| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. галяаан̣амид̇д̇асуд̇д̇ам̣
8. Kalyāṇamittasuttaṃ
129. саавад̇т̇инид̣̇аанам̣. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘ид̇ха маяхам̣ , бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘сваагкаад̇о бхаг̇авад̇аа д̇хаммо, со жа ко галяаан̣амид̇д̇асса галяаан̣асахааяасса галяаан̣асамбаван̇гасса, но баабамид̇д̇асса но баабасахааяасса но баабасамбаван̇гассаа’’’д̇и.
129. Sāvatthinidānaṃ. Ekamantaṃ nisinno kho rājā pasenadi kosalo bhagavantaṃ etadavoca – ‘‘idha mayhaṃ , bhante, rahogatassa paṭisallīnassa evaṃ cetaso parivitakko udapādi – ‘svākkhāto bhagavatā dhammo, so ca kho kalyāṇamittassa kalyāṇasahāyassa kalyāṇasampavaṅkassa, no pāpamittassa no pāpasahāyassa no pāpasampavaṅkassā’’’ti.
‘‘звамзд̇ам̣, махаарааж̇а, звамзд̇ам̣, махаарааж̇а! сваагкаад̇о , махаарааж̇а, маяаа д̇хаммо. со жа ко галяаан̣амид̇д̇асса галяаан̣асахааяасса галяаан̣асамбаван̇гасса, но баабамид̇д̇асса но баабасахааяасса но баабасамбаван̇гассаад̇и.
‘‘Evametaṃ, mahārāja, evametaṃ, mahārāja! Svākkhāto , mahārāja, mayā dhammo. So ca kho kalyāṇamittassa kalyāṇasahāyassa kalyāṇasampavaṅkassa, no pāpamittassa no pāpasahāyassa no pāpasampavaṅkassāti.
‘‘згамид̣̇аахам̣, махаарааж̇а, самаяам̣ саггзсу вихараами наг̇арагам̣ наама сагяаанам̣ ниг̇амо. ат̇а ко, махаарааж̇а, аананд̣̇о бхигку язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко, махаарааж̇а, аананд̣̇о бхигку мам̣ зд̇ад̣̇авожа – ‘убад̣дхамид̣̇ам̣, бханд̇з, б̣рахмажарияасса – яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’’д̇и.
‘‘Ekamidāhaṃ, mahārāja, samayaṃ sakkesu viharāmi nagarakaṃ nāma sakyānaṃ nigamo. Atha kho, mahārāja, ānando bhikkhu yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, mahārāja, ānando bhikkhu maṃ etadavoca – ‘upaḍḍhamidaṃ, bhante, brahmacariyassa – yadidaṃ kalyāṇamittatā kalyāṇasahāyatā kalyāṇasampavaṅkatā’’’ti.
‘‘звам̣ вуд̇д̇аахам̣, махаарааж̇а, аананд̣̇ам̣ бхигкум̣ зд̇ад̣̇авожам̣ – ‘маа хзвам̣, аананд̣̇а, маа хзвам̣, аананд̣̇а! сагаламзва хид̣̇ам̣, аананд̣̇а, б̣рахмажарияам̣ – яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. галяаан̣амид̇д̇ассзд̇ам̣, аананд̣̇а, бхигкуно баадиган̇кам̣ галяаан̣асахааяасса галяаан̣асамбаван̇гасса арияам̣ адтан̇г̇игам̣ маг̇г̇ам̣ бхаавзссад̇и арияам̣ адтан̇г̇игам̣ маг̇г̇ам̣ б̣ахулийгариссад̇и’’’.
‘‘Evaṃ vuttāhaṃ, mahārāja, ānandaṃ bhikkhuṃ etadavocaṃ – ‘mā hevaṃ, ānanda, mā hevaṃ, ānanda! Sakalameva hidaṃ, ānanda, brahmacariyaṃ – yadidaṃ kalyāṇamittatā kalyāṇasahāyatā kalyāṇasampavaṅkatā. Kalyāṇamittassetaṃ, ānanda, bhikkhuno pāṭikaṅkhaṃ kalyāṇasahāyassa kalyāṇasampavaṅkassa ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissati’’’.
‘‘гат̇ан̃жа, аананд̣̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и? ид̇хаананд̣̇а, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣, саммаасан̇габбам̣ бхаавзд̇и…бз… саммааваажам̣ бхаавзд̇и…бз… саммаагамманд̇ам̣ бхаавзд̇и…бз… саммааааж̇ийвам̣ бхаавзд̇и…бз… саммаавааяаамам̣ бхаавзд̇и…бз… саммаасад̇им̣ бхаавзд̇и…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. звам̣ ко, аананд̣̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и. д̇ад̣̇аминаабзд̇ам̣, аананд̣̇а, барияааязна взд̣̇ид̇аб̣б̣ам̣ яат̇аа сагаламзвид̣̇ам̣ б̣рахмажарияам̣ – яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и.
‘‘Kathañca, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idhānanda, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, sammāsaṅkappaṃ bhāveti…pe… sammāvācaṃ bhāveti…pe… sammākammantaṃ bhāveti…pe… sammāājīvaṃ bhāveti…pe… sammāvāyāmaṃ bhāveti…pe… sammāsatiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti. Tadamināpetaṃ, ānanda, pariyāyena veditabbaṃ yathā sakalamevidaṃ brahmacariyaṃ – yadidaṃ kalyāṇamittatā kalyāṇasahāyatā kalyāṇasampavaṅkatā’’ti.
‘‘маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, б̣яаад̇хид̇хаммаа сад̇д̇аа б̣яаад̇хид̇о баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. иминаа ко зд̇ам̣, аананд̣̇а, барияааязна взд̣̇ид̇аб̣б̣ам̣ яат̇аа сагаламзвид̣̇ам̣ б̣рахмажарияам̣ – яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и.
‘‘Mamañhi, ānanda, kalyāṇamittaṃ āgamma jātidhammā sattā jātiyā parimuccanti, jarādhammā sattā jarāya parimuccanti, byādhidhammā sattā byādhito parimuccanti, maraṇadhammā sattā maraṇena parimuccanti, sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti. Iminā kho etaṃ, ānanda, pariyāyena veditabbaṃ yathā sakalamevidaṃ brahmacariyaṃ – yadidaṃ kalyāṇamittatā kalyāṇasahāyatā kalyāṇasampavaṅkatā’’ti.
‘‘д̇асмаад̇иха д̇з, махаарааж̇а, звам̣ сигкид̇аб̣б̣ам̣ – ‘галяаан̣амид̇д̇о бхависсаами галяаан̣асахааяо галяаан̣асамбаван̇го’д̇и. зван̃хи д̇з , махаарааж̇а, сигкид̇аб̣б̣ам̣.
‘‘Tasmātiha te, mahārāja, evaṃ sikkhitabbaṃ – ‘kalyāṇamitto bhavissāmi kalyāṇasahāyo kalyāṇasampavaṅko’ti. Evañhi te , mahārāja, sikkhitabbaṃ.
‘‘галяаан̣амид̇д̇асса д̇з, махаарааж̇а, галяаан̣асахааяасса галяаан̣асамбаван̇гасса аяам̣ зго д̇хаммо убаниссааяа вихаад̇аб̣б̣о – аббамаад̣̇о гусалзсу д̇хаммзсу.
‘‘Kalyāṇamittassa te, mahārāja, kalyāṇasahāyassa kalyāṇasampavaṅkassa ayaṃ eko dhammo upanissāya vihātabbo – appamādo kusalesu dhammesu.
‘‘аббамад̇д̇асса д̇з, махаарааж̇а, вихарад̇о аббамаад̣̇ам̣ убаниссааяа, ид̇т̇ааг̇аарасса ануяанд̇асса звам̣ бхависсад̇и – ‘рааж̇аа ко аббамад̇д̇о вихарад̇и, аббамаад̣̇ам̣ убаниссааяа. ханд̣̇а, маяамби аббамад̇д̇аа вихараама, аббамаад̣̇ам̣ убаниссааяаа’’’д̇и.
‘‘Appamattassa te, mahārāja, viharato appamādaṃ upanissāya, itthāgārassa anuyantassa evaṃ bhavissati – ‘rājā kho appamatto viharati, appamādaṃ upanissāya. Handa, mayampi appamattā viharāma, appamādaṃ upanissāyā’’’ti.
‘‘аббамад̇д̇асса д̇з, махаарааж̇а, вихарад̇о аббамаад̣̇ам̣ убаниссааяа, кад̇д̇ияаанамби ануяанд̇аанам̣ звам̣ бхависсад̇и – ‘рааж̇аа ко аббамад̇д̇о вихарад̇и аббамаад̣̇ам̣ убаниссааяа. ханд̣̇а, маяамби аббамад̇д̇аа вихараама, аббамаад̣̇ам̣ убаниссааяаа’’’д̇и.
‘‘Appamattassa te, mahārāja, viharato appamādaṃ upanissāya, khattiyānampi anuyantānaṃ evaṃ bhavissati – ‘rājā kho appamatto viharati appamādaṃ upanissāya. Handa, mayampi appamattā viharāma, appamādaṃ upanissāyā’’’ti.
‘‘аббамад̇д̇асса д̇з, махаарааж̇а, вихарад̇о аббамаад̣̇ам̣ убаниссааяа, б̣алагааяассаби звам̣ бхависсад̇и – ‘рааж̇аа ко аббамад̇д̇о вихарад̇и аббамаад̣̇ам̣ убаниссааяа. ханд̣̇а, маяамби аббамад̇д̇аа вихараама, аббамаад̣̇ам̣ убаниссааяаа’’’д̇и.
‘‘Appamattassa te, mahārāja, viharato appamādaṃ upanissāya, balakāyassapi evaṃ bhavissati – ‘rājā kho appamatto viharati appamādaṃ upanissāya. Handa, mayampi appamattā viharāma, appamādaṃ upanissāyā’’’ti.
‘‘аббамад̇д̇асса д̇з, махаарааж̇а, вихарад̇о аббамаад̣̇ам̣ убаниссааяа, нзг̇амаж̇аанабад̣̇ассаби звам̣ бхависсад̇и – ‘рааж̇аа ко аббамад̇д̇о вихарад̇и, аббамаад̣̇ам̣ убаниссааяа. ханд̣̇а, маяамби аббамад̇д̇аа вихараама, аббамаад̣̇ам̣ убаниссааяаа’’’д̇и?
‘‘Appamattassa te, mahārāja, viharato appamādaṃ upanissāya, negamajānapadassapi evaṃ bhavissati – ‘rājā kho appamatto viharati, appamādaṃ upanissāya. Handa, mayampi appamattā viharāma, appamādaṃ upanissāyā’’’ti?
‘‘аббамад̇д̇асса д̇з, махаарааж̇а, вихарад̇о аббамаад̣̇ам̣ убаниссааяа, ад̇д̇ааби г̇уд̇д̇о рагкид̇о бхависсад̇и – ид̇т̇ааг̇аарамби г̇уд̇д̇ам̣ рагкид̇ам̣ бхависсад̇и, госагодтааг̇аарамби г̇уд̇д̇ам̣ рагкид̇ам̣ бхависсад̇ий’’д̇и. ид̣̇амавожа…бз…
‘‘Appamattassa te, mahārāja, viharato appamādaṃ upanissāya, attāpi gutto rakkhito bhavissati – itthāgārampi guttaṃ rakkhitaṃ bhavissati, kosakoṭṭhāgārampi guttaṃ rakkhitaṃ bhavissatī’’ti. Idamavoca…pe…
‘‘бхог̇з бад̇т̇аяамаанзна, ул̣аарз абараабарз;
‘‘Bhoge patthayamānena, uḷāre aparāpare;
аббамаад̣̇ам̣ басам̣санд̇и, бун̃н̃агирияаасу бан̣д̣ид̇аа.
Appamādaṃ pasaṃsanti, puññakiriyāsu paṇḍitā.
‘‘аббамад̇д̇о убхо ад̇т̇з, ад̇хиг̇г̇ан̣хаад̇и бан̣д̣ид̇о;
‘‘Appamatto ubho atthe, adhiggaṇhāti paṇḍito;
д̣̇идтз д̇хаммз жа яо ад̇т̇о, яо жад̇т̇о самбарааяиго;
Diṭṭhe dhamme ca yo attho, yo cattho samparāyiko;
ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и.
Atthābhisamayā dhīro, paṇḍitoti pavuccatī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. галяаан̣амид̇д̇асуд̇д̇аван̣н̣анаа • 8. Kalyāṇamittasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. галяаан̣амид̇д̇асуд̇д̇аван̣н̣анаа • 8. Kalyāṇamittasuttavaṇṇanā
