| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਕਲ੍ਯਾਣਮਿਤ੍ਤਾਦਿવਗ੍ਗੋ
8. Kalyāṇamittādivaggo
੭੧. ‘‘ਨਾਹਂ , ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਕਲ੍ਯਾਣਮਿਤ੍ਤਤਾ। ਕਲ੍ਯਾਣਮਿਤ੍ਤਸ੍ਸ, ਭਿਕ੍ਖવੇ, ਅਨੁਪ੍ਪਨ੍ਨਾ ਚੇવ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਪਠਮਂ।
71. ‘‘Nāhaṃ , bhikkhave, aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ, bhikkhave, kalyāṇamittatā. Kalyāṇamittassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī’’ti. Paṭhamaṃ.
੭੨. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਅਨੁਯੋਗੋ ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਕੁਸਲਾਨਂ ਧਮ੍ਮਾਨਂ। ਅਨੁਯੋਗਾ, ਭਿਕ੍ਖવੇ, ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗਾ ਕੁਸਲਾਨਂ ਧਮ੍ਮਾਨਂ ਅਨੁਪ੍ਪਨ੍ਨਾ ਚੇવ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਦੁਤਿਯਂ।
72. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, anuyogo akusalānaṃ dhammānaṃ, ananuyogo kusalānaṃ dhammānaṃ. Anuyogā, bhikkhave, akusalānaṃ dhammānaṃ, ananuyogā kusalānaṃ dhammānaṃ anuppannā ceva akusalā dhammā uppajjanti uppannā ca kusalā dhammā parihāyantī’’ti. Dutiyaṃ.
੭੩. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਅਨੁਯੋਗੋ ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਅਕੁਸਲਾਨਂ ਧਮ੍ਮਾਨਂ। ਅਨੁਯੋਗਾ, ਭਿਕ੍ਖવੇ, ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗਾ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਨ੍ਨਾ ਚੇવ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਤਤਿਯਂ।
73. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ, bhikkhave, anuyogo kusalānaṃ dhammānaṃ, ananuyogo akusalānaṃ dhammānaṃ. Anuyogā, bhikkhave, kusalānaṃ dhammānaṃ, ananuyogā akusalānaṃ dhammānaṃ anuppannā ceva kusalā dhammā uppajjanti uppannā ca akusalā dhammā parihāyantī’’ti. Tatiyaṃ.
੭੪. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਬੋਜ੍ਝਙ੍ਗਾ ਨੁਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਬੋਜ੍ਝਙ੍ਗਾ ਨ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ ਯਥਯਿਦਂ, ਭਿਕ੍ਖવੇ, ਅਯੋਨਿਸੋਮਨਸਿਕਾਰੋ। ਅਯੋਨਿਸੋ, ਭਿਕ੍ਖવੇ, ਮਨਸਿ ਕਰੋਤੋ ਅਨੁਪ੍ਪਨ੍ਨਾ ਚੇવ ਬੋਜ੍ਝਙ੍ਗਾ ਨੁਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਬੋਜ੍ਝਙ੍ਗਾ ਨ ਭਾવਨਾਪਾਰਿਪੂਰਿਂ ਗਚ੍ਛਨ੍ਤੀ’’ਤਿ। ਚਤੁਤ੍ਥਂ।
74. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā bojjhaṅgā nuppajjanti uppannā vā bojjhaṅgā na bhāvanāpāripūriṃ gacchanti yathayidaṃ, bhikkhave, ayonisomanasikāro. Ayoniso, bhikkhave, manasi karoto anuppannā ceva bojjhaṅgā nuppajjanti uppannā ca bojjhaṅgā na bhāvanāpāripūriṃ gacchantī’’ti. Catutthaṃ.
੭੫. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਬੋਜ੍ਝਙ੍ਗਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਬੋਜ੍ਝਙ੍ਗਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ ਯਥਯਿਦਂ, ਭਿਕ੍ਖવੇ, ਯੋਨਿਸੋਮਨਸਿਕਾਰੋ । ਯੋਨਿਸੋ , ਭਿਕ੍ਖવੇ, ਮਨਸਿ ਕਰੋਤੋ ਅਨੁਪ੍ਪਨ੍ਨਾ ਚੇવ ਬੋਜ੍ਝਙ੍ਗਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਬੋਜ੍ਝਙ੍ਗਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤੀ’’ਤਿ। ਪਞ੍ਚਮਂ।
75. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā bojjhaṅgā uppajjanti uppannā vā bojjhaṅgā bhāvanāpāripūriṃ gacchanti yathayidaṃ, bhikkhave, yonisomanasikāro . Yoniso , bhikkhave, manasi karoto anuppannā ceva bojjhaṅgā uppajjanti uppannā ca bojjhaṅgā bhāvanāpāripūriṃ gacchantī’’ti. Pañcamaṃ.
੭੬. ‘‘ਅਪ੍ਪਮਤ੍ਤਿਕਾ ਏਸਾ, ਭਿਕ੍ਖવੇ, ਪਰਿਹਾਨਿ ਯਦਿਦਂ ਞਾਤਿਪਰਿਹਾਨਿ। ਏਤਂ ਪਤਿਕਿਟ੍ਠਂ, ਭਿਕ੍ਖવੇ, ਪਰਿਹਾਨੀਨਂ ਯਦਿਦਂ ਪਞ੍ਞਾਪਰਿਹਾਨੀ’’ਤਿ। ਛਟ੍ਠਂ।
76. ‘‘Appamattikā esā, bhikkhave, parihāni yadidaṃ ñātiparihāni. Etaṃ patikiṭṭhaṃ, bhikkhave, parihānīnaṃ yadidaṃ paññāparihānī’’ti. Chaṭṭhaṃ.
੭੭. ‘‘ਅਪ੍ਪਮਤ੍ਤਿਕਾ ਏਸਾ, ਭਿਕ੍ਖવੇ, વੁਦ੍ਧਿ ਯਦਿਦਂ ਞਾਤਿવੁਦ੍ਧਿ। ਏਤਦਗ੍ਗਂ, ਭਿਕ੍ਖવੇ, વੁਦ੍ਧੀਨਂ ਯਦਿਦਂ ਪਞ੍ਞਾવੁਦ੍ਧਿ। ਤਸ੍ਮਾਤਿਹ, ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਪਞ੍ਞਾવੁਦ੍ਧਿਯਾ વਦ੍ਧਿਸ੍ਸਾਮਾ’ਤਿ। ਏવਞ੍ਹਿ વੋ, ਭਿਕ੍ਖવੇ , ਸਿਕ੍ਖਿਤਬ੍ਬ’’ਨ੍ਤਿ। ਸਤ੍ਤਮਂ।
77. ‘‘Appamattikā esā, bhikkhave, vuddhi yadidaṃ ñātivuddhi. Etadaggaṃ, bhikkhave, vuddhīnaṃ yadidaṃ paññāvuddhi. Tasmātiha, bhikkhave, evaṃ sikkhitabbaṃ – ‘paññāvuddhiyā vaddhissāmā’ti. Evañhi vo, bhikkhave , sikkhitabba’’nti. Sattamaṃ.
੭੮. ‘‘ਅਪ੍ਪਮਤ੍ਤਿਕਾ ਏਸਾ, ਭਿਕ੍ਖવੇ, ਪਰਿਹਾਨਿ ਯਦਿਦਂ ਭੋਗਪਰਿਹਾਨਿ। ਏਤਂ ਪਤਿਕਿਟ੍ਠਂ, ਭਿਕ੍ਖવੇ, ਪਰਿਹਾਨੀਨਂ ਯਦਿਦਂ ਪਞ੍ਞਾਪਰਿਹਾਨੀ’’ਤਿ। ਅਟ੍ਠਮਂ।
78. ‘‘Appamattikā esā, bhikkhave, parihāni yadidaṃ bhogaparihāni. Etaṃ patikiṭṭhaṃ, bhikkhave, parihānīnaṃ yadidaṃ paññāparihānī’’ti. Aṭṭhamaṃ.
੭੯. ‘‘ਅਪ੍ਪਮਤ੍ਤਿਕਾ ਏਸਾ, ਭਿਕ੍ਖવੇ, વੁਦ੍ਧਿ ਯਦਿਦਂ ਭੋਗવੁਦ੍ਧਿ। ਏਤਦਗ੍ਗਂ, ਭਿਕ੍ਖવੇ, વੁਦ੍ਧੀਨਂ ਯਦਿਦਂ ਪਞ੍ਞਾવੁਦ੍ਧਿ। ਤਸ੍ਮਾਤਿਹ, ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਪਞ੍ਞਾવੁਦ੍ਧਿਯਾ વਦ੍ਧਿਸ੍ਸਾਮਾ’ਤਿ। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਨવਮਂ।
79. ‘‘Appamattikā esā, bhikkhave, vuddhi yadidaṃ bhogavuddhi. Etadaggaṃ, bhikkhave, vuddhīnaṃ yadidaṃ paññāvuddhi. Tasmātiha, bhikkhave, evaṃ sikkhitabbaṃ – ‘paññāvuddhiyā vaddhissāmā’ti. Evañhi vo, bhikkhave, sikkhitabba’’nti. Navamaṃ.
੮੦. ‘‘ਅਪ੍ਪਮਤ੍ਤਿਕਾ ਏਸਾ, ਭਿਕ੍ਖવੇ, ਪਰਿਹਾਨਿ ਯਦਿਦਂ ਯਸੋਪਰਿਹਾਨਿ। ਏਤਂ ਪਤਿਕਿਟ੍ਠਂ, ਭਿਕ੍ਖવੇ, ਪਰਿਹਾਨੀਨਂ ਯਦਿਦਂ ਪਞ੍ਞਾਪਰਿਹਾਨੀ’’ਤਿ। ਦਸਮਂ।
80. ‘‘Appamattikā esā, bhikkhave, parihāni yadidaṃ yasoparihāni. Etaṃ patikiṭṭhaṃ, bhikkhave, parihānīnaṃ yadidaṃ paññāparihānī’’ti. Dasamaṃ.
ਕਲ੍ਯਾਣਮਿਤ੍ਤਾਦਿવਗ੍ਗੋ ਅਟ੍ਠਮੋ।
Kalyāṇamittādivaggo aṭṭhamo.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਕਲ੍ਯਾਣਮਿਤ੍ਤਤਾਦਿવਗ੍ਗવਣ੍ਣਨਾ • 8. Kalyāṇamittatādivaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਕਲ੍ਯਾਣਮਿਤ੍ਤਾਦਿવਗ੍ਗવਣ੍ਣਨਾ • 8. Kalyāṇamittādivaggavaṇṇanā
