж̇ахид̇ваа самбаннабан̣д̣убалаасаад̇и ад̇т̇о. д̇зд̇и д̣̇умаа. ажжиманд̇ова бабхаасаяанд̇ийд̇и д̣̇ийбасикааванд̇о вияа ж̇алид̇ааг̇г̇ий вияа ваа обхаасаяанд̇и саб̣б̣аа д̣̇исаад̇и ад̇хиббааяо. самаяод̇и гаало, ‘‘ануг̇г̇ахааяаа’’д̇и важанасзсо. махаавийраад̇и махаавигганд̇а. бхааг̇ий расаананд̇и ад̇т̇арасаад̣̇ийнам̣ бхааг̇ий. вуд̇д̇ан̃хзд̇ам̣ д̇хаммасзнаабад̇инаа – ‘‘бхааг̇ий ваа бхаг̇аваа ад̇т̇арасасса д̇хаммарасассаа’’д̇иаад̣̇и (жуул̣ани. аж̇ид̇амаан̣авабужчаанид̣̇д̣̇зса 2). махаавийра, бхааг̇ийд̇и жа ид̣̇амби д̣̇ваяам̣ самб̣од̇ханаважанам̣ д̣̇адтаб̣б̣ам̣. бхааг̇ийрат̇аананд̇и бана баатз бхаг̇ийрат̇о наама аад̣̇ирааж̇аа. д̇аб̣б̣ам̣саж̇аад̇ад̇ааяа саагияаа бхааг̇ийрат̇аа, д̇зсам̣ бхааг̇ийрат̇аанам̣ убагаарад̇т̇анд̇и ад̇хиббааяо.
Tattha aṅgārinoti aṅgārāni viyāti aṅgārāni, rattapavāḷavaṇṇāni rukkhānaṃ pupphapallavāni, tāni etesaṃ santīti aṅgārino, atilohitakusumakisalayehi aṅgāravuṭṭhisaṃparikiṇṇā viyāti attho. Idānīti imasmiṃ kāle. Dumāti rukkhā. Bhadanteti, bhaddaṃ ante etassāti bhadanteti ekassa dakārassa lopaṃ katvā vuccati, guṇavisesayutto, guṇavisesayuttānañca aggabhūto satthā. Tasmā bhadanteti satthu ālapanaṃ. Paccattavacanañcetaṃ ekārantaṃ ‘‘sukaṭe paṭikamme sukhe dukkhepi ce’’tiādīsu viya. Idha pana sambodhanatthe daṭṭhabbaṃ. Tena vuttaṃ ‘‘bhadanteti ālapana’’nti. ‘‘Bhaddasaddasamānatthaṃ padantarameka’’nti keci. Phalāni esantīti phalesino. Acetanepi hi sacetanakiriyamāropetvā voharanti, yathā kulaṃ patitukāmanti, phalāni gahetumāraddhā sampattiphalagahaṇakālāti attho. Chadanaṃ vippahāyāti purāṇapaṇṇāni pajahitvā sampannapaṇḍupalāsāti attho. Teti dumā. Accimantova pabhāsayantīti dīpasikhāvanto viya jalitaaggī viya vā obhāsayanti sabbā disāti adhippāyo. Samayoti kālo, ‘‘anuggahāyā’’ti vacanaseso. Mahāvīrāti mahāvikkanta. Bhāgī rasānanti attharasādīnaṃ bhāgī. Vuttañhetaṃ dhammasenāpatinā – ‘‘bhāgī vā bhagavā attharasassa dhammarasassā’’tiādi (cūḷani. ajitamāṇavapucchāniddesa 2). Mahāvīra, bhāgīti ca idampi dvayaṃ sambodhanavacanaṃ daṭṭhabbaṃ. Bhāgīrathānanti pana pāṭhe bhagīratho nāma ādirājā. Tabbaṃsajātatāya sākiyā bhāgīrathā, tesaṃ bhāgīrathānaṃ upakāratthanti adhippāyo.
д̣̇умаанийд̇и лин̇г̇авибаллаасзна вуд̇д̇ам̣, д̣̇умаа ругкаад̇и ад̇т̇о. саманд̇ад̇о саб̣б̣ад̣̇исаа баванд̇ийд̇и, саманд̇ад̇о саб̣б̣абхааг̇ад̇о саб̣б̣ад̣̇исаасу жа пуллаани, д̇ат̇аа пуллад̇д̇аа зва саб̣б̣ад̣̇исаа баванд̇и г̇анд̇хам̣ виссаж̇ж̇знд̇и. аасамаанаад̇и аасийсанд̇аа г̇ахид̇угаамаа. звам̣ ругкасобхааяа г̇аманамаг̇г̇асса рааман̣зяяад̇ам̣ д̣̇ассзд̇ваа ид̣̇аани ‘‘нзваад̇исийд̇а’’нд̇иаад̣̇инаа уд̇усамбад̇д̇им̣ д̣̇ассзд̇и. сукаад̇и наад̇исийд̇анаад̇иун̣хабхаавзнзва сукаа идтаа. уд̇у ад̣̇д̇ханияаад̇и ад̣̇д̇хаанаг̇аманаяог̇г̇аа уд̇у. бассанд̇у д̇ам̣ саагияаа гол̣ияаа жа, бажчаамукам̣ рохинияам̣ д̇аранд̇анд̇и рохиний наама над̣̇ий саагияагол̣ияаж̇анабад̣̇аанам̣ анд̇арз уд̇д̇арад̣̇исад̇о д̣̇агкин̣амукаа санд̣̇ад̇и, рааж̇аг̇ахам̣ жассаа бурад̇т̇имад̣̇агкин̣ааяа д̣̇исааяа, д̇асмаа рааж̇аг̇ахад̇о габилавад̇т̇ум̣ г̇анд̇ум̣ д̇ам̣ над̣̇им̣ д̇аранд̇аа бажчаамукаа худ̇ваа д̇аранд̇и. д̇знааха ‘‘бассанд̇у д̇ам̣…бз… д̇аранд̇а’’нд̇и. ‘‘бхаг̇аванд̇ам̣ бажчаамукам̣ рохиним̣ наама над̣̇им̣ ад̇иггаманд̇ам̣ саагияагол̣ияаж̇анабад̣̇аваасино бассанд̇уу’’д̇и габилавад̇т̇уг̇аманааяа бхаг̇аванд̇ам̣ ааяаажанд̇о уссаахзд̇и.
Dumānīti liṅgavipallāsena vuttaṃ, dumā rukkhāti attho. Samantato sabbadisā pavantīti, samantato sabbabhāgato sabbadisāsu ca phullāni, tathā phullattā eva sabbadisā pavanti gandhaṃ vissajjenti. Āsamānāti āsīsantā gahitukāmā. Evaṃ rukkhasobhāya gamanamaggassa rāmaṇeyyataṃ dassetvā idāni ‘‘nevātisīta’’ntiādinā utusampattiṃ dasseti. Sukhāti nātisītanātiuṇhabhāveneva sukhā iṭṭhā. Utu addhaniyāti addhānagamanayoggā utu. Passantu taṃ sākiyā koḷiyā ca, pacchāmukhaṃ rohiniyaṃ tarantanti rohinī nāma nadī sākiyakoḷiyajanapadānaṃ antare uttaradisato dakkhiṇamukhā sandati, rājagahaṃ cassā puratthimadakkhiṇāya disāya, tasmā rājagahato kapilavatthuṃ gantuṃ taṃ nadiṃ tarantā pacchāmukhā hutvā taranti. Tenāha ‘‘passantu taṃ…pe… taranta’’nti. ‘‘Bhagavantaṃ pacchāmukhaṃ rohiniṃ nāma nadiṃ atikkamantaṃ sākiyakoḷiyajanapadavāsino passantū’’ti kapilavatthugamanāya bhagavantaṃ āyācanto ussāheti.
ид̣̇аани ад̇д̇ано бад̇т̇анам̣ убамаахи багаасзнд̇о ‘‘аасааяа гасад̇з’’д̇и г̇аат̇амааха. аасааяа гасад̇з кзд̇д̇анд̇и гассаго гасанд̇о кзд̇д̇ам̣ палаасааяа гасад̇и. б̣ийж̇ам̣ аасааяа ваббад̇ийд̇и гасид̇ваа жа вабанд̇зна палаасааяа зва б̣ийж̇ам̣ ваббад̇и нигкибийяад̇и. аасааяа ваан̣иж̇аа яанд̇ийд̇и д̇ханахаарагаа ваан̣иж̇аа д̇ханаасааяа самуд̣̇д̣̇ам̣ д̇арид̇ум̣ д̣̇зсам̣ убаг̇анд̇ум̣ самуд̣̇д̣̇ам̣ наавааяа яанд̇и г̇ажчанд̇и. яааяа аасааяа д̇идтаамийд̇и звам̣ ахамби яааяа аасааяа бад̇т̇анааяа бхаг̇аваа д̇умхаагам̣ габилабураг̇аманабад̇т̇анааяа ид̇ха д̇идтаами. саа мз аасаа самиж̇жхад̇у, д̇умхзхи ‘‘габилавад̇т̇у г̇анд̇аб̣б̣а’’нд̇и вад̣̇ад̇и, аасааяа сад̣̇исад̇ааяа жзд̇т̇а гад̇д̇угамяад̇аачанд̣̇ам̣ аасаад̇и ааха.
Idāni attano patthanaṃ upamāhi pakāsento ‘‘āsāya kasate’’ti gāthamāha. Āsāya kasate khettanti kassako kasanto khettaṃ phalāsāya kasati. Bījaṃ āsāya vappatīti kasitvā ca vapantena phalāsāya eva bījaṃ vappati nikkhipīyati. Āsāya vāṇijā yantīti dhanahārakā vāṇijā dhanāsāya samuddaṃ tarituṃ desaṃ upagantuṃ samuddaṃ nāvāya yanti gacchanti. Yāya āsāya tiṭṭhāmīti evaṃ ahampi yāya āsāya patthanāya bhagavā tumhākaṃ kapilapuragamanapatthanāya idha tiṭṭhāmi. Sā me āsā samijjhatu, tumhehi ‘‘kapilavatthu gantabba’’nti vadati, āsāya sadisatāya cettha kattukamyatāchandaṃ āsāti āha.
г̇аманамаг̇г̇асам̣ван̣н̣анаад̣̇инаа анзгаваарам̣ яаажанааяа гааран̣ам̣ д̣̇ассзд̇ум̣ ‘‘бунаббуна’’нд̇иаад̣̇и вуд̇д̇ам̣. д̇ассад̇т̇о – сагим̣ вуд̇д̇амад̇д̇зна ваббз асамбаж̇ж̇амаанз гассагаа бунаббунам̣ д̣̇уд̇ияамби д̇ад̇ияамби б̣ийж̇ам̣ вабанд̇и. баж̇ж̇унно д̣̇зварааж̇ааби згаваарамзва авассид̇ваа бунаббунам̣ гаалзна гаалам̣ вассад̇и. гассагааби згаваарамзва агасид̇ваа сассасамбад̇д̇иад̇т̇ам̣ бам̣сум̣ гад̣̇д̣̇амам̣ ваа муд̣̇ум̣ гаад̇ум̣ кзд̇д̇ам̣ бунаббунам̣ гасанд̇и. згаваарамзва д̇хан̃н̃ам̣ сан̇г̇ахам̣ гад̇ваа ‘‘аламзд̇д̇аавад̇аа’’д̇и абарид̇уссанад̇о годтааг̇аараад̣̇ийсу бадисааманавасзна мануссзхи убанийяамаанам̣ бунаббунам̣ саалиаад̣̇ид̇хан̃н̃ам̣ радтам̣ убзд̇и убаг̇ажчад̇и.
Gamanamaggasaṃvaṇṇanādinā anekavāraṃ yācanāya kāraṇaṃ dassetuṃ ‘‘punappuna’’ntiādi vuttaṃ. Tassattho – sakiṃ vuttamattena vappe asampajjamāne kassakā punappunaṃ dutiyampi tatiyampi bījaṃ vapanti. Pajjunno devarājāpi ekavārameva avassitvā punappunaṃ kālena kālaṃ vassati. Kassakāpi ekavārameva akasitvā sassasampattiatthaṃ paṃsuṃ kaddamaṃ vā muduṃ kātuṃ khettaṃ punappunaṃ kasanti. Ekavārameva dhaññaṃ saṅgahaṃ katvā ‘‘alamettāvatā’’ti aparitussanato koṭṭhāgārādīsu paṭisāmanavasena manussehi upanīyamānaṃ punappunaṃ sāliādidhaññaṃ raṭṭhaṃ upeti upagacchati.
яаажанагааби яаажанд̇аа бунаббунам̣ гулаани жаранд̇и убаг̇ажчанд̇и, на згаваарамзва, яаажид̇аа бана д̇зсам̣ бунаббунам̣ д̣̇аанабад̇ий д̣̇ад̣̇анд̇и, на сагим̣язва. д̇ат̇аа бана д̣̇зяяад̇хаммам̣ бунаббунам̣ д̣̇аанабад̇ий д̣̇ад̣̇ид̇ваа д̣̇аанамаяам̣ бун̃н̃ам̣ убажинид̇ваа бунаббунам̣ абараабарам̣ саг̇г̇амубзнд̇и таанам̣ бадисанд̇хивасзна д̣̇звалогам̣ убаг̇ажчанд̇и. д̇асмаа ахамби бунаббунам̣ яаажаами бхаг̇аваа маяхам̣ манорат̇ам̣ мад̇т̇агам̣ баабзхийд̇и ад̇хиббааяо.
Yācanakāpi yācantā punappunaṃ kulāni caranti upagacchanti, na ekavārameva, yācitā pana tesaṃ punappunaṃ dānapatī dadanti, na sakiṃyeva. Tathā pana deyyadhammaṃ punappunaṃ dānapatī daditvā dānamayaṃ puññaṃ upacinitvā punappunaṃ aparāparaṃ saggamupenti ṭhānaṃ paṭisandhivasena devalokaṃ upagacchanti. Tasmā ahampi punappunaṃ yācāmi bhagavā mayhaṃ manorathaṃ matthakaṃ pāpehīti adhippāyo.
ид̣̇аани яад̣̇ад̇т̇ам̣ сад̇т̇аарам̣ габилавад̇т̇уг̇аманам̣ яаажад̇и, д̇ам̣ д̣̇ассзд̇ум̣ ‘‘вийро хавз’’д̇иг̇аат̇амааха. д̇ассад̇т̇о – вийро вийрияаваа махаавигганд̇о бхуурибан̃н̃о махаабан̃н̃о бурисо яасмим̣ гулз ж̇ааяад̇и ниб̣б̣ад̇д̇ад̇и, д̇ад̇т̇а хавз згам̣сзна сад̇д̇аяуг̇ам̣ сад̇д̇абурисаяуг̇ам̣ яаавасад̇д̇амам̣ бид̇аамахаяуг̇ам̣ саммаабадибад̇д̇ияаа бунзд̇и сод̇хзд̇ийд̇и логаваад̣̇о ад̇иваад̣̇о ан̃н̃зсу. бхаг̇аваа бана саб̣б̣зсам̣ д̣̇зваанам̣ уд̇д̇амад̣̇звад̇ааяа д̣̇звад̣̇зво баабанивааран̣зна галяаан̣абад̇идтаабанзна д̇ад̇о барамби сод̇хзд̇ум̣ саггад̇и саггод̇ийд̇и ман̃н̃аами ахам̣. гасмаа? д̇аяаа хи ж̇аад̇о муни сажжанаамо яасмаа д̇аяаа сад̇т̇аараа арияааяа ж̇аад̇ияаа ж̇аад̇о мунибхааво, муни ваа самаано ад̇д̇ахид̇абарахид̇аанам̣ ид̇халогабаралогаанан̃жа мунанадтзна ‘‘муний’’д̇и авид̇ат̇анаамо, монаваа ваа муни, ‘‘саман̣о баб̣б̣аж̇ид̇о исий’’д̇и авид̇ат̇анаамо д̇аяаа ж̇аад̇о. д̇асмаа сад̇д̇аанам̣ зганд̇ахид̇абадилаабхахзд̇убхаавад̇о бхаг̇аваа д̇ава д̇ад̇т̇а г̇аманам̣ яаажаамаад̇и ад̇т̇о.
Idāni yadatthaṃ satthāraṃ kapilavatthugamanaṃ yācati, taṃ dassetuṃ ‘‘vīro have’’tigāthamāha. Tassattho – vīro vīriyavā mahāvikkanto bhūripañño mahāpañño puriso yasmiṃ kule jāyati nibbattati, tattha have ekaṃsena sattayugaṃ sattapurisayugaṃ yāvasattamaṃ pitāmahayugaṃ sammāpaṭipattiyā puneti sodhetīti lokavādo ativādo aññesu. Bhagavā pana sabbesaṃ devānaṃ uttamadevatāya devadevo pāpanivāraṇena kalyāṇapatiṭṭhāpanena tato parampi sodhetuṃ sakkati sakkotīti maññāmi ahaṃ. Kasmā? Tayā hi jāto muni saccanāmo yasmā tayā satthārā ariyāya jātiyā jāto munibhāvo, muni vā samāno attahitaparahitānaṃ idhalokaparalokānañca munanaṭṭhena ‘‘munī’’ti avitathanāmo, monavā vā muni, ‘‘samaṇo pabbajito isī’’ti avitathanāmo tayā jāto. Tasmā sattānaṃ ekantahitapaṭilābhahetubhāvato bhagavā tava tattha gamanaṃ yācāmāti attho.
ид̣̇аани ‘‘сад̇д̇аяуг̇а’’нд̇и вуд̇д̇з бид̇уяуг̇ам̣ д̣̇ассзд̇ум̣ ‘‘суд̣̇д̇ход̣̇ано наамаа’’д̇иаад̣̇и вуд̇д̇ам̣. суд̣̇д̇хам̣ од̣̇анам̣ ж̇ийванам̣ зд̇ассаад̇и суд̣̇д̇ход̣̇ано. б̣уд̣̇д̇хабид̇аа хи згам̣сад̇о сувисуд̣̇д̇хагааяаважийманосамаажааро сувисуд̣̇д̇хааж̇ийво ход̇и д̇ат̇аа абхинийхаарасамбаннад̇д̇аа. мааяанаамаад̇и гуларуубасийлаажаараад̣̇исамбад̇д̇ияаа н̃аад̇имид̇д̇аад̣̇ийхи ‘‘маа яаахий’’д̇и вад̇д̇аб̣б̣аг̇ун̣ад̇ааяа ‘‘мааяаа’’д̇и лад̣̇д̇ханаамаа. барихарияаад̇и д̇хаарзд̇ваа. гааяасса бхзд̣̇аад̇и сад̣̇звагасса логасса жзд̇ияасад̣̇исасса ад̇д̇ано гааяасса винаасад̇о уд̣̇д̇хам̣. д̇ид̣̇ивамхийд̇и д̇усид̇ад̣̇звалогз.
Idāni ‘‘sattayuga’’nti vutte pituyugaṃ dassetuṃ ‘‘suddhodano nāmā’’tiādi vuttaṃ. Suddhaṃ odanaṃ jīvanaṃ etassāti suddhodano. Buddhapitā hi ekaṃsato suvisuddhakāyavacīmanosamācāro suvisuddhājīvo hoti tathā abhinīhārasampannattā. Māyanāmāti kularūpasīlācārādisampattiyā ñātimittādīhi ‘‘mā yāhī’’ti vattabbaguṇatāya ‘‘māyā’’ti laddhanāmā. Parihariyāti dhāretvā. Kāyassa bhedāti sadevakassa lokassa cetiyasadisassa attano kāyassa vināsato uddhaṃ. Tidivamhīti tusitadevaloke.
саад̇и мааяаад̣̇звий. г̇од̇амийд̇и г̇од̇д̇зна д̇ам̣ гид̇д̇зд̇и. д̣̇иб̣б̣зхи гаамзхийд̇и, д̇усид̇абхаванабарияаабаннзхи д̣̇иб̣б̣зхи вад̇т̇угаамзхи. саман̇г̇ибхууд̇аад̇и саманнааг̇ад̇аа. гаамаг̇ун̣зхийд̇и гаамагодтаасзхи, ‘‘гаамзхий’’д̇и вад̇ваа буна ‘‘гаамаг̇ун̣зхий’’д̇и важанзна анзгабхааг̇зхи вад̇т̇угаамзхи барижаарияад̇ийд̇и д̣̇ийбзд̇и. д̇зхийд̇и яасмим̣ д̣̇званигааяз ниб̣б̣ад̇д̇и, д̇зхи д̇усид̇ад̣̇зваг̇ан̣зхи, д̇зхи ваа гаамаг̇ун̣зхи. ‘‘саман̇г̇ибхууд̇аа бариваарид̇аа’’д̇и жа ид̇т̇илин̇г̇анид̣̇д̣̇зсо буримад̇д̇абхаавасид̣̇д̇хам̣ ид̇т̇ибхаавам̣, д̣̇звад̇аабхаавам̣ ваа санд̇хааяа гад̇о, д̣̇звуубабад̇д̇и бана бурисабхаавзнзва ж̇аад̇аа.
Sāti māyādevī. Gotamīti gottena taṃ kitteti. Dibbehi kāmehīti, tusitabhavanapariyāpannehi dibbehi vatthukāmehi. Samaṅgibhūtāti samannāgatā. Kāmaguṇehīti kāmakoṭṭhāsehi, ‘‘kāmehī’’ti vatvā puna ‘‘kāmaguṇehī’’ti vacanena anekabhāgehi vatthukāmehi paricāriyatīti dīpeti. Tehīti yasmiṃ devanikāye nibbatti, tehi tusitadevagaṇehi, tehi vā kāmaguṇehi. ‘‘Samaṅgibhūtā parivāritā’’ti ca itthiliṅganiddeso purimattabhāvasiddhaṃ itthibhāvaṃ, devatābhāvaṃ vā sandhāya kato, devūpapatti pana purisabhāveneva jātā.
звам̣ т̇зрзна яаажид̇о бхаг̇аваа д̇ад̇т̇а г̇аманз б̣ахуунам̣ висзсаад̇хиг̇амам̣ д̣̇исваа вийсад̇исахасса кийн̣аасавабаривуд̇о рааж̇аг̇ахад̇о ад̇урид̇ажааригаавасзна габилавад̇т̇уг̇аамимаг̇г̇ам̣ бадибаж̇ж̇и. т̇зро ид̣̇д̇хияаа габилавад̇т̇ум̣ г̇анд̇ваа ран̃н̃о бурад̇о аагаасз тид̇о ад̣̇идтабуб̣б̣ам̣ взсам̣ д̣̇исваа ран̃н̃аа ‘‘госи д̇ва’’нд̇и бужчид̇о, ‘‘сажз амажжабуд̇д̇ам̣ д̇аяаа бхаг̇авад̇о санд̇игам̣ бзсид̇ам̣ мам̣ на ж̇аанааси, звам̣ бана ж̇аанаахий’’д̇и д̣̇ассзнд̇о –
Evaṃ therena yācito bhagavā tattha gamane bahūnaṃ visesādhigamaṃ disvā vīsatisahassa khīṇāsavaparivuto rājagahato aturitacārikāvasena kapilavatthugāmimaggaṃ paṭipajji. Thero iddhiyā kapilavatthuṃ gantvā rañño purato ākāse ṭhito adiṭṭhapubbaṃ vesaṃ disvā raññā ‘‘kosi tva’’nti pucchito, ‘‘sace amaccaputtaṃ tayā bhagavato santikaṃ pesitaṃ maṃ na jānāsi, evaṃ pana jānāhī’’ti dassento –
‘‘б̣уд̣̇д̇хасса буд̇д̇омхи асаяхасаахино, ан̇г̇ийрасассаббадимасса д̇аад̣̇ино;
‘‘Buddhassa puttomhi asayhasāhino, aṅgīrasassappaṭimassa tādino;
бид̇убид̇аа маяхам̣ д̇увам̣си сагга, д̇хаммзна мз г̇од̇ама аяяагосий’’д̇и. –
Pitupitā mayhaṃ tuvaṃsi sakka, dhammena me gotama ayyakosī’’ti. –
осаанаг̇аат̇амааха.
Osānagāthamāha.
д̇ад̇т̇а б̣уд̣̇д̇хасса буд̇д̇омхийд̇и, саб̣б̣ан̃н̃уб̣уд̣̇д̇хасса урз ж̇аад̇ад̇ааяа орасабуд̇д̇о амхи. асаяхасаахинод̇и, абхисамб̣од̇хид̇о буб̣б̣з табзд̇ваа махааб̣од̇хисад̇д̇ам̣ ан̃н̃зхи сахид̇ум̣ вахид̇ум̣ асаггун̣зяяад̇д̇аа асаяхасса сагаласса б̣од̇хисамбхаарасса махаагаарун̣игаад̇хигаарасса жа саханад̇о ваханад̇о, д̇ад̇о барамби ан̃н̃зхи сахид̇ум̣ абхибхавид̇ум̣ асаггун̣зяяад̇д̇аа асаяхаанам̣ бан̃жаннам̣ маараанам̣ саханад̇о абхибхаванад̇о, аасаяаанусаяажарид̇аад̇химуд̇д̇иаад̣̇ивибхааг̇ааваб̣од̇ханзна яат̇аарахам̣ взнзяяаанам̣ д̣̇идтад̇хаммигасамбарааяигабарамад̇т̇зхи анусаасанийсан̇каад̇асса ан̃н̃зхи асаяхасса б̣уд̣̇д̇хагижжасса жа саханад̇о, д̇ад̇т̇а ваа саад̇хугаарийбхаавад̇о асаяхасаахино. ан̇г̇ийрасассаад̇и ан̇г̇ийгад̇асийлаад̣̇исамбад̇д̇игасса. ‘‘ан̇г̇аман̇г̇зхи нижчаран̣агаобхаасассаа’’д̇и абарз. гзжи бана ‘‘ан̇г̇ийрасо, сид̣̇д̇хад̇т̇од̇и д̣̇вз наамаани бид̇арааязва г̇ахид̇ааний’’д̇и вад̣̇анд̇и. аббадимассаад̇и ануубамасса. идтаанидтзсу д̇аад̣̇илагкан̣аббад̇д̇ияаа д̇аад̣̇ино. бид̇убид̇аа маяхам̣ д̇увам̣сийд̇и арияаж̇аад̇ивасзна маяхам̣ бид̇у саммаасамб̣уд̣̇д̇хасса логавохаарзна д̇вам̣ бид̇аа аси. саггаад̇и ж̇аад̇ивасзна рааж̇аанам̣ аалабад̇и. д̇хаммзнаад̇и сабхаавзна арияаж̇аад̇и логияаж̇аад̇ийд̇и д̣̇виннам̣ ж̇аад̇ийнам̣ сабхаавасамод̇хаанзна г̇од̇амаад̇и рааж̇аанам̣ г̇од̇д̇зна аалабад̇и. аяяагосийд̇и бид̇аамахо аси. зд̇т̇а жа ‘‘б̣уд̣̇д̇хасса буд̇д̇омхий’’д̇иаад̣̇им̣ вад̣̇анд̇о т̇зро ан̃н̃ам̣ б̣яаагааси.
Tattha buddhassa puttomhīti, sabbaññubuddhassa ure jātatāya orasaputto amhi. Asayhasāhinoti, abhisambodhito pubbe ṭhapetvā mahābodhisattaṃ aññehi sahituṃ vahituṃ asakkuṇeyyattā asayhassa sakalassa bodhisambhārassa mahākāruṇikādhikārassa ca sahanato vahanato, tato parampi aññehi sahituṃ abhibhavituṃ asakkuṇeyyattā asayhānaṃ pañcannaṃ mārānaṃ sahanato abhibhavanato, āsayānusayacaritādhimuttiādivibhāgāvabodhanena yathārahaṃ veneyyānaṃ diṭṭhadhammikasamparāyikaparamatthehi anusāsanīsaṅkhātassa aññehi asayhassa buddhakiccassa ca sahanato, tattha vā sādhukārībhāvato asayhasāhino. Aṅgīrasassāti aṅgīkatasīlādisampattikassa. ‘‘Aṅgamaṅgehi niccharaṇakaobhāsassā’’ti apare. Keci pana ‘‘aṅgīraso, siddhatthoti dve nāmāni pitarāyeva gahitānī’’ti vadanti. Appaṭimassāti anūpamassa. Iṭṭhāniṭṭhesu tādilakkhaṇappattiyā tādino. Pitupitā mayhaṃ tuvaṃsīti ariyajātivasena mayhaṃ pitu sammāsambuddhassa lokavohārena tvaṃ pitā asi. Sakkāti jātivasena rājānaṃ ālapati. Dhammenāti sabhāvena ariyajāti lokiyajātīti dvinnaṃ jātīnaṃ sabhāvasamodhānena gotamāti rājānaṃ gottena ālapati. Ayyakosīti pitāmaho asi. Ettha ca ‘‘buddhassa puttomhī’’tiādiṃ vadanto thero aññaṃ byākāsi.
звам̣ бана ад̇д̇аанам̣ ж̇аанаабзд̇ваа хадтад̇удтзна ран̃н̃аа махаарахз баллан̇гз нисийд̣̇аабзд̇ваа ад̇д̇ано бадияаад̣̇ид̇асса наанаг̇г̇арасасса бхож̇анасса бад̇д̇ам̣ буурзд̇ваа д̣̇иннз г̇аманаагаарам̣ д̣̇ассзд̇и. ‘‘гасмаа г̇анд̇угаамад̇т̇а, бхун̃ж̇ат̇аа’’д̇и жа вуд̇д̇з, ‘‘сад̇т̇у санд̇игам̣ г̇анд̇ваа бхун̃ж̇иссаамий’’д̇и. ‘‘гахам̣ бана сад̇т̇аа’’д̇и? ‘‘вийсад̇исахассабхигкубаривааро д̇умхаагам̣ д̣̇ассанад̇т̇ааяа маг̇г̇ам̣ бадибанно’’д̇и. ‘‘д̇умхз имам̣ бин̣д̣абаад̇ам̣ барибхун̃ж̇ид̇ваа яаава мама буд̇д̇о имам̣ наг̇арам̣ самбаабун̣аад̇и, д̇аавасса ид̇ова бин̣д̣абаад̇ам̣ харат̇аа’’д̇и. т̇зро бхад̇д̇агижжам̣ гад̇ваа ран̃н̃о барисааяа жа д̇хаммам̣ гат̇зд̇ваа сад̇т̇у ааг̇аманад̇о бурзд̇арамзва сагалам̣ рааж̇анивзсанам̣ рад̇анад̇д̇аяз абхиббасаннам̣ гаронд̇о саб̣б̣зсам̣ бассанд̇аанам̣язва сад̇т̇у аахарид̇аб̣б̣абхад̇д̇абун̣н̣ам̣ бад̇д̇ам̣ аагаасз виссаж̇ж̇зд̇ваа саяамби взхаасам̣ аб̣бхуг̇г̇анд̇ваа бин̣д̣абаад̇ам̣ убанзд̇ваа сад̇т̇у хад̇т̇з табзси. сад̇т̇аа д̇ам̣ бин̣д̣абаад̇ам̣ барибхун̃ж̇и. звам̣ садтияож̇анам̣ маг̇г̇ам̣ д̣̇ивасз д̣̇ивасз яож̇анам̣ г̇ажчанд̇асса сад̇т̇у рааж̇аг̇зхад̇ова бхад̇д̇ам̣ аахарид̇ваа ад̣̇ааси. ат̇а нам̣ бхаг̇аваа ‘‘маяхам̣ бид̇у махаарааж̇асса сагаланивзсанам̣ басаад̣̇зсий’’д̇и гулаббасаад̣̇агаанам̣ аг̇г̇адтаанз табзсийд̇и.
Evaṃ pana attānaṃ jānāpetvā haṭṭhatuṭṭhena raññā mahārahe pallaṅke nisīdāpetvā attano paṭiyāditassa nānaggarasassa bhojanassa pattaṃ pūretvā dinne gamanākāraṃ dasseti. ‘‘Kasmā gantukāmattha, bhuñjathā’’ti ca vutte, ‘‘satthu santikaṃ gantvā bhuñjissāmī’’ti. ‘‘Kahaṃ pana satthā’’ti? ‘‘Vīsatisahassabhikkhuparivāro tumhākaṃ dassanatthāya maggaṃ paṭipanno’’ti. ‘‘Tumhe imaṃ piṇḍapātaṃ paribhuñjitvā yāva mama putto imaṃ nagaraṃ sampāpuṇāti, tāvassa itova piṇḍapātaṃ harathā’’ti. Thero bhattakiccaṃ katvā rañño parisāya ca dhammaṃ kathetvā satthu āgamanato puretarameva sakalaṃ rājanivesanaṃ ratanattaye abhippasannaṃ karonto sabbesaṃ passantānaṃyeva satthu āharitabbabhattapuṇṇaṃ pattaṃ ākāse vissajjetvā sayampi vehāsaṃ abbhuggantvā piṇḍapātaṃ upanetvā satthu hatthe ṭhapesi. Satthā taṃ piṇḍapātaṃ paribhuñji. Evaṃ saṭṭhiyojanaṃ maggaṃ divase divase yojanaṃ gacchantassa satthu rājagehatova bhattaṃ āharitvā adāsi. Atha naṃ bhagavā ‘‘mayhaṃ pitu mahārājassa sakalanivesanaṃ pasādesī’’ti kulappasādakānaṃ aggaṭṭhāne ṭhapesīti.
гаал̣уд̣̇ааяид̇т̇зраг̇аат̇ааван̣н̣анаа нидтид̇аа.
Kāḷudāyittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. гаал̣уд̣̇ааяид̇т̇зраг̇аат̇аа • 1. Kāḷudāyittheragāthā
