| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. галяаан̣амид̇д̇аад̣̇иваг̇г̇аван̣н̣анаа
8. Kalyāṇamittādivaggavaṇṇanā
71. адтамасса батамз б̣уд̣̇д̇хаа, саарибуд̇д̇аад̣̇аяо ваа галяаан̣амид̇д̇аа. вуд̇д̇абадибагканаязнаад̇и ‘‘баабамид̇д̇ад̇аа’’д̇и бад̣̇з вуд̇д̇асса бадибагканаязна.
71. Aṭṭhamassa paṭhame buddhā, sāriputtādayo vā kalyāṇamittā. Vuttapaṭipakkhanayenāti ‘‘pāpamittatā’’ti pade vuttassa paṭipakkhanayena.
72-73. д̣̇уд̇ияз яог̇од̇и саман̇г̇ийбхааво. баяог̇од̇и баяун̃ж̇анам̣ бадибад̇д̇и. аяог̇од̇и асаман̇г̇ийбхааво. аббаяог̇од̇и аббаяун̃ж̇анам̣ аббадибад̇д̇и. ануяог̇знаад̇и ануяог̇ахзд̇у.
72-73. Dutiye yogoti samaṅgībhāvo. Payogoti payuñjanaṃ paṭipatti. Ayogoti asamaṅgībhāvo. Appayogoti appayuñjanaṃ appaṭipatti. Anuyogenāti anuyogahetu.
74. жад̇уд̇т̇з б̣уж̇жханагасад̇д̇ассаад̇и жад̇уннам̣ арияасажжаанам̣ бадивиж̇жханагабуг̇г̇аласса. ан̇г̇абхууд̇аад̇и д̇ассзва бадивзд̇хасса гааран̣абхууд̇аа. зд̇т̇а жа жад̇д̇аари арияасажжаани б̣уж̇жхад̇и, ан̃н̃аан̣анид̣̇д̣̇ааяа вааби б̣уж̇жхад̇ийд̇и б̣од̇хийд̇и лад̣̇д̇ханаамо арияасааваго б̣уж̇жханагасад̇д̇о, д̇асса б̣уж̇жханагасад̇д̇асса. б̣од̇хияаад̇и д̇ассаа д̇хаммасаамаг̇г̇исан̇каад̇ааяа б̣од̇хияаа. б̣уж̇жханадтзна б̣од̇хияо, б̣од̇хияо зва сажжасамбадиб̣од̇хасса ан̇г̇аад̇и вуд̇д̇ам̣. ‘‘б̣уж̇жханд̇ийд̇и б̣ож̇жхан̇г̇аа’’д̇и. вибассанаад̣̇ийнам̣ гааран̣аанам̣ б̣уж̇жхид̇аб̣б̣аанан̃жа сажжаанам̣ ануруубам̣ б̣уж̇жханад̇о ануб̣уж̇жханд̇ийд̇и б̣ож̇жхан̇г̇аа, бадимукам̣ бажжагкабхаавзна абхимукам̣ б̣уж̇жханад̇о бадиб̣уж̇жханд̇ийд̇и б̣ож̇жхан̇г̇аа, саммаа авибарийд̇ад̇о б̣уж̇жханад̇о самб̣уж̇жханд̇ийд̇и б̣ож̇жхан̇г̇аад̇и звам̣ ад̇т̇ависзсад̣̇ийбагзхи убасаг̇г̇зхи ануб̣уж̇жханд̇ийд̇иаад̣̇и вуд̇д̇ам̣. б̣од̇хисад̣̇д̣̇о саб̣б̣ависзсаяуд̇д̇ам̣ б̣уж̇жханасааман̃н̃зна сан̇г̇ан̣хаад̇и. б̣од̇хааяа сам̣вад̇д̇анд̇ийд̇и иминаа д̇ассаа д̇хаммасаамаг̇г̇ияаа б̣уж̇жханасса зганд̇агааран̣ад̇ам̣ д̣̇ассзд̇и. звам̣ банзд̇ам̣ бад̣̇ам̣ вибхад̇д̇амзваад̇и вуд̇д̇аббагаарзна зд̇ам̣ ‘‘б̣ож̇жхан̇г̇аа’’д̇и (бади. ма. 2.17) бад̣̇ам̣ нид̣̇д̣̇зсз бадисамбхид̣̇аамаг̇г̇з вибхад̇д̇амзва.
74. Catutthe bujjhanakasattassāti catunnaṃ ariyasaccānaṃ paṭivijjhanakapuggalassa. Aṅgabhūtāti tasseva paṭivedhassa kāraṇabhūtā. Ettha ca cattāri ariyasaccāni bujjhati, aññāṇaniddāya vāpi bujjhatīti bodhīti laddhanāmo ariyasāvako bujjhanakasatto, tassa bujjhanakasattassa. Bodhiyāti tassā dhammasāmaggisaṅkhātāya bodhiyā. Bujjhanaṭṭhena bodhiyo, bodhiyo eva saccasampaṭibodhassa aṅgāti vuttaṃ. ‘‘Bujjhantīti bojjhaṅgā’’ti. Vipassanādīnaṃ kāraṇānaṃ bujjhitabbānañca saccānaṃ anurūpaṃ bujjhanato anubujjhantīti bojjhaṅgā, paṭimukhaṃ paccakkhabhāvena abhimukhaṃ bujjhanato paṭibujjhantīti bojjhaṅgā, sammā aviparītato bujjhanato sambujjhantīti bojjhaṅgāti evaṃ atthavisesadīpakehi upasaggehi anubujjhantītiādi vuttaṃ. Bodhisaddo sabbavisesayuttaṃ bujjhanasāmaññena saṅgaṇhāti. Bodhāya saṃvattantīti iminā tassā dhammasāmaggiyā bujjhanassa ekantakāraṇataṃ dasseti. Evaṃ panetaṃ padaṃ vibhattamevāti vuttappakārena etaṃ ‘‘bojjhaṅgā’’ti (paṭi. ma. 2.17) padaṃ niddese paṭisambhidāmagge vibhattameva.
75. бан̃жамз яаат̇аавасарасабхуумийд̇и яаат̇аавад̇о сагижжагаран̣абхууми. саад̇и яаат̇аавасарасабхууми. вибассанаад̇и б̣алававибассанаа. гзжи ‘‘бхан̇г̇ан̃аан̣ад̇о бадтааяаа’’д̇и вад̣̇анд̇и. вибассанааяа баад̣̇агаж̇жхаанз жа сад̇иаад̣̇аяо б̣ож̇жхан̇г̇абагкигаа зва барияааяаб̣од̇хибагкияабхаавад̇о. д̇ад̇т̇аад̇иаад̣̇и жад̇уб̣б̣ид̇хаанам̣ б̣ож̇жхан̇г̇аанам̣ бхуумивибхааг̇ад̣̇ассанам̣.
75. Pañcame yāthāvasarasabhūmīti yāthāvato sakiccakaraṇabhūmi. Sāti yāthāvasarasabhūmi. Vipassanāti balavavipassanā. Keci ‘‘bhaṅgañāṇato paṭṭhāyā’’ti vadanti. Vipassanāya pādakajjhāne ca satiādayo bojjhaṅgapakkhikā eva pariyāyabodhipakkhiyabhāvato. Tatthātiādi catubbidhānaṃ bojjhaṅgānaṃ bhūmivibhāgadassanaṃ.
76. чадтз д̇зсам̣ анд̇арзд̇и д̇зсам̣ бхигкуунам̣ анд̇арз. гаамам̣ сан̇г̇ийд̇иаарул̣хавасзна аббагамид̣̇ам̣ суд̇д̇абад̣̇ам̣, бхаг̇аваа банзд̇т̇а саннибад̇ид̇абарисааяа аж̇жхаасаяаануруубам̣ вид̇т̇ааригам̣ гарод̇ийд̇и гад̇ваа ид̣̇ам̣ вуд̇д̇ам̣ – ‘‘махад̇ий д̣̇зсанаа бхависсад̇ий’’д̇и. г̇ааманиг̇амаад̣̇игат̇аа над̇т̇ийд̇и д̇ассаа гат̇ааяа ад̇иражчаанагат̇аабхаавамааху . д̇ат̇аа хи саа буб̣б̣з б̣ахун̃аад̇игам̣ ахоси б̣ахубагкам̣, ид̣̇аани аббан̃аад̇игам̣ аббабагканд̇и анижжад̇аамукзна нияяаанигабагкигаа ж̇аад̇аа. зд̇ааяаад̇и яат̇аавуд̇д̇ааяа барихаанияаа. бад̇игидтанд̇и нихийнам̣. мама саасанзд̇и ид̣̇ам̣ гаммассагад̇аж̇жхаанабан̃н̃аанамби висзсанамзва. д̇ад̣̇убхаяамби хи б̣аахирагаанам̣ д̇аббан̃н̃аад̣̇ваяад̇о саад̇исаяамзва саб̣б̣ан̃н̃уб̣уд̣̇д̇хаанам̣ д̣̇зсанааяа лад̣̇д̇хависзсад̇о виваддуубаниссаяад̇о жа.
76. Chaṭṭhe tesaṃ antareti tesaṃ bhikkhūnaṃ antare. Kāmaṃ saṅgītiāruḷhavasena appakamidaṃ suttapadaṃ, bhagavā panettha sannipatitaparisāya ajjhāsayānurūpaṃ vitthārikaṃ karotīti katvā idaṃ vuttaṃ – ‘‘mahatī desanā bhavissatī’’ti. Gāmanigamādikathā natthīti tassā kathāya atiracchānakathābhāvamāhu . Tathā hi sā pubbe bahuñātikaṃ ahosi bahupakkhaṃ, idāni appañātikaṃ appapakkhanti aniccatāmukhena niyyānikapakkhikā jātā. Etāyāti yathāvuttāya parihāniyā. Patikiṭṭhanti nihīnaṃ. Mama sāsaneti idaṃ kammassakatajjhānapaññānampi visesanameva. Tadubhayampi hi bāhirakānaṃ tappaññādvayato sātisayameva sabbaññubuddhānaṃ desanāya laddhavisesato vivaṭṭūpanissayato ca.
77. сад̇д̇амз д̇зсам̣ жид̇д̇аажаарам̣ н̃ад̇ваад̇и д̇ат̇аа гат̇знд̇аанам̣ д̇зсам̣ бхигкуунам̣ д̇ад̇т̇а убаг̇аманзна ад̇д̇ано д̣̇зсанааяа бхааж̇анабхууд̇ам̣ жид̇д̇аббавад̇д̇им̣ н̃ад̇ваа. гаммассагад̇аад̣̇ийд̇и аад̣̇исад̣̇д̣̇зна жхаанабан̃н̃аад̣̇ийнам̣ жад̇уннамби бан̃н̃аанам̣ г̇ахан̣ам̣.
77. Sattame tesaṃ cittācāraṃ ñatvāti tathā kathentānaṃ tesaṃ bhikkhūnaṃ tattha upagamanena attano desanāya bhājanabhūtaṃ cittappavattiṃ ñatvā. Kammassakatādīti ādisaddena jhānapaññādīnaṃ catunnampi paññānaṃ gahaṇaṃ.
78-80. адтамаад̣̇ийсу хздтаа вуд̇д̇анаязнзваад̇и ‘‘яаа зса мама саасанз’’д̇иаад̣̇инаа хздтаа вуд̇д̇анаязнзва. сзсамзд̇т̇а уд̇д̇аанад̇т̇амзва.
78-80. Aṭṭhamādīsu heṭṭhā vuttanayenevāti ‘‘yā esa mama sāsane’’tiādinā heṭṭhā vuttanayeneva. Sesamettha uttānatthameva.
галяаан̣амид̇д̇аад̣̇иваг̇г̇аван̣н̣анаа нидтид̇аа.
Kalyāṇamittādivaggavaṇṇanā niṭṭhitā.
81-82. навамз ваг̇г̇з над̇т̇и вад̇д̇аб̣б̣ам̣.
81-82. Navame vagge natthi vattabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
8. галяаан̣амид̇д̇аад̣̇иваг̇г̇о • 8. Kalyāṇamittādivaggo
9. бамаад̣̇аад̣̇иваг̇г̇о • 9. Pamādādivaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
8. галяаан̣амид̇д̇ад̇аад̣̇иваг̇г̇аван̣н̣анаа • 8. Kalyāṇamittatādivaggavaṇṇanā
9. бамаад̣̇аад̣̇иваг̇г̇аван̣н̣анаа • 9. Pamādādivaggavaṇṇanā
