| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
(१०) ५. उपालिवग्गो
(10) 5. Upālivaggo
१-२. कामभोगीसुत्तादिवण्णना
1-2. Kāmabhogīsuttādivaṇṇanā
९१-९२. पञ्चमस्स पठमे साहसेनाति साहसियकम्मेन। दुतिये भयानीति चित्तुत्रासभयानि। वेरानीति अकुसलवेरपुग्गलवेरानि। अरियो चस्स ञायोति सह विपस्सनाय मग्गो। इति इमस्मिं सति इदं होतीति एवं इमस्मिं अविज्जादिके कारणे सति इदं सङ्खारादिकं फलं होति। इमस्सुप्पादा इदं उप्पज्जतीति यो यस्स सहजातपच्चयो होति, तस्स उप्पादा इतरं उप्पज्जति नाम। इमस्मिं असतीति अविज्जादिके कारणे असति सङ्खारादिकं फलं न होति। इमस्स निरोधाति कारणस्स अप्पवत्तिया फलस्स अप्पवत्ति होति।
91-92. Pañcamassa paṭhame sāhasenāti sāhasiyakammena. Dutiye bhayānīti cittutrāsabhayāni. Verānīti akusalaverapuggalaverāni. Ariyo cassa ñāyoti saha vipassanāya maggo. Iti imasmiṃ sati idaṃ hotīti evaṃ imasmiṃ avijjādike kāraṇe sati idaṃ saṅkhārādikaṃ phalaṃ hoti. Imassuppādā idaṃ uppajjatīti yo yassa sahajātapaccayo hoti, tassa uppādā itaraṃ uppajjati nāma. Imasmiṃ asatīti avijjādike kāraṇe asati saṅkhārādikaṃ phalaṃ na hoti. Imassanirodhāti kāraṇassa appavattiyā phalassa appavatti hoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. कामभोगीसुत्तं • 1. Kāmabhogīsuttaṃ
२. भयसुत्तं • 2. Bhayasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-४. कामभोगीसुत्तादिवण्णना • 1-4. Kāmabhogīsuttādivaṇṇanā
