| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
3. галяаан̣аваг̇г̇о
3. Kalyāṇavaggo
[171] 1. галяаан̣ад̇хаммаж̇аад̇агаван̣н̣анаа
[171] 1. Kalyāṇadhammajātakavaṇṇanā
галяаан̣ад̇хаммод̇и ид̣̇ам̣ сад̇т̇аа ж̇зд̇аванз вихаранд̇о згам̣ б̣ад̇хирасассум̣ аараб̣бха гат̇зси. саавад̇т̇ияан̃хи зго гудумб̣иго сад̣̇д̇хо басанно д̇исаран̣аг̇ад̇о бан̃жасийлзна саманнааг̇ад̇о. со згад̣̇ивасам̣ б̣ахууни саббиаад̣̇ийни бхзсаж̇ж̇аани жзва бубпаг̇анд̇хавад̇т̇аад̣̇ийни жа г̇ахзд̇ваа ‘‘ж̇зд̇аванз сад̇т̇у санд̇игз д̇хаммам̣ соссаамий’’д̇и аг̇амааси. д̇асса д̇ад̇т̇а г̇ад̇агаалз сассу каад̣̇анийяабхож̇анийяам̣ г̇ахзд̇ваа д̇хийд̇арам̣ д̣̇адтугаамаа д̇ам̣ г̇зхам̣ аг̇амааси, саа жа т̇огам̣ б̣ад̇хирад̇хаад̇угаа ход̇и. саа д̇хийд̇араа сад̣̇д̇хим̣ бхуд̇д̇абхож̇анаа бхад̇д̇асаммад̣̇ам̣ винод̣̇аяамаанаа д̇хийд̇арам̣ бужчи – ‘‘гим̣, амма, бхад̇д̇аа д̇з саммод̣̇амаано авивад̣̇амаано бияасам̣ваасам̣ васад̇ий’’д̇и. ‘‘гим̣, амма, гат̇зт̇а яаад̣̇исо д̇умхаагам̣ ж̇аамаад̇аа сийлзна жзва аажаарасамбад̣̇ааяа жа, д̇аад̣̇исо баб̣б̣аж̇ид̇оби д̣̇уллабхо’’д̇и. убаасигаа д̇хийд̇у важанам̣ саад̇хугам̣ асаллагкзд̇ваа ‘‘баб̣б̣аж̇ид̇о’’д̇и бад̣̇амзва г̇ахзд̇ваа ‘‘амма, гасмаа д̇з бхад̇д̇аа баб̣б̣аж̇ид̇о’’д̇и махаасад̣̇д̣̇ам̣ агааси. д̇ам̣ суд̇ваа сагалаг̇зхаваасино ‘‘амхаагам̣ гира гудумб̣иго баб̣б̣аж̇ид̇о’’д̇и виравим̣су. д̇зсам̣ сад̣̇д̣̇ам̣ суд̇ваа д̣̇ваарзна сан̃жаранд̇аа ‘‘гим̣ наама гирзд̇а’’нд̇и бужчим̣су. ‘‘имасмим̣ гира г̇зхз гудумб̣иго баб̣б̣аж̇ид̇о’’д̇и. соби ко гудумб̣иго д̣̇асаб̣аласса д̇хаммам̣ суд̇ваа вихаараа нигкамма наг̇арам̣ баависи.
Kalyāṇadhammoti idaṃ satthā jetavane viharanto ekaṃ badhirasassuṃ ārabbha kathesi. Sāvatthiyañhi eko kuṭumbiko saddho pasanno tisaraṇagato pañcasīlena samannāgato. So ekadivasaṃ bahūni sappiādīni bhesajjāni ceva pupphagandhavatthādīni ca gahetvā ‘‘jetavane satthu santike dhammaṃ sossāmī’’ti agamāsi. Tassa tattha gatakāle sassu khādanīyabhojanīyaṃ gahetvā dhītaraṃ daṭṭhukāmā taṃ gehaṃ agamāsi, sā ca thokaṃ badhiradhātukā hoti. Sā dhītarā saddhiṃ bhuttabhojanā bhattasammadaṃ vinodayamānā dhītaraṃ pucchi – ‘‘kiṃ, amma, bhattā te sammodamāno avivadamāno piyasaṃvāsaṃ vasatī’’ti. ‘‘Kiṃ, amma, kathetha yādiso tumhākaṃ jāmātā sīlena ceva ācārasampadāya ca, tādiso pabbajitopi dullabho’’ti. Upāsikā dhītu vacanaṃ sādhukaṃ asallakkhetvā ‘‘pabbajito’’ti padameva gahetvā ‘‘amma, kasmā te bhattā pabbajito’’ti mahāsaddaṃ akāsi. Taṃ sutvā sakalagehavāsino ‘‘amhākaṃ kira kuṭumbiko pabbajito’’ti viraviṃsu. Tesaṃ saddaṃ sutvā dvārena sañcarantā ‘‘kiṃ nāma kireta’’nti pucchiṃsu. ‘‘Imasmiṃ kira gehe kuṭumbiko pabbajito’’ti. Sopi kho kuṭumbiko dasabalassa dhammaṃ sutvā vihārā nikkhamma nagaraṃ pāvisi.
ат̇а нам̣ анд̇араамаг̇г̇зязва зго бурисо д̣̇исваа ‘‘самма, д̇вам̣ гира баб̣б̣аж̇ид̇од̇и д̇ава г̇зхз буд̇д̇ад̣̇аарабариж̇ано барид̣̇звад̇ий’’д̇и ааха. ат̇асса зд̇ад̣̇ахоси – ‘‘аяам̣ абаб̣б̣аж̇ид̇амзва гира мам̣ ‘баб̣б̣аж̇ид̇о’д̇и вад̣̇ад̇и, уббанно ко бана мз галяаан̣асад̣̇д̣̇о на анд̇арад̇хаабзд̇аб̣б̣о, аж̇ж̇зва маяаа баб̣б̣аж̇ид̇ум̣ ваддад̇ий’’д̇и д̇ад̇ова нивад̇д̇ид̇ваа сад̇т̇у санд̇игам̣ г̇анд̇ваа ‘‘гим̣ ну ко, убаасага, ид̣̇аанзва б̣уд̣̇д̇хубадтаанам̣ гад̇ваа г̇анд̇ваа ид̣̇аанзва бажжааг̇ад̇осий’’д̇и вуд̇д̇з д̇амад̇т̇ам̣ аарожзд̇ваа ‘‘бханд̇з, галяаан̣асад̣̇д̣̇о наама уббанно на анд̇арад̇хаабзд̇ум̣ ваддад̇и, д̇асмаа баб̣б̣аж̇ид̇угаамо худ̇ваа ааг̇ад̇омхий’’д̇и ааха. со баб̣б̣аж̇ж̇ан̃жа убасамбад̣̇ан̃жа лабхид̇ваа саммаа бадибанно нажирассзва арахад̇д̇ам̣ баабун̣и. ид̣̇ам̣ гира гааран̣ам̣ бхигкусан̇гхз баагадам̣ ж̇аад̇ам̣. ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, асуго наама гудумб̣иго ‘уббанно галяаан̣асад̣̇д̣̇о на анд̇арад̇хаабзд̇аб̣б̣о’д̇и баб̣б̣аж̇ид̇ваа ид̣̇аани арахад̇д̇ам̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, бораан̣агабан̣д̣ид̇ааби ‘уббанно галяаан̣асад̣̇д̣̇о вираад̇хзд̇ум̣ на ваддад̇ий’д̇и баб̣б̣аж̇им̣суязваа’’д̇и вад̇ваа ад̇ийд̇ам̣ аахари.
Atha naṃ antarāmaggeyeva eko puriso disvā ‘‘samma, tvaṃ kira pabbajitoti tava gehe puttadāraparijano paridevatī’’ti āha. Athassa etadahosi – ‘‘ayaṃ apabbajitameva kira maṃ ‘pabbajito’ti vadati, uppanno kho pana me kalyāṇasaddo na antaradhāpetabbo, ajjeva mayā pabbajituṃ vaṭṭatī’’ti tatova nivattitvā satthu santikaṃ gantvā ‘‘kiṃ nu kho, upāsaka, idāneva buddhupaṭṭhānaṃ katvā gantvā idāneva paccāgatosī’’ti vutte tamatthaṃ ārocetvā ‘‘bhante, kalyāṇasaddo nāma uppanno na antaradhāpetuṃ vaṭṭati, tasmā pabbajitukāmo hutvā āgatomhī’’ti āha. So pabbajjañca upasampadañca labhitvā sammā paṭipanno nacirasseva arahattaṃ pāpuṇi. Idaṃ kira kāraṇaṃ bhikkhusaṅghe pākaṭaṃ jātaṃ. Athekadivasaṃ dhammasabhāyaṃ bhikkhū kathaṃ samuṭṭhāpesuṃ – ‘‘āvuso, asuko nāma kuṭumbiko ‘uppanno kalyāṇasaddo na antaradhāpetabbo’ti pabbajitvā idāni arahattaṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, porāṇakapaṇḍitāpi ‘uppanno kalyāṇasaddo virādhetuṃ na vaṭṭatī’ti pabbajiṃsuyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтигулз ниб̣б̣ад̇д̇ид̇ваа ваяаббад̇д̇о бид̇у ажжаязна сздтидтаанам̣ баабун̣и. со згад̣̇ивасам̣ нивзсанаа нигкамид̇ваа рааж̇убадтаанам̣ аг̇амааси. ат̇асса сассу ‘‘д̇хийд̇арам̣ бассиссаамий’’д̇и д̇ам̣ г̇зхам̣ аг̇амааси, саа т̇огам̣ б̣ад̇хирад̇хаад̇угаад̇и саб̣б̣ам̣ бажжуббаннавад̇т̇усад̣̇исамзва. д̇ам̣ бана рааж̇убадтаанам̣ г̇анд̇ваа ад̇д̇ано гхарам̣ ааг̇ажчанд̇ам̣ д̣̇исваа зго бурисо ‘‘д̇умхз гира баб̣б̣аж̇ид̇аад̇и д̇умхаагам̣ г̇зхз махаабарид̣̇зво бавад̇д̇ад̇ий’’д̇и ааха. б̣од̇хисад̇д̇о ‘‘уббанно галяаан̣асад̣̇д̣̇о наама на анд̇арад̇хаабзд̇ум̣ ваддад̇ий’’д̇и д̇ад̇ова нивад̇д̇ид̇ваа ран̃н̃о санд̇игам̣ г̇анд̇ваа ‘‘гим̣, махаасздти, ид̣̇аанзва г̇анд̇ваа буна ааг̇ад̇осий’’д̇и вуд̇д̇з ‘‘д̣̇зва, г̇зхаж̇ано гира мам̣ абаб̣б̣аж̇ид̇амзва ‘баб̣б̣аж̇ид̇о’д̇и вад̇ваа барид̣̇звад̇и, уббанно ко бана галяаан̣асад̣̇д̣̇о на анд̇арад̇хаабзд̇аб̣б̣о, баб̣б̣аж̇иссаамахам̣, баб̣б̣аж̇ж̇ам̣ мз ануж̇аанаахий’’д̇и зд̇амад̇т̇ам̣ багаасзд̇ум̣ имаа г̇аат̇аа ааха –
Atīte bārāṇasiyaṃ brahmadatte rajjaṃ kārente bodhisatto seṭṭhikule nibbattitvā vayappatto pitu accayena seṭṭhiṭṭhānaṃ pāpuṇi. So ekadivasaṃ nivesanā nikkhamitvā rājupaṭṭhānaṃ agamāsi. Athassa sassu ‘‘dhītaraṃ passissāmī’’ti taṃ gehaṃ agamāsi, sā thokaṃ badhiradhātukāti sabbaṃ paccuppannavatthusadisameva. Taṃ pana rājupaṭṭhānaṃ gantvā attano gharaṃ āgacchantaṃ disvā eko puriso ‘‘tumhe kira pabbajitāti tumhākaṃ gehe mahāparidevo pavattatī’’ti āha. Bodhisatto ‘‘uppanno kalyāṇasaddo nāma na antaradhāpetuṃ vaṭṭatī’’ti tatova nivattitvā rañño santikaṃ gantvā ‘‘kiṃ, mahāseṭṭhi, idāneva gantvā puna āgatosī’’ti vutte ‘‘deva, gehajano kira maṃ apabbajitameva ‘pabbajito’ti vatvā paridevati, uppanno kho pana kalyāṇasaddo na antaradhāpetabbo, pabbajissāmahaṃ, pabbajjaṃ me anujānāhī’’ti etamatthaṃ pakāsetuṃ imā gāthā āha –
41.
41.
‘‘галяаан̣ад̇хаммод̇и яад̣̇аа ж̇анинд̣̇а, логз саман̃н̃ам̣ анубаабун̣аад̇и;
‘‘Kalyāṇadhammoti yadā janinda, loke samaññaṃ anupāpuṇāti;
д̇асмаа на хияязт̇а наро сабан̃н̃о, хирияааби санд̇о гхурамаад̣̇ияанд̇и.
Tasmā na hiyyetha naro sapañño, hiriyāpi santo ghuramādiyanti.
42.
42.
‘‘сааяам̣ саман̃н̃аа ид̇ха маж̇ж̇а бад̇д̇аа, галяаан̣ад̇хаммод̇и ж̇анинд̣̇а логз;
‘‘Sāyaṃ samaññā idha majja pattā, kalyāṇadhammoti janinda loke;
д̇аахам̣ самзгкам̣ ид̇ха баб̣б̣аж̇иссам̣, на хи мад̇т̇и чанд̣̇о ид̇ха гаамабхог̇з’’д̇и.
Tāhaṃ samekkhaṃ idha pabbajissaṃ, na hi matthi chando idha kāmabhoge’’ti.
д̇ад̇т̇а галяаан̣ад̇хаммод̇и сунд̣̇арад̇хаммо. саман̃н̃ам̣ анубаабун̣аад̇ийд̇и яад̣̇аа сийлаваа галяаан̣ад̇хаммо баб̣б̣аж̇ид̇од̇и ид̣̇ам̣ бан̃н̃ад̇д̇ивохаарам̣ баабун̣аад̇и. д̇асмаа на хияязт̇аад̇и д̇ад̇о сааман̃н̃ад̇о на барихааязт̇а. хирияааби санд̇о д̇хурамаад̣̇ияанд̇ийд̇и, махаарааж̇а, саббурисаа наама аж̇жхад̇д̇асамудтид̇ааяа хирияаа б̣ахид̣̇д̇хасамудтид̇зна од̇д̇аббзнаби зд̇ам̣ баб̣б̣аж̇ид̇ад̇хурам̣ г̇ан̣ханд̇и. ид̇ха маж̇ж̇а бад̇д̇аад̇и ид̇ха маяаа аж̇ж̇а бад̇д̇аа. д̇аахам̣ самзгканд̇и д̇ам̣ ахам̣ г̇ун̣авасзна лад̣̇д̇хасаман̃н̃ам̣ самзгканд̇о бассанд̇о. на хи мад̇т̇и чанд̣̇од̇и на хи мз ад̇т̇и чанд̣̇о. ид̇ха гаамабхог̇зд̇и имасмим̣ логз гилзсагаамавад̇т̇угаамабарибхог̇зхи.
Tattha kalyāṇadhammoti sundaradhammo. Samaññaṃ anupāpuṇātīti yadā sīlavā kalyāṇadhammo pabbajitoti idaṃ paññattivohāraṃ pāpuṇāti. Tasmā na hiyyethāti tato sāmaññato na parihāyetha. Hiriyāpi santo dhuramādiyantīti, mahārāja, sappurisā nāma ajjhattasamuṭṭhitāya hiriyā bahiddhasamuṭṭhitena ottappenapi etaṃ pabbajitadhuraṃ gaṇhanti. Idha majja pattāti idha mayā ajja pattā. Tāhaṃ samekkhanti taṃ ahaṃ guṇavasena laddhasamaññaṃ samekkhanto passanto. Na hi matthi chandoti na hi me atthi chando. Idha kāmabhogeti imasmiṃ loke kilesakāmavatthukāmaparibhogehi.
б̣од̇хисад̇д̇о звам̣ вад̇ваа рааж̇аанам̣ баб̣б̣аж̇ж̇ам̣ ануж̇аанаабзд̇ваа химаванд̇абад̣̇зсам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Bodhisatto evaṃ vatvā rājānaṃ pabbajjaṃ anujānāpetvā himavantapadesaṃ gantvā isipabbajjaṃ pabbajitvā abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, б̣аараан̣асисздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, bārāṇasiseṭṭhi pana ahameva ahosi’’nti.
галяаан̣ад̇хаммаж̇аад̇агаван̣н̣анаа батамаа.
Kalyāṇadhammajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 171. галяаан̣ад̇хаммаж̇аад̇агам̣ • 171. Kalyāṇadhammajātakaṃ
