| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. галяаан̣амид̇д̇асуд̇д̇аван̣н̣анаа
8. Kalyāṇamittasuttavaṇṇanā
129. сийлаад̣̇иг̇ун̣асаманнааг̇ад̇о галяаан̣о бхад̣̇д̣̇аго мид̇д̇о зд̇ассаад̇и галяаан̣амид̇д̇о, д̇асса д̇хаммо галяаан̣амид̇д̇ассзва сваакаад̇о наама ход̇и суд̇ваа гад̇д̇аб̣б̣агижжасса саад̇ханад̇о. д̇знааха ‘‘ад̇т̇ам̣ буурзд̇ий’’д̇и. ид̇арассаад̇и баабамид̇д̇асса. д̇знаад̇и ад̇т̇абууран̣зна. зд̇анд̇и ‘‘со жа ко галяаан̣амид̇д̇ассаа’’д̇и зд̇ам̣ важанам̣. д̣̇зсанаад̇хаммод̇и барияад̇д̇ид̇хаммо. со хи галяаан̣амид̇д̇ад̇о бажжагкад̇о лад̣̇д̇хаб̣б̣о, ид̇арз д̇ад̣̇убаниссаяаа бажжад̇д̇абурисагаарзхи, д̇зна лад̣̇д̇хаб̣б̣о галяаан̣амид̇д̇од̇и звамад̇т̇о г̇ахзд̇аб̣б̣о. саавагаб̣од̇хисад̇д̇авасзна хзсаа д̣̇зсанаа ааг̇ад̇аа. на хи сзсаб̣од̇хисад̇д̇аанам̣ баробад̣̇зсзна баяож̇анам̣ ад̇т̇и.
129. Sīlādiguṇasamannāgato kalyāṇo bhaddako mitto etassāti kalyāṇamitto, tassa dhammo kalyāṇamittasseva svākhāto nāma hoti sutvā kattabbakiccassa sādhanato. Tenāha ‘‘atthaṃ pūretī’’ti. Itarassāti pāpamittassa. Tenāti atthapūraṇena. Etanti ‘‘so ca kho kalyāṇamittassā’’ti etaṃ vacanaṃ. Desanādhammoti pariyattidhammo. So hi kalyāṇamittato paccakkhato laddhabbo, itare tadupanissayā paccattapurisakārehi, tena laddhabbo kalyāṇamittoti evamattho gahetabbo. Sāvakabodhisattavasena hesā desanā āgatā. Na hi sesabodhisattānaṃ paropadesena payojanaṃ atthi.
убад̣дхам̣ галяаан̣амид̇д̇ад̇од̇и б̣рахмажарияам̣ жаранд̇асса убад̣дхаг̇ун̣о галяаан̣амид̇д̇ад̇о лад̣̇д̇хаб̣б̣о. убад̣дхам̣ бажжад̇д̇абурисагаарад̇од̇и ид̇арам̣ убад̣дхам̣ н̃аан̣ам̣ бадибаж̇ж̇анд̇асса ад̇д̇ано бурисагаарад̇о. логзби баагадояамад̇т̇о ‘‘аажарияад̇о убад̣дхам̣, бажжад̇д̇абурисагаарад̇о убад̣дхам̣ лад̣̇д̇хаб̣б̣аа д̇звиж̇ж̇ад̇аа’’д̇и, д̇асмаа т̇зро д̇ат̇аа жинд̇зси. ниббад̣̇зсанд̇и анавасзсад̇о. д̇ад̇од̇и галяаан̣амид̇д̇ад̇о. убад̣дхам̣ ааг̇ажчад̇ийд̇и убад̣дхаг̇ун̣о бадибаж̇ж̇анд̇ам̣ убаг̇ажчад̇и. б̣ахуухи бурисзхи. виниб̣бхог̇о вивзжанам̣ над̇т̇и згаж̇жхам̣ ад̇т̇асса вивзжзд̇ум̣ асаггун̣зяяад̇д̇аа. зсаад̇и барад̇огхосабажжад̇д̇абурисагаарад̇о жа сиж̇жхамаано ад̇т̇о. зд̇д̇аганд̇и зд̇д̇аго бхааг̇о. яад̣̇и на саггаа лад̣̇д̇хум̣, ат̇а гасмаа убад̣дханд̇и вуд̇д̇анд̇и ааха ‘‘галяаан̣амид̇д̇ад̇ааяаа’’д̇иаад̣̇и. саммаад̣̇идтиаад̣̇ийсу на саггаа лад̣̇д̇хум̣. асаггун̣зяяз сагаламби на самбхавад̇и барад̇огхосамад̇д̇зна д̇зсам̣ асиж̇жханад̇о, бад̇хаанахзд̇убхаавад̣̇ийбанад̇т̇ам̣ бана ‘‘сагаламзваа’’д̇и вуд̇д̇ам̣. буб̣б̣абхааг̇абадилаабхан̇г̇анд̇и буб̣б̣абхааг̇з бадилад̣̇д̇хаб̣б̣агааран̣ам̣ галяаан̣амид̇д̇асса убад̣̇зсзна винаа д̇зна уд̇д̇ари висзсад̇о алад̣̇д̇хаб̣б̣ад̇о. ад̇т̇ад̇од̇и барамад̇т̇ад̇о. ‘‘галяаан̣амид̇д̇ам̣…бз… жад̇д̇ааро канд̇хаа’’д̇и вад̇ваа суд̇ваад̇и ад̇т̇о. д̇з бана сийлаад̣̇аяо сан̇каарагканд̇хабарияаабаннаад̇и ааха ‘‘сан̇каарагканд̇ход̇иби вад̣̇анд̇иязваа’’д̇и.
Upaḍḍhaṃ kalyāṇamittatoti brahmacariyaṃ carantassa upaḍḍhaguṇo kalyāṇamittato laddhabbo. Upaḍḍhaṃ paccattapurisakāratoti itaraṃ upaḍḍhaṃ ñāṇaṃ paṭipajjantassa attano purisakārato. Lokepi pākaṭoyamattho ‘‘ācariyato upaḍḍhaṃ, paccattapurisakārato upaḍḍhaṃ laddhabbā tevijjatā’’ti, tasmā thero tathā cintesi. Nippadesanti anavasesato. Tatoti kalyāṇamittato. Upaḍḍhaṃ āgacchatīti upaḍḍhaguṇo paṭipajjantaṃ upagacchati. Bahūhi purisehi. Vinibbhogo vivecanaṃ natthi ekajjhaṃ atthassa vivecetuṃ asakkuṇeyyattā. Esāti paratoghosapaccattapurisakārato ca sijjhamāno attho. Ettakanti ettako bhāgo. Yadi na sakkā laddhuṃ, atha kasmā upaḍḍhanti vuttanti āha ‘‘kalyāṇamittatāyā’’tiādi. Sammādiṭṭhiādīsu na sakkā laddhuṃ. Asakkuṇeyye sakalampi na sambhavati paratoghosamattena tesaṃ asijjhanato, padhānahetubhāvadīpanatthaṃ pana ‘‘sakalamevā’’ti vuttaṃ. Pubbabhāgapaṭilābhaṅganti pubbabhāge paṭiladdhabbakāraṇaṃ kalyāṇamittassa upadesena vinā tena uttari visesato aladdhabbato. Atthatoti paramatthato. ‘‘Kalyāṇamittaṃ…pe… cattāro khandhā’’ti vatvā sutvāti attho. Te pana sīlādayo saṅkhārakkhandhapariyāpannāti āha ‘‘saṅkhārakkhandhotipi vadantiyevā’’ti.
маахзванд̇и маа аха званд̇и чзд̣̇о, ахаад̇и нибаад̇амад̇д̇ам̣, маад̇и бадисзд̇хз нибаад̇о. д̇знааха ‘‘маа звам̣ абхан̣ий’’д̇и. ‘‘маахзвам̣ аананд̣̇аа’’д̇и вад̣̇ад̇о бхаг̇авад̇о имасмим̣ таанз д̇аад̣̇исасса наама д̇з, аананд̣̇а, галяаан̣амид̇д̇аг̇ун̣з сзвад̇о вад̇д̇ум̣ яуд̇д̇ам̣ аяаат̇аавад̇од̇и д̇хаммабхан̣д̣ааг̇ааригасса яат̇аабхууд̇аг̇ун̣агид̇д̇анамукзна бадигкзбо яуд̇д̇од̇и д̣̇ассзнд̇о ‘‘б̣ахуссуд̇о’’д̇иаад̣̇имааха. ид̣̇анд̇и ид̣̇ам̣ важанам̣ бхаг̇аваа аахаад̇и самб̣анд̇хо. сагаламзва хийд̇и зд̇т̇а хи-сад̣̇д̣̇о хзд̇уад̇т̇о. д̇зна ‘‘маахзва’’нд̇и д̇асса бадигкзбасса гааран̣ам̣ ж̇од̇ид̇ам̣, на саруубад̇о вуд̇д̇ам̣. ‘‘галяаан̣амид̇д̇ассзд̇а’’нд̇иаад̣̇инаа бана д̇ам̣ саруубад̇о д̣̇ассид̇анд̇и ааха ‘‘ид̣̇аани…бз… аад̣̇имаахаа’’д̇и. баадиган̇кид̇аб̣б̣анд̇и ижчанадтзна баадиган̇кид̇аб̣б̣ам̣, на бадиган̇каанимид̇д̇знаад̇и ааха ‘‘авассам̣бхаавийд̇и ад̇т̇о’’д̇и.
Māhevanti mā aha evanti chedo, ahāti nipātamattaṃ, māti paṭisedhe nipāto. Tenāha ‘‘mā evaṃ abhaṇī’’ti. ‘‘Māhevaṃ ānandā’’ti vadato bhagavato imasmiṃ ṭhāne tādisassa nāma te, ānanda, kalyāṇamittaguṇe sevato vattuṃ yuttaṃ ayāthāvatoti dhammabhaṇḍāgārikassa yathābhūtaguṇakittanamukhena paṭikkhepo yuttoti dassento ‘‘bahussuto’’tiādimāha. Idanti idaṃ vacanaṃ bhagavā āhāti sambandho. Sakalameva hīti ettha hi-saddo hetuattho. Tena ‘‘māheva’’nti tassa paṭikkhepassa kāraṇaṃ jotitaṃ, na sarūpato vuttaṃ. ‘‘Kalyāṇamittasseta’’ntiādinā pana taṃ sarūpato dassitanti āha ‘‘idāni…pe… ādimāhā’’ti. Pāṭikaṅkhitabbanti icchanaṭṭhena pāṭikaṅkhitabbaṃ, na paṭikaṅkhānimittenāti āha ‘‘avassaṃbhāvīti attho’’ti.
ид̇хаад̇и анд̇ог̇ад̇хаавад̇хааран̣абад̣̇ам̣, ид̇хзваад̇и ад̇т̇о. имасмим̣язва хи саасанз арияамаг̇г̇абхааванаа, на ан̃н̃ад̇т̇а. аад̣̇ибад̣̇аанам̣язваад̇и д̇асмим̣ д̇асмим̣ ваагяз аад̣̇ид̇о зва вуд̇д̇асаммаад̣̇идтиаад̣̇ибад̣̇аанам̣язва. саммаад̣̇ассаналагкан̣аад̇и жад̇уннам̣ арияасажжаанам̣ барин̃н̃аабхисамаяаад̣̇ивасзна саммад̣̇зва д̣̇ассанасабхааваа. саммааабхиробаналагкан̣од̇и ниб̣б̣аанасан̇каад̇з аарамман̣з самбаяуд̇д̇ад̇хаммз саммад̣̇зва ааробанасабхааво. саммаабариг̇г̇ахан̣алагкан̣аад̇и мусааваад̣̇аад̣̇ийнам̣ висам̣ваад̣̇анаад̣̇игижжад̇ааяа луукаанам̣ абариг̇г̇аахагаанам̣ бадибагкабхаавад̇о бариг̇г̇аахагасабхааваа саммааваажаа синид̣̇д̇хабхаавзна самбаяуд̇д̇ад̇хаммз саммааваажаабажжаяам̣ субхаасид̇асод̇ааран̃жа буг̇г̇алам̣ бариг̇г̇ан̣хаад̇ийд̇и саммаабариг̇г̇ахан̣алагкан̣аа. яат̇аа гааяигагирияаа гин̃жи гад̇д̇аб̣б̣ам̣ самудтаабзд̇и, саяан̃жа самудтаханам̣ гхаданам̣ ход̇и, д̇ат̇аа саммаагамманд̇а сан̇каад̇аа вирад̇ибийд̇и самудтаабаналагкан̣аа д̣̇адтаб̣б̣аа, самбаяуд̇д̇ад̇хаммаанам̣ ваа угкибанам̣ самудтаабанам̣ гааяигагирияааяа бхааругкибанам̣ вияа. ж̇ийвамаанасса сад̇д̇асса, самбаяуд̇д̇ад̇хаммаанам̣ ваа, ж̇ийвид̇аббавад̇д̇ияаа ааж̇ийвассзва ваа суд̣̇д̇хи вод̣̇аанам̣. яат̇аа уббаннуббаннаанам̣ важ̇ж̇аанам̣ д̇хаммзна бахаанаануббаад̣̇аад̇т̇алаабхаад̣̇ибаривуд̣дхи ход̇и, звам̣ самбаяуд̇д̇аанам̣ баг̇г̇ахан̣асабхаавод̇и саммаабаг̇г̇ахалагкан̣о саммаавааяаамо. гааяавзд̣̇анаажид̇д̇ад̇хаммзсу субхасуканижжаад̇д̇аг̇аахаанан̃жа вид̇хаманавасзна саммаабад̇идтаанасабхааваад̇и саммааубадтааналагкан̣аа саммаасад̇и. самбаяуд̇д̇ад̇хаммаанам̣ саммаа самаад̣̇аханам̣ згаг̇г̇ад̇аагаран̣ам̣ сабхааво зд̇ассаад̇и саммаасамаад̇хааналагкан̣о саммаасамаад̇хи. д̇ийн̣и гижжаани хонд̇и бадибагкад̇хаммзсу , аарамман̣ад̇хаммзсу, самбаяуд̇д̇ад̇хаммзсу жа згасмим̣язва кан̣з бавад̇д̇ивисзсабхууд̇аани. ид̣̇аани д̇аани саруубад̇о д̣̇ассзд̇ум̣ ‘‘сзяяат̇ид̣̇а’’нд̇иаад̣̇и вуд̇д̇ам̣. сад̣̇д̇хинд̇и иминаа ‘‘ан̃н̃зхий’’д̇и вуд̇д̇агилзсаа мижчаад̣̇идтияаа саха згадтаа ваа анзгадтаа ваад̇и д̣̇ассзд̇и. баж̇ахад̇и бахааяа нам̣ бадивиж̇жхад̇и. нирод̇ханд̇и ниб̣б̣аанам̣ аарамман̣ам̣ гарод̇и сажчигирияаабадивзд̇хзна бадивиж̇жхад̇и.
Idhāti antogadhāvadhāraṇapadaṃ, idhevāti attho. Imasmiṃyeva hi sāsane ariyamaggabhāvanā, na aññattha. Ādipadānaṃyevāti tasmiṃ tasmiṃ vākye ādito eva vuttasammādiṭṭhiādipadānaṃyeva. Sammādassanalakkhaṇāti catunnaṃ ariyasaccānaṃ pariññābhisamayādivasena sammadeva dassanasabhāvā. Sammāabhiropanalakkhaṇoti nibbānasaṅkhāte ārammaṇe sampayuttadhamme sammadeva āropanasabhāvo. Sammāpariggahaṇalakkhaṇāti musāvādādīnaṃ visaṃvādanādikiccatāya lūkhānaṃ apariggāhakānaṃ paṭipakkhabhāvato pariggāhakasabhāvā sammāvācā siniddhabhāvena sampayuttadhamme sammāvācāpaccayaṃ subhāsitasotārañca puggalaṃ pariggaṇhātīti sammāpariggahaṇalakkhaṇā. Yathā kāyikakiriyā kiñci kattabbaṃ samuṭṭhāpeti, sayañca samuṭṭhahanaṃ ghaṭanaṃ hoti, tathā sammākammanta saṅkhātā viratipīti samuṭṭhāpanalakkhaṇā daṭṭhabbā, sampayuttadhammānaṃ vā ukkhipanaṃ samuṭṭhāpanaṃ kāyikakiriyāya bhārukkhipanaṃ viya. Jīvamānassa sattassa, sampayuttadhammānaṃ vā, jīvitappavattiyā ājīvasseva vā suddhi vodānaṃ. Yathā uppannuppannānaṃ vajjānaṃ dhammena pahānānuppādaatthalābhādiparivuḍḍhi hoti, evaṃ sampayuttānaṃ paggahaṇasabhāvoti sammāpaggahalakkhaṇo sammāvāyāmo. Kāyavedanācittadhammesu subhasukhaniccaattagāhānañca vidhamanavasena sammāpatiṭṭhānasabhāvāti sammāupaṭṭhānalakkhaṇā sammāsati. Sampayuttadhammānaṃ sammā samādahanaṃ ekaggatākaraṇaṃ sabhāvo etassāti sammāsamādhānalakkhaṇo sammāsamādhi. Tīṇi kiccāni honti paṭipakkhadhammesu , ārammaṇadhammesu, sampayuttadhammesu ca ekasmiṃyeva khaṇe pavattivisesabhūtāni. Idāni tāni sarūpato dassetuṃ ‘‘seyyathida’’ntiādi vuttaṃ. Saddhinti iminā ‘‘aññehī’’ti vuttakilesā micchādiṭṭhiyā saha ekaṭṭhā vā anekaṭṭhā vāti dasseti. Pajahati pahāya naṃ paṭivijjhati. Nirodhanti nibbānaṃ ārammaṇaṃ karoti sacchikiriyāpaṭivedhena paṭivijjhati.
на гзвалам̣ маг̇г̇ад̇хаммаа вуд̇д̇анаязнзва, ат̇а ко абарзнаби наязна взд̣̇ид̇аб̣б̣аад̇и д̣̇ассзнд̇о ‘‘абижаа’’д̇иаад̣̇имааха. наанаакан̣аа бунаббунам̣ уббаж̇ж̇анад̇о. наанаарамман̣аа анижжаанубассанаад̣̇ибхаавад̇о. згагкан̣аа сагид̣̇зва уббаж̇ж̇анад̇о. згаарамман̣аа ниб̣б̣аанависаяад̇д̇аа. жад̇д̇аари наамаани лабхад̇и барин̃н̃аабхисамаяаад̣̇ивасзна бавад̇д̇ияаа. д̇ийн̣и наамаани лабхад̇и гаамасан̇габбаад̣̇ийнам̣ бахаанавасзна бавад̇д̇ияаа. бадибагкабахаанавасзна хисса наамад̇д̇аяалаабхо. зса наяо сзсзсуби. вирад̇ияоби хонд̇и жзд̇анааяоби буб̣б̣абхааг̇зби вигкамбханавасзна бавад̇д̇анад̇о. маг̇г̇агкан̣з бана вирад̇ияова бадибагкасамужчинд̣̇анасса маг̇г̇агижжад̇д̇аа. на хи жзд̇анаа маг̇г̇асабхааваа. саммаббад̇хаанасад̇ибадтаанавасзнаад̇и жад̇уб̣б̣ид̇хасаммаббад̇хаанажад̇уб̣б̣ид̇хасад̇ибадтаанавасзна жад̇д̇аари наамаани лабхад̇и ануббаннаагусалаануббаад̣̇анаад̣̇ийнам̣ гусалаанан̃жа вад̣дханад̇о. буб̣б̣абхааг̇зби маг̇г̇агкан̣збийд̇и яат̇аа буб̣б̣абхааг̇з батамаж̇жхаанаад̣̇ивасзна наанаа. звам̣ маг̇г̇агкан̣зби. на хи згоби жа маг̇г̇асамаад̇хи батамаж̇жхаанасамаад̇хиаад̣̇инаамаани лабхад̇и саммаад̣̇идтиаад̣̇ийнам̣ вияа гижжавасзна бхзд̣̇аабхаавад̇о. д̇знааха ‘‘маг̇г̇агкан̣зби саммаасамаад̇хиязваа’’д̇и.
Na kevalaṃ maggadhammā vuttanayeneva, atha kho aparenapi nayena veditabbāti dassento ‘‘apicā’’tiādimāha. Nānākhaṇā punappunaṃ uppajjanato. Nānārammaṇā aniccānupassanādibhāvato. Ekakkhaṇā sakideva uppajjanato. Ekārammaṇā nibbānavisayattā. Cattāri nāmāni labhati pariññābhisamayādivasena pavattiyā. Tīṇi nāmāni labhati kāmasaṅkappādīnaṃ pahānavasena pavattiyā. Paṭipakkhapahānavasena hissa nāmattayalābho. Esa nayo sesesupi. Viratiyopi honti cetanāyopi pubbabhāgepi vikkhambhanavasena pavattanato. Maggakkhaṇe pana viratiyova paṭipakkhasamucchindanassa maggakiccattā. Na hi cetanā maggasabhāvā. Sammappadhānasatipaṭṭhānavasenāti catubbidhasammappadhānacatubbidhasatipaṭṭhānavasena cattāri nāmāni labhati anuppannākusalānuppādanādīnaṃ kusalānañca vaḍḍhanato. Pubbabhāgepi maggakkhaṇepīti yathā pubbabhāge paṭhamajjhānādivasena nānā. Evaṃ maggakkhaṇepi. Na hi ekopi ca maggasamādhi paṭhamajjhānasamādhiādināmāni labhati sammādiṭṭhiādīnaṃ viya kiccavasena bhedābhāvato. Tenāha ‘‘maggakkhaṇepi sammāsamādhiyevā’’ti.
н̃ад̇ваа н̃аад̇аб̣б̣аад̇и самб̣анд̇хо. вуд̣̇д̇хи наама взбуллам̣ бхияяобхааво бунаббунам̣ уббаад̣̇о зваад̇и ааха ‘‘бунаббунам̣ ж̇анзд̇ий’’д̇и. абхиниб̣б̣ад̇д̇зд̇ийд̇и абхивад̣дхам̣ баабзнд̇о ниб̣б̣ад̇д̇зд̇и. вивид̇д̇ад̇аад̇и вивид̇д̇абхааво. со хи вивзжанийяад̇о вивижжад̇и, яам̣ вивижжид̇ваа тид̇ам̣, д̇ад̣̇убхаяамби ид̇ха вивид̇д̇абхаавасааман̃н̃зна ‘‘вивид̇д̇ад̇аа’’д̇и вуд̇д̇ам̣. д̇зсу буримо вивзжанийяад̇о вивижжамаанад̇ааяа вивижжанагирияааяа саман̇г̇ий д̇хаммасамуухо д̇ааяа зва вивижжанагирияааяа васзна вивзгод̇и г̇ахид̇о. ид̇аро саб̣б̣асо д̇ад̇о вивид̇д̇асабхаавад̇ааяа. д̇ад̇т̇а яасмим̣ д̇хаммабун̃ж̇з саммаад̣̇идти бавад̇д̇ад̇и, д̇ам̣ яат̇аавуд̇д̇ааяа вивижжамаанад̇ааяа вивзгасан̇каад̇ам̣ ниссааязва бавад̇д̇ад̇и, ид̇арам̣ бана д̇ам̣ниннад̇аад̇ам̣аарамман̣ад̇аахийд̇и вуд̇д̇ам̣ ‘‘вивзгам̣ ниссид̇ам̣, вивзгз ваа ниссид̇а’’нд̇и.
Ñatvā ñātabbāti sambandho. Vuddhi nāma vepullaṃ bhiyyobhāvo punappunaṃ uppādo evāti āha ‘‘punappunaṃ janetī’’ti. Abhinibbattetīti abhivaḍḍhaṃ pāpento nibbatteti. Vivittatāti vivittabhāvo. So hi vivecanīyato viviccati, yaṃ viviccitvā ṭhitaṃ, tadubhayampi idha vivittabhāvasāmaññena ‘‘vivittatā’’ti vuttaṃ. Tesu purimo vivecanīyato viviccamānatāya viviccanakiriyāya samaṅgī dhammasamūho tāya eva viviccanakiriyāya vasena vivekoti gahito. Itaro sabbaso tato vivittasabhāvatāya. Tattha yasmiṃ dhammapuñje sammādiṭṭhi pavattati, taṃ yathāvuttāya viviccamānatāya vivekasaṅkhātaṃ nissāyeva pavattati, itaraṃ pana taṃninnatātaṃārammaṇatāhīti vuttaṃ ‘‘vivekaṃ nissitaṃ, viveke vā nissita’’nti.
яат̇аа ваа вивзгавасзна бавад̇д̇ам̣ жхаанам̣ ‘‘вивзгаж̇а’’нд̇и вуд̇д̇ам̣, звам̣ вивзгавасзна бавад̇д̇аа саммаад̣̇идти ‘‘вивзганиссид̇аа’’д̇и д̣̇адтаб̣б̣аа. ниссаяо жа вибассанаамаг̇г̇аанам̣ васзна маг̇г̇апалаанам̣ взд̣̇ид̇аб̣б̣о. асад̇иби д̇аасам̣ буб̣б̣аабарабхаавз ‘‘бадижжасамуббаад̣̇о’’д̇и зд̇т̇а бажжаяаанам̣ самуббаад̣̇анам̣ вияа абхиннад̇хаммаад̇хаараа ниссаяабхааванаа самбхаванд̇и. д̇асса д̇ад̣̇ан̇г̇а-самужчзд̣̇аниссаран̣авивзганиссид̇ад̇ам̣ вад̇ваа бадиббассад̣̇д̇хививзганиссид̇ад̇ааяа аважанам̣ арияамаг̇г̇абхааванааяа вужжамаанад̇д̇аа. бхаавид̇амаг̇г̇асса хи яз сажчигаад̇аб̣б̣аа д̇хаммаа. д̇зсам̣ гижжам̣ бадиббассад̣̇д̇хививзго. аж̇жхаасаяад̇од̇и ‘‘ниб̣б̣аанам̣ сажчигариссаамий’’д̇и маханд̇ааж̇жхаасаяад̇о. яад̣̇иби хи вибассанаагкан̣з сан̇каараарамман̣ам̣ жид̇д̇ам̣, сан̇каарзсу бана аад̣̇ийнавам̣ судту, д̣̇исваа д̇аббадибагкз ниб̣б̣аанз ниннад̇ааяа аж̇жхаасаяад̇о ниссаран̣авивзганиссид̇о ход̇и, ун̣хаабхибхууд̇асса буг̇г̇аласса сийд̇аниннажид̇д̇ад̇аа вияа. гзжи бана ‘‘яат̇аа сабхаавад̇о, яат̇аа аж̇жхаасаяад̇о ниссаран̣авивзганиссид̇ад̇аа, звам̣ бадиббассад̣̇д̇хививзганиссид̇ад̇ааби сияаа’’д̇и вад̣̇анд̇и. яад̣̇аг̇г̇зна хи ниб̣б̣аананиннад̇аа сияаа, д̇ад̣̇аг̇г̇зна паланиннад̇ааби сияаа ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихарзяяа’’нд̇и аж̇жхаасаяасамбад̇д̇ияаа бхаавад̇о. яасмаа бахаанавинаяо вияа рааг̇анирод̇хоби ид̇хаад̇хиббзд̇авивзгзна ад̇т̇ад̇о ниб̣б̣исидто, д̇асмаа вуд̇д̇ам̣ зса наяо вирааг̇аниссид̇аад̣̇ийсууд̇и. д̇знааха ‘‘вивзгад̇т̇аа зва хи вирааг̇аад̣̇аяо’’д̇и.
Yathā vā vivekavasena pavattaṃ jhānaṃ ‘‘vivekaja’’nti vuttaṃ, evaṃ vivekavasena pavattā sammādiṭṭhi ‘‘vivekanissitā’’ti daṭṭhabbā. Nissayo ca vipassanāmaggānaṃ vasena maggaphalānaṃ veditabbo. Asatipi tāsaṃ pubbāparabhāve ‘‘paṭiccasamuppādo’’ti ettha paccayānaṃ samuppādanaṃ viya abhinnadhammādhārā nissayabhāvanā sambhavanti. Tassa tadaṅga-samucchedanissaraṇavivekanissitataṃ vatvā paṭippassaddhivivekanissitatāya avacanaṃ ariyamaggabhāvanāya vuccamānattā. Bhāvitamaggassa hi ye sacchikātabbā dhammā. Tesaṃ kiccaṃ paṭippassaddhiviveko. Ajjhāsayatoti ‘‘nibbānaṃ sacchikarissāmī’’ti mahantaajjhāsayato. Yadipi hi vipassanākkhaṇe saṅkhārārammaṇaṃ cittaṃ, saṅkhāresu pana ādīnavaṃ suṭṭhu, disvā tappaṭipakkhe nibbāne ninnatāya ajjhāsayato nissaraṇavivekanissito hoti, uṇhābhibhūtassa puggalassa sītaninnacittatā viya. Keci pana ‘‘yathā sabhāvato, yathā ajjhāsayato nissaraṇavivekanissitatā, evaṃ paṭippassaddhivivekanissitatāpi siyā’’ti vadanti. Yadaggena hi nibbānaninnatā siyā, tadaggena phalaninnatāpi siyā ‘‘kudāssu nāmāhaṃ tadāyatanaṃ upasampajja vihareyya’’nti ajjhāsayasampattiyā bhāvato. Yasmā pahānavinayo viya rāganirodhopi idhādhippetavivekena atthato nibbisiṭṭho, tasmā vuttaṃ esa nayo virāganissitādīsūti. Tenāha ‘‘vivekatthā eva hi virāgādayo’’ti.
воссаг̇г̇асад̣̇д̣̇о барижжааг̇ад̇т̇о багканд̣̇анад̇т̇о жаад̇и воссаг̇г̇асса д̣̇увид̇хад̇аа вуд̇д̇аа. воссаж̇ж̇анан̃хи бахаанам̣, виссадтабхаавзна нираасан̇габавад̇д̇и жа, д̇асмаа вибассанаагкан̣з д̇ад̣̇ан̇г̇авасзна, маг̇г̇агкан̣з самужчзд̣̇авасзна бадибагкасса бахаанам̣ воссаг̇г̇о, д̇ат̇аа вибассанаагкан̣з д̇ам̣ниннабхаавзна, маг̇г̇агкан̣з аарамман̣агаран̣зна виссадтасабхаавад̇аа воссаг̇г̇од̇и взд̣̇ид̇аб̣б̣ам̣. д̇знзвааха ‘‘д̇ад̇т̇а барижжааг̇авоссаг̇г̇о’’д̇иаад̣̇и. аяам̣ саммаад̣̇идтийд̇и аяам̣ миссагавасзна вуд̇д̇аа саммаад̣̇идти. яат̇аавуд̇д̇зна багаарзнаад̇и д̇ад̣̇ан̇г̇аббахаанасамужчзд̣̇аббахаанабагаарзна д̇ам̣ниннад̇ад̣̇аарамман̣агаран̣аббагаарзна жа.
Vossaggasaddo pariccāgattho pakkhandanattho cāti vossaggassa duvidhatā vuttā. Vossajjanañhi pahānaṃ, vissaṭṭhabhāvena nirāsaṅkapavatti ca, tasmā vipassanākkhaṇe tadaṅgavasena, maggakkhaṇe samucchedavasena paṭipakkhassa pahānaṃ vossaggo, tathā vipassanākkhaṇe taṃninnabhāvena, maggakkhaṇe ārammaṇakaraṇena vissaṭṭhasabhāvatā vossaggoti veditabbaṃ. Tenevāha ‘‘tattha pariccāgavossaggo’’tiādi. Ayaṃ sammādiṭṭhīti ayaṃ missakavasena vuttā sammādiṭṭhi. Yathāvuttena pakārenāti tadaṅgappahānasamucchedappahānapakārena taṃninnatadārammaṇakaraṇappakārena ca.
буб̣б̣з воссаг̇г̇аважанассзва ад̇т̇асса вуд̇д̇ад̇д̇аа ааха ‘‘сагалзна важанзнаа’’д̇и. барин̣аманд̇ам̣ вибассанаагкан̣з, барин̣ад̇ам̣ маг̇г̇агкан̣з. барин̣аамо наама ид̇ха барибаагод̇и ааха ‘‘барибажжанд̇ам̣ барибагган̃жаа’’д̇и. барибааго жа аасзваналаабхзна лад̣̇д̇хасаамад̇т̇ияасса гилзсз барижжаж̇ид̇ум̣ ниб̣б̣аанам̣ багканд̣̇ид̇ум̣ д̇игкависад̣̇абхааво. д̇знааха ‘‘аяа’’нд̇иаад̣̇и. зса наяод̇и явааяам̣ наяо ‘‘вивзганиссид̇а’’нд̇иаад̣̇инаа саммаад̣̇идтияам̣ вуд̇д̇о, сзсзсу саммаасан̇габбаад̣̇ийсуби зсзва наяо, звам̣ д̇ад̇т̇а нзд̇аб̣б̣анд̇и ад̇т̇о. бадижжаад̇и ниссааяа. ж̇аад̇исабхааваад̇и ж̇ааяанасабхааваа. сагалод̇и анавасзсо, саб̣б̣од̇и ад̇т̇о. на гожи маг̇г̇о саавасзсо худ̇ваа самбхавад̇и. хздтимз маг̇г̇з уббаннз убаримо уббанно зва наама ананд̇арааязна уббаж̇ж̇анад̇о. вавассаг̇г̇ад̇т̇зд̇и важасааяад̇т̇з. ван̣н̣аяанд̇ийд̇и г̇ун̣аван̣н̣анавасзна вид̇т̇аарзнд̇и.
Pubbe vossaggavacanasseva atthassa vuttattā āha ‘‘sakalena vacanenā’’ti. Pariṇamantaṃ vipassanākkhaṇe, pariṇataṃ maggakkhaṇe. Pariṇāmo nāma idha paripākoti āha ‘‘paripaccantaṃ paripakkañcā’’ti. Paripāko ca āsevanalābhena laddhasāmatthiyassa kilese pariccajituṃ nibbānaṃ pakkhandituṃ tikkhavisadabhāvo. Tenāha ‘‘aya’’ntiādi. Esa nayoti yvāyaṃ nayo ‘‘vivekanissita’’ntiādinā sammādiṭṭhiyaṃ vutto, sesesu sammāsaṅkappādīsupi eseva nayo, evaṃ tattha netabbanti attho. Paṭiccāti nissāya. Jātisabhāvāti jāyanasabhāvā. Sakaloti anavaseso, sabboti attho. Na koci maggo sāvaseso hutvā sambhavati. Heṭṭhime magge uppanne uparimo uppanno eva nāma anantarāyena uppajjanato. Vavassaggattheti vacasāyatthe. Vaṇṇayantīti guṇavaṇṇanavasena vitthārenti.
галяаан̣амид̇д̇асуд̇д̇аван̣н̣анаа нидтид̇аа.
Kalyāṇamittasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. галяаан̣амид̇д̇асуд̇д̇ам̣ • 8. Kalyāṇamittasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. галяаан̣амид̇д̇асуд̇д̇аван̣н̣анаа • 8. Kalyāṇamittasuttavaṇṇanā
