| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. галяаан̣амид̇д̇ад̇аад̣̇иваг̇г̇аван̣н̣анаа
8. Kalyāṇamittatādivaggavaṇṇanā
71. адтамасса батамз галяаан̣амид̇д̇ад̇аад̇и галяаан̣аа мид̇д̇аа ассаад̇и галяаан̣амид̇д̇о, д̇асса бхааво галяаан̣амид̇д̇ад̇аа. сзсам̣ вуд̇д̇абадибагканаязна взд̣̇ид̇аб̣б̣ам̣.
71. Aṭṭhamassa paṭhame kalyāṇamittatāti kalyāṇā mittā assāti kalyāṇamitto, tassa bhāvo kalyāṇamittatā. Sesaṃ vuttapaṭipakkhanayena veditabbaṃ.
72-73. д̣̇уд̇ияз ануяог̇од̇и яог̇о баяог̇о. анануяог̇од̇и аяог̇о аббаяог̇о. ануяог̇аад̇и ануяог̇зна. анануяог̇аад̇и анануяог̇зна. гусалаанам̣ д̇хаммаананд̇и жад̇убхуумагагусалад̇хаммаанам̣. д̇ад̇ияам̣ уд̇д̇аанад̇т̇амзва.
72-73. Dutiye anuyogoti yogo payogo. Ananuyogoti ayogo appayogo. Anuyogāti anuyogena. Ananuyogāti ananuyogena. Kusalānaṃ dhammānanti catubhūmakakusaladhammānaṃ. Tatiyaṃ uttānatthameva.
74. жад̇уд̇т̇з б̣ож̇жхан̇г̇аад̇и б̣уж̇жханагасад̇д̇асса ан̇г̇абхууд̇аа сад̇д̇а д̇хаммаа. яааяа ваа д̇хаммасаамаг̇г̇ияаа со б̣уж̇жхад̇и, саммоханид̣̇д̣̇аад̇о ваа вудтаад̇и, жад̇усажжад̇хаммам̣ ваа сажчигарод̇и. д̇ассаа б̣од̇хияаа ан̇г̇абхууд̇аад̇иби б̣ож̇жхан̇г̇аа. ‘‘б̣ож̇жхан̇г̇аад̇и гзнадтзна б̣ож̇жхан̇г̇аа? б̣уж̇жханд̇ийд̇и б̣ож̇жхан̇г̇аа, ануб̣уж̇жханд̇ийд̇и б̣ож̇жхан̇г̇аа, бадиб̣уж̇жханд̇ийд̇и б̣ож̇жхан̇г̇аа, самб̣уж̇жханд̇ийд̇и б̣ож̇жхан̇г̇аа, б̣од̇хааяа сам̣вад̇д̇анд̇ийд̇и б̣ож̇жхан̇г̇аа’’д̇и (бади. ма. 2.17). звам̣ банзд̇ам̣ бад̣̇ам̣ вибхад̇д̇амзва.
74. Catutthe bojjhaṅgāti bujjhanakasattassa aṅgabhūtā satta dhammā. Yāya vā dhammasāmaggiyā so bujjhati, sammohaniddāto vā vuṭṭhāti, catusaccadhammaṃ vā sacchikaroti. Tassā bodhiyā aṅgabhūtātipi bojjhaṅgā. ‘‘Bojjhaṅgāti kenaṭṭhena bojjhaṅgā? Bujjhantīti bojjhaṅgā, anubujjhantīti bojjhaṅgā, paṭibujjhantīti bojjhaṅgā, sambujjhantīti bojjhaṅgā, bodhāya saṃvattantīti bojjhaṅgā’’ti (paṭi. ma. 2.17). Evaṃ panetaṃ padaṃ vibhattameva.
75. бан̃жамз бхааванаабаарибуурим̣ г̇ажчанд̇ийд̇и иминаа бад̣̇зна б̣ож̇жхан̇г̇аанам̣ яаат̇аавасарасабхууми наама гат̇ид̇аа . саа банзсаа жад̇уб̣б̣ид̇хаа ход̇и – вибассанаа, вибассанаабаад̣̇агаж̇жхаанам̣, маг̇г̇о, паланд̇и. д̇ад̇т̇а вибассанааяа уббаж̇ж̇анагаалз б̣ож̇жхан̇г̇аа гаамааважараа хонд̇и, вибассанаабаад̣̇агаж̇жхаанамхи уббаж̇ж̇анагаалз руубааважарааруубааважараа, маг̇г̇апалзсу уббаж̇ж̇анагаалз логуд̇д̇араа. ид̇и имасмим̣ суд̇д̇з б̣ож̇жхан̇г̇аа жад̇убхуумагаа гат̇ид̇аа.
75. Pañcame bhāvanāpāripūriṃ gacchantīti iminā padena bojjhaṅgānaṃ yāthāvasarasabhūmi nāma kathitā . Sā panesā catubbidhā hoti – vipassanā, vipassanāpādakajjhānaṃ, maggo, phalanti. Tattha vipassanāya uppajjanakāle bojjhaṅgā kāmāvacarā honti, vipassanāpādakajjhānamhi uppajjanakāle rūpāvacaraarūpāvacarā, maggaphalesu uppajjanakāle lokuttarā. Iti imasmiṃ sutte bojjhaṅgā catubhūmakā kathitā.
76. чадтасса адтуббад̇д̇иго нигкзбо. адтуббад̇д̇ияам̣ хзд̇ам̣ нигкид̇д̇ам̣, самб̣ахулаа гира бхигкуу д̇хаммасабхааяам̣ саннисиннаа. д̇зсам̣ анд̇арз б̣анд̇хуламалласзнаабад̇им̣ аараб̣бха аяам̣ гат̇аа уд̣̇абаад̣̇и, ‘‘аавусо, асугам̣ наама гулам̣ буб̣б̣з б̣ахун̃аад̇игам̣ ахоси б̣ахубагкам̣, ид̣̇аани аббан̃аад̇игам̣ аббабагкам̣ ж̇аад̇а’’нд̇и. ат̇а бхаг̇аваа д̇зсам̣ жид̇д̇аажаарам̣ н̃ад̇ваа ‘‘маяи г̇ад̇з махад̇ий д̣̇зсанаа бхависсад̇ий’’д̇и н̃ад̇ваа г̇анд̇хагудид̇о нигкамма д̇хаммасабхааяам̣ бан̃н̃ад̇д̇авараб̣уд̣̇д̇хаасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и ааха. бхаг̇аваа ан̃н̃аа г̇ааманиг̇амаад̣̇игат̇аа над̇т̇и, асугам̣ наама гулам̣ буб̣б̣з б̣ахун̃аад̇игам̣ ахоси б̣ахубагкам̣, ид̣̇аани аббан̃аад̇игам̣ аббабагкам̣ ж̇аад̇анд̇и вад̣̇анд̇аа нисиннамхаад̇и. сад̇т̇аа имиссаа адтуббад̇д̇ияаа аббамад̇д̇игаа зсаа, бхигкавз, барихаанийд̇и ид̣̇ам̣ суд̇д̇ам̣ аарабхи.
76. Chaṭṭhassa aṭṭhuppattiko nikkhepo. Aṭṭhuppattiyaṃ hetaṃ nikkhittaṃ, sambahulā kira bhikkhū dhammasabhāyaṃ sannisinnā. Tesaṃ antare bandhulamallasenāpatiṃ ārabbha ayaṃ kathā udapādi, ‘‘āvuso, asukaṃ nāma kulaṃ pubbe bahuñātikaṃ ahosi bahupakkhaṃ, idāni appañātikaṃ appapakkhaṃ jāta’’nti. Atha bhagavā tesaṃ cittācāraṃ ñatvā ‘‘mayi gate mahatī desanā bhavissatī’’ti ñatvā gandhakuṭito nikkhamma dhammasabhāyaṃ paññattavarabuddhāsane nisīditvā ‘‘kāya nuttha, bhikkhave, etarahi kathāya sannisinnā’’ti āha. Bhagavā aññā gāmanigamādikathā natthi, asukaṃ nāma kulaṃ pubbe bahuñātikaṃ ahosi bahupakkhaṃ, idāni appañātikaṃ appapakkhaṃ jātanti vadantā nisinnamhāti. Satthā imissā aṭṭhuppattiyā appamattikā esā, bhikkhave, parihānīti idaṃ suttaṃ ārabhi.
д̇ад̇т̇а аббамад̇д̇игаад̇и барид̇д̇аа барид̇д̇аббамаан̣аа. зд̇ааяа хи барихаанияаа саг̇г̇ад̇о ваа маг̇г̇ад̇о ваа барихаани наама над̇т̇и, д̣̇идтад̇хаммигабарихаанимад̇д̇амзва зд̇анд̇и ааха. зд̇ам̣ бад̇игидтанд̇и зд̇ам̣ бажчимам̣ зд̇ам̣ лаамагам̣. яад̣̇ид̣̇ам̣ бан̃н̃аабарихаанийд̇и яаа зсаа мама саасанз гаммассагад̇абан̃н̃ааяа жхаанабан̃н̃ааяа вибассанаабан̃н̃ааяа маг̇г̇абан̃н̃ааяа палабан̃н̃ааяа жа барихаани, зсаа бажчимаа, зсаа лаамагаа, зсаа чад̣д̣анийяаад̇и ад̇т̇о.
Tattha appamattikāti parittā parittappamāṇā. Etāya hi parihāniyā saggato vā maggato vā parihāni nāma natthi, diṭṭhadhammikaparihānimattameva etanti āha. Etaṃ patikiṭṭhanti etaṃ pacchimaṃ etaṃ lāmakaṃ. Yadidaṃ paññāparihānīti yā esā mama sāsane kammassakatapaññāya jhānapaññāya vipassanāpaññāya maggapaññāya phalapaññāya ca parihāni, esā pacchimā, esā lāmakā, esā chaḍḍanīyāti attho.
77. сад̇д̇амамби адтуббад̇д̇ияамзва гат̇ид̇ам̣. д̇хаммасабхааяам̣ гира нисиннзсу бхигкуусу згажжз звам̣ аахам̣су – ‘‘асугам̣ наама гулам̣ буб̣б̣з аббан̃аад̇игам̣ аббабагкам̣ ахоси, ид̣̇аани д̇ам̣ б̣ахун̃аад̇игам̣ б̣ахубагкам̣ ж̇аад̇а’’нд̇и. гам̣ санд̇хааяа звамаахам̣сууд̇и? висаакам̣ убаасигам̣ взсаалигз жа лижчавий. сад̇т̇аа д̇зсам̣ жид̇д̇аажаарам̣ н̃ад̇ваа буриманаязнзва ааг̇анд̇ваа д̇хаммаасанз нисинно ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. д̇з яат̇аабхууд̇ам̣ гат̇аяим̣су. сад̇т̇аа имиссаа адтуббад̇д̇ияаа имам̣ суд̇д̇ам̣ аарабхи. д̇ад̇т̇а аббамад̇д̇игаад̇и д̇ам̣ самбад̇д̇им̣ ниссааяа саг̇г̇ам̣ ваа маг̇г̇ам̣ ваа самбад̇д̇аанам̣ абхаавад̇о барид̇д̇аа. яад̣̇ид̣̇ам̣ бан̃н̃аавуд̣̇д̇хийд̇и гаммассагад̇абан̃н̃аад̣̇ийнам̣ вуд̣̇д̇хи. д̇асмаад̇и яасмаа н̃аад̇ийнам̣ вуд̣̇д̇хи наама д̣̇идтад̇хаммигамад̇д̇аа аббаа барид̇д̇аа, саа саг̇г̇ам̣ ваа маг̇г̇ам̣ ваа баабзд̇ум̣ асамад̇т̇аа, д̇асмаа. бан̃н̃аавуд̣̇д̇хияаад̇и гаммассагад̇аад̣̇ибан̃н̃ааяа вуд̣̇д̇хияаа.
77. Sattamampi aṭṭhuppattiyameva kathitaṃ. Dhammasabhāyaṃ kira nisinnesu bhikkhūsu ekacce evaṃ āhaṃsu – ‘‘asukaṃ nāma kulaṃ pubbe appañātikaṃ appapakkhaṃ ahosi, idāni taṃ bahuñātikaṃ bahupakkhaṃ jāta’’nti. Kaṃ sandhāya evamāhaṃsūti? Visākhaṃ upāsikaṃ vesālike ca licchavī. Satthā tesaṃ cittācāraṃ ñatvā purimanayeneva āgantvā dhammāsane nisinno ‘‘kāya nuttha, bhikkhave, etarahi kathāya sannisinnā’’ti pucchi. Te yathābhūtaṃ kathayiṃsu. Satthā imissā aṭṭhuppattiyā imaṃ suttaṃ ārabhi. Tattha appamattikāti taṃ sampattiṃ nissāya saggaṃ vā maggaṃ vā sampattānaṃ abhāvato parittā. Yadidaṃ paññāvuddhīti kammassakatapaññādīnaṃ vuddhi. Tasmāti yasmā ñātīnaṃ vuddhi nāma diṭṭhadhammikamattā appā parittā, sā saggaṃ vā maggaṃ vā pāpetuṃ asamatthā, tasmā. Paññāvuddhiyāti kammassakatādipaññāya vuddhiyā.
78. адтамамби адтуббад̇д̇ияамзва гат̇ид̇ам̣. самб̣ахулаа гира бхигкуу д̇хаммасабхааяам̣ саннисиннаа махаад̇ханасздтибуд̇д̇ам̣ аараб̣бха ‘‘асугам̣ наама гулам̣ буб̣б̣з махаабхог̇ам̣ махаахиран̃н̃асуван̣н̣ам̣ ахоси, д̇ам̣ ид̣̇аани аббабхог̇ам̣ ж̇аад̇а’’нд̇и гат̇аяим̣су. сад̇т̇аа буриманаязнзва ааг̇анд̇ваа д̇зсам̣ важанам̣ суд̇ваа имам̣ суд̇д̇ам̣ аарабхи.
78. Aṭṭhamampi aṭṭhuppattiyameva kathitaṃ. Sambahulā kira bhikkhū dhammasabhāyaṃ sannisinnā mahādhanaseṭṭhiputtaṃ ārabbha ‘‘asukaṃ nāma kulaṃ pubbe mahābhogaṃ mahāhiraññasuvaṇṇaṃ ahosi, taṃ idāni appabhogaṃ jāta’’nti kathayiṃsu. Satthā purimanayeneva āgantvā tesaṃ vacanaṃ sutvā imaṃ suttaṃ ārabhi.
79. навамамби адтуббад̇д̇ияамзва вуд̇д̇ам̣. д̇хаммасабхааяам̣ гира саннисиннаа бхигкуу гаагавалияасздтин̃жа бун̣н̣асздтин̃жа аараб̣бха ‘‘асугам̣ наама гулам̣ буб̣б̣з аббабхог̇ам̣ ахоси, д̇ам̣ ид̣̇аани махаабхог̇ам̣ ж̇аад̇а’’нд̇и гат̇аяим̣су. сад̇т̇аа буриманаязнзва ааг̇анд̇ваа д̇зсам̣ важанам̣ суд̇ваа имам̣ суд̇д̇ам̣ аарабхи. сзсам̣ имзсу д̣̇вийсуби хздтаа вуд̇д̇анаязнзва взд̣̇ид̇аб̣б̣ам̣.
79. Navamampi aṭṭhuppattiyameva vuttaṃ. Dhammasabhāyaṃ kira sannisinnā bhikkhū kākavaliyaseṭṭhiñca puṇṇaseṭṭhiñca ārabbha ‘‘asukaṃ nāma kulaṃ pubbe appabhogaṃ ahosi, taṃ idāni mahābhogaṃ jāta’’nti kathayiṃsu. Satthā purimanayeneva āgantvā tesaṃ vacanaṃ sutvā imaṃ suttaṃ ārabhi. Sesaṃ imesu dvīsupi heṭṭhā vuttanayeneva veditabbaṃ.
80. д̣̇асамамби адтуббад̇д̇ияам̣ вуд̇д̇ам̣. д̇хаммасабхааяам̣ гира бхигкуу госаламахаарааж̇аанам̣ аараб̣бха ‘‘асугам̣ наама гулам̣ буб̣б̣з махааяасам̣ махаабариваарам̣ ахоси, ид̣̇аани аббаяасам̣ аббабариваарам̣ ж̇аад̇а’’нд̇и гат̇аяим̣су. бхаг̇аваа буриманаязнзва ааг̇анд̇ваа д̇зсам̣ важанам̣ суд̇ваа имам̣ д̇хаммад̣̇зсанам̣ аарабхи. сзсам̣ вуд̇д̇анаязнзва взд̣̇ид̇аб̣б̣анд̇и.
80. Dasamampi aṭṭhuppattiyaṃ vuttaṃ. Dhammasabhāyaṃ kira bhikkhū kosalamahārājānaṃ ārabbha ‘‘asukaṃ nāma kulaṃ pubbe mahāyasaṃ mahāparivāraṃ ahosi, idāni appayasaṃ appaparivāraṃ jāta’’nti kathayiṃsu. Bhagavā purimanayeneva āgantvā tesaṃ vacanaṃ sutvā imaṃ dhammadesanaṃ ārabhi. Sesaṃ vuttanayeneva veditabbanti.
галяаан̣амид̇д̇ад̇аад̣̇иваг̇г̇аван̣н̣анаа.
Kalyāṇamittatādivaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. галяаан̣амид̇д̇аад̣̇иваг̇г̇о • 8. Kalyāṇamittādivaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. галяаан̣амид̇д̇аад̣̇иваг̇г̇аван̣н̣анаа • 8. Kalyāṇamittādivaggavaṇṇanā
